1 Ob ge Isaka Jakoba ǂgai tsî sao ra mîdi ǀkha ge tawedeǁnāxū: “Tā sī Kanaanǁî tarekhoe-e ǃgame. 2 Sa ǁnaob, Betueli di oms hîa Padan-Arams ǃnâ hâs ǁga ǃgû, îts ǁnāpa ga hâ ǂkham khoedi di ǀguis, sa omeb Labanni ôadi disa ǃgame. 3 Ab Hoaǀgaixa Eloba sa ǃgameba ǀkhae tsî ǂgui ǀgôana mā tsi îts ǂgui ǁaedi di ǁgû kai. 4 Ab ǁîba Abrahammab ge ǀkhae khami sats tsî sa suriba ǀkhae îts nē ǃhūb, ǃhaokhoesets ǁanǃnâ hâb, Elob ge Abrahamma mā hâ iba ǀumixūse ūbasen.” 5 ǁNātib ge Isaka Jakoba Padan-Arams ǁga Labanni, Betueli, Arameaǁîb di ôab, Rebekas Esaub tsî Jakob hâkha îs di ǃgâsab ǁga ge sîbē.
Esaub ge ǀnî tarasa ra ǃgame
6 Esaub ge Isaki ge Jakoba ǀkhae tsî Padan-Arams ǁga, ǁnāpab sī tara-e nî ôabasense sîbē ǃkhaisa mû tsî mâtib Isaka “Tā Kanaanǁî tara-e ǃgame” ti Jakoba ra mîba ǃkhaisa ge ǁnâu. 7 Tsîb ge Jakob ge ǁgûra ǁnâuǀnam tsî Padan-Arams ǁga ǃgû ǃkhaisa ge mû. 8 ǁÎb îra Kanaanǁî tarekhoedi ǃnâ ǃgâiǃgâibasen-e ūhâ tama ǃkhaisab ge mûǂan 9 ob ge Esauba Ismaeli, Abrahammi ôab tawa sī tsî ǁîb ôas, Mahalats, Nebajoti ǃgâsasa ge ǃgame.
Jakob di ǁhapos
10 Jakob ge Bersebasa xu Harans ǁga ge ǃgû. 11 Soresǂgâb aib ge ǂanǂansa ǃkhaib tawa ge sī. ǁNā ǃoesab ge ǁîba ǀui-e ǂkhapise dībasen tsî ǁnāpa ge ǁom. 12 ǁÎb ge dā-aiǃharodi, ǃhūba xu ǀhommi kōse ra sīdi, ǀhomǃgān ǁîdi ai ra ǃapa ka ǁgôade ge ǁhapo. 13 Tsîb ge ǃKhūba Jakob tawa mâ tsî “Tita ge ǃKhūta, Abrahammi tsî Isaki di Elota. Tita ge sats tsî sa suriba nēts ǁgoe-ai ǃhūba nî mā. 14 ǁÎn ge ǃhūb di tsarab, ǃhūbaib ai hâb kōse nî ǂgui. ǁÎn ge ǀkharib âna hoa ǀkhāgu ai nî kaikai tsî ta ge sats tsî sa surib ǃnâ-u hoaraga ǁaedi ǃhūbaib dide nî ǀkhae. 15 Tita ge sats ǀkha hâ tsî mâǀî ǀguits ga ǃgû xawe hâǀkhā tsi, tsî nē ǃhūb ǁga nî oahā-ū tsi. Tita ge mîmâin hoana ta dītoa tama hîa ta ge tita satsa ǁnāxū tide” ti ge mî.
16 Ob ge Jakoba ǂomsa xu ǂkhai tsî ge mî: “Amaseb ǃKhūba nēpa hâ hîa ta ge go ǀū i!” 17 ǁÎb ge kaise ǃao tsî ge mî: “Tarekōseb nē ǃkhaiba a ǃaorosaǃ ǁÎb ge nî Elob di om i, tsî a ǀhommi di dao-am.”
18 Tsîb ge Jakoba nautsēkam ǃnauǁgoaga khâi tsî ǂkhapi-aib go hâ i ǀuisa ū tsî ǁîsa ǂâiǂâisenxūse ge mâi. Tsîb ge ǀkhera-oli-e nē ǀuis ai ǀgapise ge ǂnâ. 19 Tsîb ge nē ǃkhaisa Betel ti ge ǀonǂgai, xawes ge nē ǃāsa aibe Lus ti ge ǂansa i. 20 Tsîb ge Jakoba ǃKhūba nū-e ge dība: “Titats ga hâǀkhā tsî nē ǃgûs ǃnâ ǃûi tsî ǂûn tsî sarana mā 21 tsî ta ga ti îb oms tawa ǃnorasase ǁarusī, ots ge satsa nî ti Elo. 22 Nē ǂâiǂâisenǀuis hîa ta go mâis ge nî sats ra ǃoabahe ǃkhai kai, tsî ta ge mā tets ka xū-i hoa-i di disiǁîǃâsa nî mā tsi.”
