Sa namsa ǃûisen
1 Ti ǃgâsado, tā hoado ǁkhāǁkhā-ao kai ǂgao, Elob nî sada hîa ra ǁkhāǁkhā da ǁkhōǁkhōsase ǀgoraǃgâ xuige. 2 Kaise da kom xūn hoan ǃnâ ra dīsāo. ǁNā khoe-i hîa ǁî-i di namsa ra ǃkhōǀgara-i ge a dīǀoaǀoasa tsî ǁî-i di hoaraga sorosa ǃkhōǀgarasa a ǁkhā. 3 Hān tsîna da ge tomde ra ǂgā-amǃnâ, sadan nî ǁnâuǀnamse tsî da ge ǁîna ǂgao da ra ǀkhāb hoab ǁga ra ǂgae-unu. 4 Tsî kaise ǂkhari ǁgubihairob ǀkhas ge doe-oms hîa ǀgaisa ǂoagu xa ra ǃgomhesa, mâ ǀkhāb hoab ǁga a ǃnarihe ǁkhā. 5 ǁNās ǁkhās ases ge namsa a ǂkhari uniǁaero, xawes ge kai xūn xa ra koasen.
Mû, mâti i ǂkhari ǀaeǁhaburo-e kai haiǀgomsa a ǂhubi ǁkhā ǃkhaisa. 6 Nams ge ǁkhāti a ǀae, sada hoaraga uniǁaedi ǃnâ kaise a ǂhanuoǃnâsa, hoaraga sorosa ǂhī tsîs sada tsēkorobe ûiba ǀamoǀaeb ǃnâ ra ǂhubiǂui amaga. 7 Sada khoeda ge ǃkharagaǃnâgu ǀgurun tsî anin, ǂhanaben tsî huriǀgurun tsîna a ǂauǂau ǁkhā, 8 xawe khoe-i xare-i ge namsa a ǂauǂau ǁoa. ǁÎs ge ǃkhō-oasen ǁoa ǂkhabas, ǁōǁōsa ǃgāb xa ǀoa hâsa. 9 ǁÎs ǀkha da ge ǃKhūb tsî ǁGûba kare tsî ǁkhāti ǁîs ǀkha khoen hîa Elob īb ǃoa ge kuruhena ra ǀâxare. 10 ǁKhā amsa xu kha ra ǂoaxa ǀkhaeb tsî ǀâxareb tsîkha. Amase, ti ǃgâsado, nēs ge ǂhanu tama hâ! 11 Ā, ǁkhā ǀausa xu i ge ǀgui ǁaeb ai ǃgâi ǁgam-i tsî au ǁgam-i tsîna a ǂoaxa ǁoa. 12 Ti ǃgâsado, ǀnomahais ge ǀkherana a tani ǁoa tamas ka ios ge draibehaisa ǀnomana a tani ǁoa. ǁNās ǁkhās xases ge ǂōxa ǀausa ǃgâi ǁgam-e a mā ǁoa.
Ama gā-aisib ge Eloba xu hâ
13 Tari-e sadu ǃnâ gā-ai tsî ǁnâuǃāxa? A i ǁî-i di ǃgâi tanisens tsî sîsengu hîa ǃgamǃgamsens tsî gā-aisib xa ra ǃkhō-amgu ǃnâ-u ǁgauǂui. 14 Xaweb ga sa ǂgaoba surib xa au tsî ǁîǁâsens xa ǀoa, o tā gā-aisib xa koasen tsî amab ǃoagu ǂhumi. 15 Surixaǃnâ tsî ǁîǂâibasenxa gā-aisi-i ge ǀgapiseba xu hâ tama, xawe a ǃhūbaisi, ǂūsi tsî ǁgâuasi.* 16 ǁNā-amaga surixa tsî ǁîǂâibasenxa khoen hâpats ge ǀhomaxasib tsî ǂguiǃnâgu ǂkhabasigu ǀguiga ra hō. 17 Xawe ǀgapiseba xu hâ gā-aisib ge ǂguro ǃkhais ai ǃanu, ǂkhîxaǃnâ, tsauraǃnâ, khoexaǃnâ, ǀkhomxaǃnâ tsî ǃgâidīgu xa ǀoa hâ, ǀgora-e ūhâ tama hâ tsî a hînaoǃnâ. 18 Tsî ǂkhîb dī-aon ge ǂkhîb di ǃkhomna nî ǃhana tsî ǁnāpa xu ǂhanu-aisib ǂûna nî ǃgao.
