Babilons ǀgoraǃgâhes
1 “ǁGôaxa, îs tsarab ǃnâ ǂnû,
sas oaxae ǀgôas Babilons dise.
Trons ose ǃhūb ai ǂnû,
sas Xaldeaǁîn ǀgôase!
ǃAruǀîs ge tsauraǃnâs,
tamas ka io ǃgâixaǃnâs ti ǂgaihe tide.
2 ǁKhamiǀuisa ū, î mel-e ǁkhami!
ǃGū-aib âsa ūǁnâ, saran âsa ǁhû!
ǀNūkha âsa ǀōǀkhā kai, î ǃāga xanuǃgâu!
3 ǀŌǀkhāsib âs ge nî ǂhaisa kaihe
tsîb ge sa taosiba nî mûhe.
Tita ge nî ǀkhao
tsî ǀgui-i tsîna ǀkhom tide.”
4 Sada Ore-aob, Israels di ǃAnub
ge ǃKhūb Hoaǀgaixab ti ǀon hâ.
5 “ǃNōsase ǂnû, î ǃkhaenas ǃnâ ǂgâ,
ǀgôas Xaldeaǁîn dise!
ǃAruǀîs ge gaosigu ǀgôas ti ǂgaihe tide.
6 Tita ge ti khoen ǀkha ge ǁaixa,
ti ǀumisa ta ge ge ǃanuoǃnâ kai.
Sa ǃomkha ǃnâ ta ge ǁîna ge māǁnâ,
xawes ge ǁîna ǀkhom tama ge i.
Kairanas ge ǃnāǂamsase ǃgomma ge ǃnao-ai.
7 Sas ge ‘ǀamos kōse ta ge gao-aose nî hâ’ ti ge mî,
tsî nē xūn xa ǂâiǂâisen tama ge hâ i,
tamas ka io ǁîn ǀams nî hāsa ge ǂâiǃgâ tama hâ i.
8 “ǁNā-amaga sas ǂkhīǂkhurisensa ǀnamse, nēsa ǃgâ re,
sas kaise ǁkhaubahe hâse ǂnû tsî ǂgaob âs ǃnâ
‘Tita ǀgui ta tsî ǀnî-i ti xōǀkha a ǀkhai,
tita ge ǃoatarase ǂnû tide,
tamas ka io ta ǀgôaose hâsa ǂan tide,’ ti ra mîsa.
9 Nē ǀgam xūra ge mûsǀapirob ǃnâ,
ǀgui tsēs ai nî hāǂam si;
ǀoasa ǀnōb ai, ǀgôaosis tsî ǃoatarasis tsîra.
Nēs ge ǃgaidīb âs ǂguisib
tsî ǀkhūs ǀgaib tsîras ga ūhâ xawesa.
10 “Sa ǂkhabusasib ǃnâs ge ǃnorasase tsâ,
tsî ‘Khoe-i xare-i xa ta mûhe tama’ ti ge mî.
Sa gā-aisib tsî ǂans tsîra ge ge ǂgaeǂhapu si
tsîs ge ǂgaob âs ǃnâ: ‘Tita ǀgui ta,
ǀnî-i ti xōǀkhā a ǀkhai,’ ti ge mî.
11 Xaweb ge ǂkhababa nî hāǂam si,
sa ǃgaidīb xas tsîna ǁkhaehe tideba.
ǂŌǂōsib ge nî hāǂam si,
xawes ge ǁîba ǁkhae ǁkhā tide.
ǃNapetamases ge hîkākāsa nî hāǂam si,
ǁîs hāsas ge ǂan tide!
12 ǀKhūs tsî ǃgaidīs âs ǀkha hâǀgara,
sa ǂkhamsisa xus gere sîsenūra.
ǀNîsis kom nî ǃgâiǃgâo,
ǀnîsis kom ǂōǂōsiba nî ǁkhaebēo.
13 ǂGui ǀapemādi âs xas ge ge ǂkhabu,
an ǀhomma ra ôaǃnân hoana khâi tsî hui si.
An ǀgamiroǂansena khâi tsî ǁkhâkorobe ra aimûǀgaruna,
mîba si tare-i nî hāǂam sisa.
14 “Mû, ǁîn ge ǀhōb ǀaes xa ra khauǃkhūheb khami ī,
ǁîn ge ǀaeǁhabub ǀgaiba xu oresen ǁoa.
ǁÎna nî ǀgamǀgam ǂnom-i ge ǀkhai,
ǀaes ǁîn nî ǂnûǃgaos ge a ǀkhai.
15 ǁNātin ge ī, sas gere sîsenūna,
ǁnān sa ǂkhamsisa xus gere ǂgomǃgâna.
Mâ-i hoa-i ǁîn di-i ge ge bēxū si,
khoe-i xare-i sasa nî ore-i ge a ǀkhai.”
