ǀUniga ǀgoraǃgâs Israeli ǂama
1 Efraimmi ga ǃhoa on ge khoena gere ǀkhū; ǁîb ge Israeli ǃnâ ge ǀgapiǀgapihe hâ i tsîb ge Baalǃoabas ǃnâ ǀhapixa tsî ge ǁō. 2 On ge nēsi ǃaruǀîǀgui ǁoreb ǃnâ ge ǀarosen tsîn ge ǀhaiǀuriba xu ǂnâsa ī-e ge kurubasen, ǁîn ǂans ǁkhāsib ǃoa ǁgôa-eloga, kuruǁkhābegu di sîsenni, ǁîb xan nēti ra mîba: Khoen ǁguibade ra ǁguiban ge tsâuga nî ǁoa. 3 ǁNā-amagan ge ǁgoaǀaub khami nî ī, ǀaub ǁgoaga ra hā tsî kāb khami, ǀapob hîa dāǃnâǃkhaiba xu ra ǃgomheb khami, ǀanni ǁkhowa-amsa mûǂuidaos ǃnâ ra kāb khami.
4 Tita ǃKhūta ge sa Elota, Egipteba xu; ǀnî elona du ge tita ose a ǂan ǁoa; tita ose i ge ǀnî ore-ao-e a ǀkhai. 5 Tita ge satsa ǃgaroǃhūb ǃnâ ge ǂan i, ǂnâsa ǃhūb ǃnâ. 6 ǁNās khaoǃgân ge ǃû-ais ân īs ǃoa ge ǁâ; ǁân ge ob ge ǂgaob âna ge ǀgapiǀgapihe, ǁnā-amagan ge ge ǀuru. 7 O ta ge ǁîna ge xam kaiba, daob ǀgarub khami ta ge daob xōǀkhā nî ǃapi. 8 Bērs ǂkhamron âsa ūǀhanahe hâs khami ta ge ǂgaob âna nî ǀkhauǁkhowa-am tsî ǁîna xammi khami nî hapu, ǃgarob ǀguru-i khami ta ge ǁîna ǃâdi ǃnâ nî ǀkhauǃā.
9 ǁÎ ǃkhais ge sats Israeltsa tita, sa hui-aota ǃnâ ge hîkākā. 10 Mâpab sa gao-aoba hâ, îb ore tsi hoaraga ǃādi ǃnâ? Tsî sa ǂgaeǂgui-aogu, ǁîgu ǃoats gao-ao-i tsî ǂgaeǂgui-aoga mā te re ti ge mîga. 11 Ti ǁaixasib ǃnâ ta ge gao-aoba ge mā tsi, tsî ti ǁgôasib ǃnâ ta ge ǁîba ge ūbē.
12 Efraimmi di ǁoren ge xoakhâihe hâ, ǁoren âb ge xoamâihe hâ. 13 ǁOra ra tara-i di tsûgu ge ǁîba nî hāǂam; ǁîb ge gā-ai tama ǀgôaba; ǁoraǁaeb aib ge ǁhās di ǁkhowa-amsens ǃnâ ǁgausen tama i amaga. 14 ǁÎna ta kha ǀAmoǀaeba xu nî ore? ǁŌba xu ta kha ǁîna nî ǃnoraǃnora? ǁŌtse, sa ǃkhāǁkhūga mâpa hâ? ǀAmoǀaetse, mâpas sa hîkākāsa hâ? ǃHausens ge ti mûra xu nî ǂganǃgâsa. 15 ǃGâsagu âb ǃnâb ge ǁîba nî ǂûtanixa ob ge aiǂoas di ǂoaba nî hā, ǃKhūb di ǂoab ge ǃgaroǃhūba xu nî khâi; ǀaus âb ge nîra ǂnâ; tsaus âb ge nî ǂnâ. ǂOab ge hoaraga ǁuib ǃgomǀgausa ommi diba nî ǃnari. 16 Samarias ge ǀhapis âsa nî tani, ǁîs Elob ǃoagus ge khâi amaga. ǁÎn ge torob ǃnâ nî ǁō, ǂkhamron ân ge ǃâdi ǃnâ nî ǃgaoǃāhe tsî di ge ǁîn di ǀgamǀkhā tarade nî ǁnoehe.
