Esekieli ge ǀûn âba ra ǂkhom
1 “Satsa khoenôa ǀgôatse, ǀā gôaba ū; ǁîba ǂkhomgôas ase sîsenū, î sa danas tsî ǀhō-ams tsîra ǂkhomū; ǀûn di ǃgomsiba ǀnō, î ǀûna ǀgora. 2 ǀGui ǃnonaǁî ǃâ-i ǀûn di-i ge ǃās ǃnâ hâ ǀaes ǃnâ nî ǂhubihe, xāǂgās di tsēdi ga ǀoao. ǀGui ǃnonaǁî ǃâ-e ū tsî du ge ǃās ǂnamipe hân hoana nî ǁnāǂam, tsî nau ǃnonaǁî ǃâ-e du ge ǂoab ǃnâ nî tsoroxū, o ta ge tita gôab ǀkha ǁîna nî ǃgôaǃgon. 3 Ots ge ǁnāpa xu ǂkhari ǃâro-e ū tsî ǁî-e sa sarab di ǂomamǃgâb ai nî ǃgae. 4 ǁÎ-e xuts ge ǁkhawa ǀnî ǃâ-e ū tsî ǀaes ǃnâ aoǂgā tsî nî ǂhubiǂui. ǁNāpa xus ge ǀaesa hoaraga Israeli ommi ǃoagu nî hā.”
5 Nētib ge ǃKhūb Eloba ge mî: “Nēs ge Jerusalemsa, ǁîsa ta ge ǁaedi ǁaegu ge ǂnûi, ǃhūgu xas hâǂnamihe hâse. 6 Xawes ge ǁîsa ti ǂhanugu tsî ǂnûiǂgādi ǃoagu ge khâikhâisen, ǁîs ge ǁaedi tsî ǁîs ǂnamipe hâ ǃhūgu hoagu ǃgâ-ai a ǂkhaba. ǁÎs ge ti ǂhanugu tsî ǂnûiǂgādi tsîna ge ǂhara. 7 ǁNā-amagab ge ǃKhūb Eloba nēti ra mî: ‘Sadu ǂnamipe hâ ǁaedi xa du ǃnāsase mâǃoaxa tsî ti ǂnûiǂgāde sao tama tsî ti ǂhanuga ǃkhōǀgaipe tama, xawe du ge sadu ǂnamipe hâ ǁaedi hoadi ǂhanuga ge sao.’ 8 ǁNā-amagab ge ǃKhūb Eloba nēti ra mî: ‘Tita ǂûta ge sado nî hāǂam; ǁaedi mûǁae ta ge tita sadu ǃoagu ǁkharaba nî gowaǂui. 9 Sadu di ui-uisa dīgu ǃaroma ta ge noxopa ta sadu ǃoagu dī tama-e nî dī, tsî ta ǁkhāti ǁkhawa dī tide-e. 10 Amase, ǁgûn ge sadu ǁaegu ǀgôan âna nî ǂû tsîn ge ǀgôana ǁîn îna nî ǂû. Ti ǁkharaba ta ge sadu ai nî gowaǂui, tsî sado xu nî ûiǂoa-i hoa-e ta ge hoa ǂoadi ǃoa nî ǀgaruǀgaru.’
11 “ǁNā-amaga, tita ûitsama ǃkhais ao, tib ge ǃKhūb Eloba ra mî: ‘Sadu di ui-uisa dīgu ǀkha du ge ti ǃanusiba ge ǃanuoǃnâ kai tsî sadu ǁgaiǁgaisasib hoab ǀkha. ǁNā-amaga ta ge ǀkhomoǃnâse nî ǃgaoǁnâ du; ti mûs ge ǃaruǀî sâu du tide tamas ka io ta ge ǃaruǀî ǀkhom du tide. 12 ǃNonaǁî ǃâb sadu dib ge ǂhīǁōb xa tamas ka io ǃâtsūǀkhāb xa nî ǁō. ǀGui ǃnonaǁî ǃâb sadu dib ge sado xāǂgā hâ gôab xa nî ǃgamhe; ǀgui ǃnonaǁî ǃâb ge hoa ǂoadi ǃnâ nî ǀgaruǀgaruhe tsî ta ge ǁîna gôab ǀkha nî ǃgôaǃgon.’
