Dinas di ǀgaiǃkhōhes
1 ǀGuitsē ra ge Jakob ôas, Dinas tsî Leas hâ ôagura ǀnî Kanaanǁî khoede ge sari. 2 Hamori, Hiviǁîb ôab, Sexemmi, ǁnā ǀkharib ǂgaeǂgui-aob ge ǁîsab ge mû, o ǁîsa ǃkhō tsî ǀgaiǃkhō tsî ge ǃgôaoǃnâ kai. 3 Xaweb ge ǁîba Dinas, Jakob ôas xa anusabahe tsî ǁîsa ge ǀnam tsîb ge ǁîs di ǂgaob kōse ǃhoasa gere dītsâ. 4 Tsîb ge Sexemma ǁîb îba ge mîba: “Nē khoesats nî taras ase ǂganba te ǃkhaisa ta ge ra ǂgao.”
5 Ôasas ge ǃgôaoǃnâ kaihe ǃkhaisab ge ǁnâu xaweb ge Jakoba ǀgôagu âb ge ǁîb ǀgoan ǀkha ǃgarob ǃnâ hâ i xui-ao xū-e ge dī tama hâ i. 6 Hamori, Sexemmi îb ge Jakob ǀkhab sī nî ǃhoase ǁîb ǁga ge ǃgû. 7 Jakob ôagu ge nēsa gu ge ǁnâu, o ǃgaroba xu ge hā. ǁÎgu ge Sexemmi ge Jakob ôasa ǀgaiǃkhōs ǀkha Israeli ǂama taotaosasiba hā-ū ǃkhais xa kaise ge ǁaixa. 8 Ob ge Hamora ǁîga ge mîba: “Ti ôab, Sexemmi ge sago ôasa kaise ǀnam hâ xuige ǁîba ǁîsa taras ase toxopa mā re. 9 A da sida khoen tsî sadu din tsîn ǁaegu ǃgameǃnâgusa mîǀgui re. 10 O du ge sida di ǃhūb ǃnâ sida ǀkha hâ ǁkhā; ǂgao du ra ǃkhai-i hoa-i ai, tsî ǃgû ka ǀkhī tsî sadu ǂhunuma xūna ūhâbasen ǁkhā.”
11 Ob ge Sexemma ǁkhāti Dinas îb tsî ǃgâsagu tsîna ge mîba: “Toxopa ti ǂgansa dīǀoaba te re, o ta ge ǂgan go ka xū-i hoa-e nî mā go. 12 Tarebe ǀkhaexūǃnôan tsî mataresa go tita ǁîsa taras ase mās ǃaroma ǂhâba hâ ǃkhaisa mîba te re, o ta ge tita ǁîs ǀkha ǃgamesa go ga mā-am te, o ǂgan go ka xū-i hoa-e nî mā go.”
13 Sexemmi ge ǁîgu ǃgâsas Dinasa ǃgôaoǃnâ kai xui-ao gu ge Jakob ôaga ǀhôagao ǀgaub ai ge ǃeream. 14 ǁÎgu ge ge mî: “Sige ǃgâsas nî ǃgaohe tama khoeb ǀkha ǃgame ǃkhaisa ge ge a mā-am ǁoa. ǁNās ge sida taosib ase nî ī. 15 Hūs di ǀgaub sige satsa ǁîs ǀkha ǃgamesa mā-am ǁkhāb ge hoaraga aorekhoegu sadu digu ga sige khami ǃgao kaisen osa. 16 O ge ge ǃgameǃnâgus ǀkha a ǀhûǀgui ǁkhā. Tsî da ge sadu ǁaegu ǁan tsî sadu ǀkha nî ǀgui khoe kai. 17 Xawe go ga nē ǂgaoǀkhāsa ǂhara tsî ǃgao kaisen tama i, o ge ge ǁîsa ū tsî nî bē.”
