ǃGaeǀhaos Moab ǃnâ
1 Nēdi ge mîdi ǃKhūb ge Moseba mîmā ǃgaeǀhaos Israelǁaes ǀkhab nî Moabǃhūb ǃnâ dīs dide, Sinaiǃhommi aib ge dī hâ i ǃgaeǀhaos xōǀkhā.
2 Moseb ge hoaraga Israelǁîna ǂgaiǀkhī tsî ǁîn ǃoa ge mî: “Aitsama du ge hoado ge mû, tarenab ǃKhūba Egipteb ǃnâ Faraob, ǁîb di ǂamkhoegu tsî hoaraga ǃhūb ǀkha ge dīsa. 3 Sadu ge aitsama kai ǁkhōǁkhōsa tsûtsû-aidi, ǁgauǁgaudi tsî buruxa dīn ǃKhūb ge dīn hoana ge mû. 4 Xawe nētsēs kōseb ge ǁîba ǁnâuǃā kai du, tamas ka io mû kai du, tamas ka io ǁnâu kai du tama ge i. 5 Hakadisi kurigab ge ǃKhūba ǃgaroǃhūb ǃnâ ge ǂgaeǂgui du, xawen ge sadu sorodi ai hâ saran tamas ka io sadu ǂaidi ai hâ ǀkhapudi tsîna ǀoro tama ge i. 6 Pere-i, ǂauxûi-i tamas ka io du ge ǀgaisa āxū-e ǂû tsî ā tama ge hâ i, î du ǂanǁapo ǁkhā tita ǃKhūta a sadu Elo ǃkhaisa. 7 Nē ǃkhais tawa da ge hā, o kha ge Hesbons di gao-aob, Sihonni tsî Basans di gao-aob Ogi tsîkha sada ǃoagu kha nî ǃkhamse ge hā, xawe da ge ǁîkha ge ǃkhamdan. 8 ǁÎkha di ǃhūba ǁkhâuǁnâ tsî da ge ǁîba ǀumis ase Rubenni ǃhaos, Gadi ǃhaos tsî ǃkhare ǃhaos Manaseb dis tsîde ge mā. 9 ǁNā-amaga, ǃgaoǃgâxase nē ǃgaeǀhaos di mîde ǃkhōǀgaipe, î du dī du ra xūn hoan ǃnâ ǃgâiǃgâxa.
10 “Nētsē du ge hoatsama ǃKhūb sadu Elob aiǃâ ǀhaomâ; ǂgaeǂgui-aogu, ǂamkhoegu, aorekhoegu, 11 sago ôan, sago taradi tsî ǃhaokhoen sadu ǁaegu ǁan hân sadu ǀaena gere ǁhān tsî ǁgam-e gere xuriba dun tsîdu hoado. 12 Nētsē du ge ǃKhūb sadu Elob ge dī ǃgaeǀhaosa nūs ǀkha ǃkhōǃoa tsî ǁîsa nî ǁnâuǀnam, 13 îb ǁîba nētsē sado ǁîb di ǁaese ǃkhōǃgâ tsî ǁîba sadu Elo kai ǁîb ge sadu tsî sadu aboxagu Abrahammi, Isaki tsî Jakob hâga mîmâiba hâ i khami. 14 Nē ǃgaeǀhaos tsî ǁîs di ǁgui-aidi tsîna ta ge nētsē nūs ase sadu hîa nēpa mâdu ǀguidu ǀkha dī tama, 15 xaweb ge ǃKhūba sada nētsē nēpa ǁîb aiǃâ mâda hoada tsî ǃnae nîse i surib ǀkha ǁîsa ge dī.
