1 Gā-ai tarekhoes ge ǁîs omsa ra omkhâi, xawe gâre tarekhoes ge ǁîs ǃomkha ǀkha ǁîsa ra khôaǁnâ.
2 ǂHanu-aise ra ûi-i ge ǃKhūba ra ǃaoǃgâ, xawe ǂkhaba daogu ai ra ǃgû-i ge ǁîba ra ǃharaxū.
3 Gâre khoe-i ams mîdi ge ǁî-i ai ǁkharaba ra hā-ū, xawe gā-ai khoe-i mîdi ge ǁî-e ra sâu.
4 Gomagu ga ǀkhai, ob ge ǃhoroba a ǀkhai, xawe ǀgui gomab ǀguib ga hâ, ots ge ǃnāǂamsa ǃhoroba ǃgaobasen ǁkhā.
5 ǂGomǂgomsa ǀhûǀguitimî-ao-i ge ǂhumi tama hâ, xawe ǂhumi ǀhûǀguitimî-ao-i ge ǂhumib ǀguiba ra ǃhoa.
6 ǃHō-ao-i ge gā-aisiba i ga ôa, xawe hō tide; xawe ǁnâuǃāxa khoe-i ǀgui-i ge ǂansa supuse hōbasen ǁkhā.
7 Gâre khoe-i ǀkha tā hâ, ǁî-e xuts ǃgâi xū-e ǁkhāǁkhāsen tide xuige.
8 ǁNâuǃāxa khoe-i gā-aisib ge ǁî-e ǂhanu daob ai ra ǂgaeǂgui, xawe ǁnâuǃāoǃnâ khoe-i gâresib ge ǁî-e ra ǂgaeǂhapu.
9 Elob ge ǂkhaba khoena ra ǂgōǀau, xawen ge ǂhanu-aina ǁîb ǀkhaeba ra ǀama.
10 ǂGaob ǀguib ge ǁîb tsûba a ǂan tsî khoe-i xare-i ge ǁîb ǃgâiaǂgaob ǃnâ a ǃâ ǁoa.
11 Eloxoresa khoe-i oms ge nî hîkākāhe, xawe ǂhanu-ai khoe-i tentoms ge nî hâhâ.
12 Khoe-i ǂhanub a ti ǂâi hâ daob tsîn ge ǁōb ǃoa a ǂgaeǂgui ǁkhā.
13 ǂGaob ra ǃoa hîats tsînats ge âi ǁkhā tsî ǃgâiaǂgaob di ǀams tsîn ge a tsûaǂgao ǁkhā.
14 ǁNāǁgôaxa khoe-i ge ǁî-i tsūdīb xa nî mādawa-amhe. ǃGâi khoe-i ge ǁî-i sîsengu ǂûna nî ǃora.
15 ǁNâuǃāoǃnâ khoe-i ge mâ xū-i hoa-e ra ǂgom, xawe ǁnâuǃāxa khoe-i ge dā i ra ǂais hoasa ra ǃgaoǃgâ.
16 Gā-ai khoe-i ge kōbasen tsî ǂkhababa xu ra ūdabasen, xawe gâre khoe-i ge ǁae tama tsî ǁîǃgôasenxa.
17 ǃHae ǁaixa khoe-i ge gâre xūna ra dī; gā-ai khoe-i ge a ǃnūǃnâxa.
18 ǁNâuǃāoǃnâ khoe-i ge gârese ǀgui ra hâ, xawe gā-ai khoe-i ge ǂans ǀkha ra ǀgapahe.
19 ǂKhaba khoe-i ge ǃgâi khoe-i aiǃâ nî ǃhonǁgoa, tsî eloxoresa-i ge ǂhanu-ai-i dao-ams tawa nî ǃhonǁgoa.
20 ǀGâsa khoe-i ge ǁî-i ǀgūkhoen xas tsîna ra uixahe, xawe ǃkhū hâ khoe-i ge ǂgui ǀhōsana ūhâ.
21 ǁÎ-i ǀgūkhoe-e ga ǃharaxū khoe-i ge ra ǁore, xawe ǀkhaehesa-i ge ǁnā khoe-i ǀgâsa khoena ra ǃgâidī-e.
22 ǂKhababa ra ǀape khoe tamana kha tsū daob ai garuna? Xawe ǃgâiba ra ǀape khoen ge ǃgôasib tsî ǂgomǂgomsasib tsîkha ra hō.
