1 Hûǁî ǁkhâb ǃnâb ge Netanjab ôa tsî Elisamab ǁnurib Ismaeli, gao-aob surib di tsî gao-aob ǂamkhoegu di ǀgui ge iba disi aogu ǀkha Ahikammi ôab Gedaljab ǁga Mispas tawa ge hā. Tsî pere-e gu ǁnāpa ra ǂûǁare, 2 hîa gu ge Netanjab ôab Ismaeli tsî ǁnā disi aogu ǁîb ǀkha ge hâ i gu tsîga khâi tsî Ahikammi ôa tsî Safanni ǁnurib Gedaljaba gôab ǀkha ge ǃgam; Gedaljab Babilons gao-aob xa ge ǃhūb di ǂgaeǂgui-aose mâiheba. 3 Ismaeli ge ǁkhāti hoaraga Jodeǁîn Gedaljab ǀkha ge Mispas ǃnâ hâ in tsî Xaldeaǁî toroǃkhamaogu ǁnāpa ge hâ i gu tsîna ge ǃgam.
4 Sao ra tsēs ai, Gedaljab ge khoe-i xare-i ǂan tamase ǃgamhes khaoǃgâ 5 gu ge ǁkhaisadisi aoga Sexems, Silos tsî Samarias tsîde xu ge hā. ǁÎgu ge ǀhō-amdi âga ǂkhom, saran âga doa tsî ge ǃgaosen hâ i, tsî gu ge ǂûǁguibadi tsî ǀanǀanxūn tsîna ge ūhâ i, ǃKhūb di ommi ǃoa gu nî sī-ūse. 6 Ob ge Netanjab ôab Ismaela ǁîga Mispasa xu ā rase ge ǃgûǃoa. Tsîb ge ǁîgu ǀkhab ge ǀhao, o ǁîgu ǃoa ge mî: “Sī go re, Ahikammi ôab Gedaljab tawa.” 7 Xawe ǃās ǃnâ gu ge ǂgâ, o gu ge Netanjab ôab Ismaeli tsî ǁîb ǀkha ge hâ i aogu tsîga ǁîga ǃgam tsî tsaub ǃnâ ge aoǂgā.
8 Xawe gu ge disi aogu ǁîgu ǃnâ ge hâ iga Ismaela ǃoa ge mî: “Tā sige ǃgam. Sige ge ǃhoro-i, gerstǃhoro-i, oli-i tsî dani-i tsîna ǃaub ǃnâ sâu hâ.” Ob ge ge ǀû tsî ǁîga nau horesagu ǀkha ǃgam tama ge i. 9 ǁNā tsaub ǁîb ǃnâb ge Ismaela ǁîb ge ǃgam aogu di sorode aoǂgāb ge gao-aob Asab xa ge Israeli gao-aob Baasab ǃoagu ǁkhaubasens ǃaroma khaohe hâ i. Netanjab ôab Ismaeli ge ǁîba ǃgamhe hâgu sorodi ǀkha ge ǀoaǀoa. 10 ǁNās khaoǃgâb ge Ismaela Mispas ǃnâ ge ǃgau hâ i gaoǀgôadi tsî khoen, ǃûi-aogu di danab Nebusaradanni ge Ahikammi ôab Gedaljab mûǂams ǃnaka ǁnāxūn hoana ǃkhōsabese ge ǃgû-ū. Netanjab ôab Ismaeli ge ǁîna ǃkhōsabese ū tsî Amonǁîn ǃoa ge ǃgû-ū.
11 Kareaxi ôab Johananni tsî toroǂnubidi di ǂamkhoegu ǁîb ǀkha ge hâ igu hoagu ge Netanjab ôab Ismaeli ge dī ǂkhabadīgu hoagu xa ge ǁnâu. 12 O gu ge hoaraga aoga ū tsî Netanjab ôab Ismaela gu sī nî ǃkhamūse ge ǃgû. Tsî gu ge ǁîba Gibeons ǃnâ ǂnôa kai ǁgams tawa ge ǀhao-ū. 13 Hoaraga khoen Ismaeli ǀkha ge hâ in ge Kareaxi ôab Johananni tsî ǁîb ǀkha hâ toroǂnubidi di ǂamkhoegu tsînan ge mû, o ge ǃgâiaǂgao. 14 Tsîn ge hoaraga khoen Ismaeli ge ǃkhōsabese Mispasa xu ǃgû-ūn hoana ge dabasen tsî Kareaxi ôab Johananna ǃoa ge oa. 15 Xaweb ge Netanjab ôab Ismaela ǁkhaisa aogu ǀkha Johananna xu ûiǂoa tsî Amonǁîn ǁga ge ǃhū.
16 O gu ge Kareaxi ôab Johananni tsî toroǂnubidi di ǂamkhoegu ǁîb ǀkha hâgu tsîga ǃgau ge khoen, Netanjab ôab Ismaeli ge Ahikammi ôab Gedaljabab ge ǃgams khaoǃgâ Mispasa xu ǃkhōsabese ǃgû-ū hâ in hoan, toroǃkham-aogu, tarekhoedi, ǀgôaron tsî dabisagu tsîn hoan, Gibeons tawab ge ǃnora kaina ge ū. 17 Tsîn ge ǃgû tsî Gerut-Kimhams tawa Betlehems ǀgūse sī ge hâ, Egipteb ǃoa ǃkharus di ǂâibasens ǀkha, 18 Xaldeaǁîna xun nî ǁhâse. ǁÎn ge Xaldeaǁîna gere ǃao Netanjab ôab Ismaeli ge Ahikammi ôab Gedaljab, Babilons gao-aob ge ǃhūb di ǂgaeǂgui-aose mâiba ǃgam amaga.