Sa namsa ǃûisen
1 Ti ǃgâsado, tā hoado ǁkhāǁkhā-ao kai ǂgao, Elob nî sada hîa ra ǁkhāǁkhā da ǁkhōǁkhōsase ǀgoraǃgâ xuige. 2 Kaise da kom xūn hoan ǃnâ ra dīsāo. ǁNā khoe-i hîa ǁî-i di namsa ra ǃkhōǀgara-i ge a dīǀoaǀoasa tsî ǁî-i di hoaraga sorosa ǃkhōǀgarasa a ǁkhā. 3 Hān tsîna da ge tomde ra ǂgā-amǃnâ, sadan nî ǁnâuǀnamse tsî da ge ǁîna ǂgao da ra ǀkhāb hoab ǁga ra ǂgae-unu. 4 Tsî kaise ǂkhari ǁgubihairob ǀkhas ge doe-oms hîa ǀgaisa ǂoagu xa ra ǃgomhesa, mâ ǀkhāb hoab ǁga a ǃnarihe ǁkhā. 5 ǁNās ǁkhās ases ge namsa a ǂkhari uniǁaero, xawes ge kai xūn xa ra koasen.
Mû, mâti i ǂkhari ǀaeǁhaburo-e kai haiǀgomsa a ǂhubi ǁkhā ǃkhaisa. 6 Nams ge ǁkhāti a ǀae, sada hoaraga uniǁaedi ǃnâ kaise a ǂhanuoǃnâsa, hoaraga sorosa ǂhī tsîs sada tsēkorobe ûiba ǀamoǀaeb ǃnâ ra ǂhubiǂui amaga. 7 Sada khoeda ge ǃkharagaǃnâgu ǀgurun tsî anin, ǂhanaben tsî huriǀgurun tsîna a ǂauǂau ǁkhā, 8 xawe khoe-i xare-i ge namsa a ǂauǂau ǁoa. ǁÎs ge ǃkhō-oasen ǁoa ǂkhabas, ǁōǁōsa ǃgāb xa ǀoa hâsa. 9 ǁÎs ǀkha da ge ǃKhūb tsî ǁGûba kare tsî ǁkhāti ǁîs ǀkha khoen hîa Elob īb ǃoa ge kuruhena ra ǀâxare. 10 ǁKhā amsa xu kha ra ǂoaxa ǀkhaeb tsî ǀâxareb tsîkha. Amase, ti ǃgâsado, nēs ge ǂhanu tama hâ! 11 Ā, ǁkhā ǀausa xu i ge ǀgui ǁaeb ai ǃgâi ǁgam-i tsî au ǁgam-i tsîna a ǂoaxa ǁoa. 12 Ti ǃgâsado, ǀnomahais ge ǀkherana a tani ǁoa tamas ka ios ge draibehaisa ǀnomana a tani ǁoa. ǁNās ǁkhās xases ge ǂōxa ǀausa ǃgâi ǁgam-e a mā ǁoa.
Ama gā-aisib ge Eloba xu hâ
13 Tari-e sadu ǃnâ gā-ai tsî ǁnâuǃāxa? A i ǁî-i di ǃgâi tanisens tsî sîsengu hîa ǃgamǃgamsens tsî gā-aisib xa ra ǃkhō-amgu ǃnâ-u ǁgauǂui. 14 Xaweb ga sa ǂgaoba surib xa au tsî ǁîǁâsens xa ǀoa, o tā gā-aisib xa koasen tsî amab ǃoagu ǂhumi. 15 Surixaǃnâ tsî ǁîǂâibasenxa gā-aisi-i ge ǀgapiseba xu hâ tama, xawe a ǃhūbaisi, ǂūsi tsî ǁgâuasi.* 16 ǁNā-amaga surixa tsî ǁîǂâibasenxa khoen hâpats ge ǀhomaxasib tsî ǂguiǃnâgu ǂkhabasigu ǀguiga ra hō. 17 Xawe ǀgapiseba xu hâ gā-aisib ge ǂguro ǃkhais ai ǃanu, ǂkhîxaǃnâ, tsauraǃnâ, khoexaǃnâ, ǀkhomxaǃnâ tsî ǃgâidīgu xa ǀoa hâ, ǀgora-e ūhâ tama hâ tsî a hînaoǃnâ. 18 Tsî ǂkhîb dī-aon ge ǂkhîb di ǃkhomna nî ǃhana tsî ǁnāpa xu ǂhanu-aisib ǂûna nî ǃgao.