13 “ǁNātib ge ti ǁaiba ǀoasase nî khoraǂuisen tsî ti ǁgôasiba ǁîn ǃoagu tita nî ǂâus kōse. ǁÎn ge tita ǃKhūta ti tauxasib ǃnâ ra ǃhoa ǃkhaisa nî ǂan, ti ǁaiba ta ga ǁîn ai ǁhōǂuio. 14 ǁNās ǃgâ-ai ta ge ǃū-aisase tsî sadu ǂnamipe hâ ǁaedi ǁaegu tsî ǃkharu ran hoan mûǁae ǃharaxūsase nî dī du.
15 “Sadu ǂnamipe hâ ǁaedi di ǃharaxū tsî ǃhōxūse, ǃkhâikhoms tsî ǂōǂōsib ase du ge nî ī, tita ga ti ǁkharaba ǁaib tsî ǁgôasib ǃnâ sadu ai a gowaǂuio; tita ǃKhūta ge ǁîsa go ǃhoa! 16 ǁŌǁōsa ǂāgu ǃâtsūǀkhāb digu ǀkha ta ge sadu ǃoagu nî khâimâ, ǂāgu hîkākās diga, ǁîgu ǀkha ta nî hîkākā duse, tsî ta ge ǃnāǂamsa ǃâtsūǀkhāba sadu ai hā-ū tsî sadu pereba nî ǀoroǀoro. 17 Tita ge ǃâtsūǀkhāb tsî ǁaixa ǀgurun tsîna sadu ǃoagu nî sî, ǁîn ge sadu ôana nî ǀhana du; ǂhīǁōb tsî ǀaoǂnāxūs tsîn ge sadu ǃnâ-u nî ǃkharu; tsî ta ge gôaba sadu ai nî sîǁnâ. Tita, ǃKhūta ge ǁîsa go ǃhoa!”
Esekieli ge ǀûn âba ra ǂkhom
1 “Satsa khoenôa ǀgôatse, ǀā gôaba ū; ǁîba ǂkhomgôas ase sîsenū, î sa danas tsî ǀhō-ams tsîra ǂkhomū; ǀûn di ǃgomsiba ǀnō, î ǀûna ǀgora. 2 ǀGui ǃnonaǁî ǃâ-i ǀûn di-i ge ǃās ǃnâ hâ ǀaes ǃnâ nî ǂhubihe, xāǂgās di tsēdi ga ǀoao. ǀGui ǃnonaǁî ǃâ-e ū tsî du ge ǃās ǂnamipe hân hoana nî ǁnāǂam, tsî nau ǃnonaǁî ǃâ-e du ge ǂoab ǃnâ nî tsoroxū, o ta ge tita gôab ǀkha ǁîna nî ǃgôaǃgon. 3 Ots ge ǁnāpa xu ǂkhari ǃâro-e ū tsî ǁî-e sa sarab di ǂomamǃgâb ai nî ǃgae. 4 ǁÎ-e xuts ge ǁkhawa ǀnî ǃâ-e ū tsî ǀaes ǃnâ aoǂgā tsî nî ǂhubiǂui. ǁNāpa xus ge ǀaesa hoaraga Israeli ommi ǃoagu nî hā.”