Babilons ǀgoraǃgâhes
1 “ǁGôaxa, îs tsarab ǃnâ ǂnû,
sas oaxae ǀgôas Babilons dise.
Trons ose ǃhūb ai ǂnû,
sas Xaldeaǁîn ǀgôase!
ǃAruǀîs ge tsauraǃnâs,
tamas ka io ǃgâixaǃnâs ti ǂgaihe tide.
2 ǁKhamiǀuisa ū, î mel-e ǁkhami!
ǃGū-aib âsa ūǁnâ, saran âsa ǁhû!
ǀNūkha âsa ǀōǀkhā kai, î ǃāga xanuǃgâu!
3 ǀŌǀkhāsib âs ge nî ǂhaisa kaihe
tsîb ge sa taosiba nî mûhe.
Tita ge nî ǀkhao
tsî ǀgui-i tsîna ǀkhom tide.”
4 Sada Ore-aob, Israels di ǃAnub
ge ǃKhūb Hoaǀgaixab ti ǀon hâ.
5 “ǃNōsase ǂnû, î ǃkhaenas ǃnâ ǂgâ,
ǀgôas Xaldeaǁîn dise!
ǃAruǀîs ge gaosigu ǀgôas ti ǂgaihe tide.
6 Tita ge ti khoen ǀkha ge ǁaixa,
ti ǀumisa ta ge ge ǃanuoǃnâ kai.
Sa ǃomkha ǃnâ ta ge ǁîna ge māǁnâ,
xawes ge ǁîna ǀkhom tama ge i.
Kairanas ge ǃnāǂamsase ǃgomma ge ǃnao-ai.
7 Sas ge ‘ǀamos kōse ta ge gao-aose nî hâ’ ti ge mî,
tsî nē xūn xa ǂâiǂâisen tama ge hâ i,
tamas ka io ǁîn ǀams nî hāsa ge ǂâiǃgâ tama hâ i.
8 “ǁNā-amaga sas ǂkhīǂkhurisensa ǀnamse, nēsa ǃgâ re,
sas kaise ǁkhaubahe hâse ǂnû tsî ǂgaob âs ǃnâ
‘Tita ǀgui ta tsî ǀnî-i ti xōǀkha a ǀkhai,
tita ge ǃoatarase ǂnû tide,
tamas ka io ta ǀgôaose hâsa ǂan tide,’ ti ra mîsa.
9 Nē ǀgam xūra ge mûsǀapirob ǃnâ,
ǀgui tsēs ai nî hāǂam si;
ǀoasa ǀnōb ai, ǀgôaosis tsî ǃoatarasis tsîra.
Nēs ge ǃgaidīb âs ǂguisib
tsî ǀkhūs ǀgaib tsîras ga ūhâ xawesa.
10 “Sa ǂkhabusasib ǃnâs ge ǃnorasase tsâ,
tsî ‘Khoe-i xare-i xa ta mûhe tama’ ti ge mî.
Sa gā-aisib tsî ǂans tsîra ge ge ǂgaeǂhapu si
tsîs ge ǂgaob âs ǃnâ: ‘Tita ǀgui ta,
ǀnî-i ti xōǀkhā a ǀkhai,’ ti ge mî.
11 Xaweb ge ǂkhababa nî hāǂam si,
sa ǃgaidīb xas tsîna ǁkhaehe tideba.
ǂŌǂōsib ge nî hāǂam si,
xawes ge ǁîba ǁkhae ǁkhā tide.
ǃNapetamases ge hîkākāsa nî hāǂam si,
ǁîs hāsas ge ǂan tide!
12 ǀKhūs tsî ǃgaidīs âs ǀkha hâǀgara,
sa ǂkhamsisa xus gere sîsenūra.
ǀNîsis kom nî ǃgâiǃgâo,
ǀnîsis kom ǂōǂōsiba nî ǁkhaebēo.
13 ǂGui ǀapemādi âs xas ge ge ǂkhabu,
an ǀhomma ra ôaǃnân hoana khâi tsî hui si.
An ǀgamiroǂansena khâi tsî ǁkhâkorobe ra aimûǀgaruna,
mîba si tare-i nî hāǂam sisa.
14 “Mû, ǁîn ge ǀhōb ǀaes xa ra khauǃkhūheb khami ī,
ǁîn ge ǀaeǁhabub ǀgaiba xu oresen ǁoa.
ǁÎna nî ǀgamǀgam ǂnom-i ge ǀkhai,
ǀaes ǁîn nî ǂnûǃgaos ge a ǀkhai.
15 ǁNātin ge ī, sas gere sîsenūna,
ǁnān sa ǂkhamsisa xus gere ǂgomǃgâna.
Mâ-i hoa-i ǁîn di-i ge ge bēxū si,
khoe-i xare-i sasa nî ore-i ge a ǀkhai.”
