Jordanǃāb aiǂoasǀkhāb di ǃhaodi
(Deuteronomium 3:12-22)1 Rubenni tsî Gad hâkha ǃhaora ge ǂgui ǀgoana ge ūhâ i. ǁÎkha ge Jaseri tsî Gilead hâkha ǃhūb, goman ǃaroma a ǃgâi ǃkhaisa kha ge mû, 2 o Moseb, Eleasari tsî nau ǂgaeǂgui-aogu ǀhûhâsib digu tawa sī tsî ge mî: 3-4 “ǃKhūb ge Israelǁîna ǁkhâuǁnâhui ǀkharib ge sao ra ǃādi, Atarots, Dibons, Jasers, Nimras, Hesbons, Eleales, Sibmas, Nebos tsî Beons tsîdi, ǀgoan ǃaroma a ǃgâi ǃûǃkhaiba ūhâde ǃkhōǂgā hâ, tsî sida ge ǂgui ǀgoana ūhâ. 5 ǁNā-amaga toxopa sikhoma nē ǃhūba sikhom dise mā re, î sikhoma tā Jordanǃāba ǃgâu kai ǁnāpa khom sī nî ǁanse.”
6 Moseb ge ǁîkha ge ǃeream: “Sakho ǃgâsa Israeǁîn ra torob ǁga ǃgû hîa kho nēpa ra hâ ǂgao? 7 Tare-i ǃaroma kho Israelǁîna Jordanǃāba ǃgâu tsî ǃKhūb ge ǁîna mā ǃhūb tawa sīsa ra ǂhani? 8 ǁNās ge sakho îgu ge dīsa, Kades Barneasa xu ta ge sî guo, î gu ǃhūba sī ǂanǂui. 9 ǁÎgu ge Eskolǃgoaǃnāb kōse sī tsî ǃhūba ge mû, xawe gu ge oaǀkhī, o gu ge Israelǁîna ǃKhūb ge ǁîna mā ǃhūba ǂgâǃnâsa ge ǂhani. 10 ǁNā tsēs aib ge ǃKhūba kaise ǁaixa tsî ge mîmâi: 11 ‘Tita ge ǁîgu ge ti ǃoagu ǂgomǂgomsa tama hâ i amaga ge nū, ǀgamdisi kuriga xu ǀgapise hâ khoegu Egipteba xu ge ǂoaxagu di ǀguib tsîn Abrahammi, Isaki tsî Jakob hâga ta ge mîmâiba ǃhūb ǃnâ ǂgâ tidesa.’ 12 Jefuneb, Keniǁîb ôab Kaleb tsî Nunni ôab Josuab hâkha ǀguikha ge ǃKhūb ǃoa ge ǂgomǂgomsa i. 13 ǃKhūb ge ǁnātikōse Israelǁîna ǁaixa-ū tsî hakadisi kuriga hoaraga ôananôagub nî ǁōtoas kōse ǃgaroǃhūb ǃnâ ge ǀnarema kai. 14 Tsî kho ge sakho nēsi sakho îgu daoba ra sao, ǀasa ǁorexa khoegu surib hîa ǃKhūb di ǁaiba Israelǁîn ai ǁkhawa ra ǁgôaxa kai ǂgaogu ase. 15 Rubenni tsî Gad hâkha di khoen ga nēsi ǁîba saosa ǂkhā, ob ge ǁîba ǁkhawa nē khoen hoana ǃgaroǃhūb ǃnâ nî ǂhara, tsî kho ge sakho ǁîn di hîkākāhes di ǃereamsa nî tani.”
