Koroǁî ǂkhanis
Elob ǃgâisib di koas
1 “Koa re ǃKhūba ǁîb a ǃgâi xuige;
ǁîb di hâhâ ra ǀnammi ge ǀamose hâ!”
2 An ǁnān ǃKhūb xa ǁamaǃnoraǃnorahe hân,
khākhoeb ǃomma xu ǃnoraǃnorahe hâna nēti mî re.
3 ǃHūga xub ge ǁîba ǀhaoǀhaona;
aiǂoas tsî huriǂoasa xu,
ǃkhawagas tsî ǀapasa xu, tsî huriba xu.
4 ǁÎn ge ǃgaroǃhūb ǃnâ gere ǃgûma,
ǃū-aisa daob ai
tsîn ge ǁanǃnân nî ǃā-e hō tama ge i.
5 ǃÂ tsîn ge ge ǁgâ,
ǀoms ân ge ǁîn ǃnâ gere ǂkhabu.
6 On ge ǂōǂōsib ân ǃnâ ǃKhūba ge ǂgaiǀî,
ob ge ǂōǂōsigu âna xu ǁîna ge ore.
7 ǁÎb ge ǁîna ǂhanu daob ai ge ǂgaeǂgui,
ǁanǃnân nî ǃās tawan nî sīs kōse.
8 ǁÎn ge ǃKhūba ǁîb di hâhâ ra ǀnammi ǃaroma nî koa;
buruxa dīn khoen ôanab ra dīban ǃaroma.
9 ǁÎb ge ǁgâ hâna khanu kai
tsî ǃâsana ǃgâin ǀkha ra ǁâǁâ.
10 ǀNîn ge ǃkhaenab ǃoab dib ǃnâ ǂnôa;
ǃkhōsabese tsūǀkhāb tsî ǀuriǃgae-ūdan ǃnâ.
11 Elob di mîdi ǃoagun ge khâikhâisen
tsî Hoan xa ǀGapib di ǀapemāsa ǃharaxū xui-ao.
12 ǁÎb ge ǁîn di ǂgaoga ǃgomma tsâs ǀkha ge ǃgamǃgam,
ǁîn ge ge ǃnôa, tsî-i ge hui-ao-e ge ǀkhai i.
13 On ge ǂōǂōsib ân ǃnâ ǃKhūba ge ǂgaiǀî,
ob ge ǂōǂōsigu âna xu ǁîna ge ore.
14 ǁÎb ge ǁîna ǃoab di ǃkhaenaba xu ge ǂgaeǂguiǂui
ǁîn di ǀuriǃgae-ūdanab ge ge khôaǃā.
15 ǁÎn ge ǃKhūba ǁîb di hâhâ ra ǀnammi ǃaroma nî koa;
buruxa dīn khoen ôanab ra dīban ǃaroma.
16 Brons dao-amde khôaǃā
tsîb ge ǂganamǀuride ǂnaukhôa xui-ao.
17 ǀNîn ge gâ, ǁîn di ǃûǂamdi
tsî ǁîn di dīsādi ǃaroma ra tsâna.
18 ǁÎn domgu ge ǂûna gere ǂhara
tsîn ge ǁîna ǁōb dao-ams kōse ge sī.
19 On ge ǂōǂōsib ân ǃnâ ǃKhūba ge ǂgaiǀî,
ob ge ǂōǂōsigu âna xu ǁîna ge ore.
20 Mîs âba sîǂui tsîb ge ǁîna ge ǂgauǂgau;
tsîb ge ǁîna āde xu ge ǃnoraǃnora.
21 ǁÎn ge ǃKhūba ǁîb di hâhâ ra ǀnammi ǃaroma nî koa;
buruxa dīn khoen ôanab ra dīban ǃaroma.
22 Ganganǁguibaden ge ǁîba nî hā-ūba
tsî dâb ǀkha ǁîb sîsenga nî ǂhôa.
23 ǀNîn ge doe-omdi ǃnâ hurib ai ge ǂoa,
tsēkorobe sîsenni âna kai ǁgamgu ai nî dīse.
24 ǁÎn ge aitsama ǃKhūbdi sîsenga ge hōǃâ
ǁgamgu di ǃgammi ǃnâb ra dīga.
25 ǁÎb ge ǃhoa os ge ǁgaoǂoasa ge khâi
ǃgabiga ge ǀgapise ūkhâisa.
26 ǁÎgu ge ǀhommiǀî ǃapa tsî ǃgammi ǁga gere ǁgôaxa
tsîn ge kai ǃaorosasib ǃnâ ge hâ i.
27 ǁÎn ge ǀhoro hâ khoe-i khami ǂgare tsî gere ǁnākeǁgapi
tsîb ge ǁkhāsib âna ge harebeoǃnâ.
28 On ge ǂōǂōsib ân ǃnâ ǃKhūba ge ǂgaiǀî,
ob ge ǂōǂōsigu âna xu ǁîna ge ore.
29 ǁGaoǂoabab ge ge ǁgoea-ai kai
tsî gu ge hurib di ǃgabiga ge ǃnō.
