1 Tsî kha ge gao-aob tsî Hamanni tsîkha ǁîs ǀkha kha nî ǂûse, gao-aos Esters tawa ge hā. 2 Nē ǀgamǁî ǂûǁares tawab ge gao-aoba ǂauxûi-eb ra āse ǁkhawa Estersa ge dî: “Tare-es ra ǂgao gao-ao Esterse? Māhes ge nî ǁî-e. Tare-es ǂhâba hâ? ǃkhare ǃâb ti gaosib dib ka xawes tsînas ge nî māhe.”
3 Os ge Gao-aos Estersa ge ǃeream: “ǃGôahesa gao-aotse, nēs ga ǃgâiba tsio, o ta ge ǃgamǃgamsens ǀkha ra ǂgan tsi tita tsî ti khoen tsîda ǃgamǂuihe tidesa. 4 Tita tsî ti khoen tsîda ge ǃgamǂuihe da nîse ǁamaxūhe hâ. Khobon ase da ga ǁamaxūhe hâ, o ta ge ga ǃnō hâ. Sida ǂkhôab xū-e harebeba tama gao-aoba ǂhanisa ǃoa amaga.”
5 Ob ge gao-aob Ahasverosa Estersa ge dîǂui: “Tari-e ǁnāti ī xū-e ge ǀapeǀape tsî mâpab hâ ǁnā khoeba?”
6 Os ge Estersa “Sida khākhoeb ge nē ǂkhaba khoeb, Hamanna!” ti ge ǃeream.
Hamanni ge kaise ra ǃaose gao-aob tsî gao-aos tsîra aiǃâ ge mâ. 7 Gao-aob ge kaise ǁaixa, ǂûs âba ǁnāxū tsî tāba xu khâi tsî gao-ommi ǃhanab ǃoa ge ǂoa. Xawe Hamanni ge ge mâǀgara, gao-aos Estersab ûib âb ǃaroma nî ǀkhomase, gao-aob ǁaixa hâ tsî amaseb nî ǃgam bisa ǂâibasen hâ ǃkhaisab ge mû amaga. 8 Hamanni Esters ge ǂnôa-ai i sâ-aikharob ai aoǁguisen tsî ǀkhomheb nîse ra ǀkhoma, hîab ge gao-aoba ǃhanaba xu ǂûǁaes ge dīǃnâhe hâ i ommi ǃnâ ge ǂgâxa. Nēsab ge mû, ob ge gao-aoba “Gao-aosats nēsi ti ais ai, ti gao-ommi ǃnâ ra ǀgaiǃkhō ǂgao?” ti ge ǂgaiǂui.
Nēsab gao-aoba ra mîs tsî ǁîb ǂamkhoekha Hamanni aisa ra ǃgūǂgans tsîra ge ge ǀgui. 9 Ob ge ǂamkhoekha ǀguib, Harbona ti ǀon hâba ge mî: “Hamanni ge ǁnātikōse sī tsî ǁîb oms tawa ǂgāhaiba Mordekaib, gao-aoba ge ǂkhaba ǀapes xa a ǃkhâikhommab ǁîb ai nî ǂgāmâise ge kuru. Tsî ǁnā ǂgāhaib ge korodisiǀgamǀa meterga a ǀgapi!”
“Hamanna ǁnā ǂgāhaib ai ǂgāmâi” tib ge gao-aoba ge mîmā.
10 ǁNātib ge Hamanna Mordekaib ǃaromab ge kuru ǂgāhaib ai ge ǂgāmâihe. ǁNā ǁaeb ai ǀguib ge gao-aob ǁaiba ge ǁgôaxa.
1 Tsî kha ge gao-aob tsî Hamanni tsîkha ǁîs ǀkha kha nî ǂûse, gao-aos Esters tawa ge hā. 2 Nē ǀgamǁî ǂûǁares tawab ge gao-aoba ǂauxûi-eb ra āse ǁkhawa Estersa ge dî: “Tare-es ra ǂgao gao-ao Esterse? Māhes ge nî ǁî-e. Tare-es ǂhâba hâ? ǃkhare ǃâb ti gaosib dib ka xawes tsînas ge nî māhe.”
3 Os ge Gao-aos Estersa ge ǃeream: “ǃGôahesa gao-aotse, nēs ga ǃgâiba tsio, o ta ge ǃgamǃgamsens ǀkha ra ǂgan tsi tita tsî ti khoen tsîda ǃgamǂuihe tidesa. 4 Tita tsî ti khoen tsîda ge ǃgamǂuihe da nîse ǁamaxūhe hâ. Khobon ase da ga ǁamaxūhe hâ, o ta ge ga ǃnō hâ. Sida ǂkhôab xū-e harebeba tama gao-aoba ǂhanisa ǃoa amaga.”
5 Ob ge gao-aob Ahasverosa Estersa ge dîǂui: “Tari-e ǁnāti ī xū-e ge ǀapeǀape tsî mâpab hâ ǁnā khoeba?”
6 Os ge Estersa “Sida khākhoeb ge nē ǂkhaba khoeb, Hamanna!” ti ge ǃeream.
Hamanni ge kaise ra ǃaose gao-aob tsî gao-aos tsîra aiǃâ ge mâ. 7 Gao-aob ge kaise ǁaixa, ǂûs âba ǁnāxū tsî tāba xu khâi tsî gao-ommi ǃhanab ǃoa ge ǂoa. Xawe Hamanni ge ge mâǀgara, gao-aos Estersab ûib âb ǃaroma nî ǀkhomase, gao-aob ǁaixa hâ tsî amaseb nî ǃgam bisa ǂâibasen hâ ǃkhaisab ge mû amaga. 8 Hamanni Esters ge ǂnôa-ai i sâ-aikharob ai aoǁguisen tsî ǀkhomheb nîse ra ǀkhoma, hîab ge gao-aoba ǃhanaba xu ǂûǁaes ge dīǃnâhe hâ i ommi ǃnâ ge ǂgâxa. Nēsab ge mû, ob ge gao-aoba “Gao-aosats nēsi ti ais ai, ti gao-ommi ǃnâ ra ǀgaiǃkhō ǂgao?” ti ge ǂgaiǂui.
Nēsab gao-aoba ra mîs tsî ǁîb ǂamkhoekha Hamanni aisa ra ǃgūǂgans tsîra ge ge ǀgui. 9 Ob ge ǂamkhoekha ǀguib, Harbona ti ǀon hâba ge mî: “Hamanni ge ǁnātikōse sī tsî ǁîb oms tawa ǂgāhaiba Mordekaib, gao-aoba ge ǂkhaba ǀapes xa a ǃkhâikhommab ǁîb ai nî ǂgāmâise ge kuru. Tsî ǁnā ǂgāhaib ge korodisiǀgamǀa meterga a ǀgapi!”
“Hamanna ǁnā ǂgāhaib ai ǂgāmâi” tib ge gao-aoba ge mîmā.
10 ǁNātib ge Hamanna Mordekaib ǃaromab ge kuru ǂgāhaib ai ge ǂgāmâihe. ǁNā ǁaeb ai ǀguib ge gao-aob ǁaiba ge ǁgôaxa.