16 ǁÎkha ge Moseb tawa sī tsî ge mî: “Aibe mā-am khom î khom sikhom ǀgoan ǃaroma nēpa ǃharade kuru tsî ǃāde sikhom khoen ǃaroma ǂnubi. 17 ǁNās khaoǃgâ khom ge māsen tsî ǃgâsa Israelǁîn ǀkha torob ǃoa ǃgû tsî hoaraga Israelǁîn nî ǁanǃkhaina ǃhūb ǃnâ ǁîn dise hōbasens kōse ǃkhamsa nî ǃkhōdana. Xawen ge aibe sikhom khoena nē ǃādi ǃnâ nî hâ, nē ǃhūb di khoena xu ǃnorasase. 18 Sikhom ge hoaraga Israelǁîn māhen ge ǃhūba ǀhonkhoe-ai tamas kōse sikhom ǁgâudi ǁga ǁaru tide. 19 Sikhom ge Jordanǃāb nauǀkhāb ai hâ ǃhūba xū ǃâ-i xare-e ūbasen tide, Jordanǃāb di aiǂoasǀkhāb ai khom go ǃhūǃâ-e hō xui-ao.”
20 Moseb ge ǁîkha ge ǃeream: “Mî kho rase kho ga dī tsî ǁnāpa torob ǃaroma ǃKhūb di mûǁae a ǂhomisen, 21 o gu ge hoaraga ǃkhamaoga Jordanǃāba ǃgâu tsî ǃKhūb di mîmās ǃnaka sage khākhoen hoana nî ǁnāǂam, ǃKhūb nî hoaragana dan 22 tsî ǃhūba ǁkhâuǁnâs kōse. ǁNās khaoǃgâ kho ge ǁaru ǁkhā, sakho ǁguiǂamsa kho go ǃKhūb tsî ǃgâsa Israelǁîn ǃaroma dīǀoaǀoa xui-ao. Ob ge ǃKhūba Jordanǃāb aiǂoasǀkhāb ai ǁgoe ǃhūb a sakho di ǃkhaisa nî ǃkhōǃgâ. 23 Xawe kho ga sakho di mîmâisa dī tama i, o ta ge ǃKhūb ǃoagu kho nî ǁore ǃkhaisa nî ǃkhâikhom kho. ǂAn kho nîs ge, sakho ǁoreb nî ǃgôaǃgon kho ǃkhaisa. 24 ǁNā-amaga sakho ǀgoan ǃaroma ǃharade kuru î sakho khoen ǃaroma ǃāde ǂnubi, xawe sakho mîmâisa dīǀoaǀoa!”
25 Gadi tsî Ruben hâkha khoegu ge ge mî: “ǀHonkhoetse, sats go mîmā khom khami khom ge nî dī. 26 Sikhom taradi tsî ǀgôan tsî sikhom goman tsî ǀgoan tsîn ge Gileadi ǃādi tawa nî hâ. 27 Xawe hoage ge ǃKhūb mîmās ǃnaka torob ǃaroma ǂhomisen hâ. Sige ge sats ge mî khami Jordanǃāba ǃgâu tsî sī nî ǃkham.”
28 ǁNātib ge Moseba Eleasari, Josuab tsî nau ǂgaeǂgui-aogu Israelǁîn diga ge mîmā: 29 “Gadi tsî Ruben hâkha di khoegu ga Jordanǃāba ǃgâu tsî ǃKhūb di mîmās ai ǃkhams ǃaroma ǂhomisase hâ, tsî ǁîkha di huib ǀkha ǃhūba a ǁkhâuǁnâbaseno, o ǁîkha Gileadǃhūba ǁîkha dise mā re. 30 Xawe kha ga Jordanǃāba ǃgâu tama i tsî sadu ǀkha torob ǃoa ǃgû tama i, o kha ge ǁîkha ǃhūǃâsa nau Israelǁîn khami Kanaanǃhūb ǃnâ nî māhe.”
31 Gadi tsî Ruben hâkha khoegu ge ge ǃeream: “ǀHonkhoetse, sikhom ge ǃKhūb go mîmā khami nî dī. 32 ǁÎb di mîmās ǃnaka ge ge Jordanǃāba ǃgâu tsî Kanaanǃhūb ǃnâ sī tsî nî ǃkham, sige ǃhūb Jordanǃāb di aiǂoasǀkhāb ai ǁgoeba ge ǂoaǃnâ tidese.”
