ǃKhūb ǁaesa xu ǁaraǂuihes
1 “Khoeb hîa ǂkhū hâ ǃupura ūhâb tamas ka io aorekhoesoros âba ǃgaoǁnâhe hâb ge ǃKhūb ǁaes di ǀguib ase ǃgôahe tide.
2 “Khoe-i hîa ǃgamegu tama ǁgûra xu ǃnae hâ i, tamas ka io ǁnāti ī khoe-i disiǁî ôananôagub kōse hâ-i hoa-i ge ǃKhūb ǁaes di ǀgui-i ase ǃgôahe tide.
3 “Amonǁî-i tamas ka io Moabǁî-i, nēsi i ga disiǁî ôananôagub kōse hâ xawe i ge ǀamos kōse ǃKhūb ǁaes di ǀgui-i ase ǃgôahe tide. 4 Egipteba xu du ge ǂoaxa, on ge ǁîna sado ǂû-i tsî ǁgam-i tsîna ge ǀgî, tsîn ge ǁkhāti ǁîna Beori ôab Bileammi, Petors hîa Mesopotamiaǀkharib ǃnâ ǁgoes diba ge ǁamaǃkhuni, îb sida ǀâxare. 5 Xaweb ge ǃKhūb sadu Eloba Bileamma ǃgâ ǂgao tama i tsî sadob a ǀnam amaga, ǀâxareba ǀkhaeb ǃnâ ge ǀkharaǀkhara. 6 Tā ûi du hâs kōse Amonǁîn tsî Moabǁîn tsîn ǀkha ǂkhîb ǃnâ tamas ka io ǁîn di aiǃgûs ǃaroma xū-i xare-e dī.
7 “Tā Edomǁîna ǃharaxū, ǁîn a sadu ǃgâsa xuige. Tā ǁkhāti Egipteǁî-e ǃharaxū, sadu tsîn ge ǁîn ǃhūb ǃnâ ǃhaokhoese hâ i xuige. 8 ǃNonaǁî ôananôaguba xun ge ǁîn di suriba ǃKhūb di ǁaes ase nî ǃgôahe.
Toroǃkhamaogu hâǃkhaiba ǃanuse ūhâs
9 “Torob di ǁaeb aits ga hâǃkhaib tawa hâ, ots ge ǃanuoǃnâ kai tsi ǁkhā xū-i hoa-e xu nî ūbēsen. 10 Khoeb ga tsuxub ǃnâ ǁommi hâ hîa ǀâ kai bi nî ǁhaposa ūhâ, ob ge ǁîba hâǃkhaib ǃauga ǂoa tsî ǁnāpa nî hâ. 11 ǃOes ra ǀgū khamib ge ǁîba ǁāsen tsî sores ga ǂgâ ǁaeb ai ǁkhawa hâǃkhaib ǁga oaǀkhī ǁkhā.
12 “Hâǃkhaib ǃaugats ge ǃkhai-e nî ôaǂui, ǃgaroǃgûs ǃaroma nî sîsenūhe-e. 13 Āsats nî khao-ū haiba ǃgaroǃgûts kao ūsao, îts ās ǃnâts ga ǃgaroǂnûtoa, o ǁnās khaoǃgâ ǁhanǂgan. 14 Sago hâǃkhaiba ǃanuse ūhâ, ǃKhūb sago Elob ǁnāpa sago ǀkha hâ tsî sago khākhoen ǂama nî dan kai go xuige. Tā ǃKhūba nî ǁîb ǁâba sago ai dawa kai xū-e dī.
ǃKharagagu ǂhanumādi
15 “Tā khobo-i hîa ǁî-i ǀhonkhoe-e xu ǃkhoe tsî sa tawa ga ǀkhī-e, ǁî-i ǀhonkhoe-i ǃoa sî-oa. 16 ǁNā khobo-i ge sadu tawa, ǁî-i ra ǂgao ǃās hoas ǃnâ a ǁan ǁkhā, xawe ǁî-e ǁkhāti tā ǁgaise ûi-ū.