18 Nē ǂgaoǀkhādi ge Hamori tsî Sexemmi tsîkha ǃgâise ge ǀōba 19 tsîb ge nē ǂkham khoeb, kaise ǁîn ǁgâus ǃnâ ǀgapise ge ǃgôahe hâ iba nē go dīhe aoǁguib ai ǁae-e ǁore tama ge i, ǁîb ge Jakob ôasa kaise ǀnam i xui-ao.
20 O kha ge Hamori tsî ǁîb ôab Sexem hâkha ǃās di ǂgâ-ams ǁga ǃgû tsî hoaraga aorekhoegu ǃās digu ǀkha sī ge ǃhoa. 21 “Nē khoegu ge a khoexaǃnâ xuige a gu sada ǀkha ǁan tsî nē ǃhūb ǃnâ ǃnorasase ǁamaguna dī re. Nē ǃhūb ǁîgu tsîna ǂâu hâse a kai xuige. A ge ǁkhāti ǁîgu di ôadi ǀkha ǃgame î gu ǁîga sage ôade ǃgame. 22 Xawe gu ge nē khoega ǀgui ǂgaoǀkhās, ǁîsa ge ga sage māsen o gu sage ǁaegu ǁan ǁkhā ǃkhais disa ūhâ. ǁNās ge sage tsîn ǁîgu ǁkhāgu khami nî ǃgao kaisensa. 23 ǁÎgu di ǀgoan tsî ū gu hâ xūna kha ǁnâi sage di kain tide? Xuige a ge ǁîn nî sada ǁaegu hā ǁan ǃkhais ǀkha ǀhûǀgui.” 24 Tsîn ge hoaraga ǁanǂgāsaben ǃās dina Hamori tsî Sexem hâkha ge mî xūn ǀkha ge ǀhûǀgui tsî gu ge hoaraga aorekhoega ge ǃgaohe.
25 ǃNonaǁî tsēs ai, hoaraga khoegu ge ǃgaohe tsî gu ganupe tsûba ūhâ hîa kha ge Jakob ôakha, Simeonni tsî Levib hâkha, Dinas ǃgâsakha ǁîkha gôaga ū tsî ǃās ǃnâ, hoan ǀūǂamse hâ hîa sī tsî hoaraga aorekhoega, 26 Hamori tsî ǁîb ôab Sexem hâkha tsîna ǃkhōǂgā hâse ge ǃgam. Tsî kha ge Sexemmi oms tawa sī tsî Dinasa ǁnāpa xu ūǂui tsî ge ǃgû. 27 ǁNās khaoǃgâ gu ge nau ǀgôagu Jakob diga nē ǃgamhe go gu ai sī tsî ǃāsa hîkākā tsî xūna ge ǁkhâu, ǁîgu ǃgâsas ge ǃgôaoǃnâ kaihe ǃkhais di ǀkhaos ase. 28 ǁÎgu ge ǀuiǀnūǀgoan, goman, dâukin tsî hoaraga xūn ǃās tsî ǃgarob ǃnâ hâna ge ūbasen. 29 ǁÎgu ge hoaraga xūn ǁkhāsiba ūhâna ū, taradi tsî ǀgôan tsîna ǃkhō tsî hoaraga xūn omdi ǃnâ ge hâ ina ge tanibē.
30 Ob ge Jakoba Simeonni tsî Levib hâkha ǃoa ge mî: “Sakho ge kai tsūǃgâba tita ai go hā-ū tsî ǀō ra xū-i ase Kanaanǁîn, Perisǁîn tsî hoaraga khoen nē ǃhūb din ǃoagu go dī te. Sada ge ǃgôab ǃnâ a ǀoro tsî ǁîn nî tita ǃoagu ǁnāǂam te nîse khâis ka, o ta ge tita tsî ti omaris tsîna nî hîkākāhe.”
