ǃAnuoǃnâ khoen
1 ǃKhūb ge Moseba ge mîmā: 2 “Israelǁîna mîmā, în khōǀaesenna ūhâ khoen tamas ka io sorosi ǀâba ūhân tsî mâ-i hoa-i ǁō hâ sorosa tsâǀkhās ǀkha ge ǃanuoǃnâ-i tsîna hâǃkhaiba xu ǂoa kai. 3 Hoaraga ǃanuoǃnâ khoena ǂoa kai, în tā hâǃkhaib, ti khoen ǀkha ta ra hâǃnâba ǃanuoǃnâ kai.” 4 Israelǁîn ge nēsa ǁnâuǀnam tsî hoaraga ǃanuoǃnâ khoena hâǃkhaiba xu ge ǂoa kai.
Tsūdīhe gen mādawa-ams
5 ǃKhūb ge Moseba 6 sao ra ǁgaraga Israelǁîn ǃaroma ge mā: Khoe-i ga ǃKhūb ǃoagu ǂgomǃgâoǃnâ tsî nau khoe-i ǃoagu tsūdī, 7 o i ge ǁî-e ǁoren â-e ǁguiǁnâ tsî ǀoasa mādawa-ams tsî ǀarosen rase ǀgamdisi persentga tsūdī-i go khoe-e nî mādawa. 8 Xawe i ga ǁnā khoe-e ǁō tsî mādawa-amsa nî māhe ǀgūǀaokhoe-e ūhâ tama i, os ge ǁnā mādawa-amsa ǃKhūb ǃgôasib ǃaroma pristera nî māhe. Nē mādawa-ams ge ǀhapixa khoe-i di ǂkhîbagus ǃaroma nî māhe baib xōǀkhā ra māhe. 9 Tsî mâ ǀō-aisa mā-i ǃKhūbǃgôasib ǃaroma ra māhe-i hoa-i ge pristera nî māhe. 10 Mâ pristeri hoab ge māheb ga māsa nî ūbasen.
ǂÂisā-aihe ra taradi
11 ǃKhūb ge Moseba ge mîmā, 12-14 îb Israelǁîna sao ra ǁgaraga mā: Īǁkhā i ge a aob ǁîb taras ǁîb ǃoagu a ǂgomǃgâoǃnâ tsîs ge ǁîsa ǀnî khoeb ǀkha sorosise ǁgoes ǀkha ǃanuoǃnâ kaisen ǃkhaisa ra ǂâisāsa. Xaweb ge nē aoba ra îganǀgē, taras nēsa ǀhôagaose ra dī xui-ao; ǀhûǀguitimî-ao-i ǀkhai, tamas ka ios ǀnî khoeb ǀkha kharob ǃnâ ǃkhōhe tama amaga. ǁKhāti a īǁkhās ge aob ǁîb ǃoagu ǂgomǂgomsa tarasa ǂâisā-ai ǁkhā ǃkhaisa. 15 Mâti ǀgui ga ī, xaweb ge aoba taras âba pristeri tawa nî sī-ū. ǁÎb ge ǁkhāti ǂhâbasa ǀgui kiloxram mel-i ǁguibasa nî ūsao, xaweb ge mel-i ai ǀkhera-oli-i tamas ka io ǃgâihamxū-i tsîna dī tide, nēs a ǁîb tarasa ra ǂâisā-ai aob di ǁguiba xui-ao. Nēs ǃnâ-us ge amab nî ǂoaxasa.
16 Pristeri ge ǁîsa ǀgūse hā kai tsî ǁîsa altars ais ai nî mâ kai. 17 ǁÎb ge ǃanu ǁgam-e ǂgoaxapas ǃnâ ǁhō tsî ǃhūǃâ-i ǃKhūb Tentommi di ǂgapab ai ǁgoe-e ū tsî ǁî-e ǁgam-i ǃnâ nî tsoroǂgā. 18 ǁÎb ge taras di ǀûna xore tsî ǁguibahe ge mel-e ǁîs ǃomkha ǃnâ nî tsoro. Pristeri ge au ǁgam-e ūhâ xapas, ǀâxareba nî hā-ūsa nî ǃkhōmâi. 19 Pristeri ge tarasa nū kai tsî sao rase nî mî: “ǀAi tamas ka io, os ge nē ǁgam-e xu ra ǂoaxa ǀâxareb xa tsâǀkhāhe tide. 20 Xawes ga hâna ǀai hâ, 21 o ab ǃKhūba sa ǀons ai ǀâxareba sa khoen ǁaegu hā kai. Ab ǁîba sa ǁgoe-ūgus di turaba ǃgam tsî sa ǃnāba xâiǀoa kai. 22 A-i nē ǁgam-e sa ǃnāb ǃnâ ǂgâ tsî ǁîba xâiǀoa kai tsî ǁgoe-ūgus di turaba ǃgam.”
