1 ǁŌ hâ ǀgînan ra ǃgâihamxū-e ǀō kais ǁkhās khamib ge
ǂkhari gâsiba gā-aisib tsî ǂkhaisiba a īǂam ǁkhā.
2 Gā-ai khoe-i di ǂgaob ge amǀkhāb ai hâ,
xawe gâ khoe-i dib ge ǁareǀkhāb ai hâ.
3 Gâ khoe-i ga ǃganni ǃnâ ǃgû
xawes ge ǁî-i a gâre ǃkhaisa a ǃgāsa,
tsî-i ge mâ khoe-i hoa-e mâtikōse i a gâre ǃkhaisa ra ǂan kai.
4 Sa ǂgaeǂgui-ao-i ga sa ǃoagu ǁaixao,
tā hâǃnâts a mâsi-i tamas ka io ǃkhai-e xu ǃgûbē.
Sa sâsase hâs ǁî-i di ǁaiba a ǃgamǃgam ǁkhā xuige.
5 ǂKhabab ǃhūbaib ai hâb,
ǂgaeǂgui-ao-i di tsūdība xu hâ khami ība ta ge ge mû.
6 Gâ khoena ǀgapi ǃharodi ǀgaib didi ǃnâ mâihe
tsîn ge ǃkhū hâ khoena ǃnakab ǃharode ra māhe.
7 Tita ge khobon, hāgu ai ra ǃgapin
tsî gaoǀgôan hîa khobon khami ǃhūb ai ra ǃgûna ge mû.
8 Tsau-e ga khao-i ge ǁî-i ǃnâ nîra ǁnā
tsî ǁnā-i hîa ǂnubiǂgoa-e ga khôaǃkhopa-i ge ǀao-i xa nîra nâhe.
9 ǀUina ra ǀhaoǀhao-i ge ǁîn xa ra tsûtsûhe;
ǀaena ra ǁhā-i ge ǁîn xa nî tsûtsûhe.
10 Sîsenūhe ra ǃōs ga
khoe-i xas ǀāǀāhe tama xui-ao a ǂubu,
ots ge ǃnāsa ǀgaiba nî sîsenū,
xawe gā-aisib ge khoe-e ra aiǃgû kai.
11 Mâtits nî ǀaoba ǂauǂau ǃkhaisa ǂans ge hui tama,
ǀaob nî ǂguro nâ tsi ǃkhaisats ga mā-amo.
12 Gā-ain ra mî xūn ge ǁîna ǃgôasiba ra hā-ūba,
xawe di ge gâ khoe-i di mîde ǁî-e ra hapu.
13 ǁÎn di ǃhoatsoatsoas ge a gâ,
tsîs ge ǃhoaǀûs âna a ǂkhaba.
14 Gâ khoe-i ge ǂgui ǃhoaxūna ūhâ.
Khoe-i xare-i ge tare-i nîra ī ǃkhaisa a ǀū.
Tari-e tare-i nî sada ga ǁōs khaoǃgâ ī ǃkhaisa a mî ǁkhā?
15 Sîsenni ge gâ khoe-e ra tsau kai,
î-i tā ǃās ǃoa i nî ǁaru ǀgaus tsîna ǂan.
16 ǃHūb ge kai ǃgomsib ǃnâ hâ, ǁîb di ǂgaeǂgui-ao-i ga a ǂkham
tsîn ga ǁîb di ǂgaeǂgui-aona hoaraga tsuxuba ǂûǂkhaio.
17 Xawe ǁî-i di ǂhunuma mîǁguiga ra ū gao-i tsî mîǁguisa,
ǂhanu ǁaegu ai ǂû,
ǃkhō-oasen tsî ǀhoro tama ǂgaeǂgui-aon xa ra ǂgaeǂguihe ǃhū-i ge a ǃgâiǃgâ.
18 Khoe-i ga oms â-i ǂamǃnâba dī-unus ǃaroma kaise a ǀopesa,
os ge omsa nî ǂnâ tsîb ge oms ǂamǃnâba nî ǁnāǂgâ.
19 ǃGâi ǂû-i ge khoe-e ra ǃgâiaǂgao kai,
tsî ǂauxûi-i ge khoe-e ra ǃgâiǃgâisen kai,
xawes ge marisa a hoaraga xūn di ǃeream.
20 Tā ǂâis ǀkha ǀguis ka xawe gao-aoba ǀâxare
tsî sa ǃnā-omdi ǃnâ ǃkhū hâ-e ǃharaxū.
ǀHommi di ani-i sa domma nî tani
tamas ka io i nî ǁgaboxa ǀguru-e nē ǂhôasa nî ǃhoa xuige.