30 ǁÎn ge ǃgabigu ge ǃnō, o ge ǃgâiaǂgao,
ǁîb ge ǁîna ǁkhoren ra ǃnaoǁnâǁhôas ǃoa ge ǂgaeǂgui.
31 ǁÎn ge ǃKhūba ǁîb di hâhâ ra ǀnammi ǃaroma nî koa;
buruxa dīn khoen ôanab ra dīban ǃaroma.
32 An ǁîba ǀhaohâb ǃnâ ǀgapiǀgapi
tsî kain ǀhao hâpa ǁîba koa.
33 ǁÎb ge ǃāga ǃgaroǃhūb ǃnâ ge ǀkharaǀkhara;
ǁgamxa ǃkhaide ǂnâsa ǃhūb ǃnâ.
34 ǂÛtanixa ǃhūba ǂōxa ǃkhaise;
ǁnāpa ǁan hân di ǂkhabasib ǃaroma.
35 ǃGaroǃhūbab ge ǁgamxa ǃkhaib ǃnâ ge ǀkharaǀkhara
ǂnâsa ǃhūba, dâu ra ǀaudi ǃnâ.
36 ǃÂsanab ge ǁnāpa ge ǁan kai
ǁanǃnâǃāden nî ǂnubise.
37 ǁÎn ge ǃhanadī tsî draibehaina ge ǃhana
ǃgâi, ǂûǂûxa ǃgaosa ge ūǀkhīna.
38 ǁÎb ge ǁîna ge ǀkhae tsîn ge ǃgôab ǃnâ ge ǀarosen,
ǀgoan ânab ge ǀoroǀoro tama ge i.
39 ǃGôab ǃnâ ǀoro tsîn ge tsūǃgâgu
tsî ǂâiǂhansens xa ǁgâiǃganihe,
40 ob ge ǃharaxūsa mâǂoa hâ khoen ǃoagu ge gowaǂui
tsî ǁîna dao-e ūhâ tama ǃgaroǃhūb ǃnâ ge kā-ai kai.
41 Xaweb ge ǂhâb ǃnâ hâna ǁgâiǀāb âna xu ǀgapiǀgapi
tsî ǁîn di khoexakhoena ǀgoan khami ra ǂguiǂgui.
42 ǂHanu-ain ge nēsa mû tsî ra ǃgâiaǂgao
xawe hoan ǂhanuoǃnâsiba ra dīn ge amdi âna ra ǂganam.
43 Gā-ai-e a-i nēsa ǂan
tsî ǃKhūb di hâhâ ra ǀnammi xa ǂâiǂâisen.
Koroǁî ǂkhanis
Elob ǃgâisib di koas
1 “Koa re ǃKhūba ǁîb a ǃgâi xuige;
ǁîb di hâhâ ra ǀnammi ge ǀamose hâ!”
2 An ǁnān ǃKhūb xa ǁamaǃnoraǃnorahe hân,
khākhoeb ǃomma xu ǃnoraǃnorahe hâna nēti mî re.
3 ǃHūga xub ge ǁîba ǀhaoǀhaona;
aiǂoas tsî huriǂoasa xu,
ǃkhawagas tsî ǀapasa xu, tsî huriba xu.
4 ǁÎn ge ǃgaroǃhūb ǃnâ gere ǃgûma,
ǃū-aisa daob ai
tsîn ge ǁanǃnân nî ǃā-e hō tama ge i.
5 ǃÂ tsîn ge ge ǁgâ,
ǀoms ân ge ǁîn ǃnâ gere ǂkhabu.
6 On ge ǂōǂōsib ân ǃnâ ǃKhūba ge ǂgaiǀî,
ob ge ǂōǂōsigu âna xu ǁîna ge ore.
7 ǁÎb ge ǁîna ǂhanu daob ai ge ǂgaeǂgui,
ǁanǃnân nî ǃās tawan nî sīs kōse.
8 ǁÎn ge ǃKhūba ǁîb di hâhâ ra ǀnammi ǃaroma nî koa;
buruxa dīn khoen ôanab ra dīban ǃaroma.
9 ǁÎb ge ǁgâ hâna khanu kai
tsî ǃâsana ǃgâin ǀkha ra ǁâǁâ.
10 ǀNîn ge ǃkhaenab ǃoab dib ǃnâ ǂnôa;
ǃkhōsabese tsūǀkhāb tsî ǀuriǃgae-ūdan ǃnâ.
11 Elob di mîdi ǃoagun ge khâikhâisen
tsî Hoan xa ǀGapib di ǀapemāsa ǃharaxū xui-ao.
12 ǁÎb ge ǁîn di ǂgaoga ǃgomma tsâs ǀkha ge ǃgamǃgam,
ǁîn ge ge ǃnôa, tsî-i ge hui-ao-e ge ǀkhai i.
13 On ge ǂōǂōsib ân ǃnâ ǃKhūba ge ǂgaiǀî,
ob ge ǂōǂōsigu âna xu ǁîna ge ore.
14 ǁÎb ge ǁîna ǃoab di ǃkhaenaba xu ge ǂgaeǂguiǂui
ǁîn di ǀuriǃgae-ūdanab ge ge khôaǃā.