Taras ge sao rase nî ǃeream: “ǃKhōǃgâ ta ra; ab ǃKhūba ǁnāsa dī.”
23 Ob ge pristera nē ǀâxareba xoa tsî ǁîba au ǁgam-i di ǃores ǃnâ nî ǁāǁnâ. 24 Tarasab ǁnā au ǁgam-i, ǁîsa kaise nî tsû kai-e nî āsis aiǃâb ge 25 pristera mel-i di ǁguibasa taras di ǃomma xu ū, tsî ǃKhūb di ǃgôasib ǃaroma altars tawa nî hā-ū. 26 ǁNāpa xub ge ǃomsǀoa mel-e ǁguibas di saos ase ū tsî altars ai nî ǂhubi. ǁNās khaoǃgâb ge tarasa ǃgau ra ǁgam-i hoa-e nî ā kai. 27 Ama ǀais ka, o-i ge ǁgam-e kaise kai tsûba ǁîs ai nî ǃaroma; ǁîs ǃnāb ge xâi tsî ǁîs ǁoraǁkhāsiba nî ūbē. ǁÎs khoen di ǀâxareb ge ǁîs ai nî hâ. 28 Xawes ga ǁîsa ǀhapio, os ge ǁgam-i xa xū-e dīhe tide tsî ǁoraǁkhāsib âsa nî ūhâ.
29-30 Nē ǁgaragu ge aob ga tauxa tsî taras âba ǂâisā ǁaeb ai nî sîsenūhe. Tarasa altars ais ai mâ kai tsîb ge pristera nē ǁgaraga nî sao. 31 Aob ge nî ǀhapio, xawes ga taras âba ǀhapixa, os ge nî ǁkharahe.
ǃAnuoǃnâ khoen
1 ǃKhūb ge Moseba ge mîmā: 2 “Israelǁîna mîmā, în khōǀaesenna ūhâ khoen tamas ka io sorosi ǀâba ūhân tsî mâ-i hoa-i ǁō hâ sorosa tsâǀkhās ǀkha ge ǃanuoǃnâ-i tsîna hâǃkhaiba xu ǂoa kai. 3 Hoaraga ǃanuoǃnâ khoena ǂoa kai, în tā hâǃkhaib, ti khoen ǀkha ta ra hâǃnâba ǃanuoǃnâ kai.” 4 Israelǁîn ge nēsa ǁnâuǀnam tsî hoaraga ǃanuoǃnâ khoena hâǃkhaiba xu ge ǂoa kai.
Tsūdīhe gen mādawa-ams
5 ǃKhūb ge Moseba 6 sao ra ǁgaraga Israelǁîn ǃaroma ge mā: Khoe-i ga ǃKhūb ǃoagu ǂgomǃgâoǃnâ tsî nau khoe-i ǃoagu tsūdī, 7 o i ge ǁî-e ǁoren â-e ǁguiǁnâ tsî ǀoasa mādawa-ams tsî ǀarosen rase ǀgamdisi persentga tsūdī-i go khoe-e nî mādawa. 8 Xawe i ga ǁnā khoe-e ǁō tsî mādawa-amsa nî māhe ǀgūǀaokhoe-e ūhâ tama i, os ge ǁnā mādawa-amsa ǃKhūb ǃgôasib ǃaroma pristera nî māhe. Nē mādawa-ams ge ǀhapixa khoe-i di ǂkhîbagus ǃaroma nî māhe baib xōǀkhā ra māhe. 9 Tsî mâ ǀō-aisa mā-i ǃKhūbǃgôasib ǃaroma ra māhe-i hoa-i ge pristera nî māhe. 10 Mâ pristeri hoab ge māheb ga māsa nî ūbasen.