1 ǁŌ hâ ǀgînan ra ǃgâihamxū-e ǀō kais ǁkhās khamib ge
ǂkhari gâsiba gā-aisib tsî ǂkhaisiba a īǂam ǁkhā.
2 Gā-ai khoe-i di ǂgaob ge amǀkhāb ai hâ,
xawe gâ khoe-i dib ge ǁareǀkhāb ai hâ.
3 Gâ khoe-i ga ǃganni ǃnâ ǃgû
xawes ge ǁî-i a gâre ǃkhaisa a ǃgāsa,
tsî-i ge mâ khoe-i hoa-e mâtikōse i a gâre ǃkhaisa ra ǂan kai.
4 Sa ǂgaeǂgui-ao-i ga sa ǃoagu ǁaixao,
tā hâǃnâts a mâsi-i tamas ka io ǃkhai-e xu ǃgûbē.
Sa sâsase hâs ǁî-i di ǁaiba a ǃgamǃgam ǁkhā xuige.
5 ǂKhabab ǃhūbaib ai hâb,
ǂgaeǂgui-ao-i di tsūdība xu hâ khami ība ta ge ge mû.
6 Gâ khoena ǀgapi ǃharodi ǀgaib didi ǃnâ mâihe
tsîn ge ǃkhū hâ khoena ǃnakab ǃharode ra māhe.
7 Tita ge khobon, hāgu ai ra ǃgapin
tsî gaoǀgôan hîa khobon khami ǃhūb ai ra ǃgûna ge mû.
8 Tsau-e ga khao-i ge ǁî-i ǃnâ nîra ǁnā
tsî ǁnā-i hîa ǂnubiǂgoa-e ga khôaǃkhopa-i ge ǀao-i xa nîra nâhe.
9 ǀUina ra ǀhaoǀhao-i ge ǁîn xa ra tsûtsûhe;
ǀaena ra ǁhā-i ge ǁîn xa nî tsûtsûhe.
10 Sîsenūhe ra ǃōs ga
khoe-i xas ǀāǀāhe tama xui-ao a ǂubu,
ots ge ǃnāsa ǀgaiba nî sîsenū,
xawe gā-aisib ge khoe-e ra aiǃgû kai.
11 Mâtits nî ǀaoba ǂauǂau ǃkhaisa ǂans ge hui tama,
ǀaob nî ǂguro nâ tsi ǃkhaisats ga mā-amo.
12 Gā-ain ra mî xūn ge ǁîna ǃgôasiba ra hā-ūba,
xawe di ge gâ khoe-i di mîde ǁî-e ra hapu.
13 ǁÎn di ǃhoatsoatsoas ge a gâ,
tsîs ge ǃhoaǀûs âna a ǂkhaba.
14 Gâ khoe-i ge ǂgui ǃhoaxūna ūhâ.
Khoe-i xare-i ge tare-i nîra ī ǃkhaisa a ǀū.
Tari-e tare-i nî sada ga ǁōs khaoǃgâ ī ǃkhaisa a mî ǁkhā?
15 Sîsenni ge gâ khoe-e ra tsau kai,
î-i tā ǃās ǃoa i nî ǁaru ǀgaus tsîna ǂan.
16 ǃHūb ge kai ǃgomsib ǃnâ hâ, ǁîb di ǂgaeǂgui-ao-i ga a ǂkham
tsîn ga ǁîb di ǂgaeǂgui-aona hoaraga tsuxuba ǂûǂkhaio.
17 Xawe ǁî-i di ǂhunuma mîǁguiga ra ū gao-i tsî mîǁguisa,
ǂhanu ǁaegu ai ǂû,
ǃkhō-oasen tsî ǀhoro tama ǂgaeǂgui-aon xa ra ǂgaeǂguihe ǃhū-i ge a ǃgâiǃgâ.
18 Khoe-i ga oms â-i ǂamǃnâba dī-unus ǃaroma kaise a ǀopesa,
os ge omsa nî ǂnâ tsîb ge oms ǂamǃnâba nî ǁnāǂgâ.
19 ǃGâi ǂû-i ge khoe-e ra ǃgâiaǂgao kai,
tsî ǂauxûi-i ge khoe-e ra ǃgâiǃgâisen kai,
xawes ge marisa a hoaraga xūn di ǃeream.
20 Tā ǂâis ǀkha ǀguis ka xawe gao-aoba ǀâxare
tsî sa ǃnā-omdi ǃnâ ǃkhū hâ-e ǃharaxū.
ǀHommi di ani-i sa domma nî tani
tamas ka io i nî ǁgaboxa ǀguru-e nē ǂhôasa nî ǃhoa xuige.