16 “ǂAn du ge a Egipteb ǃnâ da ge tarena ǃkharuǃnâs tsî mâti da ge ǃkharagaǃnâgu ǃhaodi ǀkhariga-u a ǃgûǃkharusa. 17 ǁÎn di ui-uisa elogu, hain tsî ǀuin, ǀhaiǀurib tsî ǃhuniǀurib tsîna xu a kurusana du ge ge mû. 18 ǂAnbasen î-i tā nētsē nēpa mâ khoeb, khoes, omaris tamas ka io ǁaesa ǃKhūb sada Eloba xu dabasen tsî ǁnā ǃhaodi eloga sī ǀgoreǀî. Nēs ge hais di ǃnomab hîa au tsî ǃgāxase sadu ǁaegu ra ǀomkhâib khami nî ī. 19 Sao ra mîmâisa ǁnâu tsî ga ǁnās xa ǃgâibahe tsî ǂgaogu ân ǃnâ nēti ǂâi khoen hoan ge ‘Sida karokarosens ǀkha da ga aiǃgû, xawe da ge a ǃnorasa’ ti mî tsî ǁî-aitsama ǃgomǃgombasen tsî ǀkhurub ǀkha nî hîkākāsen. 20 ǃKhūb ge ǁîna ǀûba tide, tsî ǁîb di ǀaeb ge ǁîn ǃoagu nî ǁhabu. Nē ǂkhanis ǃnâ xoahe hâ tsûtsû-ain hoan ge ǁîn ai nî ǁgôaxa tsîb ge ǃKhūba ǁîn di ǀondi hoade ǁîn hoan nî ǁōtoas kōse ǀhommi ǃnakaba xu nî ǀariǂui. 21 ǃKhūb ge ǁîna nau ǁaedi hoade xu nî ǀgora, ǃgaeǀhaos ǃnâ xoasa ǀâxaregu hoagu sado nî hîkākās kōse.
22 “Sao ra surib, sadu ǀgôan sadu khaoǃgâ nî kaikhâin tsî ǃhaokhoen, ǃnū ǃhūba xu nî hān ge ǃKhūb ge sadu ǃhūba hîkākā ǀgaus tsî mâtib ge ǁîba ǁkhōǁkhōsase ûi-ū du ǀgausa nî mû. 23 ǃHūb hoaragab ge sulfuri tsî ǂōb tsîn xa ge hapuhe. Khoe-i xare-i ge ǃhana-e ǂgā tama ge hâ i, xū-i xare-i ge ǁhao tama hâ i tamas ka io i ge ǃam ǁhao-i xare-i tsîna ge ǂoaxa tama hâ i. ǃKhūb ge Sodoms tsî Gomoras, Admas tsî Seboims tsîde ǁîb khau ra ǁaib ǀkha hîkākā khamib ge ǁîn ǃhūba ge dī-ū. 24 Hoaraga ǁaedi ge nî dî: ‘Tare-i ǃaromab ǃKhūba ǁîn ǃhūba nēti ge hîkākā? Tare-e ǃKhūb di ǁaiba nēti ge ǁgoaǂui-e?’ 25 Os ge ǃereamsa nēti ra sao: ‘ǁÎn ge ǃKhūb ǁîn di aboxagu di Elob ge ǁîn ǀkha Egipteba xun ge doeǂoaxa, o dī ǃgaeǀhaosa khôa xui-aos ge. 26 ǁÎn ge dabasen tsî ǀkhara eloga ge ǃoaba, elogu hîan ge tātsē ǂan tama hâ igu, ǃKhūb ge ǁîga ǃoabasa mā-am tama hâ iga. 27 ǁNā-amagab ge ǃKhūb di ǁaiba ǁîn ǃhūb ǃoagu ǁkhôasase, nē ǂkhanis ǃnâ a xoasa ǀâxare-i hoa-e gere hā-ū. 28 ǃKhūb ge ǁaib tsî ǀarab, tsî kai ǁaib âb ǃnâ-u ǁîn ǃhūba xu ǁîna ǃhomǂui tsî ǀkhara ǃhūb ǃnâ ge aoǂgā, nētsē ǁkhāti ī khami.’
29 “Sâusa xūn ge a ǃKhūb sada Elob di, xawe ǁnān ǂhaiǂhaihe hân ge ǀamos kōse a sada tsî sada ôan tsîn di, î da hoaǁae mîmāde ǁnâuǀnam.
