ǀKhommi ǀgores
1 ǃKhūtse ǂâi re sida ǀkha ge īn xa,
kō, î mû re sida ǃharaxūba.
2 Sida ǀumis ge ǃhaokhoena ge māhe,
sida omdi ge ge ǀkhara ǃhūǁîn di kai.
3 Sida ge ge ǃguniǀgôa kai, sida îga ǃgamhe tsî;
sida îdi ge ǃoatarase ī.
4 Ā da ra ǁgam-e da ge nî matare;
ǀaena da ge ra ǁama.
5 Sida ǃaodi ai da ge ra ǃgôaǃgonhe;
ǂkhabu da hâ, xawe da sâsa mā-amsa tama.
6 Egipteb tsî Asiriab ǃoa da ge ǃomga ge ǀhōǂui
pere-i xa da nî ǁâ ǁkhāga.
7 Sida aboxan ge ge ǁore tsî ǃaruǀî a ǀkhai;
tsî da ge ǁîn ǂhanuoǃnâsiga ra tani.
8 Khobon ge sida ra gaoǂam;
khoe-i xare-i ǁîn ǀgaiba xu nî ore da-i ge a ǀkhai.
9 Sida pereba da ge sida ûib ama ra hō
ǁōb, ǃgaroǃhūb ǃnâ hâb ǃaroma.
10 Sida khōb ge ǁganoms kōse ǀgamsa
ǃâs di ǂhubi ra ǀgammi xa.
11 Taradi ge Sions ǃnâ ra ǀgaiǃkhōhe
tsî oaxaede, Judab ǃādi ǃnâ.
12 ǂGaeǂgui-aogu ge ūhe tsî ǃomgu ai ra ǂgāmâihe,
kaikhoen ge ǃgôaoǃnâse ra sîsenūhe.
13 ǂKham khoegu ge ǁkhamiǀuidi tawa gere sîsen,
axagu ge hain ǃnâ ra ǃnôa.
14 Kaigu ge ǃaruǀî ǃās di ǂgâ-ams tawa ǂnû tama hâ;
tsî ǂkham khoegu ge ǃaruǀî ǁnāpa ǀkhō tama hâ.
15 ǃGâiaǂgaob ge sida ǂgaogu ǃnâ toa hâ;
sida ǂnāb ge āb ǃnâ ge ǀkhara.
16 Sida danas di gaoǀgapas ge ǁnā hâ.
Tsūba da, ǁore da hâ amaga.
17 ǁNā-amaga gu ge sida ǂgaoga ǂkhabu hâ;
nē xūn ǃaroma di ge sida mûde ǃkhae hâ.
18 Sionǃhommi ǃū-aisase ǁgoeb,
ǀgirin ǁîb ai ra ǃkhoemab ǃaroma.
19 Xawe sats ǃKhūts ge ǀamose ra gaosîsen;
sa trons ge ǃhaosa xu ǃhaos kōse hâ.
20 Tare-i ǃaromats ǀamosib kōse ra ǀuru da?
Tare-i ǃaromats nētikō gaxuse ra ǁnāxū da?
21 ǃKhūtse sats ǃoa hōbasen kai da re, o da ge nî ǃhobasen
aiǃâs khami sida tsēde ǀasaǀasa re.
22 Aoxūǃari dats kha hâ,
tsî kaise sida ǀkha ǁaixa hâ?
ǀKhommi ǀgores
1 ǃKhūtse ǂâi re sida ǀkha ge īn xa,
kō, î mû re sida ǃharaxūba.
2 Sida ǀumis ge ǃhaokhoena ge māhe,
sida omdi ge ge ǀkhara ǃhūǁîn di kai.
3 Sida ge ge ǃguniǀgôa kai, sida îga ǃgamhe tsî;
sida îdi ge ǃoatarase ī.
4 Ā da ra ǁgam-e da ge nî matare;
ǀaena da ge ra ǁama.
5 Sida ǃaodi ai da ge ra ǃgôaǃgonhe;
ǂkhabu da hâ, xawe da sâsa mā-amsa tama.
6 Egipteb tsî Asiriab ǃoa da ge ǃomga ge ǀhōǂui
pere-i xa da nî ǁâ ǁkhāga.
7 Sida aboxan ge ge ǁore tsî ǃaruǀî a ǀkhai;
tsî da ge ǁîn ǂhanuoǃnâsiga ra tani.
8 Khobon ge sida ra gaoǂam;
khoe-i xare-i ǁîn ǀgaiba xu nî ore da-i ge a ǀkhai.
9 Sida pereba da ge sida ûib ama ra hō
ǁōb, ǃgaroǃhūb ǃnâ hâb ǃaroma.
10 Sida khōb ge ǁganoms kōse ǀgamsa
ǃâs di ǂhubi ra ǀgammi xa.
11 Taradi ge Sions ǃnâ ra ǀgaiǃkhōhe
tsî oaxaede, Judab ǃādi ǃnâ.
12 ǂGaeǂgui-aogu ge ūhe tsî ǃomgu ai ra ǂgāmâihe,
kaikhoen ge ǃgôaoǃnâse ra sîsenūhe.
13 ǂKham khoegu ge ǁkhamiǀuidi tawa gere sîsen,
axagu ge hain ǃnâ ra ǃnôa.
14 Kaigu ge ǃaruǀî ǃās di ǂgâ-ams tawa ǂnû tama hâ;
tsî ǂkham khoegu ge ǃaruǀî ǁnāpa ǀkhō tama hâ.
15 ǃGâiaǂgaob ge sida ǂgaogu ǃnâ toa hâ;
sida ǂnāb ge āb ǃnâ ge ǀkhara.
16 Sida danas di gaoǀgapas ge ǁnā hâ.
Tsūba da, ǁore da hâ amaga.
17 ǁNā-amaga gu ge sida ǂgaoga ǂkhabu hâ;
nē xūn ǃaroma di ge sida mûde ǃkhae hâ.
18 Sionǃhommi ǃū-aisase ǁgoeb,
ǀgirin ǁîb ai ra ǃkhoemab ǃaroma.
19 Xawe sats ǃKhūts ge ǀamose ra gaosîsen;
sa trons ge ǃhaosa xu ǃhaos kōse hâ.
20 Tare-i ǃaromats ǀamosib kōse ra ǀuru da?
Tare-i ǃaromats nētikō gaxuse ra ǁnāxū da?
21 ǃKhūtse sats ǃoa hōbasen kai da re, o da ge nî ǃhobasen
aiǃâs khami sida tsēde ǀasaǀasa re.
22 Aoxūǃari dats kha hâ,
tsî kaise sida ǀkha ǁaixa hâ?