ǀUniga ǀgoraǃgâs Israeli ǂama
1 Efraimmi ga ǃhoa on ge khoena gere ǀkhū; ǁîb ge Israeli ǃnâ ge ǀgapiǀgapihe hâ i tsîb ge Baalǃoabas ǃnâ ǀhapixa tsî ge ǁō. 2 On ge nēsi ǃaruǀîǀgui ǁoreb ǃnâ ge ǀarosen tsîn ge ǀhaiǀuriba xu ǂnâsa ī-e ge kurubasen, ǁîn ǂans ǁkhāsib ǃoa ǁgôa-eloga, kuruǁkhābegu di sîsenni, ǁîb xan nēti ra mîba: Khoen ǁguibade ra ǁguiban ge tsâuga nî ǁoa. 3 ǁNā-amagan ge ǁgoaǀaub khami nî ī, ǀaub ǁgoaga ra hā tsî kāb khami, ǀapob hîa dāǃnâǃkhaiba xu ra ǃgomheb khami, ǀanni ǁkhowa-amsa mûǂuidaos ǃnâ ra kāb khami.
4 Tita ǃKhūta ge sa Elota, Egipteba xu; ǀnî elona du ge tita ose a ǂan ǁoa; tita ose i ge ǀnî ore-ao-e a ǀkhai. 5 Tita ge satsa ǃgaroǃhūb ǃnâ ge ǂan i, ǂnâsa ǃhūb ǃnâ. 6 ǁNās khaoǃgân ge ǃû-ais ân īs ǃoa ge ǁâ; ǁân ge ob ge ǂgaob âna ge ǀgapiǀgapihe, ǁnā-amagan ge ge ǀuru. 7 O ta ge ǁîna ge xam kaiba, daob ǀgarub khami ta ge daob xōǀkhā nî ǃapi. 8 Bērs ǂkhamron âsa ūǀhanahe hâs khami ta ge ǂgaob âna nî ǀkhauǁkhowa-am tsî ǁîna xammi khami nî hapu, ǃgarob ǀguru-i khami ta ge ǁîna ǃâdi ǃnâ nî ǀkhauǃā.
9 ǁÎ ǃkhais ge sats Israeltsa tita, sa hui-aota ǃnâ ge hîkākā. 10 Mâpab sa gao-aoba hâ, îb ore tsi hoaraga ǃādi ǃnâ? Tsî sa ǂgaeǂgui-aogu, ǁîgu ǃoats gao-ao-i tsî ǂgaeǂgui-aoga mā te re ti ge mîga. 11 Ti ǁaixasib ǃnâ ta ge gao-aoba ge mā tsi, tsî ti ǁgôasib ǃnâ ta ge ǁîba ge ūbē.
12 Efraimmi di ǁoren ge xoakhâihe hâ, ǁoren âb ge xoamâihe hâ. 13 ǁOra ra tara-i di tsûgu ge ǁîba nî hāǂam; ǁîb ge gā-ai tama ǀgôaba; ǁoraǁaeb aib ge ǁhās di ǁkhowa-amsens ǃnâ ǁgausen tama i amaga. 14 ǁÎna ta kha ǀAmoǀaeba xu nî ore? ǁŌba xu ta kha ǁîna nî ǃnoraǃnora? ǁŌtse, sa ǃkhāǁkhūga mâpa hâ? ǀAmoǀaetse, mâpas sa hîkākāsa hâ? ǃHausens ge ti mûra xu nî ǂganǃgâsa. 15 ǃGâsagu âb ǃnâb ge ǁîba nî ǂûtanixa ob ge aiǂoas di ǂoaba nî hā, ǃKhūb di ǂoab ge ǃgaroǃhūba xu nî khâi; ǀaus âb ge nîra ǂnâ; tsaus âb ge nî ǂnâ. ǂOab ge hoaraga ǁuib ǃgomǀgausa ommi diba nî ǃnari. 16 Samarias ge ǀhapis âsa nî tani, ǁîs Elob ǃoagus ge khâi amaga. ǁÎn ge torob ǃnâ nî ǁō, ǂkhamron ân ge ǃâdi ǃnâ nî ǃgaoǃāhe tsî di ge ǁîn di ǀgamǀkhā tarade nî ǁnoehe.