33 ǁNā-amagab ge Moseba Gadi tsî Ruben hâkha ǃhaora tsî Manaseb di ǃkhareǃâb ǃhaos dib tsîna hoaraga ǀkharib Amorǁîn gao-aob Sihonni tsî Basanni gao-aob Ogi tsîkha dib, tsî ǃādi tsî ǁîkha ǂnamipe hâ ǃhūb hoaba ǃkhōǂgā hâse ge mā. 34 Gadi ǃhaos ge hîkākāhe ge hâ i ǃādi Dibons, Atarots, Aroers, 35 Atrot Sofans, Jasers, Jogbehas, 36 Bet-Nimras tsî Bet-Harans hâde ge omkhâi. 37 Rubenni ǃhaos ge Hesbons, Eleales, Kirjataims, 38 Nebos, Baal-Meons (nē ǀons ge ge ǀkharaǀkharahe) tsî Sibmas tsîde ge omkhâi. ǁÎn ge omkhâin ge ǃādi hoade ǀasa ǀonde ge mā.
39 Manaseb ôab Makiri di ǃhaoǃnās ge Gileadi ǃhūba ǁnāǂam tsî ge ūbasen. ǁÎn ge Amorǁîn ǁnāpa ge hâ in hoana ge doeǁgaǂui. 40 ǁNā-amagab ge Moseba Gileadi ǃhūba Makiri ǃhaoǃnāsa ge mā tsîn ge ǁîna ǁnāpa ge ǁan. 41 Jairi, Manaseb ǃhaosa xu ge hâ ib ge ǀnî ǃgaroǃāde ǁnāǂam tsî ūbasen tsî ǁîde “Jairi ǃGaroǃādi” ti ge ǀonǂgai. 42 Nobab ge Kenats tsî ǁîs di ǃgaroǃādi tsîde ūbasen tsî ǁîb di ǀons ǃoa, Noba ti ge ǀonǂgai.
Jordanǃāb aiǂoasǀkhāb di ǃhaodi
(Deuteronomium 3:12-22)1 Rubenni tsî Gad hâkha ǃhaora ge ǂgui ǀgoana ge ūhâ i. ǁÎkha ge Jaseri tsî Gilead hâkha ǃhūb, goman ǃaroma a ǃgâi ǃkhaisa kha ge mû, 2 o Moseb, Eleasari tsî nau ǂgaeǂgui-aogu ǀhûhâsib digu tawa sī tsî ge mî: 3-4 “ǃKhūb ge Israelǁîna ǁkhâuǁnâhui ǀkharib ge sao ra ǃādi, Atarots, Dibons, Jasers, Nimras, Hesbons, Eleales, Sibmas, Nebos tsî Beons tsîdi, ǀgoan ǃaroma a ǃgâi ǃûǃkhaiba ūhâde ǃkhōǂgā hâ, tsî sida ge ǂgui ǀgoana ūhâ. 5 ǁNā-amaga toxopa sikhoma nē ǃhūba sikhom dise mā re, î sikhoma tā Jordanǃāba ǃgâu kai ǁnāpa khom sī nî ǁanse.”
