Jobi ǀuni mîdi
1 Jobi ge ǁkhawa ge ǂgaenamǃgâgutsoatsoa:
2 “Ti ǀoro tsēdi ga ǁkhawa oaǀkhī hâo,
ǁnā tsēdi Elob ge tita gere ǃûide;
3 ǁîb ǃamǀaes ge ti danasa ǃnâse ība i,
tsî ta ge ǁîb ǃnâb ǀkha ǃkhaenas ǃnâ-u gere ǃgû ǁaeb ai.
4 ǁNā tsēdi ǃnâ ta ge ǃgâiǃgâxa i,
Elob ge ti ǀgūǀhōsab ase ti tentoms ǃnâ gere hâ.
5 Hoaǀgaixab ge tita ǀkha gere hâ ǁaeb xa,
ti ôan ge ti ǂnamipe hâ i ǁaeb ai;
6 ǁnā ǁaeb ti ǂaira daib ǀkha gere ǁāheba
tsî ǀkhera-oli-i ge ǃgareǀuiba xu
tita ǃaroma ǃāgu ase gere dâuǂoaxaba!
7 ǃĀs di ǂgâ-ams tawa ta ga sī,
ǀhûhâsib ǀhaoǃkhais tawa ta ga ti ǂnûǃkhaisa ūo,
8 o gu ge ǂkham khoega mû te tsî gere mâ-oa,
kai khoegu ge khâimâ tsî ǂgōse gere mâ;
9 gao-aogu ge ǃhoaǀû
tsî ǃomgu âga amdi âgu ai gere ǁgui.
10 ǁÎgu domgu ge ǀhoese ǀō
tsî namgu âga ǂkharugu âgu ai gere ǂae.
11 “ǁNâu te gere ǂgaes hoas ge,
ǀkhaeheb ge hâ, ti gere ǂgai te
tsîs ge mû te ga mûs hoas ge gere ǂanǃgâ te;
12 huib ǃaroma gere ǂgai,
ǀgâsana ta ge ǃnoraǃnora
tsî huio ǃguniǀgôana gere hui.
13 ǁŌǁga geren di ǀkhaegu ge tita ai ge hā,
tsî ta ge ǃoataradi ǂgaoga ge ǃgâiaǂgao kai.
14 Sarab ase ta ge ǂhanu-aisiba gere dī,
tsîb ge ǁîba tita ge ana;
ti ǂhanu-aisib ge anaǂamsarab tsî ǀgapas khami ge ī i.
15 Tita ge ǂgī khoen mûse ge hâ i
tsî ǃhora khoen di ǂaise.
16 Tita ge ǀgâsa khoena ǁgûse ge hâba i
tsî ǃhaokhoen di ǃgomga gere mâǂgâba.
17 ǂHanuoǃnân di ǀgaiba ta ge ge khôaǃā
tsî ta ge ǁîn ǃkhōsabena ǁîn ǁgûga xu ge huiǂui.
18 “ǁNā-amaga ta ge ti ûitsēde ǃhū-i khami ǂguiǂgui
tsî ta ǃgomsi-i ose ti oms tawa nî ǁō ti ge ǂâi hâ i.
19 Tita ge hais hîa ǃnomagu âs hoaǁae ǁgam-i ǃnâ hâs,
ǁîs ǁnâugu ǀaub xa hoaraga tsuxuba ǃgū-aihe hâs khami ī.
20 Ti ǃgôasib ge hoaǁae gere ǀasaǃnâ te
tsî ti khās ge hoaǁae ti ǃomkha ǃnâ ge ǀasa i.
21 Khoen ge kai ǃâubasens ǀkha ǃgâ te
tsî ǃnōsasib ǃnâ ti ǀapemāsa gere ǃâu.
22 Tita ga ǃhoatoa, on ge ǁîna ǁkhawa ge ǃhoa tama hâ i,
tsîdi ge ti mîde ǀaub khami ǁîn ǃnâ gere ǀâǂgâ.
23 ǀNanuban ra ǃâu khamin ge tita gere ǃâu;
tsîn ge amdi âna ǁhaoǁaeb ǀnanuba
ra ǃâubasen khami gere khowa.
24 Tita ge ǁîna gere ǀnomba, ǃâubasen-en ūhâ tama ǁaeb ai,
tsî ti ais di khoexasib ge ǁîna ǀgaiǀgaiǃnâs khami ge ī i.
25 ǁÎna daoba ǁhûiba tsî ta ge ge ǁîn ǂgaeǂgui-ao kai,
tsî ta ge gao-aose, gao-ao-i
ǁî-i toroǂnubidi ǃnâ ǁan hâ khami,
ǁnā-i hîa ǃoa hâna gere ǁkhaeǂgao.
