Mordekaib ge Esters di huiba ra ǂgan
1 [1] Mordekaib ge taren hoan ge dīhe ǃkhaisab ge ǁnâu, o ǃoab xa ǃaromahe hâse saran âba ge ǀkhau. ǁNās khaoǃgâb ge ǃoab sarana anasen, danasa tsaob ǀkha tsoro-ai tsî “ǀHapio ǁaes ge ra hîkākāhe!” ti ǃgarise ra āse ǃās di ǃgangu ǃnâ gere ǃkhoema. 2 [2] Gao-ommi dao-ams tawab ge sī, ob ge ǁnāpa ge mâ. ǁÎb ge ǃoab sarana ana tsî tsaob ǀkha tsorosen hâ khoe-i xare-i ǁnāpa ǂgâsa mā-amhe tama xui-ao ǂgâ tama ge i. 3 [3] Hoa ǀkharigu gao-aob mîmās ge ǂanǂanǃnâhegu ǃnâb ge kai ǃoaba Jodeǁîn ǃnâ ge hâ i. ǁÎn ge ā, ǃgae, ǃoab sarana ana tsî tsaob ǀkha gere tsorosen.
4 [4] Esters ge ǁîs ǂkham sîsenaodi tsî ǂammâisagu, gao-aob ǂhunuma ǃoaba-aogu xas ge Mordekaib ra dī xūna mîbahe, o kaise ge ǂhanihe. ǁÎs ge Mordekaiba ǃoab saran ǃās ǃnâb nî anase sarana ge sîba, xaweb ge ūǃoa tama ge i. 5 [5] Os ge Hataki, gao-ommi ǂammâisab, ǁîsab nî ǃoabase ge ǁgaumâihe hâ iba ǂgai tsî ge mîba, îb Mordekaib ǃoa ǃgû tsî ǂōrisase ī ra xūna ǁîba xu ǂanǂui. 7 [7] Mordekaib ge ī ge xūn, tsî mâtib ge Hamanna hoaraga Jodeǁîn nî ǃgamhegab ǀhaiǀuri marina, gao-aosi ǁuiǂgaes ǃnâ nî ǂgāsa mîmâi ǃkhais tsîna nē gao-ommi ǂammâisaba ge mîba. 8 [8] ǁÎb ge Susas ǃnâ ge māǂuihe mîmās di ǁgâiǁnâb, Jodeǁîn nî hîkākāhe ǃkhaisa ra mîmāba Hataka ge mā. Mordekaib ge ǁîba ge ǂgan, îb ǁnā ǁgâiǁnâba Esters tawa sī-ū, îs ǁîsa gao-aoba sī ǀkhoma, îb ǁîs khoena ǀkhomxa. “Mîba si, îs ǁnā tsēdi ǁnaetisa khoes ǀguisas ge ī i tsî ti mûǂams ǃnaka hâ idi ǁga ǂâi-oa. Hamanni, gao-aob ǃnaka ǂnôa ǂgaeǂgui-aob ge sida ǃoagu ǃhoa tsî sida ǁōba ra ǂgaoǀkhā. As ǃKhūb ǃoa ǀgore tsî ǁnās khaoǃgâ gao-aob ǀkha sida ǃaroma sī ǃhoa. As ǁîsa ǁōba xu huiǂui da!”
9 [9] Hataki ge Esters ǃoa oa tsî Mordekaib di mîde ǁîsa ge sī mîba. 10 [10] Os ge Estersa nē haisi-amsa ge mā bi, îb Mordekaiba sī mîba: 11 [11] “Aorekhoe-i tamas ka io tarekhoe-i ga, omǂnamib ǃnâ mā-amhe tamase gao-aoba nî mûse ǂgâ, o-i ge ǁnā khoe-e ǁōb ǃoa nî ǀgoraǃgâhe. Gaosib ǃnâ hâ khoe-i hoa-i ge ǁnāsa a ǂan. Gao-aob ga ǁîb ǃhuniǀuri gaohaiba ǁî-i ǃoa ǀhōǂui, o ǀguib ge ûib â-e nî sâuhe. Xawe di ge nēsi ǃnonadisi tsēde gao-aob xa ta nî ǂgaihes aiǃâ go ǃgôa-ī.”