6 Moseb ge ǁîkha ge ǃeream: “Sakho ǃgâsa Israeǁîn ra torob ǁga ǃgû hîa kho nēpa ra hâ ǂgao? 7 Tare-i ǃaroma kho Israelǁîna Jordanǃāba ǃgâu tsî ǃKhūb ge ǁîna mā ǃhūb tawa sīsa ra ǂhani? 8 ǁNās ge sakho îgu ge dīsa, Kades Barneasa xu ta ge sî guo, î gu ǃhūba sī ǂanǂui. 9 ǁÎgu ge Eskolǃgoaǃnāb kōse sī tsî ǃhūba ge mû, xawe gu ge oaǀkhī, o gu ge Israelǁîna ǃKhūb ge ǁîna mā ǃhūba ǂgâǃnâsa ge ǂhani. 10 ǁNā tsēs aib ge ǃKhūba kaise ǁaixa tsî ge mîmâi: 11 ‘Tita ge ǁîgu ge ti ǃoagu ǂgomǂgomsa tama hâ i amaga ge nū, ǀgamdisi kuriga xu ǀgapise hâ khoegu Egipteba xu ge ǂoaxagu di ǀguib tsîn Abrahammi, Isaki tsî Jakob hâga ta ge mîmâiba ǃhūb ǃnâ ǂgâ tidesa.’ 12 Jefuneb, Keniǁîb ôab Kaleb tsî Nunni ôab Josuab hâkha ǀguikha ge ǃKhūb ǃoa ge ǂgomǂgomsa i. 13 ǃKhūb ge ǁnātikōse Israelǁîna ǁaixa-ū tsî hakadisi kuriga hoaraga ôananôagub nî ǁōtoas kōse ǃgaroǃhūb ǃnâ ge ǀnarema kai. 14 Tsî kho ge sakho nēsi sakho îgu daoba ra sao, ǀasa ǁorexa khoegu surib hîa ǃKhūb di ǁaiba Israelǁîn ai ǁkhawa ra ǁgôaxa kai ǂgaogu ase. 15 Rubenni tsî Gad hâkha di khoen ga nēsi ǁîba saosa ǂkhā, ob ge ǁîba ǁkhawa nē khoen hoana ǃgaroǃhūb ǃnâ nî ǂhara, tsî kho ge sakho ǁîn di hîkākāhes di ǃereamsa nî tani.”
16 ǁÎkha ge Moseb tawa sī tsî ge mî: “Aibe mā-am khom î khom sikhom ǀgoan ǃaroma nēpa ǃharade kuru tsî ǃāde sikhom khoen ǃaroma ǂnubi. 17 ǁNās khaoǃgâ khom ge māsen tsî ǃgâsa Israelǁîn ǀkha torob ǃoa ǃgû tsî hoaraga Israelǁîn nî ǁanǃkhaina ǃhūb ǃnâ ǁîn dise hōbasens kōse ǃkhamsa nî ǃkhōdana. Xawen ge aibe sikhom khoena nē ǃādi ǃnâ nî hâ, nē ǃhūb di khoena xu ǃnorasase. 18 Sikhom ge hoaraga Israelǁîn māhen ge ǃhūba ǀhonkhoe-ai tamas kōse sikhom ǁgâudi ǁga ǁaru tide. 19 Sikhom ge Jordanǃāb nauǀkhāb ai hâ ǃhūba xū ǃâ-i xare-e ūbasen tide, Jordanǃāb di aiǂoasǀkhāb ai khom go ǃhūǃâ-e hō xui-ao.”
20 Moseb ge ǁîkha ge ǃeream: “Mî kho rase kho ga dī tsî ǁnāpa torob ǃaroma ǃKhūb di mûǁae a ǂhomisen, 21 o gu ge hoaraga ǃkhamaoga Jordanǃāba ǃgâu tsî ǃKhūb di mîmās ǃnaka sage khākhoen hoana nî ǁnāǂam, ǃKhūb nî hoaragana dan 22 tsî ǃhūba ǁkhâuǁnâs kōse. ǁNās khaoǃgâ kho ge ǁaru ǁkhā, sakho ǁguiǂamsa kho go ǃKhūb tsî ǃgâsa Israelǁîn ǃaroma dīǀoaǀoa xui-ao. Ob ge ǃKhūba Jordanǃāb aiǂoasǀkhāb ai ǁgoe ǃhūb a sakho di ǃkhaisa nî ǃkhōǃgâ. 23 Xawe kho ga sakho di mîmâisa dī tama i, o ta ge ǃKhūb ǃoagu kho nî ǁore ǃkhaisa nî ǃkhâikhom kho. ǂAn kho nîs ge, sakho ǁoreb nî ǃgôaǃgon kho ǃkhaisa. 24 ǁNā-amaga sakho ǀgoan ǃaroma ǃharade kuru î sakho khoen ǃaroma ǃāde ǂnubi, xawe sakho mîmâisa dīǀoaǀoa!”