31 O kha ge ǁîkha “O khom kha sikhom ǃgâs nî ǀai-ao-i khami sîsenūhe ǃkhaisa ga mā-am hâ?” ti ge dî.
Dinas di ǀgaiǃkhōhes
1 ǀGuitsē ra ge Jakob ôas, Dinas tsî Leas hâ ôagura ǀnî Kanaanǁî khoede ge sari. 2 Hamori, Hiviǁîb ôab, Sexemmi, ǁnā ǀkharib ǂgaeǂgui-aob ge ǁîsab ge mû, o ǁîsa ǃkhō tsî ǀgaiǃkhō tsî ge ǃgôaoǃnâ kai. 3 Xaweb ge ǁîba Dinas, Jakob ôas xa anusabahe tsî ǁîsa ge ǀnam tsîb ge ǁîs di ǂgaob kōse ǃhoasa gere dītsâ. 4 Tsîb ge Sexemma ǁîb îba ge mîba: “Nē khoesats nî taras ase ǂganba te ǃkhaisa ta ge ra ǂgao.”
5 Ôasas ge ǃgôaoǃnâ kaihe ǃkhaisab ge ǁnâu xaweb ge Jakoba ǀgôagu âb ge ǁîb ǀgoan ǀkha ǃgarob ǃnâ hâ i xui-ao xū-e ge dī tama hâ i. 6 Hamori, Sexemmi îb ge Jakob ǀkhab sī nî ǃhoase ǁîb ǁga ge ǃgû. 7 Jakob ôagu ge nēsa gu ge ǁnâu, o ǃgaroba xu ge hā. ǁÎgu ge Sexemmi ge Jakob ôasa ǀgaiǃkhōs ǀkha Israeli ǂama taotaosasiba hā-ū ǃkhais xa kaise ge ǁaixa. 8 Ob ge Hamora ǁîga ge mîba: “Ti ôab, Sexemmi ge sago ôasa kaise ǀnam hâ xuige ǁîba ǁîsa taras ase toxopa mā re. 9 A da sida khoen tsî sadu din tsîn ǁaegu ǃgameǃnâgusa mîǀgui re. 10 O du ge sida di ǃhūb ǃnâ sida ǀkha hâ ǁkhā; ǂgao du ra ǃkhai-i hoa-i ai, tsî ǃgû ka ǀkhī tsî sadu ǂhunuma xūna ūhâbasen ǁkhā.”
11 Ob ge Sexemma ǁkhāti Dinas îb tsî ǃgâsagu tsîna ge mîba: “Toxopa ti ǂgansa dīǀoaba te re, o ta ge ǂgan go ka xū-i hoa-e nî mā go. 12 Tarebe ǀkhaexūǃnôan tsî mataresa go tita ǁîsa taras ase mās ǃaroma ǂhâba hâ ǃkhaisa mîba te re, o ta ge tita ǁîs ǀkha ǃgamesa go ga mā-am te, o ǂgan go ka xū-i hoa-e nî mā go.”
13 Sexemmi ge ǁîgu ǃgâsas Dinasa ǃgôaoǃnâ kai xui-ao gu ge Jakob ôaga ǀhôagao ǀgaub ai ge ǃeream. 14 ǁÎgu ge ge mî: “Sige ǃgâsas nî ǃgaohe tama khoeb ǀkha ǃgame ǃkhaisa ge ge a mā-am ǁoa. ǁNās ge sida taosib ase nî ī. 15 Hūs di ǀgaub sige satsa ǁîs ǀkha ǃgamesa mā-am ǁkhāb ge hoaraga aorekhoegu sadu digu ga sige khami ǃgao kaisen osa. 16 O ge ge ǃgameǃnâgus ǀkha a ǀhûǀgui ǁkhā. Tsî da ge sadu ǁaegu ǁan tsî sadu ǀkha nî ǀgui khoe kai. 17 Xawe go ga nē ǂgaoǀkhāsa ǂhara tsî ǃgao kaisen tama i, o ge ge ǁîsa ū tsî nî bē.”
