1 Sadu ǃgâsaga “Ammi” ti ǂgai tsî du ge sadu ǃgâsade “Ruxama” ti nî ǂgai.
Gomers tsî Israelǁaes di ǂgomǂgomsa tama is
2 Sadu îsa ǀkhoma re; tita ǁîs ao tama tsîs ǁîsa ti tara tama xuige, îs ǀai-aosis âsa ais âsa xu ūbē tsî ǃgamekhôasa ǁîs samra di ǁaeguba xu. 3 ǁNā tamas ka io ta ge ǁîsa ǃnaes ge tsēs khami ǀōǀkhāse nî ǂgaeǂuiǀkhā. Tita ge ǁîsa ǃgaroǃhūb khami, tsî ǂnâsa ǃhūb khami nî dī, ǁgâs ǀkha ta ǁîsa nî ǃgamse ta ge ǁîsa nî dī. 4-5 ǁÎs ôana ta ge ǀkhomxaǃnâ tide, ǀaiǀgôan a amaga. ǁÎn îs ge taotaosase tanisen ǁînas ge ǀgamǀkhāo, tsî nēti mî xui-ao: “Ti ǁâsagu, tita pere-i, ǁgam-i, ǀûb, vlas, olib tsî āxūna ra māga ta ge nî saoǃgon.”
6 ǁNā-amaga ta ge ǁîs daoba ǁkhūgu ǀkha nî ǁkhae, tsî ǂnubiǂgoaba nî ǂnubi, ǃgangu âsas hō tidese. 7 Tsîs ge ǁâsagu âsa nî ǃkhoeǃgon, xawes ge sīǃnâ gu tide; ǁîgas ge nî ôa, xawes ge hō gu tide. Tsîs ge “Tita ge ti aob ǁga nî oa, ǁîb tawa ta ge nēsis xa ǃgâise gere ǃkhō-unuhe” ti nî mî.
8 ǁÎs ge tātsēs tsîna tita ge ǁîsa ǃhorob tsî ǀasa ǂauxûib, ǀasa oli-i tsî ǀhaiǀurib tsî ǃhuniǀurib, Baali ǃaroma gere sîsenūheba ǂguiǂguiba ǃkhaisa ǂanǃgâ tama hâ. 9 ǁNā-amaga ta ge ǃgaos ǁaeb ai ti ǃhoroba ū, mîmâisa ǁaeb ai ti ǂauxûiba ū, ti ǀûb tsî vlasi ǁîs ǀōǀkhāsiba gere ǃgū-ain tsîna ū-oa ti nî hî. 10 ǁÎs ǀhôagaoǃnâsiba ta ge ǁâsagu aiǃâ nî ǂhaisa kai, tsî i khoe-i xare-e ǁîsa ti ǃomma xu ore tide. 11 ǁÎs ǁâudīgu hoaga ta ge nî ǀamǀam; ǀasa ǁkhâb digu, Sabbats digu tsî mîǁguisa ǁâudīgu hoaga. 12 Tsî ta ge ǁîs di draibeǃhanagu tsî ǀnomahain, ǁîn xas “Nēn ge a ti mādawa-am, ti ǁâsagu ge mā tena” ti ra mîna nî hîkākā. ǁÎna ta ge ǃgaroǃhūse nî dī; tsîn ge ǃgarob xamarina ǁîna nî hapu. 13 Tita ge ǁîsa Baala ǃoabas tsî ǀanǀanǁguibadi ǁîbas gere dība di ǃaroma nî ǁkhara. ǀKhunuǂnûidadi tsî anixūn ǀkha anisen tsîs ǁâsaga ǃkhoeǃgon tsî tita ge ǀuru ǃkhais ǃaroma ta ge nî ǁkhara si,
tib ge ǃKhūba ra mî.ǃKhūb ǀnammi ǁîb khoenab ūba hâb
14 ǁNā-amaga mû, tita ge ǁîsa nana tsî ǃgaroǃhūb ǃnâ ǂgaeǂguiǂgâ tsî tsaurase ǁîs ǀkha nî ǃhoa. 15 Tsî ta ge ǁîsa draibeǃhanab âsa nî mā-oa, ǁkhāti Akorǃgoaǃnāba, ǃâubasens dao-ams ase. ǁNāpas ge ǂkhamsis âs di tsēdi ǃnâs khami nî ǃeream, ǁnā tsēdi Egipteba xus ge ǂoaxadi khami. 16 ǁNā tsēs ais ge “Ti aob” ti nî ǂgai te tsî ǃaruǀî “Ti Baali” ti ǂgai te tide,
tib ge ǃKhūba ra mî.17 ǁÎs amsa xu ta ge Baali ǀonsa nî ūǂui.
