Kuru-aob ǃoa hâ koas
1 Koa re ǃKhūba ti ǀomse,
ti ǃKhū tsî Elotse sats ge a kai,
tsîts ge kaisib tsî ǂkhaisib ǀkha ǂgaeǂgāhe hâ.
2 Anaǂamsarab ǀkhas khamits ge ǃnâb ǀkha anasen hâ;
tsîts ge ǀhomga tentommi di ǂgāmâisab khami ra ǃāǂui.
3 Sa omma ǀgapise hâ ǁgamgu ai ge ǂnubits;
ǃâude kunise ra sîsenūts,
tsî ǂoab di ǁgabogu ai ra ǃnaritsa.
4 ǂOagats ge sîsabese ra dī;
tsî ǀaeǁhabuba sa ǃgāb ase.
5 ǁÎb ge ǃhūbaiba ǁaposase ge ǃgaoǃgao
tsîb ge ǀamosib kōse ǁnobe tide.
6 ǃGammats ge ǃkhaib ǀkhas khami ge ǃgū-ai,
tsîb ge ǁgamma ǃhomgu ǂamai ge mâ.
7 Sa ǂgōǀaus xan ge ge ǁhâ;
sa ǃgurub di ǀōb xan ge ǃhaese ge bē;
8 ǃHomgu ai ǃapa tsî ǃgoaǃnāgu ǃnâ ra ǁgôaxa;
ǃkhaib ǁîna mîǁguibahe hâb ǁga.
9 ǃHūǀgoras ǁgamgu ǃkharu ǁoasats ge ge dī;
ǁkhawa gu ǃhūba nî hā ǃgū-aise oa tidese.
10 Sats ge ǃārogu ǃnâ ǀaude ra ǃhui kai
tsî gu ge ǃhomgu ǁaegu ra dâu.
11 ǁÎgu ge mâ ǀguru-i tsî xamari-i ǃgarob di-i hoa-e ra āsi;
ǃkhaudâukin on ge ǁnāpa ra ākhanu.
12 ǀHomanin ge omrodi âna ǁnāpa ra om
tsî ǁnâugu ǁaeguba xu ǃgâise ra ǁnae.
13 ǀHomma xuts ge ǃhomgu ai ra ǀapi kai;
sa sîsengu di ǂûtaniba xuts ge ǃhūba ra ǁâǁâ.
14 ǁÎb ge ǀgâna xamarin tsî ǀgoan ǃaroma ra ǁhai kai
tsî ǃhanaba, khoesib di sîsenni ase,
ǃhūba xu ǂûna nî ūǀkhīse.
15 ǂAuxûi-i khoen di ǂgaoba ra ǃgâiǃgâi-i,
ǀkhera-oli-e, aide nî ǃkhōǂhomise
tsî ǂû-i khoesi ǂgaoba ra ǀgaiǀgai-i tsîna.
16 ǃKhūb di haidi ge hoaǁae a ǂkhî,
Libanonni di sederhaidi, ǁîb ge ǃhanadi,
17 anin ǁîdi ǃnâ omde gere kuru
tsî oifari ǁîde omse gere dībasende.
18 ǀGapi ǃhomgu ge a ǃgaropirin di
tsî ǃâun ge ǁhoagu ǃnâ ra gau.
19 ǁÎb ge ǁkhâba ge kuru, ǁaegab nî ǀgorase;
tsî sores ge ǂgâs nî ǁaeba a ǂan.
20 Sats ge tsuxuba ge kuru
tsîn ge xamarin tsî ǀgurun ǃgarob dina ǁnā ǁaeb ai ra ǃgûma.
21 ǂKham xamn ge amǀnēnǀî ra ǃgui
ǂûn âna Eloba xu ra ôase.
22 Sores ga ǁhai on ge ra oa
tsî sī ǁgoe ǁîn hâǃkhaidi ǃnâ.
23 Khoen ge ra sîsenǃgû
soresǂgâb kōse nî sī sîsense.