23 Mâ ǃgom sîsenni hoab ǃnâs ge hōǂgāsa hâ, xawe ǃhoamas ǀguisa hîs ge ǀgâsiba ra ǃaroma.
24 Gā-ai khoe-i krons ge ǁî-i gā-aisiba, xawe gâre khoe-i krons ge a gâresi.
25 Amaba ra ǀhûǀgui ǀhûǀguitimî-ao-i ge oresa ra hā-ū, xawe ǂhumiba ra ǀhûǀgui-i ge gāxaǃnâ-ao-e.
26 ǃAoǃgâb ǃKhūb dib ǃnâs ge ǀgaisa ǂgomaiǂnûisa hâ, tsî ǁîb ge ǀgôan âba ǁhaiǁhâǃkhaise nîra iba.
27 ǃKhūba ǃaoǃgâs ge ûib ǀausa hōs khami ī, ǁōb di ǃnuide xuts nî ǃnoraǃnorahese.
28 Gao-aob ǃgôasib ge khoen di ǂguisiba xu hâ, xawe khoen ose i ge gaoǀgôa-e xū tama hâ.
29 ǂAu ǁaiba ūhâ khoe-i ge kaise a ǁnâuǃāxa, xawe ǃhae ǁai khoe-i ge ǁî-e gâresib ra ǁgauǂui.
30 ǂKhî gagasa ūhâs ge sorosa ǂuruse ra ūhâ, xawe surib ge soros âtsa ra dītoa.
31 ǀGâsa khoena ra ǁgâiǀā khoe-i ge ǁîn Kuru-aoba ra ǃkhāǃkhā, xawe ǂhâsib ǃnâ hâ khoena ga ǃgâidī khoe-i ge ǁîba ǃgôasiba ra mā.
32 Eloxoresan ge ǁîn ǂkhabadīb xa ra hîkākāhe, xawe ǂhanu-ai khoen ge ǁōb ǂōǂōsib ǃnâs tsîna ǁhaiǁhâǃkhaisa ūhâ.
33 ǁNâuǃāxa khoe-i ǂgaob ǃnâb ge gā-aisiba hâ, xawe gâre khoe-i ǂgaob ǃnâb ge ǁîba a ǀkhai.
34 ǂHanu-aisib ge ǃhaosa ra ǀgapiǀgapi, xawe ǁoreb ge ǃhaosa taosib ǃnâ ra mâi.
35 Gao-aob ge gā-aise ra sîsen ǃoaba-ao-i xa a ǃgâibahe, xawe taosib ǀguiba ra ǃaroma ǃoaba-ao-i ge ǁîb di ǁaib xa ra hāǂamhe.
1 Gā-ai tarekhoes ge ǁîs omsa ra omkhâi, xawe gâre tarekhoes ge ǁîs ǃomkha ǀkha ǁîsa ra khôaǁnâ.
2 ǂHanu-aise ra ûi-i ge ǃKhūba ra ǃaoǃgâ, xawe ǂkhaba daogu ai ra ǃgû-i ge ǁîba ra ǃharaxū.
3 Gâre khoe-i ams mîdi ge ǁî-i ai ǁkharaba ra hā-ū, xawe gā-ai khoe-i mîdi ge ǁî-e ra sâu.
4 Gomagu ga ǀkhai, ob ge ǃhoroba a ǀkhai, xawe ǀgui gomab ǀguib ga hâ, ots ge ǃnāǂamsa ǃhoroba ǃgaobasen ǁkhā.
5 ǂGomǂgomsa ǀhûǀguitimî-ao-i ge ǂhumi tama hâ, xawe ǂhumi ǀhûǀguitimî-ao-i ge ǂhumib ǀguiba ra ǃhoa.
6 ǃHō-ao-i ge gā-aisiba i ga ôa, xawe hō tide; xawe ǁnâuǃāxa khoe-i ǀgui-i ge ǂansa supuse hōbasen ǁkhā.
7 Gâre khoe-i ǀkha tā hâ, ǁî-e xuts ǃgâi xū-e ǁkhāǁkhāsen tide xuige.
8 ǁNâuǃāxa khoe-i gā-aisib ge ǁî-e ǂhanu daob ai ra ǂgaeǂgui, xawe ǁnâuǃāoǃnâ khoe-i gâresib ge ǁî-e ra ǂgaeǂhapu.
9 Elob ge ǂkhaba khoena ra ǂgōǀau, xawen ge ǂhanu-aina ǁîb ǀkhaeba ra ǀama.
10 ǂGaob ǀguib ge ǁîb tsûba a ǂan tsî khoe-i xare-i ge ǁîb ǃgâiaǂgaob ǃnâ a ǃâ ǁoa.
11 Eloxoresa khoe-i oms ge nî hîkākāhe, xawe ǂhanu-ai khoe-i tentoms ge nî hâhâ.
12 Khoe-i ǂhanub a ti ǂâi hâ daob tsîn ge ǁōb ǃoa a ǂgaeǂgui ǁkhā.
13 ǂGaob ra ǃoa hîats tsînats ge âi ǁkhā tsî ǃgâiaǂgaob di ǀams tsîn ge a tsûaǂgao ǁkhā.