Jobi ǀuni mîdi
1 Jobi ge ǁkhawa ge ǂgaenamǃgâgutsoatsoa:
2 “Ti ǀoro tsēdi ga ǁkhawa oaǀkhī hâo,
ǁnā tsēdi Elob ge tita gere ǃûide;
3 ǁîb ǃamǀaes ge ti danasa ǃnâse ība i,
tsî ta ge ǁîb ǃnâb ǀkha ǃkhaenas ǃnâ-u gere ǃgû ǁaeb ai.
4 ǁNā tsēdi ǃnâ ta ge ǃgâiǃgâxa i,
Elob ge ti ǀgūǀhōsab ase ti tentoms ǃnâ gere hâ.
5 Hoaǀgaixab ge tita ǀkha gere hâ ǁaeb xa,
ti ôan ge ti ǂnamipe hâ i ǁaeb ai;
6 ǁnā ǁaeb ti ǂaira daib ǀkha gere ǁāheba
tsî ǀkhera-oli-i ge ǃgareǀuiba xu
tita ǃaroma ǃāgu ase gere dâuǂoaxaba!
7 ǃĀs di ǂgâ-ams tawa ta ga sī,
ǀhûhâsib ǀhaoǃkhais tawa ta ga ti ǂnûǃkhaisa ūo,
8 o gu ge ǂkham khoega mû te tsî gere mâ-oa,
kai khoegu ge khâimâ tsî ǂgōse gere mâ;
9 gao-aogu ge ǃhoaǀû
tsî ǃomgu âga amdi âgu ai gere ǁgui.
10 ǁÎgu domgu ge ǀhoese ǀō
tsî namgu âga ǂkharugu âgu ai gere ǂae.
11 “ǁNâu te gere ǂgaes hoas ge,
ǀkhaeheb ge hâ, ti gere ǂgai te
tsîs ge mû te ga mûs hoas ge gere ǂanǃgâ te;
12 huib ǃaroma gere ǂgai,
ǀgâsana ta ge ǃnoraǃnora
tsî huio ǃguniǀgôana gere hui.
13 ǁŌǁga geren di ǀkhaegu ge tita ai ge hā,
tsî ta ge ǃoataradi ǂgaoga ge ǃgâiaǂgao kai.
14 Sarab ase ta ge ǂhanu-aisiba gere dī,
tsîb ge ǁîba tita ge ana;
ti ǂhanu-aisib ge anaǂamsarab tsî ǀgapas khami ge ī i.
15 Tita ge ǂgī khoen mûse ge hâ i
tsî ǃhora khoen di ǂaise.
16 Tita ge ǀgâsa khoena ǁgûse ge hâba i
tsî ǃhaokhoen di ǃgomga gere mâǂgâba.
17 ǂHanuoǃnân di ǀgaiba ta ge ge khôaǃā
tsî ta ge ǁîn ǃkhōsabena ǁîn ǁgûga xu ge huiǂui.
18 “ǁNā-amaga ta ge ti ûitsēde ǃhū-i khami ǂguiǂgui
tsî ta ǃgomsi-i ose ti oms tawa nî ǁō ti ge ǂâi hâ i.
19 Tita ge hais hîa ǃnomagu âs hoaǁae ǁgam-i ǃnâ hâs,
ǁîs ǁnâugu ǀaub xa hoaraga tsuxuba ǃgū-aihe hâs khami ī.
20 Ti ǃgôasib ge hoaǁae gere ǀasaǃnâ te
tsî ti khās ge hoaǁae ti ǃomkha ǃnâ ge ǀasa i.
21 Khoen ge kai ǃâubasens ǀkha ǃgâ te
tsî ǃnōsasib ǃnâ ti ǀapemāsa gere ǃâu.
22 Tita ga ǃhoatoa, on ge ǁîna ǁkhawa ge ǃhoa tama hâ i,
tsîdi ge ti mîde ǀaub khami ǁîn ǃnâ gere ǀâǂgâ.
23 ǀNanuban ra ǃâu khamin ge tita gere ǃâu;
tsîn ge amdi âna ǁhaoǁaeb ǀnanuba
ra ǃâubasen khami gere khowa.
24 Tita ge ǁîna gere ǀnomba, ǃâubasen-en ūhâ tama ǁaeb ai,
tsî ti ais di khoexasib ge ǁîna ǀgaiǀgaiǃnâs khami ge ī i.
25 ǁÎna daoba ǁhûiba tsî ta ge ge ǁîn ǂgaeǂgui-ao kai,
tsî ta ge gao-aose, gao-ao-i
ǁî-i toroǂnubidi ǃnâ ǁan hâ khami,
ǁnā-i hîa ǃoa hâna gere ǁkhaeǂgao.