ǂÂisā-aihe ra taradi
11 ǃKhūb ge Moseba ge mîmā, 12-14 îb Israelǁîna sao ra ǁgaraga mā: Īǁkhā i ge a aob ǁîb taras ǁîb ǃoagu a ǂgomǃgâoǃnâ tsîs ge ǁîsa ǀnî khoeb ǀkha sorosise ǁgoes ǀkha ǃanuoǃnâ kaisen ǃkhaisa ra ǂâisāsa. Xaweb ge nē aoba ra îganǀgē, taras nēsa ǀhôagaose ra dī xui-ao; ǀhûǀguitimî-ao-i ǀkhai, tamas ka ios ǀnî khoeb ǀkha kharob ǃnâ ǃkhōhe tama amaga. ǁKhāti a īǁkhās ge aob ǁîb ǃoagu ǂgomǂgomsa tarasa ǂâisā-ai ǁkhā ǃkhaisa. 15 Mâti ǀgui ga ī, xaweb ge aoba taras âba pristeri tawa nî sī-ū. ǁÎb ge ǁkhāti ǂhâbasa ǀgui kiloxram mel-i ǁguibasa nî ūsao, xaweb ge mel-i ai ǀkhera-oli-i tamas ka io ǃgâihamxū-i tsîna dī tide, nēs a ǁîb tarasa ra ǂâisā-ai aob di ǁguiba xui-ao. Nēs ǃnâ-us ge amab nî ǂoaxasa.
16 Pristeri ge ǁîsa ǀgūse hā kai tsî ǁîsa altars ais ai nî mâ kai. 17 ǁÎb ge ǃanu ǁgam-e ǂgoaxapas ǃnâ ǁhō tsî ǃhūǃâ-i ǃKhūb Tentommi di ǂgapab ai ǁgoe-e ū tsî ǁî-e ǁgam-i ǃnâ nî tsoroǂgā. 18 ǁÎb ge taras di ǀûna xore tsî ǁguibahe ge mel-e ǁîs ǃomkha ǃnâ nî tsoro. Pristeri ge au ǁgam-e ūhâ xapas, ǀâxareba nî hā-ūsa nî ǃkhōmâi. 19 Pristeri ge tarasa nū kai tsî sao rase nî mî: “ǀAi tamas ka io, os ge nē ǁgam-e xu ra ǂoaxa ǀâxareb xa tsâǀkhāhe tide. 20 Xawes ga hâna ǀai hâ, 21 o ab ǃKhūba sa ǀons ai ǀâxareba sa khoen ǁaegu hā kai. Ab ǁîba sa ǁgoe-ūgus di turaba ǃgam tsî sa ǃnāba xâiǀoa kai. 22 A-i nē ǁgam-e sa ǃnāb ǃnâ ǂgâ tsî ǁîba xâiǀoa kai tsî ǁgoe-ūgus di turaba ǃgam.”
Taras ge sao rase nî ǃeream: “ǃKhōǃgâ ta ra; ab ǃKhūba ǁnāsa dī.”
23 Ob ge pristera nē ǀâxareba xoa tsî ǁîba au ǁgam-i di ǃores ǃnâ nî ǁāǁnâ. 24 Tarasab ǁnā au ǁgam-i, ǁîsa kaise nî tsû kai-e nî āsis aiǃâb ge 25 pristera mel-i di ǁguibasa taras di ǃomma xu ū, tsî ǃKhūb di ǃgôasib ǃaroma altars tawa nî hā-ū. 26 ǁNāpa xub ge ǃomsǀoa mel-e ǁguibas di saos ase ū tsî altars ai nî ǂhubi. ǁNās khaoǃgâb ge tarasa ǃgau ra ǁgam-i hoa-e nî ā kai. 27 Ama ǀais ka, o-i ge ǁgam-e kaise kai tsûba ǁîs ai nî ǃaroma; ǁîs ǃnāb ge xâi tsî ǁîs ǁoraǁkhāsiba nî ūbē. ǁÎs khoen di ǀâxareb ge ǁîs ai nî hâ. 28 Xawes ga ǁîsa ǀhapio, os ge ǁgam-i xa xū-e dīhe tide tsî ǁoraǁkhāsib âsa nî ūhâ.
29-30 Nē ǁgaragu ge aob ga tauxa tsî taras âba ǂâisā ǁaeb ai nî sîsenūhe. Tarasa altars ais ai mâ kai tsîb ge pristera nē ǁgaraga nî sao. 31 Aob ge nî ǀhapio, xawes ga taras âba ǀhapixa, os ge nî ǁkharahe.
