1 “ǁKhâisedi ra ǀgôarona hō ǁaeba ǂants a?
mâ tsîts ra kō ǁkhamadi ra ǁorao?
2 Mâtikō ǁkhâga di ra tanib ǀkha hâsa ǂants a
tsî mâǁae di nî ǁora ǃkhaisa?
3 ǂAnts a mâǁae di ǁoratsûb xa ǃkhōhe tsî ǁgoeǁnâsen
tsî ǁnās khaoǃgâ ra ǁora ǃkhaisa?
4 ǁÎdi ôaron ge ǀgai tsî ǃgarob ǃnâ ra kai;
ǁîn ge ǃgûbē tsî ǁkhawa ǁgûdi tawa oaǀkhī tama hâ.
5 “Tari-e ǃgarodâukiba ge ǃnoraǃnora?
Tari-e ǁîba ǃnorasaseb nî hâmase ge xoreǃgâ?
6 ǁÎba ta ge ǃgaroǃhūba ǁîb hâǃkhaise ge mā
tsî ǀgâoǃhūba ǁîb di hâǃkhaise.
7 ǁÎb ge ǃās di ǂkhupiba ra âiǂui;
ǁîb ge ǁgari-aob di ǃauba ǁnâu tama hâ.
8 ǃHomgab ge ǃûxū-ôas ǃaroma ra ǃgûǃnâǃganu
tsî ǃam xū-i hoa-e ra kō-ôa.
9 “ǀGaoba satsa ǃoabasa māsen ib nî?
Tsuxuba sa ǃharas ǃnâ mâb nî?
10 ǁÎba ǃgae tsî ǃhanaǃgaos ǃaroma sîsenū ǁkhāts a,
tamas ka io ǃhūba ǂhauǂhaus ǃaroma ǂgae bi ǁkhāts a?
11 ǁÎb a ǀgaisa ǃkhais ǃaromats nî ǁîba ǂhâ
tsî sa sîsenni hoaba ǁîba ǁgui-ai?
12 ǁÎb nî sa ǃhoroba oaǀkhī-ūsats ra ǂgom
tsî dāǃnâǃkhais tawa nî ǀhaoǀhaosa?
13 “ǀAmis ǁgabokha ge ǃgâiaǂgaob ǃnâ ra ǂnausen,
xawes ge ǁîsa oefari khami ǁkhana ǁkhā tide.
14 ǁÎs ra ǁîs ǃupude ǃhūb ai ǁgoe,
tsî ǃhūb xadi nî ǀgamǀgamhese ǁnāxū xui-ao.
15 ǁÎdi nî dā-aihe sas ra ǀuru,
ǀguruna ǁîde dāǃā ǁkhā ǃkhaisa.
16 ǁÎs ge ǀgôaron âsa ǁîs di tama khami ǁkhōse ra kaikai,
ǁîs ǀgôarona hōs xū-e harebe tama khami ī.
17 Elob ge ǁîsa gā-aisiba ǀhana
tsî ǁnâuǃāba mā si tama i xui-ao.
18 ǁGapokha âsa ǁkhowa-am hâses ra ǃkhoe,
os ge hāb tsî ǁîb ǃgapi-aob tsîkha ra âiǂui.
19 “Jobtse, satsa hāba ǀgaib âba ra mā?
Satsa ǁîb ǃaoba ǀgareb ǀkha ge ana?
20 Satsa ǁîba ǃaedab khami ra ǃae kaitsa
tsî ǃaoǃao ra ǂnīsa ǃkharuǀōba
ǂgui-āra âba xu ra ǂoaxa kaitsa?
21 Aiǁkhorara âb ǀkhab ge ǁaixase ǃhūb ai ra ǁhā,
tsî ǃgâiaǂgaob tsî ǀgaib âb ǃnâ toroba ra ǃgûǃoa.
22 ǁÎb ge ǃaoba ra âiǂui tsî ǃao tama hâ;
ǁîb ge gôaba xu ǃkhoeni tama hâ.
23 ǁÎb ǂgommi ai mâ ǁgarus ǃnâ hâ ǂāgu ge ra ǂkhupi,
ǁhâigôab tsî gôab tsîkha ge sores ǃnâ ra ǂkhai.
24 ǀAexasib tsî ǁaib ǀkhab ra ǃhūb ai ǁhā,
xâiǁnâs ga ǀō, ob ǁūse mâ ǁoa.
25 Xâiǁnâs ga xâihe, ob ra ǃhara;
torobab ge ǃnūseba xu ra ǃkhapa
tsî mîmā-aogu ǃgurub tsî ǂkhupiba.
26 “Sa gā-aisiba xusa ǀaub ra ǁkhana
tsî ǁgapokha âba ǃkhawagasǀî khoraǂuisa?
27 Sa mîmās aisa ǃariǃkhās ra ǀgapiseb ǃoa ǁkhana
tsî oms âsa ǀgapiseb ai kurusa?
28 ǁÎs ge ǃgareǀuib ai om tsî ǁnāpa ra hâ,
ǀā ǀuigu tsî ǃgareǀuigu ǂamaigu ai.
29 ǁNāpa xūs ge ǂûxū-i âsa ra ǃkhē;
ǁîs mûra ge ǃnūseba xu ǁî-e ra mû.
30 ǃAriǃkhās di ǂkhamron ge ǀaoxa ǁgan-e ra ǂû
xū-i ǁōǁgoe ǃkhai-i ais ge ǁîsa hâ.”
