ǃÂubasens mîdi
1 “ǁKhaeǂgao re, ǁkhaeǂgao re ti ǁaesa,” tib ge sadu Eloba ra mî!
2 Jerusalemsa ǀgaiǀgaiǃnâ re.
ǁÎs ǃoa ǂgaiǂui, ǃkhammi âs go ǀam,
tsî ǁoren âsas go ǀûbahe ǃkhaisa.
ǁÎs ge ǃKhūb ǃomma xu ǁoren âs ǃaroma,
ǀgamǃnâguse ge ǃkhōǃoa.
3 Dom-i ge ra ǂgaiǂui:
“ǃGaroǃhūb ǃnâ ǃKhūb ǃaroma daoba ǂhomi re!
ǃGaroǃhūb ǃnâ sada Elob ǃaroma ǃganna ǂhauǂhau re!
4 Mâ ǃgoaǃnāb hoaba ǁhankhâi,
î mâ ǃhommi tsî ǃnâub hoaba ǂhauǂhau.
ǀKhora ǃhūb ge nî ǂhauǂhauhe
tsî karosa ǃhūb ge nî tsautsauhe.
5 Ob ge ǃKhūb ǂkhaisiba nî ǂhaiǂhaihe
tsîn ge hoaraga khoena ǀhao hâse nî mû.
ǃKhūb ams go mî xui-ao.”
6 Dom-i ge ra mî: “ǃGarise ā!”
O ta ge “Tare-e ta nî ā?” ti ge mî.
“Hoaraga khoen ge ǀgân khami ī
tsî ǁîn îsasib ge ǃaub ǃkhā-i khami ī.
7 ǀGân ge ra ǂnâ tsî ǃkhās ra kā,
ǃKhūb ga ǁîn ai ǃgomo.
Amase khoen ge ǀgân khami ī.
8 Ā, ǀgân ge ra ǂnâ tsî ǃkhā-i ge ra kā,
xawe sada Elob mîs ge ǀamos kōse ra hâ.”
9 Sionse, ǀgapi ǃhommi ai ǂoa,
î ǃgâiǂhôasa aoǁnâ!
Jerusalemse, ǃgari dommi ǀkha ǂgaiǂui re!
ǃGâiǂhôasa aoǁnâ!
ǂGaiǂui, î tā ǃao.
Judab ǃāde mîba
“Nēb ge sadu Eloba,” ti.
10 Mû, ǃKhūb Elob ge ǀgaib ǀkha ra hā,
tsî ǁîb ǁôab ǀkha nî gaoǂam.
Mû, ǁîb mādawa-ams ge ǁîb ǀkha hâ
tsî ǁîb ais aiǃâ ra matare-oa.
11 ǁÎb gūnab ge gūǃûi-aob khami nî ǂûmā;
ǁkhaonab ge ǁîb ǁôakha ǃnâ ǀhaoǀhao
tsî ǁîna ǁîb ǁkhaib ai nî tani;
ǁîb ge gūde tsaurase ra ǂgaeǂgui.
Israeli di ǀgopeǀnōheǁoasa Elob
12 Tari-e ǁgamga ǁî-i ǃomǃnās ǃnâ ge ǀnō-e,
tamas ka io ǃāǂuisaba ǁî-i ǃomkha ǀkha?
Tari-e ǃhūbaib tsarab ǃgomma ge ǀnō-e,
tamas ka io ǃhomga ǀnō-ūxūs ai
tsî ǃnâuga ǀguitikōsib ai ra ǀnō-e?
13 Tari-e ǃKhūb Gagaba ge ǂgaeǂgui-e,
tamas ka io ǁîb ǁgauǃnâ-aose ǁîba ge ǀapemā-e?
14 Tari-i ǀkhab kha Eloba ǁnâuǃābab ǁî-e nî māse ge ǀapeǀhao,
tsî ǂhanu daobab ǁî-e nî ǁgause?
ǂAnsab nî ǁî-e ǁkhāǁkhāse
tsî ǀoasa ǁnâuǃāb daobab ǁî-e nî ǁgause?
15 ǁAedi ge xapas ǃnâ ra ǂnâ ǁgamros khami ī
tsî ǀnō-ūxūs ai ra ǀnōhe tsarab ase ǃgôahe hâ;
ǃnāǃnuideb ge tsarab ǀkha ǀguitikōse ra ǀnō.