ǃGaeǀhaos Moab ǃnâ
1 Nēdi ge mîdi ǃKhūb ge Moseba mîmā ǃgaeǀhaos Israelǁaes ǀkhab nî Moabǃhūb ǃnâ dīs dide, Sinaiǃhommi aib ge dī hâ i ǃgaeǀhaos xōǀkhā.
2 Moseb ge hoaraga Israelǁîna ǂgaiǀkhī tsî ǁîn ǃoa ge mî: “Aitsama du ge hoado ge mû, tarenab ǃKhūba Egipteb ǃnâ Faraob, ǁîb di ǂamkhoegu tsî hoaraga ǃhūb ǀkha ge dīsa. 3 Sadu ge aitsama kai ǁkhōǁkhōsa tsûtsû-aidi, ǁgauǁgaudi tsî buruxa dīn ǃKhūb ge dīn hoana ge mû. 4 Xawe nētsēs kōseb ge ǁîba ǁnâuǃā kai du, tamas ka io mû kai du, tamas ka io ǁnâu kai du tama ge i. 5 Hakadisi kurigab ge ǃKhūba ǃgaroǃhūb ǃnâ ge ǂgaeǂgui du, xawen ge sadu sorodi ai hâ saran tamas ka io sadu ǂaidi ai hâ ǀkhapudi tsîna ǀoro tama ge i. 6 Pere-i, ǂauxûi-i tamas ka io du ge ǀgaisa āxū-e ǂû tsî ā tama ge hâ i, î du ǂanǁapo ǁkhā tita ǃKhūta a sadu Elo ǃkhaisa. 7 Nē ǃkhais tawa da ge hā, o kha ge Hesbons di gao-aob, Sihonni tsî Basans di gao-aob Ogi tsîkha sada ǃoagu kha nî ǃkhamse ge hā, xawe da ge ǁîkha ge ǃkhamdan. 8 ǁÎkha di ǃhūba ǁkhâuǁnâ tsî da ge ǁîba ǀumis ase Rubenni ǃhaos, Gadi ǃhaos tsî ǃkhare ǃhaos Manaseb dis tsîde ge mā. 9 ǁNā-amaga, ǃgaoǃgâxase nē ǃgaeǀhaos di mîde ǃkhōǀgaipe, î du dī du ra xūn hoan ǃnâ ǃgâiǃgâxa.
10 “Nētsē du ge hoatsama ǃKhūb sadu Elob aiǃâ ǀhaomâ; ǂgaeǂgui-aogu, ǂamkhoegu, aorekhoegu, 11 sago ôan, sago taradi tsî ǃhaokhoen sadu ǁaegu ǁan hân sadu ǀaena gere ǁhān tsî ǁgam-e gere xuriba dun tsîdu hoado. 12 Nētsē du ge ǃKhūb sadu Elob ge dī ǃgaeǀhaosa nūs ǀkha ǃkhōǃoa tsî ǁîsa nî ǁnâuǀnam, 13 îb ǁîba nētsē sado ǁîb di ǁaese ǃkhōǃgâ tsî ǁîba sadu Elo kai ǁîb ge sadu tsî sadu aboxagu Abrahammi, Isaki tsî Jakob hâga mîmâiba hâ i khami. 14 Nē ǃgaeǀhaos tsî ǁîs di ǁgui-aidi tsîna ta ge nētsē nūs ase sadu hîa nēpa mâdu ǀguidu ǀkha dī tama, 15 xaweb ge ǃKhūba sada nētsē nēpa ǁîb aiǃâ mâda hoada tsî ǃnae nîse i surib ǀkha ǁîsa ge dī.
