Elob ge Jakoba Betels tawa ra ǀkhae
1 Elob ge Jakoba “Khâi îts Betels ǃoa ǃgû tsî ǁnāpa sī ǁan. Tita, sa ǃgâsab Esauba xuts gere ǃkhoeni ǁaeb ai ǁnāpa ge ǂhai tsi ta di ǃgôasib ǃoa” ti ge mîba.
2 Ob ge Jakoba ǁîb omaris din tsî ǁîb ǀkha hân hoana ge mîba: “Sadu ūhâ ǃhao-eloga xu ǀgora, ǃanuǃanusen î du ǀkhara sarana ǂgaeǂgā. 3 Nēpa xu da ge Betels ǁga ra doe. ǁNāpa ta ge Elob, ti ǃgommi di ǁaeb ǃnâ hui tsî ǃgû ta ra ǃkhai-i hoa-i ai tita ǀkhā hâb di ǃgôasib ǃoa altar-e sī nî ǂnubi.” 4 On ge ūn ge hâ i ǃhao-elogu tsî ǂgaedi ân ain ge ǂnûi hâ i ǂgaeran tsîna Jakoba ge mā tsîb ge ǁîba ǁîna aikehais, Sexems ǀgūse ge mâ is ǃnaka ge ǁkhō.
5 Jakob tsî ǀgôagu âb tsîn gere doe ǁaeb aib ge kai ǃaoba hoaraga khoen ǂnamipe hâ ǃādi din ai ge hā tsîn ge ǁîga ge ǃgôaǃgon tama i. 6 Tsîb ge Jakoba hoaraga khoen âb ǀkha Lus, Betels ti ǂansas, Kanaanǃhūb dis tawa ge sī. 7 ǁNāpab ge altar-e ǂnubi tsî Betels di Elob ǃoa ge ǂgai, ǁnāpab ge Eloba ǁîba ǃgâsaba xub gere ǃkhoeni o ǂhai hâ i xui-ao. 8 Tsîs ge Rebekasa ge kaikai kaikhoes, Deborasa ge ǁō tsîs ge Betels di ǃkhawagasǀkhāb ai ge mâ i aikehais ǃnaka ge ǁkhōhe. Tsîs ge nē aikehaisa Alon Bakut ti ge ǀonǂgaihe.
9 Jakob ge Mesopotamiaba xu oahā ob ge Eloba ǁkhawa ǁîba ǂhai tsî ge ǀkhae. 10 Tsîb ge Eloba “Sats ge Jakob ti ǀon hâ, xawets ge nēsisa xu a Israel” ti mî tsî ǁîba Israel ti ge ǀonǂgai. 11 Tsîb ge Eloba ge mî: “Tita ge a Hoaǀgaixa Elo. ǂÛǂûxa î ǂgui ǀgôana hō. ǁAedi ge satsa xu nî hā tsîts ge satsa nî gao-aogu di aboxa. 12 Tita ge sats tsî ǁkhāti sa surib, sa khaoǃgâ nî hāb tsîna Abrahammi tsî Isak hâkha ta ge mâ hâ i ǃhūba nî mā.” 13 Tsîb ge Eloba ge ǁnāxū bi. 14 Tsîb ge Jakoba ǁnā ǃkhais ǁîs aib Eloba ǁîb ǀkha gere ǃhoas ai ǂâiǂâisenǀuiba mâi tsî ǂauxûib tsî ǀkhera-oli-i ǀkha ǂnâ-ais ǀkha ge khai. 15 Tsîb ge nē ǃkhaisa Betel ti ge ǀonǂgai.
Raxels di ǁōb
16 Jakob tsî ǁîb omaris din ge Betelsa xu ge ǃgû. Noxopan ǁîna Efratasa xu ǃnūse hâ hîab ge Raxels di ǁoraǁaeba ge ǀoa. ǁÎs ge kaise ǃgom ǁoraba ge ūhâ i. 17 Raxels di tsûgu ge ǁgao ǁaeb ais ge ǁoraǃkhō gere tarasa ge mî: “Tā ǃao re Raxelse. ǁKhawas ge aore ǀgôaba ra ǁora.” 18 ǁÎs ge gere ǁō tsîs ge ǀuni ǀomsas ra ǀomǂui ǁaeb ai nē ǀgôaba Benoni ti ge ǀonǂgai, xaweb ge Jakoba Benjamin ti ge ǀonǂgai bi.