16 Libanonni ge ǀoro ǀaena ǀaes ǃaroma ūhâ,
tamas ka io ǀoro ǀgoana khauǁguibas ǃaroma ūhâ.
17 Hoaraga ǁaedi ge ǁîb aiǃâ xūtama hâ;
ǁîdi ge ǁîb xa xū tamase tsî ǁauxūse ra ǃgôahe.
18 Tari-i ǀkhats Eloba nî ǀgopeǀnō,
tamas ka io mâ ī-i ǀkhats ǁîba nî ǀguiǀgui?
19 ǁGôa-elo-i ge sîsenao-i xa ra ǂnâhe
tsî ǃhuniǀurikuru-aob ge ǁî-e ǃhuniǀurib ǀkha ra ǃkhûǀkhā;
tsîb ra ǀhaiǀurikhedega ǁî-i ai ǂnâmâi.
20 ǁGuibas ase i ge khoe-e hai-e ra ǁhûiǂui,
hai-i gunu tide-e.
ǁÎ-i ge sîsenǂansa ūhâ khoe-e ra ôaǂui,
ǁnā tide ī-e nî kurumâise.
21 ǀŪ du ge i?
ǁNâu tama du ge hâ i?
Tsoatsoasa xu du ge mîbahe tama hâ i?
ǃHūbaib ǂnubihesa xu du ge ǁnâuǃā tama hâ i?
22 ǁNāb ǃhūbaib ai trons ai ǀgapise ǂnôab,
tsî ǃhūbaib ǁanǂgāsaben ge ǂhomn khami ī;
ǁnāb ǀhomma ǂgāmâisa-i khami ra khoraǂuib
tsî khoen nî ǁanǃnâ tentoms khami ǁîba ra ǁkhowa-amǃāba.
23 ǁÎb ge gao-aoga ǁauxūdī
tsî ǂgaeǂgui-aoga ǁauxūsis kōse ra ǂamǂam.
24 Nēsi ǀguis ge ǁîn go ǃhanahesa,
nēsi ǀguis ge ǁîn go tsorohesa,
nēsi ǀguis ge ǁîn go ǃnomaǃkhōsa.
ǃKhūb ga ǁîn ai ǃgom,
on ge ra ǂnâ
tsîb ge ǂoaba ǁîna ǂopeb khami ra ǃgombē.
25 Tari-i ǀkha du tita ra ǀgopeǀnō ǂgao
tamas ka io tari-i ǀkha ta a ǀgui? tib ge ǃAnuba ra dî.
26 Mûdi âdo ǃhâkhâi, î ǀgapiseb ǃoa kō!
Tariba ǃāǂuisab ai hân hoana ge kuruba?
ǁÎb ge ǁîna toroǂnubis khami ge ǂgaeǂguiǂui,
ǁîb ge ǁîn ǃgôaba a ǂan
tsî mâ-i hoa-e ǀons ai a ǂan!
ǁÎb ge ǀgaib âb ǃnâ a kai tsî hoaǀgaixa,
ǀgui-i ân tsîn ǁkhuihe tama hâ!
27 Jakotse, tare-i ǃaromats ra mî
tsî Israeltse, tare-i ǃaromats ra mî:
“Ti ûib ǀkhab ge ǃKhūba ǁae tama hâ
tsî ti ǂhanubab ge Eloba kōba te tama hâ?”
28 ǀŪ du ge i?
ǁNâu tama du ge hâ i?
ǃKhūb a ǀamo Elo ǃkhaisa,
Kuru-aob ǃhūbaib ǀkhâuǀamdi diba.
ǁÎb ge tsau tamas ka io ǂkhabu tama hâ;
ǁîb ǁnâuǃāb ge a ôaǃnâheǁoasa.
29 ǁÎb ge tsau hâna ǀgaiba mā
tsî ǀgaiona ra ǀgaiǀgai.
30 ǂKhamn tsîn ge tsau tsî ra ǂkhabu
tsî ǂkham khoegu ge nî ǁnā.
31 Xawe ǁnān ǃKhūb ai ra ǂgomaiǂnûin
ge ǀasa ǀgaiba nî hō.
ǁÎn ge kai-anidi ǁgabogu ǀkhas khami nî ǁkhana;
ǁîn ge nî ǃkhoe, xawe ǂkhabu tide;
ǁîn ge nî ǃgû, xawe tsau tide.