25 Gadi tsî Ruben hâkha khoegu ge ge mî: “ǀHonkhoetse, sats go mîmā khom khami khom ge nî dī. 26 Sikhom taradi tsî ǀgôan tsî sikhom goman tsî ǀgoan tsîn ge Gileadi ǃādi tawa nî hâ. 27 Xawe hoage ge ǃKhūb mîmās ǃnaka torob ǃaroma ǂhomisen hâ. Sige ge sats ge mî khami Jordanǃāba ǃgâu tsî sī nî ǃkham.”
28 ǁNātib ge Moseba Eleasari, Josuab tsî nau ǂgaeǂgui-aogu Israelǁîn diga ge mîmā: 29 “Gadi tsî Ruben hâkha di khoegu ga Jordanǃāba ǃgâu tsî ǃKhūb di mîmās ai ǃkhams ǃaroma ǂhomisase hâ, tsî ǁîkha di huib ǀkha ǃhūba a ǁkhâuǁnâbaseno, o ǁîkha Gileadǃhūba ǁîkha dise mā re. 30 Xawe kha ga Jordanǃāba ǃgâu tama i tsî sadu ǀkha torob ǃoa ǃgû tama i, o kha ge ǁîkha ǃhūǃâsa nau Israelǁîn khami Kanaanǃhūb ǃnâ nî māhe.”
31 Gadi tsî Ruben hâkha khoegu ge ge ǃeream: “ǀHonkhoetse, sikhom ge ǃKhūb go mîmā khami nî dī. 32 ǁÎb di mîmās ǃnaka ge ge Jordanǃāba ǃgâu tsî Kanaanǃhūb ǃnâ sī tsî nî ǃkham, sige ǃhūb Jordanǃāb di aiǂoasǀkhāb ai ǁgoeba ge ǂoaǃnâ tidese.”
33 ǁNā-amagab ge Moseba Gadi tsî Ruben hâkha ǃhaora tsî Manaseb di ǃkhareǃâb ǃhaos dib tsîna hoaraga ǀkharib Amorǁîn gao-aob Sihonni tsî Basanni gao-aob Ogi tsîkha dib, tsî ǃādi tsî ǁîkha ǂnamipe hâ ǃhūb hoaba ǃkhōǂgā hâse ge mā. 34 Gadi ǃhaos ge hîkākāhe ge hâ i ǃādi Dibons, Atarots, Aroers, 35 Atrot Sofans, Jasers, Jogbehas, 36 Bet-Nimras tsî Bet-Harans hâde ge omkhâi. 37 Rubenni ǃhaos ge Hesbons, Eleales, Kirjataims, 38 Nebos, Baal-Meons (nē ǀons ge ge ǀkharaǀkharahe) tsî Sibmas tsîde ge omkhâi. ǁÎn ge omkhâin ge ǃādi hoade ǀasa ǀonde ge mā.
39 Manaseb ôab Makiri di ǃhaoǃnās ge Gileadi ǃhūba ǁnāǂam tsî ge ūbasen. ǁÎn ge Amorǁîn ǁnāpa ge hâ in hoana ge doeǁgaǂui. 40 ǁNā-amagab ge Moseba Gileadi ǃhūba Makiri ǃhaoǃnāsa ge mā tsîn ge ǁîna ǁnāpa ge ǁan. 41 Jairi, Manaseb ǃhaosa xu ge hâ ib ge ǀnî ǃgaroǃāde ǁnāǂam tsî ūbasen tsî ǁîde “Jairi ǃGaroǃādi” ti ge ǀonǂgai. 42 Nobab ge Kenats tsî ǁîs di ǃgaroǃādi tsîde ūbasen tsî ǁîb di ǀons ǃoa, Noba ti ge ǀonǂgai.
