Elob ge Siriab tsî Israeli tsîkha nî ǁkhara
1 Nēs ge Damaskus xa hâ ǂhôasa: “Mû, Damaskus ge ǃaruǀî ǃāse ī tide tsî ǀuiǁkhobose nî ī. 2 Siriab ǃādi hoadi ge ǀamose nî ǃū-aisa. ǁÎdi ge ǀgoan di hâǃkhai kai nî, ǁîn ge ǁnāpa ǁgoe tsî xū-i xare-i xa ǃaoǃaohe tide. 3 Omǂnamisa ǃādi ge Efraimma xu nî kā tsî Damaskus ge ǁîs gaosisa nî ǂoaǃnâ. Arammi di ûiǃgau hâ khoen ge Israeli ôan ǂkhaisib ra kā khami nî toa”
tib ge ǃKhūb Hoaǀgaixaba ra mî.4 “ǁNā tsēs aib ge Jakob ǂkhaisiba nî ǀoroǀorohe tsî ǂkhō tsî nî khō kai. 5 Israeli ge ǃgaohe hâ ǃhoroǃhanab khami nî ī. ǁÎb ge Refaimǃgoaǃnāb ǃhorodanade ūkhâixūhe hâb khami nî ī. 6 ǀNîn ge nî ûiǃgau, ǀkherahais ra ǂnauhes gao ī khami; ǀgam tamas ka io ǃnona ǂûdi ge hais ǀgapiseb ai ra ǂnûǃgau, haka tamas ka io korodi ge ǂûtani ra ǁnâub ai ra ǂnûǃgau,”
tib ge ǃKhūb Israeli Eloba ra mî.7 ǁNā tsēs ga hā, on ge khoena ǁîn Kuru-aoba ǂgomǃgâ tsî Israeli di ǃAnuba xu huiba nî ǃâubasen. 8 ǁÎn ge ǃaruǀî ǁîn ge kuru altarde ǂgomǃgâ tama i, tamas ka io Aseras ǂgurihaigu tamas ka io ǃgâihamxūn altardi ǁîn ǃomgu ǀkhan ge kuruna ǃaruǀî ǂgomǃgâ tide.
9 ǁNā tsēs ai di ge ǁîn ǀgaisa ǃāde Hivǁîn tsî Amorǁîn tsîn di ǃādi ge ǃū-aisase ī khami nî ī, Israelǁîn ǃaroman di ge ǃū-aisase ǁnāxūde tsî ǃgaroǃhūb khami nî ī.
10 Sado ge ore Eloba du ge ǀuru tsî sadu ǃGareǀuiba ǁae-ū tama hâ i xui-ao. ǁNā-amaga, îsa tsî ǃgâi ǀapede du ge kuru tsî ǁgôa-eloǃoabas ǃaroma ǃhanaga ge ǃhana. 11 ǃHana du ga tsēs ai gu ge ǀomkhâi tsî ǁgoaga nî ǁhare; xawe ǀaeb tsî ǂuruǂuruhe ǁoa tsûb tsîkha tsēs ais ge ǃgaosa nî kābē.
Khākhoe ǁaedi ra danhe
12 ǀGaisa ǁaedi ǃgurub, ǁîdi ge hurib di ǃgabigu khami ra ǃguru! ǁAedi ǃgurub, ǁîdi ge ǀgaisa ǁgamgu khami ra ǃguru! 13 ǁAedi ga ǀgaisa ǁgamgu khami ǃguru, xawe Elob ge ǁîde nî ǂgōǀau tsî di ge ǁîde ǃnūse nî ǃkhoebē, ǁîdi ge ǂnâsa ǁîǁhain khami ǃhomgu ai ǂoab xa saurumahe tsî sareb di tsarab khami ǁgaoǂoab xa nî ǃgombēhe. 14 Tsuxub ge ǃaob xa nî xāǂgāhe! ǁHaisores aiǃân ge ǁîna nî kā! Nēb ge sada gere hîkākān di ǁkharaba, sada ǃhūba gere ǀhanan di ǀamsa!
