Tsâ ra khoe-i di ǁguiǁnâs
Davidi Psalms, ǂâiǂâisens ǁguibas ǃaroma
1 ǃKhūtse tā sa ǁaib ǃnâ ǁkhara te
tsî ǁaixasib ats ǃnâ tā ǁkhara te re.
2 Sa ǁhâigôagu tita ǃnâ ǂgâ hâ
tsîb ǃommi âtsa tita ai go hā xuige.
3 ǂUru ǃkhai-i xare-i ge ti soros ǃnâ a ǀkhai
sa ǁaib xa ǃaromahe hâse i ge ǂurusi-e ti ǂkhōgu ǃnâ ǀkhai.
4 ǂHanuoǃnâsib ge ti danasa go ǃnā
tsî kaise ǃgom ǃnaob khami a ǃgomba te.
5 Ti ǀhapidi ge ǁgao tsî ra ǀō ti gâresib xa.
6 Tita ge ǃhoa, ǃgamǃgâ tsî îbe ais ǂama ǁgoe
tsî ta ge hoa tsēsa ǃoab ǀkha ra ǃgûma.
7 Ti kamanab ge a ǀgamsa,
tsî i ge ǂurusi-e soros âtas ǃnâ ǀkhai.
8 ǂKhabu tsî ta ge kaise ǂkhū hâ,
ti ǂgaob hâǃnâ ǃgommi xa ta ge ra ǃgae.
9 ǃKhūtse sa aiǃâb ge ti hoaraga turaba hâ
tsîs ge ti ǀhâisa gaugausa tama hâ satsa xu.
10 Ti ǂgaob ge ǀgaisase ra ǃgubu tsîb ge ǀgaiba go ǁnāxū te;
tsîb ge ti mûdi ǃnâb tsîna tita ǀkha hâ tama hâ.
11 Ti tsûtsû-aidi xa ǃaromahe hâsen ge ti ǀhōsan;
tsî khoexakhoena tita xu ǃnūse ra mâ,
ti ǀgūǀaokhoen tsîn ge tita xu a ǃnū.
12 Tsîn ge ǁnān ti ûiba ra ôana ǁnoade ra ǁgui.
ǁNān ti tsûba ra ôan ge hîkākās xa ǃhoa
tsî ǀhôagao xūna hoa tsēsa ra ǂâiǂâisen.
13 Xawe ta ge tita ǂganaǂgae hâ khoeb ase ī tsî ǁnâu tama hâ;
ǃgomeb ase, tsî amsa khowa tama hâ.
14 Khoeb ǁnâu tamab,
ǂnoagu-i ǁîb amsa xu ǂoaxa tamab khami ta ge ge ī.
15 Sats ǃKhūtsa ta ge ge ǃâu
sats ge nî ǁnâu-am te, ti ǃKhū tsî Elotse.
16 Tita ge “An ǁîna tā tita ǂama ǃgâiaǂgao
tsî tā tita ga ǃnôao âi” ti ra ǀgore.
17 ǃNôas ǃaroma ta ge a ǂhomisa
tsîb ge ti tsûba hoaǁae ti aiǃâ hâ.
18 Ti ǃûǂamde ta ge ra ǁguiǁnâ;
ti ǁoren ǂama ta ge ra ǃhausen.
19 Ti khākhoen ge ûitsama tsî a ǀgaisa;
tsî ǂguin ge a ǁnān ǃaromaoǃnâse tita ǃhuisana.
20 ǁNān hîa ǂkhabab ǀkha ǃgâiba ra mādawa-amn ge
ǂhanuse dīsa ta ra dītsâ xui-ao ti ǃoagu hâ.
21 ǃKhūtse tā ǁnāxū te re,
tā tita xu ǃnū re, ti Elotse.
22 ǃHaese hā, î hui te re
ti ǃKhū tsî Ore-aotse.
Tsâ ra khoe-i di ǁguiǁnâs
Davidi Psalms, ǂâiǂâisens ǁguibas ǃaroma
1 ǃKhūtse tā sa ǁaib ǃnâ ǁkhara te
tsî ǁaixasib ats ǃnâ tā ǁkhara te re.
2 Sa ǁhâigôagu tita ǃnâ ǂgâ hâ
tsîb ǃommi âtsa tita ai go hā xuige.
3 ǂUru ǃkhai-i xare-i ge ti soros ǃnâ a ǀkhai
sa ǁaib xa ǃaromahe hâse i ge ǂurusi-e ti ǂkhōgu ǃnâ ǀkhai.
4 ǂHanuoǃnâsib ge ti danasa go ǃnā
tsî kaise ǃgom ǃnaob khami a ǃgomba te.
5 Ti ǀhapidi ge ǁgao tsî ra ǀō ti gâresib xa.
6 Tita ge ǃhoa, ǃgamǃgâ tsî îbe ais ǂama ǁgoe
tsî ta ge hoa tsēsa ǃoab ǀkha ra ǃgûma.
7 Ti kamanab ge a ǀgamsa,
tsî i ge ǂurusi-e soros âtas ǃnâ ǀkhai.
8 ǂKhabu tsî ta ge kaise ǂkhū hâ,
ti ǂgaob hâǃnâ ǃgommi xa ta ge ra ǃgae.
9 ǃKhūtse sa aiǃâb ge ti hoaraga turaba hâ
tsîs ge ti ǀhâisa gaugausa tama hâ satsa xu.
10 Ti ǂgaob ge ǀgaisase ra ǃgubu tsîb ge ǀgaiba go ǁnāxū te;
tsîb ge ti mûdi ǃnâb tsîna tita ǀkha hâ tama hâ.
11 Ti tsûtsû-aidi xa ǃaromahe hâsen ge ti ǀhōsan;
tsî khoexakhoena tita xu ǃnūse ra mâ,
ti ǀgūǀaokhoen tsîn ge tita xu a ǃnū.
12 Tsîn ge ǁnān ti ûiba ra ôana ǁnoade ra ǁgui.
ǁNān ti tsûba ra ôan ge hîkākās xa ǃhoa
tsî ǀhôagao xūna hoa tsēsa ra ǂâiǂâisen.
13 Xawe ta ge tita ǂganaǂgae hâ khoeb ase ī tsî ǁnâu tama hâ;
ǃgomeb ase, tsî amsa khowa tama hâ.
14 Khoeb ǁnâu tamab,
ǂnoagu-i ǁîb amsa xu ǂoaxa tamab khami ta ge ge ī.
15 Sats ǃKhūtsa ta ge ge ǃâu
sats ge nî ǁnâu-am te, ti ǃKhū tsî Elotse.
16 Tita ge “An ǁîna tā tita ǂama ǃgâiaǂgao
tsî tā tita ga ǃnôao âi” ti ra ǀgore.
17 ǃNôas ǃaroma ta ge a ǂhomisa
tsîb ge ti tsûba hoaǁae ti aiǃâ hâ.
18 Ti ǃûǂamde ta ge ra ǁguiǁnâ;
ti ǁoren ǂama ta ge ra ǃhausen.
19 Ti khākhoen ge ûitsama tsî a ǀgaisa;
tsî ǂguin ge a ǁnān ǃaromaoǃnâse tita ǃhuisana.
20 ǁNān hîa ǂkhabab ǀkha ǃgâiba ra mādawa-amn ge
ǂhanuse dīsa ta ra dītsâ xui-ao ti ǃoagu hâ.
21 ǃKhūtse tā ǁnāxū te re,
tā tita xu ǃnū re, ti Elotse.
22 ǃHaese hā, î hui te re
ti ǃKhū tsî Ore-aotse.