16 “ǂAn du ge a Egipteb ǃnâ da ge tarena ǃkharuǃnâs tsî mâti da ge ǃkharagaǃnâgu ǃhaodi ǀkhariga-u a ǃgûǃkharusa. 17 ǁÎn di ui-uisa elogu, hain tsî ǀuin, ǀhaiǀurib tsî ǃhuniǀurib tsîna xu a kurusana du ge ge mû. 18 ǂAnbasen î-i tā nētsē nēpa mâ khoeb, khoes, omaris tamas ka io ǁaesa ǃKhūb sada Eloba xu dabasen tsî ǁnā ǃhaodi eloga sī ǀgoreǀî. Nēs ge hais di ǃnomab hîa au tsî ǃgāxase sadu ǁaegu ra ǀomkhâib khami nî ī. 19 Sao ra mîmâisa ǁnâu tsî ga ǁnās xa ǃgâibahe tsî ǂgaogu ân ǃnâ nēti ǂâi khoen hoan ge ‘Sida karokarosens ǀkha da ga aiǃgû, xawe da ge a ǃnorasa’ ti mî tsî ǁî-aitsama ǃgomǃgombasen tsî ǀkhurub ǀkha nî hîkākāsen. 20 ǃKhūb ge ǁîna ǀûba tide, tsî ǁîb di ǀaeb ge ǁîn ǃoagu nî ǁhabu. Nē ǂkhanis ǃnâ xoahe hâ tsûtsû-ain hoan ge ǁîn ai nî ǁgôaxa tsîb ge ǃKhūba ǁîn di ǀondi hoade ǁîn hoan nî ǁōtoas kōse ǀhommi ǃnakaba xu nî ǀariǂui. 21 ǃKhūb ge ǁîna nau ǁaedi hoade xu nî ǀgora, ǃgaeǀhaos ǃnâ xoasa ǀâxaregu hoagu sado nî hîkākās kōse.
22 “Sao ra surib, sadu ǀgôan sadu khaoǃgâ nî kaikhâin tsî ǃhaokhoen, ǃnū ǃhūba xu nî hān ge ǃKhūb ge sadu ǃhūba hîkākā ǀgaus tsî mâtib ge ǁîba ǁkhōǁkhōsase ûi-ū du ǀgausa nî mû. 23 ǃHūb hoaragab ge sulfuri tsî ǂōb tsîn xa ge hapuhe. Khoe-i xare-i ge ǃhana-e ǂgā tama ge hâ i, xū-i xare-i ge ǁhao tama hâ i tamas ka io i ge ǃam ǁhao-i xare-i tsîna ge ǂoaxa tama hâ i. ǃKhūb ge Sodoms tsî Gomoras, Admas tsî Seboims tsîde ǁîb khau ra ǁaib ǀkha hîkākā khamib ge ǁîn ǃhūba ge dī-ū. 24 Hoaraga ǁaedi ge nî dî: ‘Tare-i ǃaromab ǃKhūba ǁîn ǃhūba nēti ge hîkākā? Tare-e ǃKhūb di ǁaiba nēti ge ǁgoaǂui-e?’ 25 Os ge ǃereamsa nēti ra sao: ‘ǁÎn ge ǃKhūb ǁîn di aboxagu di Elob ge ǁîn ǀkha Egipteba xun ge doeǂoaxa, o dī ǃgaeǀhaosa khôa xui-aos ge. 26 ǁÎn ge dabasen tsî ǀkhara eloga ge ǃoaba, elogu hîan ge tātsē ǂan tama hâ igu, ǃKhūb ge ǁîga ǃoabasa mā-am tama hâ iga. 27 ǁNā-amagab ge ǃKhūb di ǁaiba ǁîn ǃhūb ǃoagu ǁkhôasase, nē ǂkhanis ǃnâ a xoasa ǀâxare-i hoa-e gere hā-ū. 28 ǃKhūb ge ǁaib tsî ǀarab, tsî kai ǁaib âb ǃnâ-u ǁîn ǃhūba xu ǁîna ǃhomǂui tsî ǀkhara ǃhūb ǃnâ ge aoǂgā, nētsē ǁkhāti ī khami.’
29 “Sâusa xūn ge a ǃKhūb sada Elob di, xawe ǁnān ǂhaiǂhaihe hân ge ǀamos kōse a sada tsî sada ôan tsîn di, î da hoaǁae mîmāde ǁnâuǀnam.
