1 ǁNās khaoǃgâb ge Bildadi Suaǁîba ge mî:
2 “Mâǁae-i kōsets kha nē xūna nî mî?
Sa amsa xu ra ǂoaxa mîdi ge ǀgaisa ǂoab khami ǀgui ī.
3 Eloba ǂhanu-aisiba dabaǃkhunib nî?
Tamas ka iob Hoaǀgaixaba ǂhanu xū-e nî dabaǃkhuni?
4 Sa ôan ga ǁîb ǃoagu ǁore hâ,
ob ge ga ǁîna ǁîn ǁoren di ǁkharab ǃnâ māǁnâ hâ.
5 Xawets ga Elob di aisa ôa
tsî Hoaǀgaixab di ǀkhomma ôabasen,
6 tsîts ga ǃanu tsî ǂhauǃnâ;
ob ge ǁîba nēsis tsîna khâiba tsi
tsî ǁkhawa sa ǂhanu ǃkhaisa nî mā-oa tsi.
7 Sa tsoatsoas ge ǂkhari i,
xaweb ge sa ǃgoaxaǁaeba kaise nî ǀkhaexaǃnâ.
8 “ǃKharu ge ôananôagugu ai dîǃgâ,
î ǁîgu di aboxagu hōǃâdi ai ǃgaoǃgâ.
9 Sada ge ǁaris ǀgôada tsî da xū-i xare-e a ǀū,
ǃhūbaib di ûitsēdi âda sommi khami ī xui-ao.
10 ǁÎga kha ǁgauǃnâ tsî mîba du tide
tsî ǁnâuǃāxa mîdi ǃnâ ǃgāǃgāba du tide:
11 “ǂĀ-e kha ǂgoab ǀkhaipa ǀomkhâi ǁkhā-e
tsî ǁgam-i ǀkhaiba ǁî-e ǀomkhâi ǁkhā-e?
12 ǁHaretsoatsoa i ka tsî ǃgaos ǃaroma ǂhomisa tama i,
o i ge ǁî-e nau ǀgân ǃgâ-ai kaise ǃhaese ra ǂnâbē.
13 ǁNāti i ge Eloba ra ǀuru khoe-i ǀkha ra hā;
eloxoresa khoe-i ge ǃâubasen-i xare-e ūhâ tama hâ.
14 ǁÎ-i ge ǀnûiǃkhammi ai ǂgomǃgâ,
tsî ǀnûi-oms ai ra ǂgomaiǂnûi.
15 ǁÎs aits ga ǃgâsen, os ge ra ǀgaru
tsî ǁîs aits ga ǁgâibasen, xawes ra ǀgaruǃari.
16 “ǁÎ-i ge sores ǃnâ ǃgâise ra ǀomkhâi,
tsî gu ge ǁnâugu â-e hoaraga ǃhanaba ra īǂam.
17 ǁÎ-i ǃnomagu ge ǀuidi ai namisen
tsî mâti i nî ǃgareǀuigu ai ǃkhōbasen ǀgauba ra ôa.
18 Xawe ǃnomagu ǀkha i ga ǃhomǂuihe,
o i ge xū-i xare-e ǁî-i xa ǃgau tide.
19 ǁNā ǀgaus ais ge ǁî-i ûib ra kābēsa
tsîn ǁîn ǃkhais ai ǀnîna ra ǂoaxasa.
20 “Amase, Elob ge ǂhauǃnâ khoe-e ǂhara tama hâ,
tamas ka iob ge ǂkhabadī-ao-e hui tama hâ.
21 ǁÎb ge sa amsa âib ǀkha nî ǀoaǀoa
tsî sa amǁgaukha ǃgâiaǂgaob ǀkha.
22 Sa ǁkhanaon ge taob ǀkha nî ǃgū-aihe
tsî eloxoresan di tentoms ge nî bē.”
1 ǁNās khaoǃgâb ge Bildadi Suaǁîba ge mî:
2 “Mâǁae-i kōsets kha nē xūna nî mî?
Sa amsa xu ra ǂoaxa mîdi ge ǀgaisa ǂoab khami ǀgui ī.
3 Eloba ǂhanu-aisiba dabaǃkhunib nî?
Tamas ka iob Hoaǀgaixaba ǂhanu xū-e nî dabaǃkhuni?
4 Sa ôan ga ǁîb ǃoagu ǁore hâ,
ob ge ga ǁîna ǁîn ǁoren di ǁkharab ǃnâ māǁnâ hâ.
5 Xawets ga Elob di aisa ôa
tsî Hoaǀgaixab di ǀkhomma ôabasen,
6 tsîts ga ǃanu tsî ǂhauǃnâ;
ob ge ǁîba nēsis tsîna khâiba tsi
tsî ǁkhawa sa ǂhanu ǃkhaisa nî mā-oa tsi.
7 Sa tsoatsoas ge ǂkhari i,
xaweb ge sa ǃgoaxaǁaeba kaise nî ǀkhaexaǃnâ.
8 “ǃKharu ge ôananôagugu ai dîǃgâ,
î ǁîgu di aboxagu hōǃâdi ai ǃgaoǃgâ.
9 Sada ge ǁaris ǀgôada tsî da xū-i xare-e a ǀū,
ǃhūbaib di ûitsēdi âda sommi khami ī xui-ao.
10 ǁÎga kha ǁgauǃnâ tsî mîba du tide
tsî ǁnâuǃāxa mîdi ǃnâ ǃgāǃgāba du tide:
11 “ǂĀ-e kha ǂgoab ǀkhaipa ǀomkhâi ǁkhā-e
tsî ǁgam-i ǀkhaiba ǁî-e ǀomkhâi ǁkhā-e?
12 ǁHaretsoatsoa i ka tsî ǃgaos ǃaroma ǂhomisa tama i,
o i ge ǁî-e nau ǀgân ǃgâ-ai kaise ǃhaese ra ǂnâbē.
13 ǁNāti i ge Eloba ra ǀuru khoe-i ǀkha ra hā;
eloxoresa khoe-i ge ǃâubasen-i xare-e ūhâ tama hâ.
14 ǁÎ-i ge ǀnûiǃkhammi ai ǂgomǃgâ,
tsî ǀnûi-oms ai ra ǂgomaiǂnûi.
15 ǁÎs aits ga ǃgâsen, os ge ra ǀgaru
tsî ǁîs aits ga ǁgâibasen, xawes ra ǀgaruǃari.
16 “ǁÎ-i ge sores ǃnâ ǃgâise ra ǀomkhâi,
tsî gu ge ǁnâugu â-e hoaraga ǃhanaba ra īǂam.
17 ǁÎ-i ǃnomagu ge ǀuidi ai namisen
tsî mâti i nî ǃgareǀuigu ai ǃkhōbasen ǀgauba ra ôa.
18 Xawe ǃnomagu ǀkha i ga ǃhomǂuihe,
o i ge xū-i xare-e ǁî-i xa ǃgau tide.
19 ǁNā ǀgaus ais ge ǁî-i ûib ra kābēsa
tsîn ǁîn ǃkhais ai ǀnîna ra ǂoaxasa.
20 “Amase, Elob ge ǂhauǃnâ khoe-e ǂhara tama hâ,
tamas ka iob ge ǂkhabadī-ao-e hui tama hâ.
21 ǁÎb ge sa amsa âib ǀkha nî ǀoaǀoa
tsî sa amǁgaukha ǃgâiaǂgaob ǀkha.
22 Sa ǁkhanaon ge taob ǀkha nî ǃgū-aihe
tsî eloxoresan di tentoms ge nî bē.”
