Gā-aisib tsî gâresib
1 Gā-aisib ge oms âba ge om tsî hû ǂgurihaiga ǁîs ǃaroma ge mâi. 2 ǁÎb ge ǁâudīb ǃaroma ǂāxū-e ǂā, ǂauxûi-e haba tsî tāb âba ge aiǂhomi. 3 ǁÎb ǃgādeb ge ǃās ǃnâ ge sîǂui tsî di ge ǁîde ǀgapi ǃkhaiga xu gere ǃhao: 4 “Nēpa ǀkhī, sadu xūtama khoedo!” ǁNān ǁnâuǃāoǃnân ǃoab ge ra mî: 5 “Hā, î ti ǂû-i tsî aiǂhomi ta go ǂauxûi-i tsîna tita ǀkha hā amǃnâxa. 6 Gâresiba ǁguiǁnâ, î ûi tsî ǁnâuǃāxa daoba sao.”
7 ǃKhāǃkhā-ao-e ga mî-unuba ǂgao khoe-i ge mîǁgaiǁgaihesa nî ǃâubasen; ǂkhabadī-ao-e ga ǂgōǀau-i hoa-i ge nî tsûtsûhe. 8 ǃHō-ao-ets ga ǂgōǀau, o-i ge ǁî-e nî ǁkhan tsi; gā-ai-ets ga ǂgōǀau, o-i ge ǁî-e nî ǀnam tsi. 9 Gā-ai khoe-ets ga ǁgauǃnâ, o-i ge ǁî-e ǃaruǀî ǀgui nî gā-ai; ǂhanu-ai khoe-ets ga ǁkhāǁkhā, o-i ge ǂans ǃnâ nî ǀaro.
10 ǃKhūba ǃaoǃgâs ge ǂans di tsoatsoasa tsî ǃAnub di ǂans ge ǁnâuǃāba hōsa. 11 Tita ǃaroma di ge sa tsēde nî ǂguiǂguihe, tsî gu ge ûikurigu âtsa nî ǀarohe. 12 Gā-aisibats ga ūhâ, ots ge sa ǃgâib ǃaroma a gā-ai; xawets ga ǃkhāǃkhā-ao, os ge ǁnāsa sa tsâb ase nî ī.
13 Gâresib ge ǂkhupixa tarekhoes khami ī; ǁîs ge ǁnâuǃāoǃnâ tsî tao-oǃnâ khoesa. 14 ǁÎs ge oms âs di dao-ams tawa ra ǂnû, ǃās di ǀgapi ǃkhaigu ai hâ ǂnû-ai ǃkhaidi ai. 15 ǁÎs ge ǁîs tawa ra ǃkharun, ǁîn daogu ai garuna ra ǂgai: 16 “Hā, sadu ǂan-e ūhâ tama do!” ǁNān ǁnâuǃāoǃnân ǃoas ge ra mî: 17 “ǃNarihe hâ ǁgam-i ge ra ǁkhoa; ǃnarisa ǂû-i ge a ǁkhoaxa.” 18 Xawen ge ǁîna ǁōb ǁnāpa hâ ǃkhaisa a ǀū; ǁîs ǁkhausaben ǃgamse ǁŌhân Hâǃkhaib ǃnâ hâsa.
Gā-aisib tsî gâresib
1 Gā-aisib ge oms âba ge om tsî hû ǂgurihaiga ǁîs ǃaroma ge mâi. 2 ǁÎb ge ǁâudīb ǃaroma ǂāxū-e ǂā, ǂauxûi-e haba tsî tāb âba ge aiǂhomi. 3 ǁÎb ǃgādeb ge ǃās ǃnâ ge sîǂui tsî di ge ǁîde ǀgapi ǃkhaiga xu gere ǃhao: 4 “Nēpa ǀkhī, sadu xūtama khoedo!” ǁNān ǁnâuǃāoǃnân ǃoab ge ra mî: 5 “Hā, î ti ǂû-i tsî aiǂhomi ta go ǂauxûi-i tsîna tita ǀkha hā amǃnâxa. 6 Gâresiba ǁguiǁnâ, î ûi tsî ǁnâuǃāxa daoba sao.”
7 ǃKhāǃkhā-ao-e ga mî-unuba ǂgao khoe-i ge mîǁgaiǁgaihesa nî ǃâubasen; ǂkhabadī-ao-e ga ǂgōǀau-i hoa-i ge nî tsûtsûhe. 8 ǃHō-ao-ets ga ǂgōǀau, o-i ge ǁî-e nî ǁkhan tsi; gā-ai-ets ga ǂgōǀau, o-i ge ǁî-e nî ǀnam tsi. 9 Gā-ai khoe-ets ga ǁgauǃnâ, o-i ge ǁî-e ǃaruǀî ǀgui nî gā-ai; ǂhanu-ai khoe-ets ga ǁkhāǁkhā, o-i ge ǂans ǃnâ nî ǀaro.
10 ǃKhūba ǃaoǃgâs ge ǂans di tsoatsoasa tsî ǃAnub di ǂans ge ǁnâuǃāba hōsa. 11 Tita ǃaroma di ge sa tsēde nî ǂguiǂguihe, tsî gu ge ûikurigu âtsa nî ǀarohe. 12 Gā-aisibats ga ūhâ, ots ge sa ǃgâib ǃaroma a gā-ai; xawets ga ǃkhāǃkhā-ao, os ge ǁnāsa sa tsâb ase nî ī.
13 Gâresib ge ǂkhupixa tarekhoes khami ī; ǁîs ge ǁnâuǃāoǃnâ tsî tao-oǃnâ khoesa. 14 ǁÎs ge oms âs di dao-ams tawa ra ǂnû, ǃās di ǀgapi ǃkhaigu ai hâ ǂnû-ai ǃkhaidi ai. 15 ǁÎs ge ǁîs tawa ra ǃkharun, ǁîn daogu ai garuna ra ǂgai: 16 “Hā, sadu ǂan-e ūhâ tama do!” ǁNān ǁnâuǃāoǃnân ǃoas ge ra mî: 17 “ǃNarihe hâ ǁgam-i ge ra ǁkhoa; ǃnarisa ǂû-i ge a ǁkhoaxa.” 18 Xawen ge ǁîna ǁōb ǁnāpa hâ ǃkhaisa a ǀū; ǁîs ǁkhausaben ǃgamse ǁŌhân Hâǃkhaib ǃnâ hâsa.
