1 Ob ge ǃKhūba Moseb ǃoa ge mî: “Mû, tita ge Elob khami Faraob aiǃâ nî dī tsi tsîb ge sa ǃgâsab Aronna kēbo-aob ase nî sa mîgowaba-ao. 2 Tita ge mîmā tsi xūn hoana Aronna mîba, îb Faraoba mîba, Israelǁînab Egipteba xu nî ǂoa kai ǃkhaisa. 3 Xawe tita ge Faraob ǂgaoba nî karokaro, ǂgui ǃhuriǃhurisa saodi tsî buruxa dīn tsîna ta ga Egipteb ǃnâ dī, 4 xaweb sakho ǃgâ tidese. O ta ge ǁkhōǁkhōsase Egipteba ǁkhara tsî ti ǁaesa Egipteba xu nî ǂgaeǂguiǂui. 5 Egipteǁîn ge ti ǃomma ta ga Egipteb ǂama khoraǂui tsî ǁîn ǁaeguba xu Israelǁîna ǂgaeǂguiǂui, o tita a ǃKhū ǃkhaisa nî mûǂan.” 6 Moseb tsî Aron hâkha ge ǃKhūb ge mîmā kha khami ǀgui ge dī. 7 ǁÎkha gere Faraob ǀkha ǃhoa ǁaeb aib ge Moseba ǁkhaisadisi kurixa tsî Aronna ge ǁkhaisadisiǃnonaǀa kurixa i.
ǀKharub ǀao-i ǃnâ ra ǀkharaǀkharasen
8 ǃKhūb ge Moseb tsî Aronni tsîkha ǃoa ge mî: 9 “Faraob ga ǁgauǁgaus ase sakho xu sao-e ǂgao, o Aronna mîba îb ǁîb ǀkharuba Faraob aiǃâ aoǁgui, ob ge haiba ǀao-i ǃnâ nî ǀkharaǀkharasen.” 10 Moseb tsî Aronni tsîkha ge Faraob ǁga ǃgû tsî ǃKhūb ge mîmā kha khami ge dī. Aronni ge ǁîb di ǀkharuba Faraob tsî ǁîb di ǂamkhoegu aiǃâ ge aoǁgui, ob ge haiba ǀao-i ǃnâ ge ǀkharaǀkharasen. 11 Ob ge Faraoba ǁîb di gā-ai khoegu tsî ǃgaidī-aogu tsîga ge ǂgai kai. Nē ǃgaidī-aogu Egipteb digu hoagu ge ǁîgu di ǃgaidī-ūxūn ǀkha ǁnās ǁkhāsa ge dī. 12 Mâb hoab ge ǁîb di ǀkharuba ge aoǁgui, o gu ge haiga ǀaon ǃnâ ge ǀkharaǀkharasen. Xaweb ge Aronni ǀkharuba ǁîgu di ǁgâibasenhaigu hoaga ge haraǂgā. 13 Nēs ge ī, xaweb ge Faraoba ǂgaob âba ǃKhūb ge ǀnai mî hâ i khami ǃaruǀî karokaro tsî Moseb tsî Aron hâkha ǃgâ ǂgao tama ge i.
Kai ǂōǂōsib ge Egipteba ra hāǂam
ǀAob
14 Ob ge ǃKhūba Moseb ǃoa “Faraob di ǂgaob ge a karokarosa tsî ti khoena ǃnora kai ǂgao tama hâ. 15 ǁNā-amaga Faraoba ǁgoaga Nylǃāb ǁgab ǁgôagaruse sī ǀhao-ū. ǁÎba ǃāb di ǀnomammi ai ǃâu, sa ǀkharub, ǀao-i ǃnâ ge ǀkharaǀkharasen hâ-ibats ǃommi ǃnâ ūhâse. 16 Tsî ǁîb ǃoa mî: ‘ǃKhūb Hebreǁîn di Elob ge satsa ta nî mîmāse go sî te, îts Israelǁîna ǃnoraǃnora ǁîban ǃgaroǃhūb ǃnâ sī nî ǀgoreǀîse. Xawets ge nēsis kōse ǁnâuǀnam tama go i. 17 Nētib ge ǃKhūba nēsi ra mî: Nēs ge tita a ǃKhū ǃkhaisats nî ǂan ǀgausa, tita ge nē ǀkharub ǀkha Nylǃāb di ǁgam-e nî ǂnau tsî-i ge ǀaob ǃnâ nî ǀkharaǀkharahe. 18 Nylǃāb ǃnâ hâ ǁaun ge ǁō tsî nî ǀō tsîn ge Egipteǁîna ǁnāpa xu ā ǁkhā tide.’ ”
19 Tsîb ge ǃKhūba Moseb ǃoa ge mî: “Aronna mîba îb ǁîb ǀkharuba ū tsî hoaraga ǃāgu, ǁgamǀaudi tsî ǃkhubidi Egipteb didi ǂama ǀhōǂui. Tsî hoaraga Egipteb ǃnâ tsî ǁkhāti haixapadi tsî ǀuixapadi tsîn ǃnâ hâ ǁgamn hoan ge nî ǀaob ǃnâ ǀkharaǀkharahe.”