ǃÂubasens mîdi
1 “ǁKhaeǂgao re, ǁkhaeǂgao re ti ǁaesa,” tib ge sadu Eloba ra mî!
2 Jerusalemsa ǀgaiǀgaiǃnâ re.
ǁÎs ǃoa ǂgaiǂui, ǃkhammi âs go ǀam,
tsî ǁoren âsas go ǀûbahe ǃkhaisa.
ǁÎs ge ǃKhūb ǃomma xu ǁoren âs ǃaroma,
ǀgamǃnâguse ge ǃkhōǃoa.
3 Dom-i ge ra ǂgaiǂui:
“ǃGaroǃhūb ǃnâ ǃKhūb ǃaroma daoba ǂhomi re!
ǃGaroǃhūb ǃnâ sada Elob ǃaroma ǃganna ǂhauǂhau re!
4 Mâ ǃgoaǃnāb hoaba ǁhankhâi,
î mâ ǃhommi tsî ǃnâub hoaba ǂhauǂhau.
ǀKhora ǃhūb ge nî ǂhauǂhauhe
tsî karosa ǃhūb ge nî tsautsauhe.
5 Ob ge ǃKhūb ǂkhaisiba nî ǂhaiǂhaihe
tsîn ge hoaraga khoena ǀhao hâse nî mû.
ǃKhūb ams go mî xui-ao.”
6 Dom-i ge ra mî: “ǃGarise ā!”
O ta ge “Tare-e ta nî ā?” ti ge mî.
“Hoaraga khoen ge ǀgân khami ī
tsî ǁîn îsasib ge ǃaub ǃkhā-i khami ī.
7 ǀGân ge ra ǂnâ tsî ǃkhās ra kā,
ǃKhūb ga ǁîn ai ǃgomo.
Amase khoen ge ǀgân khami ī.
8 Ā, ǀgân ge ra ǂnâ tsî ǃkhā-i ge ra kā,
xawe sada Elob mîs ge ǀamos kōse ra hâ.”
9 Sionse, ǀgapi ǃhommi ai ǂoa,
î ǃgâiǂhôasa aoǁnâ!
Jerusalemse, ǃgari dommi ǀkha ǂgaiǂui re!
ǃGâiǂhôasa aoǁnâ!
ǂGaiǂui, î tā ǃao.
Judab ǃāde mîba
“Nēb ge sadu Eloba,” ti.
10 Mû, ǃKhūb Elob ge ǀgaib ǀkha ra hā,
tsî ǁîb ǁôab ǀkha nî gaoǂam.
Mû, ǁîb mādawa-ams ge ǁîb ǀkha hâ
tsî ǁîb ais aiǃâ ra matare-oa.
11 ǁÎb gūnab ge gūǃûi-aob khami nî ǂûmā;
ǁkhaonab ge ǁîb ǁôakha ǃnâ ǀhaoǀhao
tsî ǁîna ǁîb ǁkhaib ai nî tani;
ǁîb ge gūde tsaurase ra ǂgaeǂgui.
Israeli di ǀgopeǀnōheǁoasa Elob
12 Tari-e ǁgamga ǁî-i ǃomǃnās ǃnâ ge ǀnō-e,
tamas ka io ǃāǂuisaba ǁî-i ǃomkha ǀkha?
Tari-e ǃhūbaib tsarab ǃgomma ge ǀnō-e,
tamas ka io ǃhomga ǀnō-ūxūs ai
tsî ǃnâuga ǀguitikōsib ai ra ǀnō-e?
13 Tari-e ǃKhūb Gagaba ge ǂgaeǂgui-e,
tamas ka io ǁîb ǁgauǃnâ-aose ǁîba ge ǀapemā-e?
14 Tari-i ǀkhab kha Eloba ǁnâuǃābab ǁî-e nî māse ge ǀapeǀhao,
tsî ǂhanu daobab ǁî-e nî ǁgause?
ǂAnsab nî ǁî-e ǁkhāǁkhāse
tsî ǀoasa ǁnâuǃāb daobab ǁî-e nî ǁgause?
15 ǁAedi ge xapas ǃnâ ra ǂnâ ǁgamros khami ī
tsî ǀnō-ūxūs ai ra ǀnōhe tsarab ase ǃgôahe hâ;
ǃnāǃnuideb ge tsarab ǀkha ǀguitikōse ra ǀnō.