1 “ǁKhâisedi ra ǀgôarona hō ǁaeba ǂants a?
mâ tsîts ra kō ǁkhamadi ra ǁorao?
2 Mâtikō ǁkhâga di ra tanib ǀkha hâsa ǂants a
tsî mâǁae di nî ǁora ǃkhaisa?
3 ǂAnts a mâǁae di ǁoratsûb xa ǃkhōhe tsî ǁgoeǁnâsen
tsî ǁnās khaoǃgâ ra ǁora ǃkhaisa?
4 ǁÎdi ôaron ge ǀgai tsî ǃgarob ǃnâ ra kai;
ǁîn ge ǃgûbē tsî ǁkhawa ǁgûdi tawa oaǀkhī tama hâ.
5 “Tari-e ǃgarodâukiba ge ǃnoraǃnora?
Tari-e ǁîba ǃnorasaseb nî hâmase ge xoreǃgâ?
6 ǁÎba ta ge ǃgaroǃhūba ǁîb hâǃkhaise ge mā
tsî ǀgâoǃhūba ǁîb di hâǃkhaise.
7 ǁÎb ge ǃās di ǂkhupiba ra âiǂui;
ǁîb ge ǁgari-aob di ǃauba ǁnâu tama hâ.
8 ǃHomgab ge ǃûxū-ôas ǃaroma ra ǃgûǃnâǃganu
tsî ǃam xū-i hoa-e ra kō-ôa.
9 “ǀGaoba satsa ǃoabasa māsen ib nî?
Tsuxuba sa ǃharas ǃnâ mâb nî?
10 ǁÎba ǃgae tsî ǃhanaǃgaos ǃaroma sîsenū ǁkhāts a,
tamas ka io ǃhūba ǂhauǂhaus ǃaroma ǂgae bi ǁkhāts a?
11 ǁÎb a ǀgaisa ǃkhais ǃaromats nî ǁîba ǂhâ
tsî sa sîsenni hoaba ǁîba ǁgui-ai?
12 ǁÎb nî sa ǃhoroba oaǀkhī-ūsats ra ǂgom
tsî dāǃnâǃkhais tawa nî ǀhaoǀhaosa?
13 “ǀAmis ǁgabokha ge ǃgâiaǂgaob ǃnâ ra ǂnausen,
xawes ge ǁîsa oefari khami ǁkhana ǁkhā tide.
14 ǁÎs ra ǁîs ǃupude ǃhūb ai ǁgoe,
tsî ǃhūb xadi nî ǀgamǀgamhese ǁnāxū xui-ao.
15 ǁÎdi nî dā-aihe sas ra ǀuru,
ǀguruna ǁîde dāǃā ǁkhā ǃkhaisa.
16 ǁÎs ge ǀgôaron âsa ǁîs di tama khami ǁkhōse ra kaikai,
ǁîs ǀgôarona hōs xū-e harebe tama khami ī.
17 Elob ge ǁîsa gā-aisiba ǀhana
tsî ǁnâuǃāba mā si tama i xui-ao.
18 ǁGapokha âsa ǁkhowa-am hâses ra ǃkhoe,
os ge hāb tsî ǁîb ǃgapi-aob tsîkha ra âiǂui.
19 “Jobtse, satsa hāba ǀgaib âba ra mā?
Satsa ǁîb ǃaoba ǀgareb ǀkha ge ana?
20 Satsa ǁîba ǃaedab khami ra ǃae kaitsa
tsî ǃaoǃao ra ǂnīsa ǃkharuǀōba
ǂgui-āra âba xu ra ǂoaxa kaitsa?
21 Aiǁkhorara âb ǀkhab ge ǁaixase ǃhūb ai ra ǁhā,
tsî ǃgâiaǂgaob tsî ǀgaib âb ǃnâ toroba ra ǃgûǃoa.
22 ǁÎb ge ǃaoba ra âiǂui tsî ǃao tama hâ;
ǁîb ge gôaba xu ǃkhoeni tama hâ.
23 ǁÎb ǂgommi ai mâ ǁgarus ǃnâ hâ ǂāgu ge ra ǂkhupi,
ǁhâigôab tsî gôab tsîkha ge sores ǃnâ ra ǂkhai.
24 ǀAexasib tsî ǁaib ǀkhab ra ǃhūb ai ǁhā,
xâiǁnâs ga ǀō, ob ǁūse mâ ǁoa.
25 Xâiǁnâs ga xâihe, ob ra ǃhara;
torobab ge ǃnūseba xu ra ǃkhapa
tsî mîmā-aogu ǃgurub tsî ǂkhupiba.
26 “Sa gā-aisiba xusa ǀaub ra ǁkhana
tsî ǁgapokha âba ǃkhawagasǀî khoraǂuisa?
27 Sa mîmās aisa ǃariǃkhās ra ǀgapiseb ǃoa ǁkhana
tsî oms âsa ǀgapiseb ai kurusa?
28 ǁÎs ge ǃgareǀuib ai om tsî ǁnāpa ra hâ,
ǀā ǀuigu tsî ǃgareǀuigu ǂamaigu ai.
29 ǁNāpa xūs ge ǂûxū-i âsa ra ǃkhē;
ǁîs mûra ge ǃnūseba xu ǁî-e ra mû.
30 ǃAriǃkhās di ǂkhamron ge ǀaoxa ǁgan-e ra ǂû
xū-i ǁōǁgoe ǃkhai-i ais ge ǁîsa hâ.”