20 Moseb tsî Aron hâkha ge ǃKhūb ge mîmā kha khami ge dī. Faraob tsî ǁîb ǂamkhoegu aiǃâb ge Aronna ǁîb di ǀkharuba ǀhōǂui tsî Nylǃāba ge ǂnau tsî i ge hoaraga ǁgam-e ǀaob ǃnâ ge ǀkharaǀkharahe. 21 Nylǃāb ǃnâ hâ ǁaun hoan ge ǁō tsî ge ǀō tsîn ge Egipteǁîna ǁnāpa xu ge ā ǁoa i. Hoaraga Egipteb ǃnâb ge ǀaoba ge hâ i. 22 Egipteb ǃgaidī-aogu ge ǁîgu ǃgaidī-ūxūn ǀkha ǁnās ǁkhāsa ge dī tsî nēs ge ī, xaweb ge Faraoba ǂgaob âba ǃKhūb ge ǀnai mî khami ǃaruǀîǀgui karokaro tsî Moseb tsî Aron hâkha ǃgâ ǂgao tama ge i. 23 Faraob ge ī ge xūn xa ǁae tamase dabasen tsî gao-ommi ǃnâ ge ǂgâ-oa. 24 Hoaraga Egipteǁîn ge Nylǃāb di ǀnomammi ai āǁgam-i ǃaroma gere khao, Nylǃāb di ǁgam-i xare-en ge ā ǁoa i xui-ao.
25 Hû tsēdi ge ǃKhūb ge Nylǃāba ǀaob ǃnâ ǀkharaǀkharas khaoǃgâ ge ǃkharu.
1 Ob ge ǃKhūba Moseb ǃoa ge mî: “Mû, tita ge Elob khami Faraob aiǃâ nî dī tsi tsîb ge sa ǃgâsab Aronna kēbo-aob ase nî sa mîgowaba-ao. 2 Tita ge mîmā tsi xūn hoana Aronna mîba, îb Faraoba mîba, Israelǁînab Egipteba xu nî ǂoa kai ǃkhaisa. 3 Xawe tita ge Faraob ǂgaoba nî karokaro, ǂgui ǃhuriǃhurisa saodi tsî buruxa dīn tsîna ta ga Egipteb ǃnâ dī, 4 xaweb sakho ǃgâ tidese. O ta ge ǁkhōǁkhōsase Egipteba ǁkhara tsî ti ǁaesa Egipteba xu nî ǂgaeǂguiǂui. 5 Egipteǁîn ge ti ǃomma ta ga Egipteb ǂama khoraǂui tsî ǁîn ǁaeguba xu Israelǁîna ǂgaeǂguiǂui, o tita a ǃKhū ǃkhaisa nî mûǂan.” 6 Moseb tsî Aron hâkha ge ǃKhūb ge mîmā kha khami ǀgui ge dī. 7 ǁÎkha gere Faraob ǀkha ǃhoa ǁaeb aib ge Moseba ǁkhaisadisi kurixa tsî Aronna ge ǁkhaisadisiǃnonaǀa kurixa i.