1 Ob ge Isaka Jakoba ǂgai tsî sao ra mîdi ǀkha ge tawedeǁnāxū: “Tā sī Kanaanǁî tarekhoe-e ǃgame. 2 Sa ǁnaob, Betueli di oms hîa Padan-Arams ǃnâ hâs ǁga ǃgû, îts ǁnāpa ga hâ ǂkham khoedi di ǀguis, sa omeb Labanni ôadi disa ǃgame. 3 Ab Hoaǀgaixa Eloba sa ǃgameba ǀkhae tsî ǂgui ǀgôana mā tsi îts ǂgui ǁaedi di ǁgû kai. 4 Ab ǁîba Abrahammab ge ǀkhae khami sats tsî sa suriba ǀkhae îts nē ǃhūb, ǃhaokhoesets ǁanǃnâ hâb, Elob ge Abrahamma mā hâ iba ǀumixūse ūbasen.” 5 ǁNātib ge Isaka Jakoba Padan-Arams ǁga Labanni, Betueli, Arameaǁîb di ôab, Rebekas Esaub tsî Jakob hâkha îs di ǃgâsab ǁga ge sîbē.
Esaub ge ǀnî tarasa ra ǃgame
6 Esaub ge Isaki ge Jakoba ǀkhae tsî Padan-Arams ǁga, ǁnāpab sī tara-e nî ôabasense sîbē ǃkhaisa mû tsî mâtib Isaka “Tā Kanaanǁî tara-e ǃgame” ti Jakoba ra mîba ǃkhaisa ge ǁnâu. 7 Tsîb ge Jakob ge ǁgûra ǁnâuǀnam tsî Padan-Arams ǁga ǃgû ǃkhaisa ge mû. 8 ǁÎb îra Kanaanǁî tarekhoedi ǃnâ ǃgâiǃgâibasen-e ūhâ tama ǃkhaisab ge mûǂan 9 ob ge Esauba Ismaeli, Abrahammi ôab tawa sī tsî ǁîb ôas, Mahalats, Nebajoti ǃgâsasa ge ǃgame.
Jakob di ǁhapos
10 Jakob ge Bersebasa xu Harans ǁga ge ǃgû. 11 Soresǂgâb aib ge ǂanǂansa ǃkhaib tawa ge sī. ǁNā ǃoesab ge ǁîba ǀui-e ǂkhapise dībasen tsî ǁnāpa ge ǁom. 12 ǁÎb ge dā-aiǃharodi, ǃhūba xu ǀhommi kōse ra sīdi, ǀhomǃgān ǁîdi ai ra ǃapa ka ǁgôade ge ǁhapo. 13 Tsîb ge ǃKhūba Jakob tawa mâ tsî “Tita ge ǃKhūta, Abrahammi tsî Isaki di Elota. Tita ge sats tsî sa suriba nēts ǁgoe-ai ǃhūba nî mā. 14 ǁÎn ge ǃhūb di tsarab, ǃhūbaib ai hâb kōse nî ǂgui. ǁÎn ge ǀkharib âna hoa ǀkhāgu ai nî kaikai tsî ta ge sats tsî sa surib ǃnâ-u hoaraga ǁaedi ǃhūbaib dide nî ǀkhae. 15 Tita ge sats ǀkha hâ tsî mâǀî ǀguits ga ǃgû xawe hâǀkhā tsi, tsî nē ǃhūb ǁga nî oahā-ū tsi. Tita ge mîmâin hoana ta dītoa tama hîa ta ge tita satsa ǁnāxū tide” ti ge mî.
16 Ob ge Jakoba ǂomsa xu ǂkhai tsî ge mî: “Amaseb ǃKhūba nēpa hâ hîa ta ge go ǀū i!” 17 ǁÎb ge kaise ǃao tsî ge mî: “Tarekōseb nē ǃkhaiba a ǃaorosaǃ ǁÎb ge nî Elob di om i, tsî a ǀhommi di dao-am.”
18 Tsîb ge Jakoba nautsēkam ǃnauǁgoaga khâi tsî ǂkhapi-aib go hâ i ǀuisa ū tsî ǁîsa ǂâiǂâisenxūse ge mâi. Tsîb ge ǀkhera-oli-e nē ǀuis ai ǀgapise ge ǂnâ. 19 Tsîb ge nē ǃkhaisa Betel ti ge ǀonǂgai, xawes ge nē ǃāsa aibe Lus ti ge ǂansa i. 20 Tsîb ge Jakoba ǃKhūba nū-e ge dība: “Titats ga hâǀkhā tsî nē ǃgûs ǃnâ ǃûi tsî ǂûn tsî sarana mā 21 tsî ta ga ti îb oms tawa ǃnorasase ǁarusī, ots ge satsa nî ti Elo. 22 Nē ǂâiǂâisenǀuis hîa ta go mâis ge nî sats ra ǃoabahe ǃkhai kai, tsî ta ge mā tets ka xū-i hoa-i di disiǁîǃâsa nî mā tsi.”