16 Libanonni ge ǀoro ǀaena ǀaes ǃaroma ūhâ,
tamas ka io ǀoro ǀgoana khauǁguibas ǃaroma ūhâ.
17 Hoaraga ǁaedi ge ǁîb aiǃâ xūtama hâ;
ǁîdi ge ǁîb xa xū tamase tsî ǁauxūse ra ǃgôahe.
18 Tari-i ǀkhats Eloba nî ǀgopeǀnō,
tamas ka io mâ ī-i ǀkhats ǁîba nî ǀguiǀgui?
19 ǁGôa-elo-i ge sîsenao-i xa ra ǂnâhe
tsî ǃhuniǀurikuru-aob ge ǁî-e ǃhuniǀurib ǀkha ra ǃkhûǀkhā;
tsîb ra ǀhaiǀurikhedega ǁî-i ai ǂnâmâi.
20 ǁGuibas ase i ge khoe-e hai-e ra ǁhûiǂui,
hai-i gunu tide-e.
ǁÎ-i ge sîsenǂansa ūhâ khoe-e ra ôaǂui,
ǁnā tide ī-e nî kurumâise.
21 ǀŪ du ge i?
ǁNâu tama du ge hâ i?
Tsoatsoasa xu du ge mîbahe tama hâ i?
ǃHūbaib ǂnubihesa xu du ge ǁnâuǃā tama hâ i?
22 ǁNāb ǃhūbaib ai trons ai ǀgapise ǂnôab,
tsî ǃhūbaib ǁanǂgāsaben ge ǂhomn khami ī;
ǁnāb ǀhomma ǂgāmâisa-i khami ra khoraǂuib
tsî khoen nî ǁanǃnâ tentoms khami ǁîba ra ǁkhowa-amǃāba.
23 ǁÎb ge gao-aoga ǁauxūdī
tsî ǂgaeǂgui-aoga ǁauxūsis kōse ra ǂamǂam.
24 Nēsi ǀguis ge ǁîn go ǃhanahesa,
nēsi ǀguis ge ǁîn go tsorohesa,
nēsi ǀguis ge ǁîn go ǃnomaǃkhōsa.
ǃKhūb ga ǁîn ai ǃgom,
on ge ra ǂnâ
tsîb ge ǂoaba ǁîna ǂopeb khami ra ǃgombē.
25 Tari-i ǀkha du tita ra ǀgopeǀnō ǂgao
tamas ka io tari-i ǀkha ta a ǀgui? tib ge ǃAnuba ra dî.
26 Mûdi âdo ǃhâkhâi, î ǀgapiseb ǃoa kō!
Tariba ǃāǂuisab ai hân hoana ge kuruba?
ǁÎb ge ǁîna toroǂnubis khami ge ǂgaeǂguiǂui,
ǁîb ge ǁîn ǃgôaba a ǂan
tsî mâ-i hoa-e ǀons ai a ǂan!
ǁÎb ge ǀgaib âb ǃnâ a kai tsî hoaǀgaixa,
ǀgui-i ân tsîn ǁkhuihe tama hâ!
27 Jakotse, tare-i ǃaromats ra mî
tsî Israeltse, tare-i ǃaromats ra mî:
“Ti ûib ǀkhab ge ǃKhūba ǁae tama hâ
tsî ti ǂhanubab ge Eloba kōba te tama hâ?”
28 ǀŪ du ge i?
ǁNâu tama du ge hâ i?
ǃKhūb a ǀamo Elo ǃkhaisa,
Kuru-aob ǃhūbaib ǀkhâuǀamdi diba.
ǁÎb ge tsau tamas ka io ǂkhabu tama hâ;
ǁîb ǁnâuǃāb ge a ôaǃnâheǁoasa.
29 ǁÎb ge tsau hâna ǀgaiba mā
tsî ǀgaiona ra ǀgaiǀgai.
30 ǂKhamn tsîn ge tsau tsî ra ǂkhabu
tsî ǂkham khoegu ge nî ǁnā.
31 Xawe ǁnān ǃKhūb ai ra ǂgomaiǂnûin
ge ǀasa ǀgaiba nî hō.
ǁÎn ge kai-anidi ǁgabogu ǀkhas khami nî ǁkhana;
ǁîn ge nî ǃkhoe, xawe ǂkhabu tide;
ǁîn ge nî ǃgû, xawe tsau tide.
