Jesub sada ǀGapipristeri*
1 Danaǃkhais mîhe ra xūn dis ge: ǀGapipristeri, Elob ǀhommi ǃnâ hâ Kaisib trons di amǀkhāb ai ǂnôaba da ge ūhâ. 2 ǁÎb ge ǀGapipristeri ase Hoan xa ǃAnu ǃKhaib, Tentommi hîa khoe-i xas ose, xawe ǃKhūb xa aitsama kuruhe hâb ǃnâ ra ǃoaba.
3 Mâ ǀgapipristeri hoab ge mādi tsî ǁguibade nî ǁguibase ra ǁgaumâihe. ǁNās ǃaromab ge sada ǀGapipristeri tsîna ra ǂgaoǀkhāhe ǁguibab nî xū-e ūhâsa. 4 ǃHūbaib aib ga hâ hâo, ob ga prister tama i hâ, ǁnāpa gu ǂhanub ǃoa māde ra ǁguiba pristerga hâ xui-ao. 5 ǁÎgu ǃoabas ge xoaǁnâsa īsib tsî sommi ǀhomsi xūn dib khami ī. ǁKhā ǀgaub Moseb ge Tentommab nî ǂnubise nēti Elob xa ǁgui-aiheba: “Mû, îts hoa xūna ǃhommi ai ta ge ǁgau tsi aiǁgaus ǃoa dī.” 6 Xaweb ge Jesuba ǁaegumâ-aob a xui-ao, nēsi pristergu di ǃoabas xa ǂam ǃoabas, ǃgâi ǃgaeǀhaos hîa ǁaposa mîmâidi, ǃgâi xūn ai ǃgaoǃgaosadi disa ge hō.
7 ǂGuro ǃgaeǀhaos ga ǂhanu hâ, os ge ǀgamǁîsa ga ǂhâbasa tama hâ. 8 Elob ge ǁîb di ǁaes, tsūse ra dīsa ǀau tsî nēti ra mî:
“Mû tsēdi Israeli ommi tsî Judab ommi
ǀkha ta ǀasa ǃgaeǀhaosa nî dī
di ge ra hā, tib ra ǃKhūba mî.
9 ǁÎs ge ǁnā ǃgaeǀhaos
ǁîn aboxagu ǀkha ta ge dīs khami ī tide.
ǁNā tsēs ǁîga ta ge ǃommi ai ǃkhō
tsî Egipteba xu ǂgaeǂguiǂuis ai.
ǁÎgu ge ti ǃgaeǀhaos ǃnâ hâhâ tama i,
amaga ta ge ǁkhāti ǁîga ǃgôa tama hâ, tib ra ǃKhūba mî.
10 Nēs ge ǃgaeǀhaos, Israeli ommi ǀkha ta nî
ǁnā tsēdi khaoǃgâ dīsa, tib ra ǃKhūba mî:
Tita ge ti ǂhanuga ǁîn di ǂâis ǃnâ nî mā
tsî ǁîn di ǂgaogu ai nî xoa.
Tita ge nî ǁîn di Elo
tsîn ge ǁîna nî ti ǁae.
11 Tsî-i ge ǀgui-i ân tsîna ǁî-i di ǀgūkhoe-i,
tamas ka io ǁî-i ǃgâsa-i tsîna ǁkhāǁkhā tide.
Tsî: ‘ǃKhūba ǂan re!’ ti mî tide.
Hoan ǂkharina xu kain ǁga
tita nî ǂan xui-ao.
12 ǁÎn di ǂhanuoǃnâsiga ta nî ǀkhomxa
tsî ǁîn di ǁoren xa ǃaruǀî ǂâi tide xui-ao.”
13 “ǀAsa” ti mîs ǀkhab ge ǂguro ǃgaeǀhaosa ge ǁauǁau. Tsî ǁauǁauhe hâ tsî a ǀoro xū-i di hîkākāhes ge kaise a ǀgū.
