ǃNonaǁî ǂkhanis
Elob di ǂhanu-aisib
Asafi Psalms
1 Amaseb ge Eloba Israeli ǂama a ǃgâi
ǁnān ǃanu ǂgaoga ūhân ǃoagu.
2 Xawe tita xasa, ti ǂaira ge ge ǃnôa ǁga;
ti dāǃharodi ge ge dāsā ǁga.
3 Koasen rana ta ge gere suri;
ǂkhaba khoen di aiǃgûsa ta ge mûo.
4 ǃGae-ūdan ǁîn ǁōb ǃnâ ǀkhai
tsîb ge ǃnāb âna a kausa.
5 Khoesib ra tsâ ǃgomman ūhâ tama;
nau khoen ra tsâ khamin tsâ tama.
6 ǁNā-amagab ge ǂnīsasiba ǁîna ǁgāxū-i ase ība;
ǂkhabadīb ge ǁîna anaǂamsarab ase ība.
7 ǁÎn mûdi ge kaub xa ra ǂoaxa;
ǂgaogu ân ge mûnanaib xa ra ǃnāhe.
8 ǁÎn ge ǃhō tsî ǂkhabase ra ǃhoa;
ǀgapiǂâixasib ǀkhan ǀgâiǀāba ra ǃhoa.
9 Ams ânan ge ǀhommi ǃnâ ra ǂnûi
tsî nams ân ge ǃhūbaib ai ra ǃgûma.
10 ǁNā-amagan ge ǁîb khoena ra oahā;
ǀoasasen ǁgam-e ra ā ǃkhaibǀî.
11 “Mâtib Eloba nî ǂan?” tsî
“Hoan xa ǀGapib tawa ǂansa hâs a?” tin ge ra mî.
12 Nētin ge eloxoresa khoena ī,
hoaǁae sâsase hâ tsî ra ǃkhūsib ǃnâ ǀarosen.
13 Amase ta ge ǁause ti ǂgaoba ǃanuse ge ūhâ
tsî ti ǃomkha ǀhapiosib ǃnâ ge ǁā.
14 Tsēs hoasa ta kom ra tsâ kaiheo,
tsî ǁgoas hoasa ra ǁkharaheo.
15 Tita ga “Nē ǀgaus ai ta ge nî ǃhoa” ti mî hâo;
o ta ge gāxaǃnâse sa ôan di surib ǃoagu ga ī hâ.
16 Tsî nēsa ǁnâuǃās xa ta gere ǂâi
os ge nēsa kaise ǃgom ǁgui-ais ase ge ība te i.
17 Elob Tempeli ǃnâ ta ge ǂgâ
tsî ǁîn di ǀamsa mûs kōse.
18 Amasets ge satsa ǁîna ǂkhanu ǃkhaib ai ra ǃgû kai
ǁînats ge hîkākās ǃoa ra ǁnā kai.
19 ǁÎn ge ǁnātimîsi ra hîkākāhe
tsîn ge ǃhaese ǃaorosa ǀgaub ai ra ǀamǂoa.
20 ǃKhūtse, ǁhapos hîa khoe-i ga ǂkhai o ra bēs
khamin ge ǂkhain kao, īb âna nî ǃharaxū.
21 Ti ǂgaob ge au-ausen
tsî ta ge ǃnaira ǃnâ ǃkhāhe,
22 o ta ge ǁnâuǃāoǃnâ tsî xū-e ge ǀū i
sa tawa ta ge ǀguru-i ase ī i.
23 Tita ge hugaǀgui sats ǀkha nî hâ
sats ge amǀkhāb ǃommi ai ǃkhō te hâ.
24 Sa gā-ai ǀapemādi ǀkhats ge ra ǂgaeǂgui te,
ǁnās khaoǃgâts ge ǃgôasib ǀkha nî ǃkhōǃoa te.
25 Tari-e ta tita ǀhommi ǃnâ ūhâ, sats ǀguits ose?
ǃHūbaib ai ta kom sats ǀguits ose xū-e ūhâ tamao.
26 Ti soros tsî ǂgaob ga ǀams ǃoa sī
xaweb ge Eloba a ti ǂgaob di ǃgareǀui tsî amǃnâ, ǀamos kōse.
27 Mû, ǁnān satsa xu ǃnūn ge nî kāǁō;
tsîts ge ǁnān ǀai-aon khami ra tanisenna nî hîkākā.
28 Xawe tita xasa, ǃgâiba te a Elob ǀgūse hâsa.
Tita ge ǃKhūb Eloba ti ǁhaiǁhâǃkhaise ge dī,
ǁîb dīgu hoaga ta nî ǂhôase.
