Khôa hâ ǂgoasūs
1 Nētib ge ǃKhūba ge mîba te: “ǃGû, îts sūǂnubi-aob tawa sī ǂgoasū-e ǁamabasen. ǁKhāti ǁaedi di kaina xu ǀnîn tsî ǁkhāti ǀnî kai pristergu tsîna ūsao, 2 î Hinommi ôab di ǃgoaǃnāb, Sūǃâǁārob ǂgâ-ams aiǃâ hâb tawa sī, î ti ǃgâiǂhôas ǁîsa ta nî mā tsisa aoǁnâ, 3 îts nēti mî: ‘ǁNâu re mîs ǃKhūb disa Judab gao-aogu tsî Jerusalems ǁanǂgāsabedo. Nētib ge ǃKhūb Hoaǀgaixab, Israeli Eloba ra mî: Mû nēti ī ǂkhababa ta ge nē ǃās ai ra hā-ū, mâ ǂgaes ǁîsa ga ǁnâus hoas nî buruse. 4 Tita ge nēsa ǁaes ge ǁnāxū te tsî nē ǃkhaiba ǁîb ǃnâ ǁgôa-elona khauǁguibade dības ǀkha ǃanuoǃnâ kai xui-ao ge dī, ǁgôa-elon ǁîn tamas ka io ǁîn îgu tamas ka io Judab gao-aogu ge ǂan tama hâ ina. ǁÎn ge nē ǃkhaiba ǀhapio ǀaob ǀkha ge ǀuriǀuri 5 tsîn ge Baali di ǀgapi ǃkhaide ge ǂnubi, ǁîn ôaga ǀaes ai, khauǁguibadi ase Baala nî ǂhubibase; tita xa mîmāhe tamas ka io ge ǂanǂanhe tama hâ i, tamas ka io ǂâis âtas tsîn ǃnâ ge ǀkhai isa. 6 ǁNā-amaga, mû ǁaeb ge nîra hā ǃaruǀîb nē ǃkhaiba Tofet tamas ka io Hinommi ôab ǃgoaǃnāb ti ǂansa tideba, xawe ǃGams ǃgoaǃnāb ti nî ǂansaba. 7 Nēpa ta ge hoaraga ǀapedi Judab tsî Jerusalems dide nî ǁauǁau, tsî ta ge ǁîn di khākhoena ǁîn ǂama dan tsî ǁîna gôab ǀkha nî ǃgam kai. ǁÎn di ǁō hâ sorode ta ge ǂûxūse ǀhomanin tsî ǀguruna nî mā. 8 Tita ge nē ǃāsa ǃhuriǃhurisase nî dī, ǃkharu ka khoe-i hoa-i xa nî ǃaohe tsîn ǁîsa ǃhō tsî nî ǃaose, ǂkhôagu âs ǃaroma. 9 Tsî ta ge tita ǁîna ôasan di ǁgan-e nî ǂû kai. Xāǂgās ge ǁnātikōse nî ǁkhō tsîn ge khoena ǁîǃnābe ǂûgu tsî ǁkhāti ǁîn ôan tsîna nî ǂû.’
10 “Tsîts ge sats ǀkha nî ǃgû khoegu mûǁae ǂgoasūsa khôa, 11 tsî ǁîgu ǃoa nî mî: ‘Nētib ge ǃKhūb Hoaǀgaixaba ra mî: “Nē ǀgaus ai ta ge nē ǁaes tsî nē ǃāsa nî khôa, sūǂnubi-aob di ǂgoasūs ra khôahe ǁkhawas tsîna ǀhaoǀhaohe ǁoase khami. Tsîn ge ǁîna Tofeti ǃnâ nî ǁkhōhe, ǀnî ǁkhōǃkhai-i xare-i nî ǀkhai xui-ao. 12 ǁNāti ta ge nē ǃās tsî ǁîs ǁanǂgāsaben ǀkha nî dī, Tofeti khami ta ge nē ǃāsa nî dī. 13 Jerusalems omdi tsî Judab gao-aogu omdi tsî hoaraga omdi, ǁîdi ǂamǃnâgu ai di khauǁguibade ǀgamirode gere dībahe tsî ǂauxûiba ǁgôa-elogu ǁguibas ase gere ǂnâǂuihedi ge Tofeti ǁkhāb khami nî ǃanuoǃnâ.” ’ ”
14 Tsîb ge Jeremiaba Tofeta xu ǃKhūb ge sîǀî bi, kēbob nîse ǃkhaib tawa ge sī, tsîb ge ǃKhūb ommi di ai-ommi ǃnâ mâ tsî ǁaes ǃoa ge mî: 15 “Nētib ge ǃKhūb Hoaǀgaixab, Israeli Eloba ra mî: ‘Mû tita ge nē ǃās ai, tsî ǁîs di ǃārodi ai ǂkhabab, ǁîdi ǃoagu ta ge mî hâ iba nî hā-ū, ǁîn ge ǃaodi âna karokaro tsî ti mîde ǃgâsa ǂkhā xui-ao.’ ”
