Xristub* di ǃgamǃgamsens tsî kaisib
1 ǁNā-amaga, ǂgaoǂgaoǃnâ-i ga Xristub ǃnâ hâo, ǁkhaeǂgao-i ǀnammi di-i, ǀhûhâsi-i Gagab di-i tsî ǀnam-i tsâbaǁhaos di-e, 2 o ti ǃgâiaǂgaoba ǀoaǀoa, ǀguiǂâixa, ǁkhā ǀnamma ūhâ tsî ǀgui ǂâibasensa ūhâse. 3 Tā xū-i xare-e ǁîǂâibasenxasib tamas ka io aitsama koasensa xu dī, xawe ǃgamǃgamsenxa, î-i nē-e nau-e ǁî-i ǃgâ-ai ǃgôa. 4 Mâ-i hoa-i sadu di-e a i tā ǁî-i di ǃgâib xa ǀgui ǂâi, xawe naun di ǃgâib tsîn xa ǂâi. 5 Ab nē ǂâiǀgaub, Xristub Jesub ǃnâ ge hâ iba sadu ǃnâs tsîna hâ re:
6 ǁÎb ge hoaǁae Elob di īb ǃnâ ge hâ i,
xaweb ge Elob ǀkha ǀguiti-īsa ge ǁgariǁnâ tama hâ i.
7 ǁNās ǃās ǃnâb ge ǁîba xu aitsama
ge ǃgamǃgamsen
tsî ǃgāsis ǃnâ ge mâisen.
Khoeb ase ī
tsîb khoen ǀkha nî ǀguiti īse.
8 ǁÎb ge aitsama ǃgamǃgamsen
tsî ǁōb kōse ge ǁnâuǀnamxa,
ǃgâuhaib* aib ge ǁōs kōse.
9 ǁNā-amagab ge Elob tsîna ǁîba ǀgapiǀgapi
tsî ǀondi hoadi xa ǀgapi ǀonsa ge mā bi.
10 ǁÎ ǀons Jesub dis aiǃâs
mâ ǁgoas, ǀhommi ǃnâ tsî
ǃhūbaib ai hâs hoasa nî ǃhon,
11 tsî-i mâ-i hoa-e ǂhaisase
Elob ǁGûb di ǂkhaisiba ǃoa
Jesub Xristub a ǃKhū ǃkhaisa nî ǂhôase.
ǃHūbaib ǃnâ ǃnâtani-ao kais
12 ǁNā-amaga ǀnamsabedo, ǀnai du gere ǁnâuǀnam khami, ti hâs ǃnâ ǀgui tama i tsî ti ǀkhais ǃnâ ǃnāsase ǃaob tsî ǀkhūb ǀkha sadu ǃgâiǃōsiba sîsen re. 13 Elob hoaǁae sadu ǃnâ ra sîsen xui-ao, māsenxa tsî du nî ǁîb di ǃgâi ǂâibasens ǃaroma ǁkhāse.
14 Hoa xūna ǃgaes tamas ka io ǂnoagus ose dī, 15 ūo tsî du nî ǃanuse, ǀhôagao tsî ǂkhaba surib ǁaegu du, ǂnao-o Elob ôan ase nî īse. ǁÎn ǁaegu ǃnâtani-aon ase ǃhūbaib ǃnâ ī re, 16 mîs ûib disa du ra tanise. ǁNāti du ga dī, o ta ge sadu xa Xristub di Tsēs ai koas ǁause ta ge sîsen tsî ǀhupu tama hâ i ǃkhais disa nî ūhâ.
17 Tsî ta nî ǁguibas tsî pristersi ǃoabas sadu ǂgoms dis ai āǁguibase ǂnâǂuihes ka, o ta ge sadu hoadu ǀkha ra ǃgâiaǂgaoǀhao. 18 ǁKhā ǀgaus ai du ge sadu tsîna nî ǃgâiǂgao tsî tita ǀkha ǃgâiaǂgaoǀhao.