18 Tita ge ǁnā tsēs ai ǃgarob xamarin, ǀgurun tsî ǀhomanin, tsî ǃhūb di ǂhanaben ǀkha ǃgaeǀhaosa nî dī; khās, gôab tsî torob tsîna ta ge ǃhūba xu nî khôaǂkhū tsî ǁîna ǃnorasase nî ǁgoe kai.
19 “Israelse, sasa ta ge nî ǃgame,
ǀamosem nî ǃgameguse,
ǂhanub tsî ǂhanu-aisib ǃnâ;
hâhâ ra ǀnammi tsî ǀkhomxaǂgaosib ǀkha.
20 Tita ge sasa nî ǃgame, ǂgomǂgomsasib ǃnâ
tsîs ge ǃKhūba nî ǂan.
21-22 Tsî ta ge ǁnā tsēs ai nî ǃeream”
tib ge ǃKhūba ra mî.“ǀHomga ta ge nî ǃeream
tsî gu ge ǁîga ǃhūba nî ǃeream
tsîb ge ǃhūba ǃhoroba nî ǃeream,
ǂauxûib tsî olib ǀkha,
tsîn ge Jesreela nî ǁnâu-am.
23 Tita ge ǁîsa ǃhūb ǃnâ nî ǃhanabasen;
tsî ta ge Lo-Ruxamasa nî ǀkhomxa
tsî Lo-Ammib ǃoa ‘Sas ge a ti ǁae’ ti nî mî,
on ge ‘Ti Elotse!’ ti nî mî.”
1 Sadu ǃgâsaga “Ammi” ti ǂgai tsî du ge sadu ǃgâsade “Ruxama” ti nî ǂgai.
Gomers tsî Israelǁaes di ǂgomǂgomsa tama is
2 Sadu îsa ǀkhoma re; tita ǁîs ao tama tsîs ǁîsa ti tara tama xuige, îs ǀai-aosis âsa ais âsa xu ūbē tsî ǃgamekhôasa ǁîs samra di ǁaeguba xu. 3 ǁNā tamas ka io ta ge ǁîsa ǃnaes ge tsēs khami ǀōǀkhāse nî ǂgaeǂuiǀkhā. Tita ge ǁîsa ǃgaroǃhūb khami, tsî ǂnâsa ǃhūb khami nî dī, ǁgâs ǀkha ta ǁîsa nî ǃgamse ta ge ǁîsa nî dī. 4-5 ǁÎs ôana ta ge ǀkhomxaǃnâ tide, ǀaiǀgôan a amaga. ǁÎn îs ge taotaosase tanisen ǁînas ge ǀgamǀkhāo, tsî nēti mî xui-ao: “Ti ǁâsagu, tita pere-i, ǁgam-i, ǀûb, vlas, olib tsî āxūna ra māga ta ge nî saoǃgon.”
6 ǁNā-amaga ta ge ǁîs daoba ǁkhūgu ǀkha nî ǁkhae, tsî ǂnubiǂgoaba nî ǂnubi, ǃgangu âsas hō tidese. 7 Tsîs ge ǁâsagu âsa nî ǃkhoeǃgon, xawes ge sīǃnâ gu tide; ǁîgas ge nî ôa, xawes ge hō gu tide. Tsîs ge “Tita ge ti aob ǁga nî oa, ǁîb tawa ta ge nēsis xa ǃgâise gere ǃkhō-unuhe” ti nî mî.