12 [12] Mordekaib ge Esters di haisi-amsab ge ǃkhōǃoa, 13 [13] o nē ǃkhâikhomsa ǁîsa ge sîba: “Esterse, tā nau Jodeǁîn nē gaosib ǃnâ hân ǃgâ-ais ǃnorasa ti ǂâi. 14 [14] ǃNō tsîs ga nēti ī ǁaeb ǃnâ sa khoen xa xū-e mî tama i, o ra ge huib tsî ores tsîra ǀnî ǃkhai-e xu Jodeǁîna nî hāba, xawes ge nî ǁō tsîs ge sa îb omarisa nî toa. Tari-e ǂan? ǀNîsis kom nēti ī ǁaeb ǃaroma gao-aose ge mâiheo?”
15 [15] Os ge Estersa Mordekaiba nē ǃereamsa ge sîba: 16 [16] “ǃGû, î hoaraga Jodeǁîn Susas ǃnâ hâna ǀhaoǀhao, î du ǂûtama* hâ tsî ǀgoreba te. Tā xū-i xare-e ǃnona tsēdi tsî tsuxugu ǀgaiba ǂû tamas ka io ā. Tita tsî ti sîsenaodi tsîse ge ǁnās ǁkhāsa nî dī. ǁNās khaoǃgâ ta ge gao-aob ǃoa, ǂhanub ǃoagus ǁnā ǃkhaisa hâ, xawe nî ǃgû. ǁNās ǃaroma ta ga ǁō, o ta kom ǁō ǁkhāo.”
17 [17] Ob ge Mordekaiba ǃgû tsî Esters ge mîba bi xūn hoana ge dī.
D
Mordekaib ǀgores
18 [1] Mordekaib ge ǃKhūb ge īgeǁaeb ǃnâ dī xūna ǂâihō tsî ǁîb ǃoa ge ǀgore: 19 [2] “ǃKhūtse, sats ge hoa kurus di ǃKhū tsî a Gao-ao, tsî mâ xū-i hoa-i ge sa ǁkhāsib ǃnaka hâ, tsî i ge sats ga Israelǁaesa hîkākāhen nîsa xu huiǂui ǂgao, o ǀgui-i tsîna satsa mâǃoa ǁkhā tide. 20 [3] Sats ge ǀhommi tsî ǃhūbaib tsî hoaraga buruxa xūn ǃhūbaib ai hân tsîna ge kuru. 21 [4] Sats ge hoaraga kurus di ǃKhū tsî i ge ǀgui-i satsa nî mâǃoa ǁkhā-i xare-e hâ tama hâ, ti ǃKhūtse. 22 [5] Sats ge hoana a ǂan. Tita ge ǁnā ǀgapiǂâixa Hamanni aiǃâ ǃgamǃgâsa ge ǂkhā; ǁnāsa ta ge ǀgapiǂâixa ta a, tamas ka io ta khoen xa nî koahes ǃaroma ge dī tama hâ i. 23-24 [6-7] Tita ge khoe-i xare-e Eloba ta ǃgôa hâs ǃgâ-ai ǀgapiǃgôa tide. Tita ge khoe-i hoa-i aiǃâ ta nî ǃhons xa, sa aiǃâ nî ǃhonǁgoa, ti ǃKhūtse tsî ǁnās ge ǀgapiǂâixasiba xu tamasa. ǁNās ga Israelǁaes nî sâuhes ǃoa hui, o ta ge ǁîb ǂaiǃnāb tsîna a ǁoa ǁkhā.
25-26 [8-9] “Nēsi ǃKhū, Elo tsî Gao-aots, Abrahammi Elotse, sa ǁaesa ǀkhom, î sida khākhoena xu ore da. ǁÎn ge hugaǀgui sa khoena hîkākāsa ra ǀapeǀape. Gaxu ǁae-i ǃkharu hâsets ge sida sa ǁaese ǁhûi tsî Egipteba xu ge huiǂui. Tā nēsi aoxū da re. 27 [10] Sida ge sa ǁhûiǂuisa ǁae xuige ti ǀgoresa ǁnâu-am î ǀkhomxa da. Sida di tsūǃgâba ǃgâiǃgâb ǃnâ daba, î da ûi tsî koatsanade ǁnaeba tsi. ǁŌba xu sâu da, î da ǃaruǀîǀgui koa tsi.”
