1 Nētib ge ǃKhūba ra mî:
“Sadu îs di ǀgoraǂkhanis,
ǁîsa ta ge sîbē-ūsa mâpa hâ?
Tamas ka io mâb ti surude ôa-aob,
ai ta ge ǁamaxū du?
Ā, sadu ǁoren ǃaromas ge ǁamaxūhe du gesa,
tsî sadu tsūdīgu ǃaromas ge sadu îs ge sîbēhesa.
2 “Tare-i ǃaroma-i ge khoe-e ǀkhai i, hā ta geo?
Tare-i ǃaroma-i khoe-e
ge ǃeream tama hâ i ǂgai ta geo?
Ti ǁôaba kha ǃnubu, ore ǁoab ase?
Tamas ka io ta ores di ǀgaiba ūhâ tama?
Ti ǁkhāsiba xus ge huriba ta ge ǂnâ kaisa;
ǃāga ta ge ǃgaroǃhūse dīsa.
ǁGam-i ǀkhai ǃkhais ge ǁîgu ǁaun ra ǀō,
tsî ǁgâs xa ǁōsa.
3 Tita ge ǀhomma ǃkhaenas ǀkha ana
tsî ǃoasarab ǀkha ra ǃgū-ai.”
ǃKhūb ǃgāb di ǁnâuǀnamxasib
4 ǃKhūb Elob ge ǁgauǃnâ-ao-i namma ge mā te,
î ta ǂan mâ ǀgaus ai ta ǂkhabusana nî ǂkhâǃnâsa.
ǁGoas hoasab ge ra ǂkhaiǂkhai te,
ǁîb ge ti ǂgaesa ǁnâus nîse ra ǂkhaiǂkhai, ǁkhāǁkhāsabe-i khami.
5 ǃKhūb Elob ge ti ǂgaesa ge ǁkhowa-am
tsî ta ge khâikhâisen tama ge hâ i,
tita ge dabasen tama ge i.
6 Tita ge ti ǁâba ǂnau te gena ge mā
tsî ti xōra ǁnān ti ǀhō-amga ge ǂgaeǂuina;
ti aisa ta ge mîǁgaiǁgaihes
tsî ǂara-aihesa xu sâu tama ge i.
7 ǃKhūb Elob ge tita ge hui,
ǁnā-amaga ta ge taotaohe tama ge i.
ǁNā-amaga ta ge ge mâǀgai
tsî taotaohe ta tidesa ge ǂan i.
8 Tita nî ǂnoabab ge a ǀgū.
Tari-e tita nî ǂnoaǃoa?
A da mâǀhao.
Tarina ti ǂnoaǃoa-aona?
An tita ǁgoaǂui!
9 ǃKhūb Elob ge tita ge huiba;
tari-e tita ǀhapixase nî hō?
Hoan ge sara-i khami nî ǀoro;
ǁgurib ge ǁîna nî hapu.
10 Tari-i sadu di-e ǃKhūba ra ǃaoǃgâ-e
tsî ǁî-i ǃgāb domma ra ǁnâuǀnam-e?
Tari-e ǃkhaenas ǃnâ ǃgû tsî ǃnâ-e ūhâ tama-e,
xawe ǃKhūb ǀons ǃnâ ǂgomǃgâ
tsî Eloba xu ra ǃâubasen-e?
11 Xawe sadu hoadu ge ǀaes ǃamamaodu;
ǀaes nanide ra ǃamamdo.
Sadu ǀaeǁhabub ǃnâ ǃgû
tsî sadu ge ǃamam nanidi ǁaegu!
Nēs ge ti ǃomma xu du nî ǃkhōǃoasa;
tsûb di ǃkhais ǃnâ du ge nî ǁgoe.
1 Nētib ge ǃKhūba ra mî:
“Sadu îs di ǀgoraǂkhanis,
ǁîsa ta ge sîbē-ūsa mâpa hâ?
Tamas ka io mâb ti surude ôa-aob,
ai ta ge ǁamaxū du?
Ā, sadu ǁoren ǃaromas ge ǁamaxūhe du gesa,
tsî sadu tsūdīgu ǃaromas ge sadu îs ge sîbēhesa.
2 “Tare-i ǃaroma-i ge khoe-e ǀkhai i, hā ta geo?
Tare-i ǃaroma-i khoe-e
ge ǃeream tama hâ i ǂgai ta geo?
Ti ǁôaba kha ǃnubu, ore ǁoab ase?
Tamas ka io ta ores di ǀgaiba ūhâ tama?
Ti ǁkhāsiba xus ge huriba ta ge ǂnâ kaisa;
ǃāga ta ge ǃgaroǃhūse dīsa.
ǁGam-i ǀkhai ǃkhais ge ǁîgu ǁaun ra ǀō,
tsî ǁgâs xa ǁōsa.
3 Tita ge ǀhomma ǃkhaenas ǀkha ana
tsî ǃoasarab ǀkha ra ǃgū-ai.”
ǃKhūb ǃgāb di ǁnâuǀnamxasib
4 ǃKhūb Elob ge ǁgauǃnâ-ao-i namma ge mā te,
î ta ǂan mâ ǀgaus ai ta ǂkhabusana nî ǂkhâǃnâsa.
ǁGoas hoasab ge ra ǂkhaiǂkhai te,
ǁîb ge ti ǂgaesa ǁnâus nîse ra ǂkhaiǂkhai, ǁkhāǁkhāsabe-i khami.
5 ǃKhūb Elob ge ti ǂgaesa ge ǁkhowa-am
tsî ta ge khâikhâisen tama ge hâ i,
tita ge dabasen tama ge i.
6 Tita ge ti ǁâba ǂnau te gena ge mā
tsî ti xōra ǁnān ti ǀhō-amga ge ǂgaeǂuina;
ti aisa ta ge mîǁgaiǁgaihes
tsî ǂara-aihesa xu sâu tama ge i.
7 ǃKhūb Elob ge tita ge hui,
ǁnā-amaga ta ge taotaohe tama ge i.
ǁNā-amaga ta ge ge mâǀgai
tsî taotaohe ta tidesa ge ǂan i.
8 Tita nî ǂnoabab ge a ǀgū.
Tari-e tita nî ǂnoaǃoa?
A da mâǀhao.
Tarina ti ǂnoaǃoa-aona?
An tita ǁgoaǂui!
9 ǃKhūb Elob ge tita ge huiba;
tari-e tita ǀhapixase nî hō?
Hoan ge sara-i khami nî ǀoro;
ǁgurib ge ǁîna nî hapu.
10 Tari-i sadu di-e ǃKhūba ra ǃaoǃgâ-e
tsî ǁî-i ǃgāb domma ra ǁnâuǀnam-e?
Tari-e ǃkhaenas ǃnâ ǃgû tsî ǃnâ-e ūhâ tama-e,
xawe ǃKhūb ǀons ǃnâ ǂgomǃgâ
tsî Eloba xu ra ǃâubasen-e?
11 Xawe sadu hoadu ge ǀaes ǃamamaodu;
ǀaes nanide ra ǃamamdo.
Sadu ǀaeǁhabub ǃnâ ǃgû
tsî sadu ge ǃamam nanidi ǁaegu!
Nēs ge ti ǃomma xu du nî ǃkhōǃoasa;
tsûb di ǃkhais ǃnâ du ge nî ǁgoe.