8 ǁÎs ge tātsēs tsîna tita ge ǁîsa ǃhorob tsî ǀasa ǂauxûib, ǀasa oli-i tsî ǀhaiǀurib tsî ǃhuniǀurib, Baali ǃaroma gere sîsenūheba ǂguiǂguiba ǃkhaisa ǂanǃgâ tama hâ. 9 ǁNā-amaga ta ge ǃgaos ǁaeb ai ti ǃhoroba ū, mîmâisa ǁaeb ai ti ǂauxûiba ū, ti ǀûb tsî vlasi ǁîs ǀōǀkhāsiba gere ǃgū-ain tsîna ū-oa ti nî hî. 10 ǁÎs ǀhôagaoǃnâsiba ta ge ǁâsagu aiǃâ nî ǂhaisa kai, tsî i khoe-i xare-e ǁîsa ti ǃomma xu ore tide. 11 ǁÎs ǁâudīgu hoaga ta ge nî ǀamǀam; ǀasa ǁkhâb digu, Sabbats digu tsî mîǁguisa ǁâudīgu hoaga. 12 Tsî ta ge ǁîs di draibeǃhanagu tsî ǀnomahain, ǁîn xas “Nēn ge a ti mādawa-am, ti ǁâsagu ge mā tena” ti ra mîna nî hîkākā. ǁÎna ta ge ǃgaroǃhūse nî dī; tsîn ge ǃgarob xamarina ǁîna nî hapu. 13 Tita ge ǁîsa Baala ǃoabas tsî ǀanǀanǁguibadi ǁîbas gere dība di ǃaroma nî ǁkhara. ǀKhunuǂnûidadi tsî anixūn ǀkha anisen tsîs ǁâsaga ǃkhoeǃgon tsî tita ge ǀuru ǃkhais ǃaroma ta ge nî ǁkhara si,
tib ge ǃKhūba ra mî.ǃKhūb ǀnammi ǁîb khoenab ūba hâb
14 ǁNā-amaga mû, tita ge ǁîsa nana tsî ǃgaroǃhūb ǃnâ ǂgaeǂguiǂgâ tsî tsaurase ǁîs ǀkha nî ǃhoa. 15 Tsî ta ge ǁîsa draibeǃhanab âsa nî mā-oa, ǁkhāti Akorǃgoaǃnāba, ǃâubasens dao-ams ase. ǁNāpas ge ǂkhamsis âs di tsēdi ǃnâs khami nî ǃeream, ǁnā tsēdi Egipteba xus ge ǂoaxadi khami. 16 ǁNā tsēs ais ge “Ti aob” ti nî ǂgai te tsî ǃaruǀî “Ti Baali” ti ǂgai te tide,
tib ge ǃKhūba ra mî.17 ǁÎs amsa xu ta ge Baali ǀonsa nî ūǂui.
18 Tita ge ǁnā tsēs ai ǃgarob xamarin, ǀgurun tsî ǀhomanin, tsî ǃhūb di ǂhanaben ǀkha ǃgaeǀhaosa nî dī; khās, gôab tsî torob tsîna ta ge ǃhūba xu nî khôaǂkhū tsî ǁîna ǃnorasase nî ǁgoe kai.
19 “Israelse, sasa ta ge nî ǃgame,
ǀamosem nî ǃgameguse,
ǂhanub tsî ǂhanu-aisib ǃnâ;
hâhâ ra ǀnammi tsî ǀkhomxaǂgaosib ǀkha.
20 Tita ge sasa nî ǃgame, ǂgomǂgomsasib ǃnâ
tsîs ge ǃKhūba nî ǂan.
21-22 Tsî ta ge ǁnā tsēs ai nî ǃeream”
tib ge ǃKhūba ra mî.“ǀHomga ta ge nî ǃeream
tsî gu ge ǁîga ǃhūba nî ǃeream
tsîb ge ǃhūba ǃhoroba nî ǃeream,
ǂauxûib tsî olib ǀkha,
tsîn ge Jesreela nî ǁnâu-am.
23 Tita ge ǁîsa ǃhūb ǃnâ nî ǃhanabasen;
tsî ta ge Lo-Ruxamasa nî ǀkhomxa
tsî Lo-Ammib ǃoa ‘Sas ge a ti ǁae’ ti nî mî,
on ge ‘Ti Elotse!’ ti nî mî.”
