ǃNorasasib ǃaroma hâ ǀgores
ǁNaeǃnans ǂgaeǂgui-aob ǃoa Altasets ǃoa
Davidi ǀgaipetsanas Sauli ge ǃkhē-aoga sî, ǁîb omsa ǃkhē tsî gu nî ǃgam bise ǁaeb ǃnâ
1 Ti Elotse khākhoena xu ore te re,
ǁnān tita ǃoagu ra khâina xu sâu te re.
2 ǁNān hîa ra ǂkhabadīna xu
tsî ǃgamaona xu ǃnoraǃnora te re.
3 ǁÎn ge ti ûiba ǃâuǁgoe
tsî tita ai ra ǀhaoǀhaosen.
Ti ǁoreb tsî ti ǃûǂams ǃaroma tamas ge ǃKhūtse.
4 Tsūdī tama ta hâ,
xawen tita ǁnāǂams ǃaroma ǂhomisa;
khâi re, huib ǀkha ǃnâǃkhoe, î mû te re!
5 Sats ǃKhūts, Elots ǂnubidi dits, Israeli Elotsa!
ǂKhai re hoa ǁaede nî ǁkharase.
Tā ǁnān hîa ǀhôagaose ra sîsenn di ǀgui-i xawe-e sa ǀkhomxaǂgaosiba ǁgau.
6 Tsuxuban ge ra oahā,
ari-i khami ra ǁgâse
tsî ǃāsa ra ǃgûǃnâma.
7 ǁÎn amde xun ge gôaga ra ǂara,
amǁgaugu âna xun
“Tari-e ǁîde nî ǁnâu?” ti ra mî.
8 Xawe ǃKhūtse sats ge ǁîna ra âiǂui;
hoa ǁaedets ge ra ǃhō.
9 Sats ge a ti ǀgai;
satsa ta ge nî ǃâu ti Elotse.
10 Elob ge hâhâ ra ǀnammi âb ǀkha tita ǀkha ǀhao,
tsîb ti khākhoena ta nî dan ǃkhais ǃoa nî hui te.
11 Tā ǁîna ǃgam, tamas ka ion ge ti khoena nî ǀuru.
An sa ǀgaib ai ǁhapuma,
î ǁîna ǁgôaxa-ū re, ǃKhūtse, sida ǁkhaukhōtse.
12 ǁÎn ams di ǁoreb tsî amǁgaugu ân di mîdi ǃaroma,
în ǁîn ǂnīǂnīsens ǃnâ ǃkhōhe,
ǀâxareb tsî ǂhumib ǁîkhan ra ǃhoakha xu.
13 ǁAib ǃnâ ǀamǀam în ǃaruǀî ǀkhai
în khoena Elob ra Jakob ǂama
ǃhūbaib di ǀams kōse gaosîsen ǃkhaisa ǂan.
14 Tsuxuban ge ra oahā
tsî ari-i khami ǁhū rase ǃāsa ǃgûǃnâma.
15 ǂÛn ǃaroma ǃgûma
tsîn ge ra ǁhū, ǁâ taman hâ amaga.
16 Xawe ta ge tita sa ǀgaib xa nî ǁnae;
ǁGoaga ta ge ra dâǁnae ǂgao, sa hâhâ ra ǀnammi xa,
gauǃkhaisets ge tita ība,
ǁhaiǁhâǃkhaise, ǂōǂōsib di tsēs ai xui-ao.
17 Sats ti ǀgaitsa ta ge nî koaǁnaeba
Elob ge a ti ǁhaiǁhâǃkhai,
hâhâ ra ǀnamma tita ra ǁgau Eloba.
ǃNorasasib ǃaroma hâ ǀgores
ǁNaeǃnans ǂgaeǂgui-aob ǃoa Altasets ǃoa
Davidi ǀgaipetsanas Sauli ge ǃkhē-aoga sî, ǁîb omsa ǃkhē tsî gu nî ǃgam bise ǁaeb ǃnâ
1 Ti Elotse khākhoena xu ore te re,
ǁnān tita ǃoagu ra khâina xu sâu te re.
2 ǁNān hîa ra ǂkhabadīna xu
tsî ǃgamaona xu ǃnoraǃnora te re.
3 ǁÎn ge ti ûiba ǃâuǁgoe
tsî tita ai ra ǀhaoǀhaosen.
Ti ǁoreb tsî ti ǃûǂams ǃaroma tamas ge ǃKhūtse.
4 Tsūdī tama ta hâ,
xawen tita ǁnāǂams ǃaroma ǂhomisa;
khâi re, huib ǀkha ǃnâǃkhoe, î mû te re!
5 Sats ǃKhūts, Elots ǂnubidi dits, Israeli Elotsa!
ǂKhai re hoa ǁaede nî ǁkharase.
Tā ǁnān hîa ǀhôagaose ra sîsenn di ǀgui-i xawe-e sa ǀkhomxaǂgaosiba ǁgau.
6 Tsuxuban ge ra oahā,
ari-i khami ra ǁgâse
tsî ǃāsa ra ǃgûǃnâma.
7 ǁÎn amde xun ge gôaga ra ǂara,
amǁgaugu âna xun
“Tari-e ǁîde nî ǁnâu?” ti ra mî.
8 Xawe ǃKhūtse sats ge ǁîna ra âiǂui;
hoa ǁaedets ge ra ǃhō.
9 Sats ge a ti ǀgai;
satsa ta ge nî ǃâu ti Elotse.
10 Elob ge hâhâ ra ǀnammi âb ǀkha tita ǀkha ǀhao,
tsîb ti khākhoena ta nî dan ǃkhais ǃoa nî hui te.
11 Tā ǁîna ǃgam, tamas ka ion ge ti khoena nî ǀuru.
An sa ǀgaib ai ǁhapuma,
î ǁîna ǁgôaxa-ū re, ǃKhūtse, sida ǁkhaukhōtse.
12 ǁÎn ams di ǁoreb tsî amǁgaugu ân di mîdi ǃaroma,
în ǁîn ǂnīǂnīsens ǃnâ ǃkhōhe,
ǀâxareb tsî ǂhumib ǁîkhan ra ǃhoakha xu.
13 ǁAib ǃnâ ǀamǀam în ǃaruǀî ǀkhai
în khoena Elob ra Jakob ǂama
ǃhūbaib di ǀams kōse gaosîsen ǃkhaisa ǂan.
14 Tsuxuban ge ra oahā
tsî ari-i khami ǁhū rase ǃāsa ǃgûǃnâma.
15 ǂÛn ǃaroma ǃgûma
tsîn ge ra ǁhū, ǁâ taman hâ amaga.
16 Xawe ta ge tita sa ǀgaib xa nî ǁnae;
ǁGoaga ta ge ra dâǁnae ǂgao, sa hâhâ ra ǀnammi xa,
gauǃkhaisets ge tita ība,
ǁhaiǁhâǃkhaise, ǂōǂōsib di tsēs ai xui-ao.
17 Sats ti ǀgaitsa ta ge nî koaǁnaeba
Elob ge a ti ǁhaiǁhâǃkhai,
hâhâ ra ǀnamma tita ra ǁgau Eloba.
