ǂKhaba khoen ǁkharahes ǃaroma hâ ǀgores
ǁNaeǃnans ǂgaeǂgui-aob ǃoa Altasets ǃoa
Davidi ǀgaipetsanas
1 Sadu ǀgaiba ūhâdo,
amabes ǃnâ du ǂhanu-aisiba ra ǃhoa?
ǂHanu-aise du xare ra ǀgoraǃgâ?
2 ǂGaogu âdu tsîn ǃnâ du ge ǂhanuoǃnâsiba ra sîsen
tsî ǃhūb ǃnâ du ge sadu ǃomgu ǀkha ǂkhababa ra ǀgoraǂui.
3 ǃNaesa xun ge ǂkhaba khoena ǀkhara daoba ra ǃgû,
ǁgûs di ǃnāba xun ge ǂhumi-aona ra ǁhapuma.
4 ǃGāb ân ge ǀao-i dib khami ī;
ǁîn ge ǂganaǂgae hâ ǃgai-i,
ǂgaera â-e ra ǂganam-i,
5 ǃgaidī-aob di domma
mâtikōseb ga ǀhôagao,
xawe ǁnâu tama-i khami ī.
6 Elotse, ǁîn amǃnâ hâ ǁgûga khôa re;
ǃKhūtse, ǂkham xamn di ǁgûga khôa re.
7 An ǁgam-i khami dâubē re,
an ǁîǁhain, daob ǃnâ hân khami dāǂkhūǂkhūhe.
8 ǁKhâxaes khami i ge nî tsunibē,
ǁaeb aiǃâ ǃnae hâ ǀgôa-i, noxopa soresa mû tama-i khami.
9 ǁKhūhais ǀgamma di nî hōǃâs aiǃâ di ge sadu sūde,
ǂhubin ga hâs, oran kas hoasa nî dībēhe.
10 ǂHanu-ain ge ǀkhaoban ga mû, o nî ǃgâiaǂgao;
ǁîn ǂaiden ge ǂkhabadī-aon di ǀaob ǃnâ nî ǁā.
11 Tsîn ge nî mî: “Amaseb ge ǂhanu-aiba mādawa-amsa go hō;
Amaseb ge Elob, ǃhūbaib ai ra ǀgoraǃgâba hâ.”
ǂKhaba khoen ǁkharahes ǃaroma hâ ǀgores
ǁNaeǃnans ǂgaeǂgui-aob ǃoa Altasets ǃoa
Davidi ǀgaipetsanas
1 Sadu ǀgaiba ūhâdo,
amabes ǃnâ du ǂhanu-aisiba ra ǃhoa?
ǂHanu-aise du xare ra ǀgoraǃgâ?
2 ǂGaogu âdu tsîn ǃnâ du ge ǂhanuoǃnâsiba ra sîsen
tsî ǃhūb ǃnâ du ge sadu ǃomgu ǀkha ǂkhababa ra ǀgoraǂui.
3 ǃNaesa xun ge ǂkhaba khoena ǀkhara daoba ra ǃgû,
ǁgûs di ǃnāba xun ge ǂhumi-aona ra ǁhapuma.
4 ǃGāb ân ge ǀao-i dib khami ī;
ǁîn ge ǂganaǂgae hâ ǃgai-i,
ǂgaera â-e ra ǂganam-i,
5 ǃgaidī-aob di domma
mâtikōseb ga ǀhôagao,
xawe ǁnâu tama-i khami ī.
6 Elotse, ǁîn amǃnâ hâ ǁgûga khôa re;
ǃKhūtse, ǂkham xamn di ǁgûga khôa re.
7 An ǁgam-i khami dâubē re,
an ǁîǁhain, daob ǃnâ hân khami dāǂkhūǂkhūhe.
8 ǁKhâxaes khami i ge nî tsunibē,
ǁaeb aiǃâ ǃnae hâ ǀgôa-i, noxopa soresa mû tama-i khami.
9 ǁKhūhais ǀgamma di nî hōǃâs aiǃâ di ge sadu sūde,
ǂhubin ga hâs, oran kas hoasa nî dībēhe.
10 ǂHanu-ain ge ǀkhaoban ga mû, o nî ǃgâiaǂgao;
ǁîn ǂaiden ge ǂkhabadī-aon di ǀaob ǃnâ nî ǁā.
11 Tsîn ge nî mî: “Amaseb ge ǂhanu-aiba mādawa-amsa go hō;
Amaseb ge Elob, ǃhūbaib ai ra ǀgoraǃgâba hâ.”