28 [11] Hoaraga Israelǁaes ge ǁōn nî ǃkhaisan ge mû xui-ao ǃgarise ge ǀgore.
Esters di ǀgores
29 [12] Gao-aos Esters tsîn ge ǁkhāti kai ǃaob ǃnâ huib ǃaroma ǃKhūb ǃoa ge ǁhaiǁhâ. 30 [13] ǁÎs ge ǁîs ǂkhai ra ǂamsarana ǂgaeǂui tsî ǃoab tsî tsûaǂgaob sarana ge ana. ǃGomǀgausa ǃgâihamxūn ǃās ǃnâs ge ǁîs danas ai tsaoba tsoro tsî ǂhauba ge ǂkhau. ǁÎs ge dī ǁkhās a xūn hoana, ǁîs sorosi anusasiba hîkākās ǃaroma ge dī. ǁÎs ge ǁîs ǃkhaera tsî ǀkhabuǃnâhe tama ǀûga, ǃaos tsî ǃhōra kōse ge ǀhara kai hâ i. 31 [14] ǁÎs ge ǃKhūb, Israelǁîn di Elob ǃoa ge ǀgore: “Ti ǃKhū, sida gao-aotse sats ǀguits ge a Elo. Tita ge a ǀguriǃgâ tsî ta ge ǀnî khoe-i ose sats ǀguitsa ǁhaiǁhâǀî ta nîse ūhâ xuige hui te re! 32 [15] Ti ûib ge ǃaorosasib hâ. 33 [16] ǃNae ta gesa xu ta ge ti ǀaokhoena xu ge ǁnâu, sats ǃKhūts ge Israelǁaesa hoaraga ǃhaode xu tsî sida îga ǁîgu aboxaga xu ǀamo ǀumis ǃoa ǁhûiǂuisa. Tsîts ge mîmâits gen hoana ǁîna dība ǃkhaisa.
34 [17] “Xawe da ge sida sats ǃoagu ge ǁore. Sats ge ǁîn di elona da ra ǀgoreǀî xui-ao, khākhoen ǃomǁae ge māǁnâ da. 35 [18] ǃKhūtse, sida ge sa ǁkharaba anu hâ. 36 [19] Xawen ge sida khākhoena khobosis ǃnâ ǀgui mû das ǀkha ǃaruǀî ǂkhî tama hâ. ǁÎn ge ǁgôa-elon ân aiǃâ nūs ǀkha ge mîmâi, 37 [20] satsa ra koa khoena hîkākās ǀguis osen ǁkhāti sa ǂhanuba dībē tsî sa ommi tsî altars tsîra di ǂkhaisib tsîna nî hîǀhuru ǃkhaisa. 38 [21] ǁÎn ge hoaraga ǃhūbaib harebeoǃnâ ǁgôa-elona ǀgoreǀî tsî ǀamose ǃhūbaisi gao-aoga nî ǃaoǃgâ ǃkhaisa ǂhâba hâ.
39 [22] “ǃKhūtse, tā sa ǀkharuba nē xū tama elon ǃaroma māǁnâ; Sida ǁnāsan nî âiǂuis tsîna tā mā-am. Xawe ǁîn ǀapedi sida ǃoagu hâde ǁîn ǃoagu daba, î aiǁgausa ǁnā-i hîa ge nēsa sida ǃoagu tsoatsoa-i ǀkha dī.
40 [23] “ǂÂis ǃnâ ūhâ da re, ǃKhūtse. Nē ǃgomsib di ǁaeb ǃnâ sida ǃoa hā re. Hoa elon di Gao-ao tsî ǃhūbaisi ǀgaigu di ǂGaeǂgui-aotse, ǁkhoaǂgaoxa kai te re. 41 [24] ǁNā ǁaixa xammi, Artaxerxeb ǀkha ta nî ǃhoase ta ga ǂgâ, o gowadanū ta nî mîde mā te re. ǁÎb ǂgaoba Hamanni, sida khākhoeb ǃoagub nî dawasense ǀkharaǀkhara, î ǁîb tsî ǁîb di ǃkhō-amaona hîkākā. 42 [25] ǃKhūtse huiǂui da re. Hui te re, ǃKhūtse. Tita ge a ǀguriǃgâ tsî ta ge ǀnî khoe-i ose sats ǀguitsa ǁhaiǁhâǀî ta nîse ūhâ.