5 Nētib ge ǃKhūb Eloba ge mî: “Nēs ge Jerusalemsa, ǁîsa ta ge ǁaedi ǁaegu ge ǂnûi, ǃhūgu xas hâǂnamihe hâse. 6 Xawes ge ǁîsa ti ǂhanugu tsî ǂnûiǂgādi ǃoagu ge khâikhâisen, ǁîs ge ǁaedi tsî ǁîs ǂnamipe hâ ǃhūgu hoagu ǃgâ-ai a ǂkhaba. ǁÎs ge ti ǂhanugu tsî ǂnûiǂgādi tsîna ge ǂhara. 7 ǁNā-amagab ge ǃKhūb Eloba nēti ra mî: ‘Sadu ǂnamipe hâ ǁaedi xa du ǃnāsase mâǃoaxa tsî ti ǂnûiǂgāde sao tama tsî ti ǂhanuga ǃkhōǀgaipe tama, xawe du ge sadu ǂnamipe hâ ǁaedi hoadi ǂhanuga ge sao.’ 8 ǁNā-amagab ge ǃKhūb Eloba nēti ra mî: ‘Tita ǂûta ge sado nî hāǂam; ǁaedi mûǁae ta ge tita sadu ǃoagu ǁkharaba nî gowaǂui. 9 Sadu di ui-uisa dīgu ǃaroma ta ge noxopa ta sadu ǃoagu dī tama-e nî dī, tsî ta ǁkhāti ǁkhawa dī tide-e. 10 Amase, ǁgûn ge sadu ǁaegu ǀgôan âna nî ǂû tsîn ge ǀgôana ǁîn îna nî ǂû. Ti ǁkharaba ta ge sadu ai nî gowaǂui, tsî sado xu nî ûiǂoa-i hoa-e ta ge hoa ǂoadi ǃoa nî ǀgaruǀgaru.’
11 “ǁNā-amaga, tita ûitsama ǃkhais ao, tib ge ǃKhūb Eloba ra mî: ‘Sadu di ui-uisa dīgu ǀkha du ge ti ǃanusiba ge ǃanuoǃnâ kai tsî sadu ǁgaiǁgaisasib hoab ǀkha. ǁNā-amaga ta ge ǀkhomoǃnâse nî ǃgaoǁnâ du; ti mûs ge ǃaruǀî sâu du tide tamas ka io ta ge ǃaruǀî ǀkhom du tide. 12 ǃNonaǁî ǃâb sadu dib ge ǂhīǁōb xa tamas ka io ǃâtsūǀkhāb xa nî ǁō. ǀGui ǃnonaǁî ǃâb sadu dib ge sado xāǂgā hâ gôab xa nî ǃgamhe; ǀgui ǃnonaǁî ǃâb ge hoa ǂoadi ǃnâ nî ǀgaruǀgaruhe tsî ta ge ǁîna gôab ǀkha nî ǃgôaǃgon.’
13 “ǁNātib ge ti ǁaiba ǀoasase nî khoraǂuisen tsî ti ǁgôasiba ǁîn ǃoagu tita nî ǂâus kōse. ǁÎn ge tita ǃKhūta ti tauxasib ǃnâ ra ǃhoa ǃkhaisa nî ǂan, ti ǁaiba ta ga ǁîn ai ǁhōǂuio. 14 ǁNās ǃgâ-ai ta ge ǃū-aisase tsî sadu ǂnamipe hâ ǁaedi ǁaegu tsî ǃkharu ran hoan mûǁae ǃharaxūsase nî dī du.
15 “Sadu ǂnamipe hâ ǁaedi di ǃharaxū tsî ǃhōxūse, ǃkhâikhoms tsî ǂōǂōsib ase du ge nî ī, tita ga ti ǁkharaba ǁaib tsî ǁgôasib ǃnâ sadu ai a gowaǂuio; tita ǃKhūta ge ǁîsa go ǃhoa! 16 ǁŌǁōsa ǂāgu ǃâtsūǀkhāb digu ǀkha ta ge sadu ǃoagu nî khâimâ, ǂāgu hîkākās diga, ǁîgu ǀkha ta nî hîkākā duse, tsî ta ge ǃnāǂamsa ǃâtsūǀkhāba sadu ai hā-ū tsî sadu pereba nî ǀoroǀoro. 17 Tita ge ǃâtsūǀkhāb tsî ǁaixa ǀgurun tsîna sadu ǃoagu nî sî, ǁîn ge sadu ôana nî ǀhana du; ǂhīǁōb tsî ǀaoǂnāxūs tsîn ge sadu ǃnâ-u nî ǃkharu; tsî ta ge gôaba sadu ai nî sîǁnâ. Tita, ǃKhūta ge ǁîsa go ǃhoa!”