Timoteub tsî Epafroditub
19 ǃKhūb Jesub ǃnâ ta ge ra ǃâubasen, Timoteuba ǃhaese sadu ǁga sîsa, î ta sadu xa ta ga ǁnâu, o ǃgâiaǂgao. 20 ǀGui khoe-i ǁîb khami sadu di mâsigu ǃnâ ǂhauǃnâse nî ǁae-e ta ǂan tama amaga. 21 Mâ-i hoa-i ge Jesub Xristub xūn ose, xawe ǁî-i din ǀkha ǀgui ǁae hâ. 22 Xawe du ge ǂan mâtib ge ǁîb di ǁkhāsiba ǁgauǂuis, tsî mâtib ge ǀgôab hîa ǁgûb ǀkha hâb khami tita ǀkha ǃGâiǂhôas ǃnâ gere ǃoabasa. 23 Tita ge ra ǃâubasen, mâtin nî xūna tita ǀkha ǃgû ǃkhaisa ta ga mûo, ǁîba sadu ǁga sîsa. 24 Xawe ta ge ǂgomǃgâsa ǃKhūb ǃnâ ūhâ, tita tsîn ǃhae ǁaeb ǃnâ sadu tawa nî sīsa. 25 Xawe i ge go ǂhâbasaba te Epafroditub, ti ǃgâsa, sîsenǁare-ao tsî tita ǀkha ǃGâiǂhôas ǃaroma gere ǃkham, xawe sadu di apostel* tsî sîsabeba sadu ǁga sî-oasa. 26 Kaiseb ge sado ǁkhore hâ tsî ǁîb ge ǀaesen hâ i ǃkhaisa du ge ǁnâus xa ge ǂkhîoǃnâ. 27 Amaseb ge ge ǀaesen hâ i, ǁō ǁgab ges kōse, xaweb ge Eloba ge ǀkhomxa bi tsî ǁîb ǀguib ose xawe tita tsîna, ǀgui ǃoab ai ta nauba hō tidese. 28 ǁNā-amaga ta ge kaise a turaxa ǁîba sîsa. ǁÎba du ga mû, o du kaise nî ǃgâiaǂgao tsî ta tita ǃaruǀî ǃoa tidese. 29 Xuige hoa ǃgâiaǂgaob ǀkha ǃKhūb ǃnâ ǃkhōǃoa bi re, î ǁîb khami īna ǃgôasiba mā. 30 ǁÎb ge Xristub di sîsenni ǃaroma ûib âba ǃaorosasib ǃnâ mâi tsî ge ǁō ǁga, sadu di ǃnubusib ǃoabas ǃnâ hâbab nî dīǀoaǀoase.
Xristub* di ǃgamǃgamsens tsî kaisib
1 ǁNā-amaga, ǂgaoǂgaoǃnâ-i ga Xristub ǃnâ hâo, ǁkhaeǂgao-i ǀnammi di-i, ǀhûhâsi-i Gagab di-i tsî ǀnam-i tsâbaǁhaos di-e, 2 o ti ǃgâiaǂgaoba ǀoaǀoa, ǀguiǂâixa, ǁkhā ǀnamma ūhâ tsî ǀgui ǂâibasensa ūhâse. 3 Tā xū-i xare-e ǁîǂâibasenxasib tamas ka io aitsama koasensa xu dī, xawe ǃgamǃgamsenxa, î-i nē-e nau-e ǁî-i ǃgâ-ai ǃgôa. 4 Mâ-i hoa-i sadu di-e a i tā ǁî-i di ǃgâib xa ǀgui ǂâi, xawe naun di ǃgâib tsîn xa ǂâi. 5 Ab nē ǂâiǀgaub, Xristub Jesub ǃnâ ge hâ iba sadu ǃnâs tsîna hâ re:
6 ǁÎb ge hoaǁae Elob di īb ǃnâ ge hâ i,
xaweb ge Elob ǀkha ǀguiti-īsa ge ǁgariǁnâ tama hâ i.
7 ǁNās ǃās ǃnâb ge ǁîba xu aitsama
ge ǃgamǃgamsen
tsî ǃgāsis ǃnâ ge mâisen.
Khoeb ase ī
tsîb khoen ǀkha nî ǀguiti īse.
8 ǁÎb ge aitsama ǃgamǃgamsen
tsî ǁōb kōse ge ǁnâuǀnamxa,
ǃgâuhaib* aib ge ǁōs kōse.
9 ǁNā-amagab ge Elob tsîna ǁîba ǀgapiǀgapi
tsî ǀondi hoadi xa ǀgapi ǀonsa ge mā bi.
10 ǁÎ ǀons Jesub dis aiǃâs
mâ ǁgoas, ǀhommi ǃnâ tsî
ǃhūbaib ai hâs hoasa nî ǃhon,
11 tsî-i mâ-i hoa-e ǂhaisase
Elob ǁGûb di ǂkhaisiba ǃoa
Jesub Xristub a ǃKhū ǃkhaisa nî ǂhôase.