43 [26] “Sats ge hoana a ǂan, ǃKhūtse. Sats ge nē Jodeǁî tamana xu ta ra ǃkhōǃoa ǃgôasiba ta ǃhuisa ǃkhaisa a ǂan. Tita ge ǁnā ǂâis, ǃgaosa tama ǀūbegu ǀkha ǁgoes dis tsîna ǁkhan hâ. 44 [27] ǃKhūtse, sats ge tita ti sîsenna ǃhuisa ǃkhaisa ǂan. Tita ge gao-aosi krons, ǂhanuǁî ǃkhain ai ta ra ǀgapasa a ǃhuisa. Tita ge tātsē ǁîsa ǂhâbasa tama i ka i, o ǀgapa tama hâ. Tita ge ǁîsa ǂoa go ǁkhâb di ǀaesenni hâ-ai ǀurisa lapi-i khami a ǃhuisa. 45 [28] Tita ge Hamanni tāb tawa ǂû tamas ka io gao-aob di ǁâudīgu tawa ǁîb ǃgôasib ǃoa ǁhaos tsî ǁîn elon ǃaroma mâiǂuihe hâ ǂauxûi-e ās tsîna ǂgao tama hâ. 46 [29] Hūs xū-i hîa ge ǃgâiaǂgaoba hā-ūba te-i ge satsa ǀgoreǀîsa, ǃKhū, Abrahammi di Elotse.
47 [30] “Hoaǀgaixa Elotse, sa khoeda ǀgoresa ǁnâu re. Nē ǂkhaba khoena xu huiǂui da, î ti ǃaoba ūbēba te re.”
Mordekaib ge Esters di huiba ra ǂgan
1 [1] Mordekaib ge taren hoan ge dīhe ǃkhaisab ge ǁnâu, o ǃoab xa ǃaromahe hâse saran âba ge ǀkhau. ǁNās khaoǃgâb ge ǃoab sarana anasen, danasa tsaob ǀkha tsoro-ai tsî “ǀHapio ǁaes ge ra hîkākāhe!” ti ǃgarise ra āse ǃās di ǃgangu ǃnâ gere ǃkhoema. 2 [2] Gao-ommi dao-ams tawab ge sī, ob ge ǁnāpa ge mâ. ǁÎb ge ǃoab sarana ana tsî tsaob ǀkha tsorosen hâ khoe-i xare-i ǁnāpa ǂgâsa mā-amhe tama xui-ao ǂgâ tama ge i. 3 [3] Hoa ǀkharigu gao-aob mîmās ge ǂanǂanǃnâhegu ǃnâb ge kai ǃoaba Jodeǁîn ǃnâ ge hâ i. ǁÎn ge ā, ǃgae, ǃoab sarana ana tsî tsaob ǀkha gere tsorosen.