Khôa hâ ǂgoasūs
1 Nētib ge ǃKhūba ge mîba te: “ǃGû, îts sūǂnubi-aob tawa sī ǂgoasū-e ǁamabasen. ǁKhāti ǁaedi di kaina xu ǀnîn tsî ǁkhāti ǀnî kai pristergu tsîna ūsao, 2 î Hinommi ôab di ǃgoaǃnāb, Sūǃâǁārob ǂgâ-ams aiǃâ hâb tawa sī, î ti ǃgâiǂhôas ǁîsa ta nî mā tsisa aoǁnâ, 3 îts nēti mî: ‘ǁNâu re mîs ǃKhūb disa Judab gao-aogu tsî Jerusalems ǁanǂgāsabedo. Nētib ge ǃKhūb Hoaǀgaixab, Israeli Eloba ra mî: Mû nēti ī ǂkhababa ta ge nē ǃās ai ra hā-ū, mâ ǂgaes ǁîsa ga ǁnâus hoas nî buruse. 4 Tita ge nēsa ǁaes ge ǁnāxū te tsî nē ǃkhaiba ǁîb ǃnâ ǁgôa-elona khauǁguibade dības ǀkha ǃanuoǃnâ kai xui-ao ge dī, ǁgôa-elon ǁîn tamas ka io ǁîn îgu tamas ka io Judab gao-aogu ge ǂan tama hâ ina. ǁÎn ge nē ǃkhaiba ǀhapio ǀaob ǀkha ge ǀuriǀuri 5 tsîn ge Baali di ǀgapi ǃkhaide ge ǂnubi, ǁîn ôaga ǀaes ai, khauǁguibadi ase Baala nî ǂhubibase; tita xa mîmāhe tamas ka io ge ǂanǂanhe tama hâ i, tamas ka io ǂâis âtas tsîn ǃnâ ge ǀkhai isa. 6 ǁNā-amaga, mû ǁaeb ge nîra hā ǃaruǀîb nē ǃkhaiba Tofet tamas ka io Hinommi ôab ǃgoaǃnāb ti ǂansa tideba, xawe ǃGams ǃgoaǃnāb ti nî ǂansaba. 7 Nēpa ta ge hoaraga ǀapedi Judab tsî Jerusalems dide nî ǁauǁau, tsî ta ge ǁîn di khākhoena ǁîn ǂama dan tsî ǁîna gôab ǀkha nî ǃgam kai. ǁÎn di ǁō hâ sorode ta ge ǂûxūse ǀhomanin tsî ǀguruna nî mā. 8 Tita ge nē ǃāsa ǃhuriǃhurisase nî dī, ǃkharu ka khoe-i hoa-i xa nî ǃaohe tsîn ǁîsa ǃhō tsî nî ǃaose, ǂkhôagu âs ǃaroma. 9 Tsî ta ge tita ǁîna ôasan di ǁgan-e nî ǂû kai. Xāǂgās ge ǁnātikōse nî ǁkhō tsîn ge khoena ǁîǃnābe ǂûgu tsî ǁkhāti ǁîn ôan tsîna nî ǂû.’
10 “Tsîts ge sats ǀkha nî ǃgû khoegu mûǁae ǂgoasūsa khôa, 11 tsî ǁîgu ǃoa nî mî: ‘Nētib ge ǃKhūb Hoaǀgaixaba ra mî: “Nē ǀgaus ai ta ge nē ǁaes tsî nē ǃāsa nî khôa, sūǂnubi-aob di ǂgoasūs ra khôahe ǁkhawas tsîna ǀhaoǀhaohe ǁoase khami. Tsîn ge ǁîna Tofeti ǃnâ nî ǁkhōhe, ǀnî ǁkhōǃkhai-i xare-i nî ǀkhai xui-ao. 12 ǁNāti ta ge nē ǃās tsî ǁîs ǁanǂgāsaben ǀkha nî dī, Tofeti khami ta ge nē ǃāsa nî dī. 13 Jerusalems omdi tsî Judab gao-aogu omdi tsî hoaraga omdi, ǁîdi ǂamǃnâgu ai di khauǁguibade ǀgamirode gere dībahe tsî ǂauxûiba ǁgôa-elogu ǁguibas ase gere ǂnâǂuihedi ge Tofeti ǁkhāb khami nî ǃanuoǃnâ.” ’ ”
14 Tsîb ge Jeremiaba Tofeta xu ǃKhūb ge sîǀî bi, kēbob nîse ǃkhaib tawa ge sī, tsîb ge ǃKhūb ommi di ai-ommi ǃnâ mâ tsî ǁaes ǃoa ge mî: 15 “Nētib ge ǃKhūb Hoaǀgaixab, Israeli Eloba ra mî: ‘Mû tita ge nē ǃās ai, tsî ǁîs di ǃārodi ai ǂkhabab, ǁîdi ǃoagu ta ge mî hâ iba nî hā-ū, ǁîn ge ǃaodi âna karokaro tsî ti mîde ǃgâsa ǂkhā xui-ao.’ ”