ǃNonaǁî ǂkhanis
Elob di ǂhanu-aisib
Asafi Psalms
1 Amaseb ge Eloba Israeli ǂama a ǃgâi
ǁnān ǃanu ǂgaoga ūhân ǃoagu.
2 Xawe tita xasa, ti ǂaira ge ge ǃnôa ǁga;
ti dāǃharodi ge ge dāsā ǁga.
3 Koasen rana ta ge gere suri;
ǂkhaba khoen di aiǃgûsa ta ge mûo.
4 ǃGae-ūdan ǁîn ǁōb ǃnâ ǀkhai
tsîb ge ǃnāb âna a kausa.
5 Khoesib ra tsâ ǃgomman ūhâ tama;
nau khoen ra tsâ khamin tsâ tama.
6 ǁNā-amagab ge ǂnīsasiba ǁîna ǁgāxū-i ase ība;
ǂkhabadīb ge ǁîna anaǂamsarab ase ība.
7 ǁÎn mûdi ge kaub xa ra ǂoaxa;
ǂgaogu ân ge mûnanaib xa ra ǃnāhe.
8 ǁÎn ge ǃhō tsî ǂkhabase ra ǃhoa;
ǀgapiǂâixasib ǀkhan ǀgâiǀāba ra ǃhoa.
9 Ams ânan ge ǀhommi ǃnâ ra ǂnûi
tsî nams ân ge ǃhūbaib ai ra ǃgûma.
10 ǁNā-amagan ge ǁîb khoena ra oahā;
ǀoasasen ǁgam-e ra ā ǃkhaibǀî.
11 “Mâtib Eloba nî ǂan?” tsî
“Hoan xa ǀGapib tawa ǂansa hâs a?” tin ge ra mî.
12 Nētin ge eloxoresa khoena ī,
hoaǁae sâsase hâ tsî ra ǃkhūsib ǃnâ ǀarosen.
13 Amase ta ge ǁause ti ǂgaoba ǃanuse ge ūhâ
tsî ti ǃomkha ǀhapiosib ǃnâ ge ǁā.
14 Tsēs hoasa ta kom ra tsâ kaiheo,
tsî ǁgoas hoasa ra ǁkharaheo.
15 Tita ga “Nē ǀgaus ai ta ge nî ǃhoa” ti mî hâo;
o ta ge gāxaǃnâse sa ôan di surib ǃoagu ga ī hâ.
16 Tsî nēsa ǁnâuǃās xa ta gere ǂâi
os ge nēsa kaise ǃgom ǁgui-ais ase ge ība te i.
17 Elob Tempeli ǃnâ ta ge ǂgâ
tsî ǁîn di ǀamsa mûs kōse.
18 Amasets ge satsa ǁîna ǂkhanu ǃkhaib ai ra ǃgû kai
ǁînats ge hîkākās ǃoa ra ǁnā kai.
19 ǁÎn ge ǁnātimîsi ra hîkākāhe
tsîn ge ǃhaese ǃaorosa ǀgaub ai ra ǀamǂoa.
20 ǃKhūtse, ǁhapos hîa khoe-i ga ǂkhai o ra bēs
khamin ge ǂkhain kao, īb âna nî ǃharaxū.
21 Ti ǂgaob ge au-ausen
tsî ta ge ǃnaira ǃnâ ǃkhāhe,
22 o ta ge ǁnâuǃāoǃnâ tsî xū-e ge ǀū i
sa tawa ta ge ǀguru-i ase ī i.
23 Tita ge hugaǀgui sats ǀkha nî hâ
sats ge amǀkhāb ǃommi ai ǃkhō te hâ.
24 Sa gā-ai ǀapemādi ǀkhats ge ra ǂgaeǂgui te,
ǁnās khaoǃgâts ge ǃgôasib ǀkha nî ǃkhōǃoa te.
25 Tari-e ta tita ǀhommi ǃnâ ūhâ, sats ǀguits ose?
ǃHūbaib ai ta kom sats ǀguits ose xū-e ūhâ tamao.
26 Ti soros tsî ǂgaob ga ǀams ǃoa sī
xaweb ge Eloba a ti ǂgaob di ǃgareǀui tsî amǃnâ, ǀamos kōse.
27 Mû, ǁnān satsa xu ǃnūn ge nî kāǁō;
tsîts ge ǁnān ǀai-aon khami ra tanisenna nî hîkākā.
28 Xawe tita xasa, ǃgâiba te a Elob ǀgūse hâsa.
Tita ge ǃKhūb Eloba ti ǁhaiǁhâǃkhaise ge dī,
ǁîb dīgu hoaga ta nî ǂhôase.
