ǂKhîb ǂnûǁkhaebaǃnans ge Holoferneb ǃoa ra ǃgû
1 Nē ǁaedi hoadi ge ǂkhîb ǂnûǁkhaebaǃnansa nēti Holoferneba ge haisiba: 2 “Sida ge kai gao-aob Nebukadnesari di khoboda. Sida ge sats ai ra māǁnâsen, ǃkhōdana-ao Holofernetse tsî da ge hoaragase sa ǀgaib ǃnaka hâ. 3 Sida tentomdi, sida ǃhūb hoaragab, sida ǃhoroǃhanagu tsî sida ǀgoan ge sa ǃomǁae hâ, xuige sats ra ǂgao khami ǁîn ǀkha dī re. 4 Sida khoen ge nî sa khobo kai tsîts ge sida ǃādi ǀkha sats ra ǂâi khami a dī ǁkhā.”
5 ǂKhîb ǂnûǁkhaebaǃnans ge nē haisi-amsa hā-ūs khaoǃgâb 6 ge Holoferneba, Nebukadnesari toroǂnubisa Mediteraneahuri-ammi ǁga ge ǂgaeǂgui. ǁÎb ge ǂnubiǂgoagu ǀkha omǂnamisa kai ǃādi ǃnâ toroǃkhamaoga mâi tsî ǀnî ǃāǁîga, mâ ǃās hoasa xu ǃkhōǂuisa toroǃkhamaogu ase ge ǁhûiǂui. 7 Kai ǃādi tsî ǂnamipeb di khoen tsîn ge Holoferneba ǃkhān ǀkha kurusa ǂgapu-aidi tsî ǃkhomǃkharurudi ǀōb ǀkha ra ǂnāse gere ǁkhoreǁhare. 8 Xaweb ge Holoferneba ǁîn di ǀgoreǀîǃkhaiga hîkākā tsî ǃanu haidi ân tsîna ge ǁhāǁnâ. ǁÎb ge ǃhūb ǃnâ hâ elon hoanab nî hîkākā tsîb Nebukadnesari ǀguiba hoa ǁaedi tsî ǃhaodi xa ǃoabahe tsî elob ase nî ǀgoreǀîhe ǃkhaisa ge mîmā. 9 Ob ge Holoferneba Jesreelǃgoaǃnāb, Dotans ǀgūse ǁgoeb, Judab ǃhomgu danaǁgurub ǃoa-ai ge hâ ib ǁga ǂgaekhâi 10 tsî Gebas tsî Skitopolis tsîra ǁaegu sī tentomde ǂnaumâi tsî ǁnāpa ǀgui ǁkhâba, ǁîb toroǃkhamaogu ûixūnab nî ǀaroǃnâse ge hâ.
ǂKhîb ǂnûǁkhaebaǃnans ge Holoferneb ǃoa ra ǃgû
1 Nē ǁaedi hoadi ge ǂkhîb ǂnûǁkhaebaǃnansa nēti Holoferneba ge haisiba: 2 “Sida ge kai gao-aob Nebukadnesari di khoboda. Sida ge sats ai ra māǁnâsen, ǃkhōdana-ao Holofernetse tsî da ge hoaragase sa ǀgaib ǃnaka hâ. 3 Sida tentomdi, sida ǃhūb hoaragab, sida ǃhoroǃhanagu tsî sida ǀgoan ge sa ǃomǁae hâ, xuige sats ra ǂgao khami ǁîn ǀkha dī re. 4 Sida khoen ge nî sa khobo kai tsîts ge sida ǃādi ǀkha sats ra ǂâi khami a dī ǁkhā.”
5 ǂKhîb ǂnûǁkhaebaǃnans ge nē haisi-amsa hā-ūs khaoǃgâb 6 ge Holoferneba, Nebukadnesari toroǂnubisa Mediteraneahuri-ammi ǁga ge ǂgaeǂgui. ǁÎb ge ǂnubiǂgoagu ǀkha omǂnamisa kai ǃādi ǃnâ toroǃkhamaoga mâi tsî ǀnî ǃāǁîga, mâ ǃās hoasa xu ǃkhōǂuisa toroǃkhamaogu ase ge ǁhûiǂui. 7 Kai ǃādi tsî ǂnamipeb di khoen tsîn ge Holoferneba ǃkhān ǀkha kurusa ǂgapu-aidi tsî ǃkhomǃkharurudi ǀōb ǀkha ra ǂnāse gere ǁkhoreǁhare. 8 Xaweb ge Holoferneba ǁîn di ǀgoreǀîǃkhaiga hîkākā tsî ǃanu haidi ân tsîna ge ǁhāǁnâ. ǁÎb ge ǃhūb ǃnâ hâ elon hoanab nî hîkākā tsîb Nebukadnesari ǀguiba hoa ǁaedi tsî ǃhaodi xa ǃoabahe tsî elob ase nî ǀgoreǀîhe ǃkhaisa ge mîmā. 9 Ob ge Holoferneba Jesreelǃgoaǃnāb, Dotans ǀgūse ǁgoeb, Judab ǃhomgu danaǁgurub ǃoa-ai ge hâ ib ǁga ǂgaekhâi 10 tsî Gebas tsî Skitopolis tsîra ǁaegu sī tentomde ǂnaumâi tsî ǁnāpa ǀgui ǁkhâba, ǁîb toroǃkhamaogu ûixūnab nî ǀaroǃnâse ge hâ.