24 Mâtikōse gu a ǂgui sa sîsenga ǃKhūtse,
hoa xūnats ge gā-aisib ǀkha ge kuru
tsîb ge ǃhūbaiba sa kurusaben xa ǀoa hâ.
25 ǁNāb ge hurib, kai tsî haraba hâ,
ǃgôaheǁoasa ûitsama xūn ǁîb ǃnâ ra gon,
kain tsî ǂkharina.
26 ǁNāpa di ge doe-omde ra ǃnarima
tsî Leviatanni, sats ge ǁîb ǃnâ nî ǀhuruse kurub tsîna.
27 Hoan ge sats ai ra kō
ǁînats nî ǁaeb ai ǂûmāse.
28 ǁÎnats ga mā, on ra hapu;
sa ǃommats ga khoba, on ra ǃgâin ǀkha ǁâǁâhe.
29 Ais âtsats ga gaugau, on ra ǃaob xa ǃkhōhe
ǀommi ânats ga ūbē on ra ǁō
tsî ǁkhawa tsarab ǃoa oa.
30 Sa gagabats ga sî, on ra ǂnubihe
tsîts ra ǃhūbaiba ǀasaǀasa.
31 Ab ǃKhūb di ǂkhaisiba ǀamose hâ re!
Ab ǃKhūba ǃgâiaǂgao re sîsengu âb ǂama.
32 ǁÎb ga ǃhūbaiba kō, ob ra ǀkhū
ǃhomgab ga tsâǀkhā, o gu ra ǀan.
33 ǃKhūba ta ge ûi ta hâs kōse ra ǁnaeba ǂgao;
ti Eloba ta ge ti ûiǁaeb ǃnâ ra koaǁnaeba ǂgao.
34 A di ti ǂâide ǁîba ǃgâiba;
tita ge ǃKhūb ǃnâ ra ǃgâiaǂgao.
35 An ǁore-aona ǃhūbaiba xu kā
tsî eloxoresana ǃaruǀî tā hâ.
Koa re ǃKhūba ti ǀomse!
koa re ǃKhūba!
Kuru-aob ǃoa hâ koas
1 Koa re ǃKhūba ti ǀomse,
ti ǃKhū tsî Elotse sats ge a kai,
tsîts ge kaisib tsî ǂkhaisib ǀkha ǂgaeǂgāhe hâ.
2 Anaǂamsarab ǀkhas khamits ge ǃnâb ǀkha anasen hâ;
tsîts ge ǀhomga tentommi di ǂgāmâisab khami ra ǃāǂui.
3 Sa omma ǀgapise hâ ǁgamgu ai ge ǂnubits;
ǃâude kunise ra sîsenūts,
tsî ǂoab di ǁgabogu ai ra ǃnaritsa.
4 ǂOagats ge sîsabese ra dī;
tsî ǀaeǁhabuba sa ǃgāb ase.
5 ǁÎb ge ǃhūbaiba ǁaposase ge ǃgaoǃgao
tsîb ge ǀamosib kōse ǁnobe tide.
6 ǃGammats ge ǃkhaib ǀkhas khami ge ǃgū-ai,
tsîb ge ǁgamma ǃhomgu ǂamai ge mâ.
7 Sa ǂgōǀaus xan ge ge ǁhâ;
sa ǃgurub di ǀōb xan ge ǃhaese ge bē;
8 ǃHomgu ai ǃapa tsî ǃgoaǃnāgu ǃnâ ra ǁgôaxa;
ǃkhaib ǁîna mîǁguibahe hâb ǁga.
9 ǃHūǀgoras ǁgamgu ǃkharu ǁoasats ge ge dī;
ǁkhawa gu ǃhūba nî hā ǃgū-aise oa tidese.
10 Sats ge ǃārogu ǃnâ ǀaude ra ǃhui kai
tsî gu ge ǃhomgu ǁaegu ra dâu.
11 ǁÎgu ge mâ ǀguru-i tsî xamari-i ǃgarob di-i hoa-e ra āsi;
ǃkhaudâukin on ge ǁnāpa ra ākhanu.