ǃHūbaib ǃnâ ǃnâtani-ao kais
12 ǁNā-amaga ǀnamsabedo, ǀnai du gere ǁnâuǀnam khami, ti hâs ǃnâ ǀgui tama i tsî ti ǀkhais ǃnâ ǃnāsase ǃaob tsî ǀkhūb ǀkha sadu ǃgâiǃōsiba sîsen re. 13 Elob hoaǁae sadu ǃnâ ra sîsen xui-ao, māsenxa tsî du nî ǁîb di ǃgâi ǂâibasens ǃaroma ǁkhāse.
14 Hoa xūna ǃgaes tamas ka io ǂnoagus ose dī, 15 ūo tsî du nî ǃanuse, ǀhôagao tsî ǂkhaba surib ǁaegu du, ǂnao-o Elob ôan ase nî īse. ǁÎn ǁaegu ǃnâtani-aon ase ǃhūbaib ǃnâ ī re, 16 mîs ûib disa du ra tanise. ǁNāti du ga dī, o ta ge sadu xa Xristub di Tsēs ai koas ǁause ta ge sîsen tsî ǀhupu tama hâ i ǃkhais disa nî ūhâ.
17 Tsî ta nî ǁguibas tsî pristersi ǃoabas sadu ǂgoms dis ai āǁguibase ǂnâǂuihes ka, o ta ge sadu hoadu ǀkha ra ǃgâiaǂgaoǀhao. 18 ǁKhā ǀgaus ai du ge sadu tsîna nî ǃgâiǂgao tsî tita ǀkha ǃgâiaǂgaoǀhao.
Timoteub tsî Epafroditub
19 ǃKhūb Jesub ǃnâ ta ge ra ǃâubasen, Timoteuba ǃhaese sadu ǁga sîsa, î ta sadu xa ta ga ǁnâu, o ǃgâiaǂgao. 20 ǀGui khoe-i ǁîb khami sadu di mâsigu ǃnâ ǂhauǃnâse nî ǁae-e ta ǂan tama amaga. 21 Mâ-i hoa-i ge Jesub Xristub xūn ose, xawe ǁî-i din ǀkha ǀgui ǁae hâ. 22 Xawe du ge ǂan mâtib ge ǁîb di ǁkhāsiba ǁgauǂuis, tsî mâtib ge ǀgôab hîa ǁgûb ǀkha hâb khami tita ǀkha ǃGâiǂhôas ǃnâ gere ǃoabasa. 23 Tita ge ra ǃâubasen, mâtin nî xūna tita ǀkha ǃgû ǃkhaisa ta ga mûo, ǁîba sadu ǁga sîsa. 24 Xawe ta ge ǂgomǃgâsa ǃKhūb ǃnâ ūhâ, tita tsîn ǃhae ǁaeb ǃnâ sadu tawa nî sīsa. 25 Xawe i ge go ǂhâbasaba te Epafroditub, ti ǃgâsa, sîsenǁare-ao tsî tita ǀkha ǃGâiǂhôas ǃaroma gere ǃkham, xawe sadu di apostel* tsî sîsabeba sadu ǁga sî-oasa. 26 Kaiseb ge sado ǁkhore hâ tsî ǁîb ge ǀaesen hâ i ǃkhaisa du ge ǁnâus xa ge ǂkhîoǃnâ. 27 Amaseb ge ge ǀaesen hâ i, ǁō ǁgab ges kōse, xaweb ge Eloba ge ǀkhomxa bi tsî ǁîb ǀguib ose xawe tita tsîna, ǀgui ǃoab ai ta nauba hō tidese. 28 ǁNā-amaga ta ge kaise a turaxa ǁîba sîsa. ǁÎba du ga mû, o du kaise nî ǃgâiaǂgao tsî ta tita ǃaruǀî ǃoa tidese. 29 Xuige hoa ǃgâiaǂgaob ǀkha ǃKhūb ǃnâ ǃkhōǃoa bi re, î ǁîb khami īna ǃgôasiba mā. 30 ǁÎb ge Xristub di sîsenni ǃaroma ûib âba ǃaorosasib ǃnâ mâi tsî ge ǁō ǁga, sadu di ǃnubusib ǃoabas ǃnâ hâbab nî dīǀoaǀoase.