4 [4] Esters ge ǁîs ǂkham sîsenaodi tsî ǂammâisagu, gao-aob ǂhunuma ǃoaba-aogu xas ge Mordekaib ra dī xūna mîbahe, o kaise ge ǂhanihe. ǁÎs ge Mordekaiba ǃoab saran ǃās ǃnâb nî anase sarana ge sîba, xaweb ge ūǃoa tama ge i. 5 [5] Os ge Hataki, gao-ommi ǂammâisab, ǁîsab nî ǃoabase ge ǁgaumâihe hâ iba ǂgai tsî ge mîba, îb Mordekaib ǃoa ǃgû tsî ǂōrisase ī ra xūna ǁîba xu ǂanǂui. 7 [7] Mordekaib ge ī ge xūn, tsî mâtib ge Hamanna hoaraga Jodeǁîn nî ǃgamhegab ǀhaiǀuri marina, gao-aosi ǁuiǂgaes ǃnâ nî ǂgāsa mîmâi ǃkhais tsîna nē gao-ommi ǂammâisaba ge mîba. 8 [8] ǁÎb ge Susas ǃnâ ge māǂuihe mîmās di ǁgâiǁnâb, Jodeǁîn nî hîkākāhe ǃkhaisa ra mîmāba Hataka ge mā. Mordekaib ge ǁîba ge ǂgan, îb ǁnā ǁgâiǁnâba Esters tawa sī-ū, îs ǁîsa gao-aoba sī ǀkhoma, îb ǁîs khoena ǀkhomxa. “Mîba si, îs ǁnā tsēdi ǁnaetisa khoes ǀguisas ge ī i tsî ti mûǂams ǃnaka hâ idi ǁga ǂâi-oa. Hamanni, gao-aob ǃnaka ǂnôa ǂgaeǂgui-aob ge sida ǃoagu ǃhoa tsî sida ǁōba ra ǂgaoǀkhā. As ǃKhūb ǃoa ǀgore tsî ǁnās khaoǃgâ gao-aob ǀkha sida ǃaroma sī ǃhoa. As ǁîsa ǁōba xu huiǂui da!”
9 [9] Hataki ge Esters ǃoa oa tsî Mordekaib di mîde ǁîsa ge sī mîba. 10 [10] Os ge Estersa nē haisi-amsa ge mā bi, îb Mordekaiba sī mîba: 11 [11] “Aorekhoe-i tamas ka io tarekhoe-i ga, omǂnamib ǃnâ mā-amhe tamase gao-aoba nî mûse ǂgâ, o-i ge ǁnā khoe-e ǁōb ǃoa nî ǀgoraǃgâhe. Gaosib ǃnâ hâ khoe-i hoa-i ge ǁnāsa a ǂan. Gao-aob ga ǁîb ǃhuniǀuri gaohaiba ǁî-i ǃoa ǀhōǂui, o ǀguib ge ûib â-e nî sâuhe. Xawe di ge nēsi ǃnonadisi tsēde gao-aob xa ta nî ǂgaihes aiǃâ go ǃgôa-ī.”
12 [12] Mordekaib ge Esters di haisi-amsab ge ǃkhōǃoa, 13 [13] o nē ǃkhâikhomsa ǁîsa ge sîba: “Esterse, tā nau Jodeǁîn nē gaosib ǃnâ hân ǃgâ-ais ǃnorasa ti ǂâi. 14 [14] ǃNō tsîs ga nēti ī ǁaeb ǃnâ sa khoen xa xū-e mî tama i, o ra ge huib tsî ores tsîra ǀnî ǃkhai-e xu Jodeǁîna nî hāba, xawes ge nî ǁō tsîs ge sa îb omarisa nî toa. Tari-e ǂan? ǀNîsis kom nēti ī ǁaeb ǃaroma gao-aose ge mâiheo?”
15 [15] Os ge Estersa Mordekaiba nē ǃereamsa ge sîba: 16 [16] “ǃGû, î hoaraga Jodeǁîn Susas ǃnâ hâna ǀhaoǀhao, î du ǂûtama* hâ tsî ǀgoreba te. Tā xū-i xare-e ǃnona tsēdi tsî tsuxugu ǀgaiba ǂû tamas ka io ā. Tita tsî ti sîsenaodi tsîse ge ǁnās ǁkhāsa nî dī. ǁNās khaoǃgâ ta ge gao-aob ǃoa, ǂhanub ǃoagus ǁnā ǃkhaisa hâ, xawe nî ǃgû. ǁNās ǃaroma ta ga ǁō, o ta kom ǁō ǁkhāo.”
17 [17] Ob ge Mordekaiba ǃgû tsî Esters ge mîba bi xūn hoana ge dī.