18 Nē ǂgaoǀkhādi ge Hamori tsî Sexemmi tsîkha ǃgâise ge ǀōba 19 tsîb ge nē ǂkham khoeb, kaise ǁîn ǁgâus ǃnâ ǀgapise ge ǃgôahe hâ iba nē go dīhe aoǁguib ai ǁae-e ǁore tama ge i, ǁîb ge Jakob ôasa kaise ǀnam i xui-ao.
20 O kha ge Hamori tsî ǁîb ôab Sexem hâkha ǃās di ǂgâ-ams ǁga ǃgû tsî hoaraga aorekhoegu ǃās digu ǀkha sī ge ǃhoa. 21 “Nē khoegu ge a khoexaǃnâ xuige a gu sada ǀkha ǁan tsî nē ǃhūb ǃnâ ǃnorasase ǁamaguna dī re. Nē ǃhūb ǁîgu tsîna ǂâu hâse a kai xuige. A ge ǁkhāti ǁîgu di ôadi ǀkha ǃgame î gu ǁîga sage ôade ǃgame. 22 Xawe gu ge nē khoega ǀgui ǂgaoǀkhās, ǁîsa ge ga sage māsen o gu sage ǁaegu ǁan ǁkhā ǃkhais disa ūhâ. ǁNās ge sage tsîn ǁîgu ǁkhāgu khami nî ǃgao kaisensa. 23 ǁÎgu di ǀgoan tsî ū gu hâ xūna kha ǁnâi sage di kain tide? Xuige a ge ǁîn nî sada ǁaegu hā ǁan ǃkhais ǀkha ǀhûǀgui.” 24 Tsîn ge hoaraga ǁanǂgāsaben ǃās dina Hamori tsî Sexem hâkha ge mî xūn ǀkha ge ǀhûǀgui tsî gu ge hoaraga aorekhoega ge ǃgaohe.
25 ǃNonaǁî tsēs ai, hoaraga khoegu ge ǃgaohe tsî gu ganupe tsûba ūhâ hîa kha ge Jakob ôakha, Simeonni tsî Levib hâkha, Dinas ǃgâsakha ǁîkha gôaga ū tsî ǃās ǃnâ, hoan ǀūǂamse hâ hîa sī tsî hoaraga aorekhoega, 26 Hamori tsî ǁîb ôab Sexem hâkha tsîna ǃkhōǂgā hâse ge ǃgam. Tsî kha ge Sexemmi oms tawa sī tsî Dinasa ǁnāpa xu ūǂui tsî ge ǃgû. 27 ǁNās khaoǃgâ gu ge nau ǀgôagu Jakob diga nē ǃgamhe go gu ai sī tsî ǃāsa hîkākā tsî xūna ge ǁkhâu, ǁîgu ǃgâsas ge ǃgôaoǃnâ kaihe ǃkhais di ǀkhaos ase. 28 ǁÎgu ge ǀuiǀnūǀgoan, goman, dâukin tsî hoaraga xūn ǃās tsî ǃgarob ǃnâ hâna ge ūbasen. 29 ǁÎgu ge hoaraga xūn ǁkhāsiba ūhâna ū, taradi tsî ǀgôan tsîna ǃkhō tsî hoaraga xūn omdi ǃnâ ge hâ ina ge tanibē.
30 Ob ge Jakoba Simeonni tsî Levib hâkha ǃoa ge mî: “Sakho ge kai tsūǃgâba tita ai go hā-ū tsî ǀō ra xū-i ase Kanaanǁîn, Perisǁîn tsî hoaraga khoen nē ǃhūb din ǃoagu go dī te. Sada ge ǃgôab ǃnâ a ǀoro tsî ǁîn nî tita ǃoagu ǁnāǂam te nîse khâis ka, o ta ge tita tsî ti omaris tsîna nî hîkākāhe.”
31 O kha ge ǁîkha “O khom kha sikhom ǃgâs nî ǀai-ao-i khami sîsenūhe ǃkhaisa ga mā-am hâ?” ti ge dî.