19 Tsîs ge Raxelsa ǁōs ge o Efratas, nētsē Betlehem ti ǂansas di daob xōǀkhā ge ǁkhōhe. 20 Nētsēs kōse Raxels di ǀhobasa ra ǁgause mâ ǂâiǂâisenǀuibab ge Jakoba ǁnāpa ge mâi, 21 tsîb ge aiǃâb ǃoa ǃgû tsî hâǃkhais âba Eders di ǂgō-ommi ǀgūse ge ǂnaumâi.
Jakob ôagu
(1 Kroniks 2:1-2)22 Ganupeb Jakoba ǁnā ǃhūb ǃnâ ǁan hâ hîab ge Jakob ôab, Rubenna Bilhas, ǁgûb taradi di ǀguis ǀkha sorosise ge ǁgoe. Nēsab ge ǁnâu ob ge Jakoba kaise ge ǂkhîoǃnâ.
Jakob ge disiǀgamǀa ǀgôaga ge ūhâ i. 23 Leas ôagu ge Rubenni (Jakob di ǂguroǃnaesab), Simeonni, Levib, Judab, Isaskari tsî Sebulon hâga. 24 Raxels ôakha ge Josefi tsî Benjaminni tsîkha. 25 Raxels ǃgās, Bilhas ôakha ge Danni tsî Naftalib hâkha. 26 Leas di ǃgās, Silpas ôakha ge Gadi tsî Aser hâkha. Nē ǀgôagu hoagu ge Mesopotamiab ǃnâ ge ǃnae.
Isaki di ǁōb
27 Jakob ge ǁîb îb, Isaki Hebrons ǀgūse Mamres tawa, Abrahammi tsî Isak hâkha ge ǁan hâ ipa ge sī. 28 Isaki ge ǀguikaidisiǁkhaisadisi kurixab ges kōse ûi 29 tsî kaise kaira hâse ge ǁō. ǁÎb ôakha, Esaub tsî Jakob hâkha ge ǁîba ge ǁkhō.
Elob ge Jakoba Betels tawa ra ǀkhae
1 Elob ge Jakoba “Khâi îts Betels ǃoa ǃgû tsî ǁnāpa sī ǁan. Tita, sa ǃgâsab Esauba xuts gere ǃkhoeni ǁaeb ai ǁnāpa ge ǂhai tsi ta di ǃgôasib ǃoa” ti ge mîba.
2 Ob ge Jakoba ǁîb omaris din tsî ǁîb ǀkha hân hoana ge mîba: “Sadu ūhâ ǃhao-eloga xu ǀgora, ǃanuǃanusen î du ǀkhara sarana ǂgaeǂgā. 3 Nēpa xu da ge Betels ǁga ra doe. ǁNāpa ta ge Elob, ti ǃgommi di ǁaeb ǃnâ hui tsî ǃgû ta ra ǃkhai-i hoa-i ai tita ǀkhā hâb di ǃgôasib ǃoa altar-e sī nî ǂnubi.” 4 On ge ūn ge hâ i ǃhao-elogu tsî ǂgaedi ân ain ge ǂnûi hâ i ǂgaeran tsîna Jakoba ge mā tsîb ge ǁîba ǁîna aikehais, Sexems ǀgūse ge mâ is ǃnaka ge ǁkhō.
5 Jakob tsî ǀgôagu âb tsîn gere doe ǁaeb aib ge kai ǃaoba hoaraga khoen ǂnamipe hâ ǃādi din ai ge hā tsîn ge ǁîga ge ǃgôaǃgon tama i. 6 Tsîb ge Jakoba hoaraga khoen âb ǀkha Lus, Betels ti ǂansas, Kanaanǃhūb dis tawa ge sī. 7 ǁNāpab ge altar-e ǂnubi tsî Betels di Elob ǃoa ge ǂgai, ǁnāpab ge Eloba ǁîba ǃgâsaba xub gere ǃkhoeni o ǂhai hâ i xui-ao. 8 Tsîs ge Rebekasa ge kaikai kaikhoes, Deborasa ge ǁō tsîs ge Betels di ǃkhawagasǀkhāb ai ge mâ i aikehais ǃnaka ge ǁkhōhe. Tsîs ge nē aikehaisa Alon Bakut ti ge ǀonǂgaihe.