Jesub sada ǀGapipristeri*
1 Danaǃkhais mîhe ra xūn dis ge: ǀGapipristeri, Elob ǀhommi ǃnâ hâ Kaisib trons di amǀkhāb ai ǂnôaba da ge ūhâ. 2 ǁÎb ge ǀGapipristeri ase Hoan xa ǃAnu ǃKhaib, Tentommi hîa khoe-i xas ose, xawe ǃKhūb xa aitsama kuruhe hâb ǃnâ ra ǃoaba.
3 Mâ ǀgapipristeri hoab ge mādi tsî ǁguibade nî ǁguibase ra ǁgaumâihe. ǁNās ǃaromab ge sada ǀGapipristeri tsîna ra ǂgaoǀkhāhe ǁguibab nî xū-e ūhâsa. 4 ǃHūbaib aib ga hâ hâo, ob ga prister tama i hâ, ǁnāpa gu ǂhanub ǃoa māde ra ǁguiba pristerga hâ xui-ao. 5 ǁÎgu ǃoabas ge xoaǁnâsa īsib tsî sommi ǀhomsi xūn dib khami ī. ǁKhā ǀgaub Moseb ge Tentommab nî ǂnubise nēti Elob xa ǁgui-aiheba: “Mû, îts hoa xūna ǃhommi ai ta ge ǁgau tsi aiǁgaus ǃoa dī.” 6 Xaweb ge Jesuba ǁaegumâ-aob a xui-ao, nēsi pristergu di ǃoabas xa ǂam ǃoabas, ǃgâi ǃgaeǀhaos hîa ǁaposa mîmâidi, ǃgâi xūn ai ǃgaoǃgaosadi disa ge hō.
7 ǂGuro ǃgaeǀhaos ga ǂhanu hâ, os ge ǀgamǁîsa ga ǂhâbasa tama hâ. 8 Elob ge ǁîb di ǁaes, tsūse ra dīsa ǀau tsî nēti ra mî:
“Mû tsēdi Israeli ommi tsî Judab ommi
ǀkha ta ǀasa ǃgaeǀhaosa nî dī
di ge ra hā, tib ra ǃKhūba mî.
9 ǁÎs ge ǁnā ǃgaeǀhaos
ǁîn aboxagu ǀkha ta ge dīs khami ī tide.
ǁNā tsēs ǁîga ta ge ǃommi ai ǃkhō
tsî Egipteba xu ǂgaeǂguiǂuis ai.
ǁÎgu ge ti ǃgaeǀhaos ǃnâ hâhâ tama i,
amaga ta ge ǁkhāti ǁîga ǃgôa tama hâ, tib ra ǃKhūba mî.
10 Nēs ge ǃgaeǀhaos, Israeli ommi ǀkha ta nî
ǁnā tsēdi khaoǃgâ dīsa, tib ra ǃKhūba mî:
Tita ge ti ǂhanuga ǁîn di ǂâis ǃnâ nî mā
tsî ǁîn di ǂgaogu ai nî xoa.
Tita ge nî ǁîn di Elo
tsîn ge ǁîna nî ti ǁae.
11 Tsî-i ge ǀgui-i ân tsîna ǁî-i di ǀgūkhoe-i,
tamas ka io ǁî-i ǃgâsa-i tsîna ǁkhāǁkhā tide.
Tsî: ‘ǃKhūba ǂan re!’ ti mî tide.
Hoan ǂkharina xu kain ǁga
tita nî ǂan xui-ao.
12 ǁÎn di ǂhanuoǃnâsiga ta nî ǀkhomxa
tsî ǁîn di ǁoren xa ǃaruǀî ǂâi tide xui-ao.”
13 “ǀAsa” ti mîs ǀkhab ge ǂguro ǃgaeǀhaosa ge ǁauǁau. Tsî ǁauǁauhe hâ tsî a ǀoro xū-i di hîkākāhes ge kaise a ǀgū.