12 ǀHomanin ge omrodi âna ǁnāpa ra om
tsî ǁnâugu ǁaeguba xu ǃgâise ra ǁnae.
13 ǀHomma xuts ge ǃhomgu ai ra ǀapi kai;
sa sîsengu di ǂûtaniba xuts ge ǃhūba ra ǁâǁâ.
14 ǁÎb ge ǀgâna xamarin tsî ǀgoan ǃaroma ra ǁhai kai
tsî ǃhanaba, khoesib di sîsenni ase,
ǃhūba xu ǂûna nî ūǀkhīse.
15 ǂAuxûi-i khoen di ǂgaoba ra ǃgâiǃgâi-i,
ǀkhera-oli-e, aide nî ǃkhōǂhomise
tsî ǂû-i khoesi ǂgaoba ra ǀgaiǀgai-i tsîna.
16 ǃKhūb di haidi ge hoaǁae a ǂkhî,
Libanonni di sederhaidi, ǁîb ge ǃhanadi,
17 anin ǁîdi ǃnâ omde gere kuru
tsî oifari ǁîde omse gere dībasende.
18 ǀGapi ǃhomgu ge a ǃgaropirin di
tsî ǃâun ge ǁhoagu ǃnâ ra gau.
19 ǁÎb ge ǁkhâba ge kuru, ǁaegab nî ǀgorase;
tsî sores ge ǂgâs nî ǁaeba a ǂan.
20 Sats ge tsuxuba ge kuru
tsîn ge xamarin tsî ǀgurun ǃgarob dina ǁnā ǁaeb ai ra ǃgûma.
21 ǂKham xamn ge amǀnēnǀî ra ǃgui
ǂûn âna Eloba xu ra ôase.
22 Sores ga ǁhai on ge ra oa
tsî sī ǁgoe ǁîn hâǃkhaidi ǃnâ.
23 Khoen ge ra sîsenǃgû
soresǂgâb kōse nî sī sîsense.
24 Mâtikōse gu a ǂgui sa sîsenga ǃKhūtse,
hoa xūnats ge gā-aisib ǀkha ge kuru
tsîb ge ǃhūbaiba sa kurusaben xa ǀoa hâ.
25 ǁNāb ge hurib, kai tsî haraba hâ,
ǃgôaheǁoasa ûitsama xūn ǁîb ǃnâ ra gon,
kain tsî ǂkharina.
26 ǁNāpa di ge doe-omde ra ǃnarima
tsî Leviatanni, sats ge ǁîb ǃnâ nî ǀhuruse kurub tsîna.
27 Hoan ge sats ai ra kō
ǁînats nî ǁaeb ai ǂûmāse.
28 ǁÎnats ga mā, on ra hapu;
sa ǃommats ga khoba, on ra ǃgâin ǀkha ǁâǁâhe.
29 Ais âtsats ga gaugau, on ra ǃaob xa ǃkhōhe
ǀommi ânats ga ūbē on ra ǁō
tsî ǁkhawa tsarab ǃoa oa.
30 Sa gagabats ga sî, on ra ǂnubihe
tsîts ra ǃhūbaiba ǀasaǀasa.
31 Ab ǃKhūb di ǂkhaisiba ǀamose hâ re!
Ab ǃKhūba ǃgâiaǂgao re sîsengu âb ǂama.
32 ǁÎb ga ǃhūbaiba kō, ob ra ǀkhū
ǃhomgab ga tsâǀkhā, o gu ra ǀan.
33 ǃKhūba ta ge ûi ta hâs kōse ra ǁnaeba ǂgao;
ti Eloba ta ge ti ûiǁaeb ǃnâ ra koaǁnaeba ǂgao.
34 A di ti ǂâide ǁîba ǃgâiba;
tita ge ǃKhūb ǃnâ ra ǃgâiaǂgao.
35 An ǁore-aona ǃhūbaiba xu kā
tsî eloxoresana ǃaruǀî tā hâ.
Koa re ǃKhūba ti ǀomse!
koa re ǃKhūba!