17 “Tā ǀai-ao-e, nēsi i ga aores tamas ka io tare xawe Tempeli tawa ūhâ. 18 Nēti ī ǀgaub ai ra hōǂgāhe mari-i ge ǃKhūb sadu Elob ge mîmâibahe ǁguibas ǃaroma ǁguibahe tide. ǃKhūb mûǁaen ge Tempeli ǀai-aona a ui-uisa.
19 “Mari-i tamas ka io ǂû-i tamas ka iots ga tare-i ǀgui-e sa ǃgâsa Israelǁî-e ǀkhupi, o tā sâuhōǂgāmarisa ǁî-e matare kai. 20 Sâuhōǂgāmarisats ge ǃhaokhoe-ets ra ǀkhupi xū-i ai a ǀaro ǁkhā, xawets ge sa ǃgâsa Israelǁî-e sâuhōǂgāmarisa ǁgui-ai tide. Nē ǁgarabats ga ǁnâuǀnam, ob ge ǃKhūb sadu Eloba ǁnā ǃhūb hîa du nî ūbasense ib ǃnâ du nî dī xū-i hoa-e nî ǀkhae.
21 “ǃKhūb sadu Eloba du ga xū-e mîmâiba, o tā ǁnāsa dīǀoaǀoasa tama i; ǃKhūb nî ǂgaoǀkhā tsi, tsî ǁnāsa dī tama is ǀkhats ra ǁore xuige. 22 ǃKhūbats ga xū-e mîmâiba tama i, o-i ge ǁore tama hâ, 23 xawets ga ǁgarihe tamase ǁîba mîmâiba, ots ge nî ǂan ǁnāsats nî dīǀoaǀoa ǃkhaisa.
24 “Sa ǃgâsa Israelǁî-i di draibeǃhanab ǃnâts ga ǂgâ, ots ge ǁâts nîs kōse ǀgui a ǂû ǁkhā, xawets ge xū-i xare-e ǂgāsao tide. 25 Sa ǃgâsa Israelǁî-i di ǃhoroǃhanab ǃnâ-uts ga ǃkharu, ots ge tsuruts ra ǃhoroǂû-i hoa-e a ǂû ǁkhā, xawets ge ǃhoroba ǃgaoǁnâ tide.
ǃKhūb ǁaesa xu ǁaraǂuihes
1 “Khoeb hîa ǂkhū hâ ǃupura ūhâb tamas ka io aorekhoesoros âba ǃgaoǁnâhe hâb ge ǃKhūb ǁaes di ǀguib ase ǃgôahe tide.
2 “Khoe-i hîa ǃgamegu tama ǁgûra xu ǃnae hâ i, tamas ka io ǁnāti ī khoe-i disiǁî ôananôagub kōse hâ-i hoa-i ge ǃKhūb ǁaes di ǀgui-i ase ǃgôahe tide.
3 “Amonǁî-i tamas ka io Moabǁî-i, nēsi i ga disiǁî ôananôagub kōse hâ xawe i ge ǀamos kōse ǃKhūb ǁaes di ǀgui-i ase ǃgôahe tide. 4 Egipteba xu du ge ǂoaxa, on ge ǁîna sado ǂû-i tsî ǁgam-i tsîna ge ǀgî, tsîn ge ǁkhāti ǁîna Beori ôab Bileammi, Petors hîa Mesopotamiaǀkharib ǃnâ ǁgoes diba ge ǁamaǃkhuni, îb sida ǀâxare. 5 Xaweb ge ǃKhūb sadu Eloba Bileamma ǃgâ ǂgao tama i tsî sadob a ǀnam amaga, ǀâxareba ǀkhaeb ǃnâ ge ǀkharaǀkhara. 6 Tā ûi du hâs kōse Amonǁîn tsî Moabǁîn tsîn ǀkha ǂkhîb ǃnâ tamas ka io ǁîn di aiǃgûs ǃaroma xū-i xare-e dī.
7 “Tā Edomǁîna ǃharaxū, ǁîn a sadu ǃgâsa xuige. Tā ǁkhāti Egipteǁî-e ǃharaxū, sadu tsîn ge ǁîn ǃhūb ǃnâ ǃhaokhoese hâ i xuige. 8 ǃNonaǁî ôananôaguba xun ge ǁîn di suriba ǃKhūb di ǁaes ase nî ǃgôahe.
