A i nē-e nau-i ǃgomma tani
1 Ti ǃgâsado, khoe-i ga ǀnî khami ī ǁore-i xa a gaoǂamheo, an ǁnān hîa Elob di Gagab xa ra ǂgaeǂguihena, ǁnāti ī khoe-e hui tsî tsamtsiǃnâsib ǃnâ daoǁgau. Xawe ǂanbasen, îts sats tsîna tā ǃâitsâb ǃnâ ǁnā. 2 A i nē-e nau-i di ǃgomma tani, î-i ǁnā ǀgaub ai Xristub* di ǂhanuba ǁnâuǀnam. 3 Tsî-i ga khoe-e xū tama i hâ hîa xū-i a ti a ǂâisen, o i ge aitsama ra gāsen. 4 A i mâ-i hoa-e ǁî-i ǂhunuma tanisensa ôaǃnâ tsî ǂkhîǂkhîsa-i ka o ǀgui koasen, ǀnî khoe-i ǀkha ǀgopeǀnōsen tamase. 5 Mâ-i hoa-i ǁî-i di tanisensa nî ǃereamba xui-ao.
6 Tsî ǁnā-i hîa Elob di mîs ǃnâ ge ǁkhāǁkhāhe-e, a i ǁî-i di ǁkhāǁkhā-ao-e hoa ǃgâi xūn hîa i ūhân ǃnâ amǃnâxa kai.
7 Tā ǂgaeǂhapu kaisen, Elob ǃhōkaisen tama xuige. Tsorots ra-ets ge nî ǃgao. 8 Sorosi turab ǃnâ ra tsoro-i ge ǁnāpa xu ǁōba nî ǃgaobasen, xawe Elob di Gagab ǃnâ ra tsoro-i ge ǀamo ûiba nî ǃgaobasen. 9 A da ǃgâina dīsa tā tsau, ǀûsen tama da ga i, o da ǂhanu ǁaeb ai ǀkhaehesa ǃgaosa nî ūhâ xui-ao. 10 ǁNā-amaga, a da ǁaeba da ūhâ hîa, ǃgâina hoa khoen ǃoa dī, ǃgōsase sada ǃgâsa ǂgomsaben ǃoa.
ǀUni ǃkhâikhoms tsî tawedes
11 Mû mâtikōse kai xoamûde ta ra sîsenū ǃkhaisa ti ǂhunuma ǃommi ǀkha ta ra xoaba du ǃnubai! 12 ǁNā khoen hîa sado ǃgao kaisen du nî ǃkhaisa ra ǁgarin ge ǃgâi īsi-i ǀgui-e ra ǁgau, Xristub di ǃgâuhaib* ǃaroman ǃgôaǃgonhe tidega. 13 ǁNān hîa ge ǀnai ǃgao kaisenn xawen kom ǂHanuba ûiǂui tamao; ǁîn ra ǂgaos ge ǃgao kaisen du nî tsîn ǁîna sadu sorosi ǁāxasib xa nî koasen ǃkhaisa. 14 Xawe tita ge ǀnî xū-i xa koasen tide, xawe ǃKhūb Jesub Xristub di ǃgâuhaib xa ǀgui; ǁîb di ǁōb ǃnâ-us ge ǃhūbaib ge ǃgâuhesa. ǁNā-amaga tita xasab ge ǃhūbaiba ǁō hâ. 15 Khoe-i a ǃgaosa tamas ka io ǃgaosa tama ǃkhais ge ǃgôa tama hâ, xawe ǀasa kurusabe kaits ra ǃkhais ge a dana ǃaroma. 16 Ab Elob di ǀkhomxasib tsî ǂkhîba ǁnān hîa nē ǁgaraga ra ûiǂuin ǀkha hâ tsî ǁkhāti Elob di khoen hoan ǀkha.
17 ǀAms ai, tā-i khoe-i xare-e ǃaruǀî ǃgomsi-e mā te, Jesub di ǀhapide ta ti soros ai tani hâ xui-ao.