14 ǁNāǁgôaxa khoe-i ge ǁî-i tsūdīb xa nî mādawa-amhe. ǃGâi khoe-i ge ǁî-i sîsengu ǂûna nî ǃora.
15 ǁNâuǃāoǃnâ khoe-i ge mâ xū-i hoa-e ra ǂgom, xawe ǁnâuǃāxa khoe-i ge dā i ra ǂais hoasa ra ǃgaoǃgâ.
16 Gā-ai khoe-i ge kōbasen tsî ǂkhababa xu ra ūdabasen, xawe gâre khoe-i ge ǁae tama tsî ǁîǃgôasenxa.
17 ǃHae ǁaixa khoe-i ge gâre xūna ra dī; gā-ai khoe-i ge a ǃnūǃnâxa.
18 ǁNâuǃāoǃnâ khoe-i ge gârese ǀgui ra hâ, xawe gā-ai khoe-i ge ǂans ǀkha ra ǀgapahe.
19 ǂKhaba khoe-i ge ǃgâi khoe-i aiǃâ nî ǃhonǁgoa, tsî eloxoresa-i ge ǂhanu-ai-i dao-ams tawa nî ǃhonǁgoa.
20 ǀGâsa khoe-i ge ǁî-i ǀgūkhoen xas tsîna ra uixahe, xawe ǃkhū hâ khoe-i ge ǂgui ǀhōsana ūhâ.
21 ǁÎ-i ǀgūkhoe-e ga ǃharaxū khoe-i ge ra ǁore, xawe ǀkhaehesa-i ge ǁnā khoe-i ǀgâsa khoena ra ǃgâidī-e.
22 ǂKhababa ra ǀape khoe tamana kha tsū daob ai garuna? Xawe ǃgâiba ra ǀape khoen ge ǃgôasib tsî ǂgomǂgomsasib tsîkha ra hō.
23 Mâ ǃgom sîsenni hoab ǃnâs ge hōǂgāsa hâ, xawe ǃhoamas ǀguisa hîs ge ǀgâsiba ra ǃaroma.
24 Gā-ai khoe-i krons ge ǁî-i gā-aisiba, xawe gâre khoe-i krons ge a gâresi.
25 Amaba ra ǀhûǀgui ǀhûǀguitimî-ao-i ge oresa ra hā-ū, xawe ǂhumiba ra ǀhûǀgui-i ge gāxaǃnâ-ao-e.
26 ǃAoǃgâb ǃKhūb dib ǃnâs ge ǀgaisa ǂgomaiǂnûisa hâ, tsî ǁîb ge ǀgôan âba ǁhaiǁhâǃkhaise nîra iba.
27 ǃKhūba ǃaoǃgâs ge ûib ǀausa hōs khami ī, ǁōb di ǃnuide xuts nî ǃnoraǃnorahese.
28 Gao-aob ǃgôasib ge khoen di ǂguisiba xu hâ, xawe khoen ose i ge gaoǀgôa-e xū tama hâ.
29 ǂAu ǁaiba ūhâ khoe-i ge kaise a ǁnâuǃāxa, xawe ǃhae ǁai khoe-i ge ǁî-e gâresib ra ǁgauǂui.
30 ǂKhî gagasa ūhâs ge sorosa ǂuruse ra ūhâ, xawe surib ge soros âtsa ra dītoa.
31 ǀGâsa khoena ra ǁgâiǀā khoe-i ge ǁîn Kuru-aoba ra ǃkhāǃkhā, xawe ǂhâsib ǃnâ hâ khoena ga ǃgâidī khoe-i ge ǁîba ǃgôasiba ra mā.
32 Eloxoresan ge ǁîn ǂkhabadīb xa ra hîkākāhe, xawe ǂhanu-ai khoen ge ǁōb ǂōǂōsib ǃnâs tsîna ǁhaiǁhâǃkhaisa ūhâ.
33 ǁNâuǃāxa khoe-i ǂgaob ǃnâb ge gā-aisiba hâ, xawe gâre khoe-i ǂgaob ǃnâb ge ǁîba a ǀkhai.
34 ǂHanu-aisib ge ǃhaosa ra ǀgapiǀgapi, xawe ǁoreb ge ǃhaosa taosib ǃnâ ra mâi.
35 Gao-aob ge gā-aise ra sîsen ǃoaba-ao-i xa a ǃgâibahe, xawe taosib ǀguiba ra ǃaroma ǃoaba-ao-i ge ǁîb di ǁaib xa ra hāǂamhe.