Elob ge Siriab tsî Israeli tsîkha nî ǁkhara
1 Nēs ge Damaskus xa hâ ǂhôasa: “Mû, Damaskus ge ǃaruǀî ǃāse ī tide tsî ǀuiǁkhobose nî ī. 2 Siriab ǃādi hoadi ge ǀamose nî ǃū-aisa. ǁÎdi ge ǀgoan di hâǃkhai kai nî, ǁîn ge ǁnāpa ǁgoe tsî xū-i xare-i xa ǃaoǃaohe tide. 3 Omǂnamisa ǃādi ge Efraimma xu nî kā tsî Damaskus ge ǁîs gaosisa nî ǂoaǃnâ. Arammi di ûiǃgau hâ khoen ge Israeli ôan ǂkhaisib ra kā khami nî toa”
tib ge ǃKhūb Hoaǀgaixaba ra mî.4 “ǁNā tsēs aib ge Jakob ǂkhaisiba nî ǀoroǀorohe tsî ǂkhō tsî nî khō kai. 5 Israeli ge ǃgaohe hâ ǃhoroǃhanab khami nî ī. ǁÎb ge Refaimǃgoaǃnāb ǃhorodanade ūkhâixūhe hâb khami nî ī. 6 ǀNîn ge nî ûiǃgau, ǀkherahais ra ǂnauhes gao ī khami; ǀgam tamas ka io ǃnona ǂûdi ge hais ǀgapiseb ai ra ǂnûǃgau, haka tamas ka io korodi ge ǂûtani ra ǁnâub ai ra ǂnûǃgau,”
tib ge ǃKhūb Israeli Eloba ra mî.7 ǁNā tsēs ga hā, on ge khoena ǁîn Kuru-aoba ǂgomǃgâ tsî Israeli di ǃAnuba xu huiba nî ǃâubasen. 8 ǁÎn ge ǃaruǀî ǁîn ge kuru altarde ǂgomǃgâ tama i, tamas ka io Aseras ǂgurihaigu tamas ka io ǃgâihamxūn altardi ǁîn ǃomgu ǀkhan ge kuruna ǃaruǀî ǂgomǃgâ tide.
9 ǁNā tsēs ai di ge ǁîn ǀgaisa ǃāde Hivǁîn tsî Amorǁîn tsîn di ǃādi ge ǃū-aisase ī khami nî ī, Israelǁîn ǃaroman di ge ǃū-aisase ǁnāxūde tsî ǃgaroǃhūb khami nî ī.
10 Sado ge ore Eloba du ge ǀuru tsî sadu ǃGareǀuiba ǁae-ū tama hâ i xui-ao. ǁNā-amaga, îsa tsî ǃgâi ǀapede du ge kuru tsî ǁgôa-eloǃoabas ǃaroma ǃhanaga ge ǃhana. 11 ǃHana du ga tsēs ai gu ge ǀomkhâi tsî ǁgoaga nî ǁhare; xawe ǀaeb tsî ǂuruǂuruhe ǁoa tsûb tsîkha tsēs ais ge ǃgaosa nî kābē.
Khākhoe ǁaedi ra danhe
12 ǀGaisa ǁaedi ǃgurub, ǁîdi ge hurib di ǃgabigu khami ra ǃguru! ǁAedi ǃgurub, ǁîdi ge ǀgaisa ǁgamgu khami ra ǃguru! 13 ǁAedi ga ǀgaisa ǁgamgu khami ǃguru, xawe Elob ge ǁîde nî ǂgōǀau tsî di ge ǁîde ǃnūse nî ǃkhoebē, ǁîdi ge ǂnâsa ǁîǁhain khami ǃhomgu ai ǂoab xa saurumahe tsî sareb di tsarab khami ǁgaoǂoab xa nî ǃgombēhe. 14 Tsuxub ge ǃaob xa nî xāǂgāhe! ǁHaisores aiǃân ge ǁîna nî kā! Nēb ge sada gere hîkākān di ǁkharaba, sada ǃhūba gere ǀhanan di ǀamsa!