1 Hûǁî ǁkhâb ǃnâb ge Netanjab ôa tsî Elisamab ǁnurib Ismaeli, gao-aob surib di tsî gao-aob ǂamkhoegu di ǀgui ge iba disi aogu ǀkha Ahikammi ôab Gedaljab ǁga Mispas tawa ge hā. Tsî pere-e gu ǁnāpa ra ǂûǁare, 2 hîa gu ge Netanjab ôab Ismaeli tsî ǁnā disi aogu ǁîb ǀkha ge hâ i gu tsîga khâi tsî Ahikammi ôa tsî Safanni ǁnurib Gedaljaba gôab ǀkha ge ǃgam; Gedaljab Babilons gao-aob xa ge ǃhūb di ǂgaeǂgui-aose mâiheba. 3 Ismaeli ge ǁkhāti hoaraga Jodeǁîn Gedaljab ǀkha ge Mispas ǃnâ hâ in tsî Xaldeaǁî toroǃkhamaogu ǁnāpa ge hâ i gu tsîna ge ǃgam.
4 Sao ra tsēs ai, Gedaljab ge khoe-i xare-i ǂan tamase ǃgamhes khaoǃgâ 5 gu ge ǁkhaisadisi aoga Sexems, Silos tsî Samarias tsîde xu ge hā. ǁÎgu ge ǀhō-amdi âga ǂkhom, saran âga doa tsî ge ǃgaosen hâ i, tsî gu ge ǂûǁguibadi tsî ǀanǀanxūn tsîna ge ūhâ i, ǃKhūb di ommi ǃoa gu nî sī-ūse. 6 Ob ge Netanjab ôab Ismaela ǁîga Mispasa xu ā rase ge ǃgûǃoa. Tsîb ge ǁîgu ǀkhab ge ǀhao, o ǁîgu ǃoa ge mî: “Sī go re, Ahikammi ôab Gedaljab tawa.” 7 Xawe ǃās ǃnâ gu ge ǂgâ, o gu ge Netanjab ôab Ismaeli tsî ǁîb ǀkha ge hâ i aogu tsîga ǁîga ǃgam tsî tsaub ǃnâ ge aoǂgā.
8 Xawe gu ge disi aogu ǁîgu ǃnâ ge hâ iga Ismaela ǃoa ge mî: “Tā sige ǃgam. Sige ge ǃhoro-i, gerstǃhoro-i, oli-i tsî dani-i tsîna ǃaub ǃnâ sâu hâ.” Ob ge ge ǀû tsî ǁîga nau horesagu ǀkha ǃgam tama ge i. 9 ǁNā tsaub ǁîb ǃnâb ge Ismaela ǁîb ge ǃgam aogu di sorode aoǂgāb ge gao-aob Asab xa ge Israeli gao-aob Baasab ǃoagu ǁkhaubasens ǃaroma khaohe hâ i. Netanjab ôab Ismaeli ge ǁîba ǃgamhe hâgu sorodi ǀkha ge ǀoaǀoa. 10 ǁNās khaoǃgâb ge Ismaela Mispas ǃnâ ge ǃgau hâ i gaoǀgôadi tsî khoen, ǃûi-aogu di danab Nebusaradanni ge Ahikammi ôab Gedaljab mûǂams ǃnaka ǁnāxūn hoana ǃkhōsabese ge ǃgû-ū. Netanjab ôab Ismaeli ge ǁîna ǃkhōsabese ū tsî Amonǁîn ǃoa ge ǃgû-ū.
11 Kareaxi ôab Johananni tsî toroǂnubidi di ǂamkhoegu ǁîb ǀkha ge hâ igu hoagu ge Netanjab ôab Ismaeli ge dī ǂkhabadīgu hoagu xa ge ǁnâu. 12 O gu ge hoaraga aoga ū tsî Netanjab ôab Ismaela gu sī nî ǃkhamūse ge ǃgû. Tsî gu ge ǁîba Gibeons ǃnâ ǂnôa kai ǁgams tawa ge ǀhao-ū. 13 Hoaraga khoen Ismaeli ǀkha ge hâ in ge Kareaxi ôab Johananni tsî ǁîb ǀkha hâ toroǂnubidi di ǂamkhoegu tsînan ge mû, o ge ǃgâiaǂgao. 14 Tsîn ge hoaraga khoen Ismaeli ge ǃkhōsabese Mispasa xu ǃgû-ūn hoana ge dabasen tsî Kareaxi ôab Johananna ǃoa ge oa. 15 Xaweb ge Netanjab ôab Ismaela ǁkhaisa aogu ǀkha Johananna xu ûiǂoa tsî Amonǁîn ǁga ge ǃhū.
16 O gu ge Kareaxi ôab Johananni tsî toroǂnubidi di ǂamkhoegu ǁîb ǀkha hâgu tsîga ǃgau ge khoen, Netanjab ôab Ismaeli ge Ahikammi ôab Gedaljabab ge ǃgams khaoǃgâ Mispasa xu ǃkhōsabese ǃgû-ū hâ in hoan, toroǃkham-aogu, tarekhoedi, ǀgôaron tsî dabisagu tsîn hoan, Gibeons tawab ge ǃnora kaina ge ū. 17 Tsîn ge ǃgû tsî Gerut-Kimhams tawa Betlehems ǀgūse sī ge hâ, Egipteb ǃoa ǃkharus di ǂâibasens ǀkha, 18 Xaldeaǁîna xun nî ǁhâse. ǁÎn ge Xaldeaǁîna gere ǃao Netanjab ôab Ismaeli ge Ahikammi ôab Gedaljab, Babilons gao-aob ge ǃhūb di ǂgaeǂgui-aose mâiba ǃgam amaga.