D
Mordekaib ǀgores
18 [1] Mordekaib ge ǃKhūb ge īgeǁaeb ǃnâ dī xūna ǂâihō tsî ǁîb ǃoa ge ǀgore: 19 [2] “ǃKhūtse, sats ge hoa kurus di ǃKhū tsî a Gao-ao, tsî mâ xū-i hoa-i ge sa ǁkhāsib ǃnaka hâ, tsî i ge sats ga Israelǁaesa hîkākāhen nîsa xu huiǂui ǂgao, o ǀgui-i tsîna satsa mâǃoa ǁkhā tide. 20 [3] Sats ge ǀhommi tsî ǃhūbaib tsî hoaraga buruxa xūn ǃhūbaib ai hân tsîna ge kuru. 21 [4] Sats ge hoaraga kurus di ǃKhū tsî i ge ǀgui-i satsa nî mâǃoa ǁkhā-i xare-e hâ tama hâ, ti ǃKhūtse. 22 [5] Sats ge hoana a ǂan. Tita ge ǁnā ǀgapiǂâixa Hamanni aiǃâ ǃgamǃgâsa ge ǂkhā; ǁnāsa ta ge ǀgapiǂâixa ta a, tamas ka io ta khoen xa nî koahes ǃaroma ge dī tama hâ i. 23-24 [6-7] Tita ge khoe-i xare-e Eloba ta ǃgôa hâs ǃgâ-ai ǀgapiǃgôa tide. Tita ge khoe-i hoa-i aiǃâ ta nî ǃhons xa, sa aiǃâ nî ǃhonǁgoa, ti ǃKhūtse tsî ǁnās ge ǀgapiǂâixasiba xu tamasa. ǁNās ga Israelǁaes nî sâuhes ǃoa hui, o ta ge ǁîb ǂaiǃnāb tsîna a ǁoa ǁkhā.
25-26 [8-9] “Nēsi ǃKhū, Elo tsî Gao-aots, Abrahammi Elotse, sa ǁaesa ǀkhom, î sida khākhoena xu ore da. ǁÎn ge hugaǀgui sa khoena hîkākāsa ra ǀapeǀape. Gaxu ǁae-i ǃkharu hâsets ge sida sa ǁaese ǁhûi tsî Egipteba xu ge huiǂui. Tā nēsi aoxū da re. 27 [10] Sida ge sa ǁhûiǂuisa ǁae xuige ti ǀgoresa ǁnâu-am î ǀkhomxa da. Sida di tsūǃgâba ǃgâiǃgâb ǃnâ daba, î da ûi tsî koatsanade ǁnaeba tsi. ǁŌba xu sâu da, î da ǃaruǀîǀgui koa tsi.”
28 [11] Hoaraga Israelǁaes ge ǁōn nî ǃkhaisan ge mû xui-ao ǃgarise ge ǀgore.
Esters di ǀgores
29 [12] Gao-aos Esters tsîn ge ǁkhāti kai ǃaob ǃnâ huib ǃaroma ǃKhūb ǃoa ge ǁhaiǁhâ. 30 [13] ǁÎs ge ǁîs ǂkhai ra ǂamsarana ǂgaeǂui tsî ǃoab tsî tsûaǂgaob sarana ge ana. ǃGomǀgausa ǃgâihamxūn ǃās ǃnâs ge ǁîs danas ai tsaoba tsoro tsî ǂhauba ge ǂkhau. ǁÎs ge dī ǁkhās a xūn hoana, ǁîs sorosi anusasiba hîkākās ǃaroma ge dī. ǁÎs ge ǁîs ǃkhaera tsî ǀkhabuǃnâhe tama ǀûga, ǃaos tsî ǃhōra kōse ge ǀhara kai hâ i. 31 [14] ǁÎs ge ǃKhūb, Israelǁîn di Elob ǃoa ge ǀgore: “Ti ǃKhū, sida gao-aotse sats ǀguits ge a Elo. Tita ge a ǀguriǃgâ tsî ta ge ǀnî khoe-i ose sats ǀguitsa ǁhaiǁhâǀî ta nîse ūhâ xuige hui te re! 32 [15] Ti ûib ge ǃaorosasib hâ. 33 [16] ǃNae ta gesa xu ta ge ti ǀaokhoena xu ge ǁnâu, sats ǃKhūts ge Israelǁaesa hoaraga ǃhaode xu tsî sida îga ǁîgu aboxaga xu ǀamo ǀumis ǃoa ǁhûiǂuisa. Tsîts ge mîmâits gen hoana ǁîna dība ǃkhaisa.
