Ama ǂhanu-aisib
1 ǃAruǀî ti ǃgâsado, ǃgâiaǂgao re ǃKhūb ǃnâ! Tita i ge ǀhupuxaba tama hâ, ǀnai ta ge xoa hâ ina ǁkhawa xoaba dusa, ǁnās sado ǃnorasasib ase ība xui-ao. 2 ǃÛisen re arin, ǂkhaba sîsenga ra dīn, ǁnān sorosa ra ǂkhôadīna. 3 Sada kom ama ǃgaos* dida, Eloba Gagab ǃnâ ǀgoreǀî tsî Xristub* Jesub ǃnâ ra koasenda, ǂgomǃgâsa ǃaugasi xūn ǃnâ ūhâ tamase. 4 Tita tsîn ge ǁkhāti ǃaugasi xūn ai ti mûmâinǃgâba ga ūhâ hâ. Khoe-i kom ga hâo, ǃaugasi xūn ai mûmâinǃgâba ūhâ-e, o ta tita ǁî-i ǃgâ-ai ǁnāti ra tsâ. 5 Tita ge ǁkhaisaǁî tsēs ai ge ǃgaohe, ǃnaesa xu Israelǁîta, Benjaminni ǃhaosa xu hâta, ǃūmû Hebreǁîta. ǂHanub ǃoa Fariseta, 6 ti ôasasib ǃnâ kerkheba gere ǃgôaǃgonta. ǂHanuba ǁnâuǀnams ǀkha ǂhanu-ai kaihes ǃnās xasa ta a ǀhapio. 7 Xawen ge ǁnā xūn tita ǂhâǂhâsase gere ǃgôana nēsi a harebeoǃnâba te, Xristub ǃaroma. 8 Xawe ta ge hoaraga xūna Xristub Jesub, ti ǃKhūb xa ta ūhâ ǃnāǂamsa ǂans ǃaroma ǂoaǃnâs ase ra ǃgôa. ǁÎb ǃaromas ge hoa xūna ta aoxū tsî ǀapob ase ra mûsa, Xristuba ta nî hōbasen ǁkhā 9 tsî ǁîb ǀkha ǀoasase ǃgaeǀhaohese. ǂHanuba xu hâ ǂhanu-aisib tiba ta nî ūhâses ose, xawe ǁnāb Xristub ǃnâ hâ ǂgoms, ǂhanu-aisib Elob tsî ǂgoms ǃnâ hâsa. 10 Xristub tsî ǁîb khâis di ǀgaiba ǂan, ǁîb tsâb ǃnâ ǁhaos di ǀhûhâsi tsî ta ǁîb ǁōb ǃnâ ǁîb ǀkha ǀguiti-īs 11 tsî ǁnās ǀkha tita ǂûta ǁōba xu nî ǂkhaiǂkhaihese.
Dansa ǁgūbas
12 Nē xūn hoana ta ge ǀnai hō tamas ka io ta ge ǀnai dīǀoaǀoasas ose, xawe ta ge ra ǁgū, Xristub Jesub ge ǁîb di ta ase dī te xui-ao, ǁîna tise dīsa. 13 ǃGâsado, ǀnai ta ge ǁîna dan ti ta ǂâi tama hâ, xawe ta ge ǀgui xū-e ra dī: ǃGâbǀkhāb ai hâna ǀuru tsî ta aisǀkhāb ai hâna ra ǁgūba. 14 Elob ge Xristub Jesub ǃnâ ǀhommi ǃoa ǂgaiba te dansa ta ge ra ǁgūba.
15 Hoada hîa gagasise ǀomkhâi hâda ge ǁkhā ǀgauba nî ūhâ. Xawe ǀnîn sadu din nî ǀkhara ǂâiǀgauba ūhâs ka, ob ge Eloba ǁnās tsîna nî ǂhaiǂhaiba du. 16 A da ǀnai ta ge ǃkhōǃoan ǃoa ǀgui ûi re.
17 Ti ǁgaeǁgae-aose ī re ǃgâsado, î ǁnān hîa sadu sige aiǁgause ūhâ tsî ra sao khami ra ûina aiǁgause ība. 18 ǂGui khoen ǁîn xa ta ge ǀnai mîba du tsî nēsi ǁgamrob ǃnâ ra mîn, Xristub ǃgâuhaib* di khākhoen ase ra ûi xui-ao. 19 ǁÎn di ǀams ge a kāǁōsi, sorosi turagu ân a ǁîn elo amaga. ǁÎnan nî tao xūn ain a ǂnīsa tsîn ge ǁkhāti ǃhūbaib di xūn ai ǀgui ǂâidi âna ra ǂnûi. 20 Xawe sada ge a ǀhommi di ǁanǂgāsabe tsî da ge ǁkhorexase sada ǃGâiǃōdī-aob, ǃKhūb Jesub Xristub, ǁnāpa xu nî hāba ǃâu hâ. 21 ǁÎb ge sada di ǂkhabusa, ǁōǁkhā sorode ǁîb di ǂkhaisa soros khami di nî īse, ǁnā ǀgaib hoa xūna ǁîb ǂgaeǂguis ǃnaka ūhâb ǀkha nî ǀkharaǀkhara.