15 ǁÎn ge ǃKhūba ǁîb di hâhâ ra ǀnammi ǃaroma nî koa;
buruxa dīn khoen ôanab ra dīban ǃaroma.
16 Brons dao-amde khôaǃā
tsîb ge ǂganamǀuride ǂnaukhôa xui-ao.
17 ǀNîn ge gâ, ǁîn di ǃûǂamdi
tsî ǁîn di dīsādi ǃaroma ra tsâna.
18 ǁÎn domgu ge ǂûna gere ǂhara
tsîn ge ǁîna ǁōb dao-ams kōse ge sī.
19 On ge ǂōǂōsib ân ǃnâ ǃKhūba ge ǂgaiǀî,
ob ge ǂōǂōsigu âna xu ǁîna ge ore.
20 Mîs âba sîǂui tsîb ge ǁîna ge ǂgauǂgau;
tsîb ge ǁîna āde xu ge ǃnoraǃnora.
21 ǁÎn ge ǃKhūba ǁîb di hâhâ ra ǀnammi ǃaroma nî koa;
buruxa dīn khoen ôanab ra dīban ǃaroma.
22 Ganganǁguibaden ge ǁîba nî hā-ūba
tsî dâb ǀkha ǁîb sîsenga nî ǂhôa.
23 ǀNîn ge doe-omdi ǃnâ hurib ai ge ǂoa,
tsēkorobe sîsenni âna kai ǁgamgu ai nî dīse.
24 ǁÎn ge aitsama ǃKhūbdi sîsenga ge hōǃâ
ǁgamgu di ǃgammi ǃnâb ra dīga.
25 ǁÎb ge ǃhoa os ge ǁgaoǂoasa ge khâi
ǃgabiga ge ǀgapise ūkhâisa.
26 ǁÎgu ge ǀhommiǀî ǃapa tsî ǃgammi ǁga gere ǁgôaxa
tsîn ge kai ǃaorosasib ǃnâ ge hâ i.
27 ǁÎn ge ǀhoro hâ khoe-i khami ǂgare tsî gere ǁnākeǁgapi
tsîb ge ǁkhāsib âna ge harebeoǃnâ.
28 On ge ǂōǂōsib ân ǃnâ ǃKhūba ge ǂgaiǀî,
ob ge ǂōǂōsigu âna xu ǁîna ge ore.
29 ǁGaoǂoabab ge ge ǁgoea-ai kai
tsî gu ge hurib di ǃgabiga ge ǃnō.
30 ǁÎn ge ǃgabigu ge ǃnō, o ge ǃgâiaǂgao,
ǁîb ge ǁîna ǁkhoren ra ǃnaoǁnâǁhôas ǃoa ge ǂgaeǂgui.
31 ǁÎn ge ǃKhūba ǁîb di hâhâ ra ǀnammi ǃaroma nî koa;
buruxa dīn khoen ôanab ra dīban ǃaroma.
32 An ǁîba ǀhaohâb ǃnâ ǀgapiǀgapi
tsî kain ǀhao hâpa ǁîba koa.
33 ǁÎb ge ǃāga ǃgaroǃhūb ǃnâ ge ǀkharaǀkhara;
ǁgamxa ǃkhaide ǂnâsa ǃhūb ǃnâ.
34 ǂÛtanixa ǃhūba ǂōxa ǃkhaise;
ǁnāpa ǁan hân di ǂkhabasib ǃaroma.
35 ǃGaroǃhūbab ge ǁgamxa ǃkhaib ǃnâ ge ǀkharaǀkhara
ǂnâsa ǃhūba, dâu ra ǀaudi ǃnâ.
36 ǃÂsanab ge ǁnāpa ge ǁan kai
ǁanǃnâǃāden nî ǂnubise.
37 ǁÎn ge ǃhanadī tsî draibehaina ge ǃhana
ǃgâi, ǂûǂûxa ǃgaosa ge ūǀkhīna.
38 ǁÎb ge ǁîna ge ǀkhae tsîn ge ǃgôab ǃnâ ge ǀarosen,
ǀgoan ânab ge ǀoroǀoro tama ge i.
39 ǃGôab ǃnâ ǀoro tsîn ge tsūǃgâgu
tsî ǂâiǂhansens xa ǁgâiǃganihe,
40 ob ge ǃharaxūsa mâǂoa hâ khoen ǃoagu ge gowaǂui
tsî ǁîna dao-e ūhâ tama ǃgaroǃhūb ǃnâ ge kā-ai kai.
41 Xaweb ge ǂhâb ǃnâ hâna ǁgâiǀāb âna xu ǀgapiǀgapi
tsî ǁîn di khoexakhoena ǀgoan khami ra ǂguiǂgui.
42 ǂHanu-ain ge nēsa mû tsî ra ǃgâiaǂgao
xawe hoan ǂhanuoǃnâsiba ra dīn ge amdi âna ra ǂganam.
43 Gā-ai-e a-i nēsa ǂan
tsî ǃKhūb di hâhâ ra ǀnammi xa ǂâiǂâisen.