18 Ti ǃgâsado, ab sada ǃKhūb Jesub Xristub di ǀkhomma sadu hoadu ǀkha hâ. Amen.*
A i nē-e nau-i ǃgomma tani
1 Ti ǃgâsado, khoe-i ga ǀnî khami ī ǁore-i xa a gaoǂamheo, an ǁnān hîa Elob di Gagab xa ra ǂgaeǂguihena, ǁnāti ī khoe-e hui tsî tsamtsiǃnâsib ǃnâ daoǁgau. Xawe ǂanbasen, îts sats tsîna tā ǃâitsâb ǃnâ ǁnā. 2 A i nē-e nau-i di ǃgomma tani, î-i ǁnā ǀgaub ai Xristub* di ǂhanuba ǁnâuǀnam. 3 Tsî-i ga khoe-e xū tama i hâ hîa xū-i a ti a ǂâisen, o i ge aitsama ra gāsen. 4 A i mâ-i hoa-e ǁî-i ǂhunuma tanisensa ôaǃnâ tsî ǂkhîǂkhîsa-i ka o ǀgui koasen, ǀnî khoe-i ǀkha ǀgopeǀnōsen tamase. 5 Mâ-i hoa-i ǁî-i di tanisensa nî ǃereamba xui-ao.
6 Tsî ǁnā-i hîa Elob di mîs ǃnâ ge ǁkhāǁkhāhe-e, a i ǁî-i di ǁkhāǁkhā-ao-e hoa ǃgâi xūn hîa i ūhân ǃnâ amǃnâxa kai.
7 Tā ǂgaeǂhapu kaisen, Elob ǃhōkaisen tama xuige. Tsorots ra-ets ge nî ǃgao. 8 Sorosi turab ǃnâ ra tsoro-i ge ǁnāpa xu ǁōba nî ǃgaobasen, xawe Elob di Gagab ǃnâ ra tsoro-i ge ǀamo ûiba nî ǃgaobasen. 9 A da ǃgâina dīsa tā tsau, ǀûsen tama da ga i, o da ǂhanu ǁaeb ai ǀkhaehesa ǃgaosa nî ūhâ xui-ao. 10 ǁNā-amaga, a da ǁaeba da ūhâ hîa, ǃgâina hoa khoen ǃoa dī, ǃgōsase sada ǃgâsa ǂgomsaben ǃoa.
ǀUni ǃkhâikhoms tsî tawedes
11 Mû mâtikōse kai xoamûde ta ra sîsenū ǃkhaisa ti ǂhunuma ǃommi ǀkha ta ra xoaba du ǃnubai! 12 ǁNā khoen hîa sado ǃgao kaisen du nî ǃkhaisa ra ǁgarin ge ǃgâi īsi-i ǀgui-e ra ǁgau, Xristub di ǃgâuhaib* ǃaroman ǃgôaǃgonhe tidega. 13 ǁNān hîa ge ǀnai ǃgao kaisenn xawen kom ǂHanuba ûiǂui tamao; ǁîn ra ǂgaos ge ǃgao kaisen du nî tsîn ǁîna sadu sorosi ǁāxasib xa nî koasen ǃkhaisa. 14 Xawe tita ge ǀnî xū-i xa koasen tide, xawe ǃKhūb Jesub Xristub di ǃgâuhaib xa ǀgui; ǁîb di ǁōb ǃnâ-us ge ǃhūbaib ge ǃgâuhesa. ǁNā-amaga tita xasab ge ǃhūbaiba ǁō hâ. 15 Khoe-i a ǃgaosa tamas ka io ǃgaosa tama ǃkhais ge ǃgôa tama hâ, xawe ǀasa kurusabe kaits ra ǃkhais ge a dana ǃaroma. 16 Ab Elob di ǀkhomxasib tsî ǂkhîba ǁnān hîa nē ǁgaraga ra ûiǂuin ǀkha hâ tsî ǁkhāti Elob di khoen hoan ǀkha.
17 ǀAms ai, tā-i khoe-i xare-e ǃaruǀî ǃgomsi-e mā te, Jesub di ǀhapide ta ti soros ai tani hâ xui-ao.
18 Ti ǃgâsado, ab sada ǃKhūb Jesub Xristub di ǀkhomma sadu hoadu ǀkha hâ. Amen.*