Ama ǂhanu-aisib
1 ǃAruǀî ti ǃgâsado, ǃgâiaǂgao re ǃKhūb ǃnâ! Tita i ge ǀhupuxaba tama hâ, ǀnai ta ge xoa hâ ina ǁkhawa xoaba dusa, ǁnās sado ǃnorasasib ase ība xui-ao. 2 ǃÛisen re arin, ǂkhaba sîsenga ra dīn, ǁnān sorosa ra ǂkhôadīna. 3 Sada kom ama ǃgaos* dida, Eloba Gagab ǃnâ ǀgoreǀî tsî Xristub* Jesub ǃnâ ra koasenda, ǂgomǃgâsa ǃaugasi xūn ǃnâ ūhâ tamase. 4 Tita tsîn ge ǁkhāti ǃaugasi xūn ai ti mûmâinǃgâba ga ūhâ hâ. Khoe-i kom ga hâo, ǃaugasi xūn ai mûmâinǃgâba ūhâ-e, o ta tita ǁî-i ǃgâ-ai ǁnāti ra tsâ. 5 Tita ge ǁkhaisaǁî tsēs ai ge ǃgaohe, ǃnaesa xu Israelǁîta, Benjaminni ǃhaosa xu hâta, ǃūmû Hebreǁîta. ǂHanub ǃoa Fariseta, 6 ti ôasasib ǃnâ kerkheba gere ǃgôaǃgonta. ǂHanuba ǁnâuǀnams ǀkha ǂhanu-ai kaihes ǃnās xasa ta a ǀhapio. 7 Xawen ge ǁnā xūn tita ǂhâǂhâsase gere ǃgôana nēsi a harebeoǃnâba te, Xristub ǃaroma. 8 Xawe ta ge hoaraga xūna Xristub Jesub, ti ǃKhūb xa ta ūhâ ǃnāǂamsa ǂans ǃaroma ǂoaǃnâs ase ra ǃgôa. ǁÎb ǃaromas ge hoa xūna ta aoxū tsî ǀapob ase ra mûsa, Xristuba ta nî hōbasen ǁkhā 9 tsî ǁîb ǀkha ǀoasase ǃgaeǀhaohese. ǂHanuba xu hâ ǂhanu-aisib tiba ta nî ūhâses ose, xawe ǁnāb Xristub ǃnâ hâ ǂgoms, ǂhanu-aisib Elob tsî ǂgoms ǃnâ hâsa. 10 Xristub tsî ǁîb khâis di ǀgaiba ǂan, ǁîb tsâb ǃnâ ǁhaos di ǀhûhâsi tsî ta ǁîb ǁōb ǃnâ ǁîb ǀkha ǀguiti-īs 11 tsî ǁnās ǀkha tita ǂûta ǁōba xu nî ǂkhaiǂkhaihese.
Dansa ǁgūbas
12 Nē xūn hoana ta ge ǀnai hō tamas ka io ta ge ǀnai dīǀoaǀoasas ose, xawe ta ge ra ǁgū, Xristub Jesub ge ǁîb di ta ase dī te xui-ao, ǁîna tise dīsa. 13 ǃGâsado, ǀnai ta ge ǁîna dan ti ta ǂâi tama hâ, xawe ta ge ǀgui xū-e ra dī: ǃGâbǀkhāb ai hâna ǀuru tsî ta aisǀkhāb ai hâna ra ǁgūba. 14 Elob ge Xristub Jesub ǃnâ ǀhommi ǃoa ǂgaiba te dansa ta ge ra ǁgūba.
15 Hoada hîa gagasise ǀomkhâi hâda ge ǁkhā ǀgauba nî ūhâ. Xawe ǀnîn sadu din nî ǀkhara ǂâiǀgauba ūhâs ka, ob ge Eloba ǁnās tsîna nî ǂhaiǂhaiba du. 16 A da ǀnai ta ge ǃkhōǃoan ǃoa ǀgui ûi re.
17 Ti ǁgaeǁgae-aose ī re ǃgâsado, î ǁnān hîa sadu sige aiǁgause ūhâ tsî ra sao khami ra ûina aiǁgause ība. 18 ǂGui khoen ǁîn xa ta ge ǀnai mîba du tsî nēsi ǁgamrob ǃnâ ra mîn, Xristub ǃgâuhaib* di khākhoen ase ra ûi xui-ao. 19 ǁÎn di ǀams ge a kāǁōsi, sorosi turagu ân a ǁîn elo amaga. ǁÎnan nî tao xūn ain a ǂnīsa tsîn ge ǁkhāti ǃhūbaib di xūn ai ǀgui ǂâidi âna ra ǂnûi. 20 Xawe sada ge a ǀhommi di ǁanǂgāsabe tsî da ge ǁkhorexase sada ǃGâiǃōdī-aob, ǃKhūb Jesub Xristub, ǁnāpa xu nî hāba ǃâu hâ. 21 ǁÎb ge sada di ǂkhabusa, ǁōǁkhā sorode ǁîb di ǂkhaisa soros khami di nî īse, ǁnā ǀgaib hoa xūna ǁîb ǂgaeǂguis ǃnaka ūhâb ǀkha nî ǀkharaǀkhara.