34 [17] “Xawe da ge sida sats ǃoagu ge ǁore. Sats ge ǁîn di elona da ra ǀgoreǀî xui-ao, khākhoen ǃomǁae ge māǁnâ da. 35 [18] ǃKhūtse, sida ge sa ǁkharaba anu hâ. 36 [19] Xawen ge sida khākhoena khobosis ǃnâ ǀgui mû das ǀkha ǃaruǀî ǂkhî tama hâ. ǁÎn ge ǁgôa-elon ân aiǃâ nūs ǀkha ge mîmâi, 37 [20] satsa ra koa khoena hîkākās ǀguis osen ǁkhāti sa ǂhanuba dībē tsî sa ommi tsî altars tsîra di ǂkhaisib tsîna nî hîǀhuru ǃkhaisa. 38 [21] ǁÎn ge hoaraga ǃhūbaib harebeoǃnâ ǁgôa-elona ǀgoreǀî tsî ǀamose ǃhūbaisi gao-aoga nî ǃaoǃgâ ǃkhaisa ǂhâba hâ.
39 [22] “ǃKhūtse, tā sa ǀkharuba nē xū tama elon ǃaroma māǁnâ; Sida ǁnāsan nî âiǂuis tsîna tā mā-am. Xawe ǁîn ǀapedi sida ǃoagu hâde ǁîn ǃoagu daba, î aiǁgausa ǁnā-i hîa ge nēsa sida ǃoagu tsoatsoa-i ǀkha dī.
40 [23] “ǂÂis ǃnâ ūhâ da re, ǃKhūtse. Nē ǃgomsib di ǁaeb ǃnâ sida ǃoa hā re. Hoa elon di Gao-ao tsî ǃhūbaisi ǀgaigu di ǂGaeǂgui-aotse, ǁkhoaǂgaoxa kai te re. 41 [24] ǁNā ǁaixa xammi, Artaxerxeb ǀkha ta nî ǃhoase ta ga ǂgâ, o gowadanū ta nî mîde mā te re. ǁÎb ǂgaoba Hamanni, sida khākhoeb ǃoagub nî dawasense ǀkharaǀkhara, î ǁîb tsî ǁîb di ǃkhō-amaona hîkākā. 42 [25] ǃKhūtse huiǂui da re. Hui te re, ǃKhūtse. Tita ge a ǀguriǃgâ tsî ta ge ǀnî khoe-i ose sats ǀguitsa ǁhaiǁhâǀî ta nîse ūhâ.
43 [26] “Sats ge hoana a ǂan, ǃKhūtse. Sats ge nē Jodeǁî tamana xu ta ra ǃkhōǃoa ǃgôasiba ta ǃhuisa ǃkhaisa a ǂan. Tita ge ǁnā ǂâis, ǃgaosa tama ǀūbegu ǀkha ǁgoes dis tsîna ǁkhan hâ. 44 [27] ǃKhūtse, sats ge tita ti sîsenna ǃhuisa ǃkhaisa ǂan. Tita ge gao-aosi krons, ǂhanuǁî ǃkhain ai ta ra ǀgapasa a ǃhuisa. Tita ge tātsē ǁîsa ǂhâbasa tama i ka i, o ǀgapa tama hâ. Tita ge ǁîsa ǂoa go ǁkhâb di ǀaesenni hâ-ai ǀurisa lapi-i khami a ǃhuisa. 45 [28] Tita ge Hamanni tāb tawa ǂû tamas ka io gao-aob di ǁâudīgu tawa ǁîb ǃgôasib ǃoa ǁhaos tsî ǁîn elon ǃaroma mâiǂuihe hâ ǂauxûi-e ās tsîna ǂgao tama hâ. 46 [29] Hūs xū-i hîa ge ǃgâiaǂgaoba hā-ūba te-i ge satsa ǀgoreǀîsa, ǃKhū, Abrahammi di Elotse.
47 [30] “Hoaǀgaixa Elotse, sa khoeda ǀgoresa ǁnâu re. Nē ǂkhaba khoena xu huiǂui da, î ti ǃaoba ūbēba te re.”