ǀKharub ǀao-i ǃnâ ra ǀkharaǀkharasen
8 ǃKhūb ge Moseb tsî Aronni tsîkha ǃoa ge mî: 9 “Faraob ga ǁgauǁgaus ase sakho xu sao-e ǂgao, o Aronna mîba îb ǁîb ǀkharuba Faraob aiǃâ aoǁgui, ob ge haiba ǀao-i ǃnâ nî ǀkharaǀkharasen.” 10 Moseb tsî Aronni tsîkha ge Faraob ǁga ǃgû tsî ǃKhūb ge mîmā kha khami ge dī. Aronni ge ǁîb di ǀkharuba Faraob tsî ǁîb di ǂamkhoegu aiǃâ ge aoǁgui, ob ge haiba ǀao-i ǃnâ ge ǀkharaǀkharasen. 11 Ob ge Faraoba ǁîb di gā-ai khoegu tsî ǃgaidī-aogu tsîga ge ǂgai kai. Nē ǃgaidī-aogu Egipteb digu hoagu ge ǁîgu di ǃgaidī-ūxūn ǀkha ǁnās ǁkhāsa ge dī. 12 Mâb hoab ge ǁîb di ǀkharuba ge aoǁgui, o gu ge haiga ǀaon ǃnâ ge ǀkharaǀkharasen. Xaweb ge Aronni ǀkharuba ǁîgu di ǁgâibasenhaigu hoaga ge haraǂgā. 13 Nēs ge ī, xaweb ge Faraoba ǂgaob âba ǃKhūb ge ǀnai mî hâ i khami ǃaruǀî karokaro tsî Moseb tsî Aron hâkha ǃgâ ǂgao tama ge i.
Kai ǂōǂōsib ge Egipteba ra hāǂam
ǀAob
14 Ob ge ǃKhūba Moseb ǃoa “Faraob di ǂgaob ge a karokarosa tsî ti khoena ǃnora kai ǂgao tama hâ. 15 ǁNā-amaga Faraoba ǁgoaga Nylǃāb ǁgab ǁgôagaruse sī ǀhao-ū. ǁÎba ǃāb di ǀnomammi ai ǃâu, sa ǀkharub, ǀao-i ǃnâ ge ǀkharaǀkharasen hâ-ibats ǃommi ǃnâ ūhâse. 16 Tsî ǁîb ǃoa mî: ‘ǃKhūb Hebreǁîn di Elob ge satsa ta nî mîmāse go sî te, îts Israelǁîna ǃnoraǃnora ǁîban ǃgaroǃhūb ǃnâ sī nî ǀgoreǀîse. Xawets ge nēsis kōse ǁnâuǀnam tama go i. 17 Nētib ge ǃKhūba nēsi ra mî: Nēs ge tita a ǃKhū ǃkhaisats nî ǂan ǀgausa, tita ge nē ǀkharub ǀkha Nylǃāb di ǁgam-e nî ǂnau tsî-i ge ǀaob ǃnâ nî ǀkharaǀkharahe. 18 Nylǃāb ǃnâ hâ ǁaun ge ǁō tsî nî ǀō tsîn ge Egipteǁîna ǁnāpa xu ā ǁkhā tide.’ ”
19 Tsîb ge ǃKhūba Moseb ǃoa ge mî: “Aronna mîba îb ǁîb ǀkharuba ū tsî hoaraga ǃāgu, ǁgamǀaudi tsî ǃkhubidi Egipteb didi ǂama ǀhōǂui. Tsî hoaraga Egipteb ǃnâ tsî ǁkhāti haixapadi tsî ǀuixapadi tsîn ǃnâ hâ ǁgamn hoan ge nî ǀaob ǃnâ ǀkharaǀkharahe.”
20 Moseb tsî Aron hâkha ge ǃKhūb ge mîmā kha khami ge dī. Faraob tsî ǁîb ǂamkhoegu aiǃâb ge Aronna ǁîb di ǀkharuba ǀhōǂui tsî Nylǃāba ge ǂnau tsî i ge hoaraga ǁgam-e ǀaob ǃnâ ge ǀkharaǀkharahe. 21 Nylǃāb ǃnâ hâ ǁaun hoan ge ǁō tsî ge ǀō tsîn ge Egipteǁîna ǁnāpa xu ge ā ǁoa i. Hoaraga Egipteb ǃnâb ge ǀaoba ge hâ i. 22 Egipteb ǃgaidī-aogu ge ǁîgu ǃgaidī-ūxūn ǀkha ǁnās ǁkhāsa ge dī tsî nēs ge ī, xaweb ge Faraoba ǂgaob âba ǃKhūb ge ǀnai mî khami ǃaruǀîǀgui karokaro tsî Moseb tsî Aron hâkha ǃgâ ǂgao tama ge i. 23 Faraob ge ī ge xūn xa ǁae tamase dabasen tsî gao-ommi ǃnâ ge ǂgâ-oa. 24 Hoaraga Egipteǁîn ge Nylǃāb di ǀnomammi ai āǁgam-i ǃaroma gere khao, Nylǃāb di ǁgam-i xare-en ge ā ǁoa i xui-ao.
25 Hû tsēdi ge ǃKhūb ge Nylǃāba ǀaob ǃnâ ǀkharaǀkharas khaoǃgâ ge ǃkharu.