Toroǃkhamaogu hâǃkhaiba ǃanuse ūhâs
9 “Torob di ǁaeb aits ga hâǃkhaib tawa hâ, ots ge ǃanuoǃnâ kai tsi ǁkhā xū-i hoa-e xu nî ūbēsen. 10 Khoeb ga tsuxub ǃnâ ǁommi hâ hîa ǀâ kai bi nî ǁhaposa ūhâ, ob ge ǁîba hâǃkhaib ǃauga ǂoa tsî ǁnāpa nî hâ. 11 ǃOes ra ǀgū khamib ge ǁîba ǁāsen tsî sores ga ǂgâ ǁaeb ai ǁkhawa hâǃkhaib ǁga oaǀkhī ǁkhā.
12 “Hâǃkhaib ǃaugats ge ǃkhai-e nî ôaǂui, ǃgaroǃgûs ǃaroma nî sîsenūhe-e. 13 Āsats nî khao-ū haiba ǃgaroǃgûts kao ūsao, îts ās ǃnâts ga ǃgaroǂnûtoa, o ǁnās khaoǃgâ ǁhanǂgan. 14 Sago hâǃkhaiba ǃanuse ūhâ, ǃKhūb sago Elob ǁnāpa sago ǀkha hâ tsî sago khākhoen ǂama nî dan kai go xuige. Tā ǃKhūba nî ǁîb ǁâba sago ai dawa kai xū-e dī.
ǃKharagagu ǂhanumādi
15 “Tā khobo-i hîa ǁî-i ǀhonkhoe-e xu ǃkhoe tsî sa tawa ga ǀkhī-e, ǁî-i ǀhonkhoe-i ǃoa sî-oa. 16 ǁNā khobo-i ge sadu tawa, ǁî-i ra ǂgao ǃās hoas ǃnâ a ǁan ǁkhā, xawe ǁî-e ǁkhāti tā ǁgaise ûi-ū.
17 “Tā ǀai-ao-e, nēsi i ga aores tamas ka io tare xawe Tempeli tawa ūhâ. 18 Nēti ī ǀgaub ai ra hōǂgāhe mari-i ge ǃKhūb sadu Elob ge mîmâibahe ǁguibas ǃaroma ǁguibahe tide. ǃKhūb mûǁaen ge Tempeli ǀai-aona a ui-uisa.
19 “Mari-i tamas ka io ǂû-i tamas ka iots ga tare-i ǀgui-e sa ǃgâsa Israelǁî-e ǀkhupi, o tā sâuhōǂgāmarisa ǁî-e matare kai. 20 Sâuhōǂgāmarisats ge ǃhaokhoe-ets ra ǀkhupi xū-i ai a ǀaro ǁkhā, xawets ge sa ǃgâsa Israelǁî-e sâuhōǂgāmarisa ǁgui-ai tide. Nē ǁgarabats ga ǁnâuǀnam, ob ge ǃKhūb sadu Eloba ǁnā ǃhūb hîa du nî ūbasense ib ǃnâ du nî dī xū-i hoa-e nî ǀkhae.
21 “ǃKhūb sadu Eloba du ga xū-e mîmâiba, o tā ǁnāsa dīǀoaǀoasa tama i; ǃKhūb nî ǂgaoǀkhā tsi, tsî ǁnāsa dī tama is ǀkhats ra ǁore xuige. 22 ǃKhūbats ga xū-e mîmâiba tama i, o-i ge ǁore tama hâ, 23 xawets ga ǁgarihe tamase ǁîba mîmâiba, ots ge nî ǂan ǁnāsats nî dīǀoaǀoa ǃkhaisa.
24 “Sa ǃgâsa Israelǁî-i di draibeǃhanab ǃnâts ga ǂgâ, ots ge ǁâts nîs kōse ǀgui a ǂû ǁkhā, xawets ge xū-i xare-e ǂgāsao tide. 25 Sa ǃgâsa Israelǁî-i di ǃhoroǃhanab ǃnâ-uts ga ǃkharu, ots ge tsuruts ra ǃhoroǂû-i hoa-e a ǂû ǁkhā, xawets ge ǃhoroba ǃgaoǁnâ tide.