9 Jakob ge Mesopotamiaba xu oahā ob ge Eloba ǁkhawa ǁîba ǂhai tsî ge ǀkhae. 10 Tsîb ge Eloba “Sats ge Jakob ti ǀon hâ, xawets ge nēsisa xu a Israel” ti mî tsî ǁîba Israel ti ge ǀonǂgai. 11 Tsîb ge Eloba ge mî: “Tita ge a Hoaǀgaixa Elo. ǂÛǂûxa î ǂgui ǀgôana hō. ǁAedi ge satsa xu nî hā tsîts ge satsa nî gao-aogu di aboxa. 12 Tita ge sats tsî ǁkhāti sa surib, sa khaoǃgâ nî hāb tsîna Abrahammi tsî Isak hâkha ta ge mâ hâ i ǃhūba nî mā.” 13 Tsîb ge Eloba ge ǁnāxū bi. 14 Tsîb ge Jakoba ǁnā ǃkhais ǁîs aib Eloba ǁîb ǀkha gere ǃhoas ai ǂâiǂâisenǀuiba mâi tsî ǂauxûib tsî ǀkhera-oli-i ǀkha ǂnâ-ais ǀkha ge khai. 15 Tsîb ge nē ǃkhaisa Betel ti ge ǀonǂgai.
Raxels di ǁōb
16 Jakob tsî ǁîb omaris din ge Betelsa xu ge ǃgû. Noxopan ǁîna Efratasa xu ǃnūse hâ hîab ge Raxels di ǁoraǁaeba ge ǀoa. ǁÎs ge kaise ǃgom ǁoraba ge ūhâ i. 17 Raxels di tsûgu ge ǁgao ǁaeb ais ge ǁoraǃkhō gere tarasa ge mî: “Tā ǃao re Raxelse. ǁKhawas ge aore ǀgôaba ra ǁora.” 18 ǁÎs ge gere ǁō tsîs ge ǀuni ǀomsas ra ǀomǂui ǁaeb ai nē ǀgôaba Benoni ti ge ǀonǂgai, xaweb ge Jakoba Benjamin ti ge ǀonǂgai bi.
19 Tsîs ge Raxelsa ǁōs ge o Efratas, nētsē Betlehem ti ǂansas di daob xōǀkhā ge ǁkhōhe. 20 Nētsēs kōse Raxels di ǀhobasa ra ǁgause mâ ǂâiǂâisenǀuibab ge Jakoba ǁnāpa ge mâi, 21 tsîb ge aiǃâb ǃoa ǃgû tsî hâǃkhais âba Eders di ǂgō-ommi ǀgūse ge ǂnaumâi.
Jakob ôagu
(1 Kroniks 2:1-2)22 Ganupeb Jakoba ǁnā ǃhūb ǃnâ ǁan hâ hîab ge Jakob ôab, Rubenna Bilhas, ǁgûb taradi di ǀguis ǀkha sorosise ge ǁgoe. Nēsab ge ǁnâu ob ge Jakoba kaise ge ǂkhîoǃnâ.
Jakob ge disiǀgamǀa ǀgôaga ge ūhâ i. 23 Leas ôagu ge Rubenni (Jakob di ǂguroǃnaesab), Simeonni, Levib, Judab, Isaskari tsî Sebulon hâga. 24 Raxels ôakha ge Josefi tsî Benjaminni tsîkha. 25 Raxels ǃgās, Bilhas ôakha ge Danni tsî Naftalib hâkha. 26 Leas di ǃgās, Silpas ôakha ge Gadi tsî Aser hâkha. Nē ǀgôagu hoagu ge Mesopotamiab ǃnâ ge ǃnae.
Isaki di ǁōb
27 Jakob ge ǁîb îb, Isaki Hebrons ǀgūse Mamres tawa, Abrahammi tsî Isak hâkha ge ǁan hâ ipa ge sī. 28 Isaki ge ǀguikaidisiǁkhaisadisi kurixab ges kōse ûi 29 tsî kaise kaira hâse ge ǁō. ǁÎb ôakha, Esaub tsî Jakob hâkha ge ǁîba ge ǁkhō.
