Moseb ge ǁkhawa disi mîmāde ra ǃkhōǃoa
(Eksodus 34:1-10)1 “ǁNā ǁaeb aib ge ǃKhūba tita ǃoa ge mî: ‘ǂGuro ǀuiǂgapakha khami ǀgui ī ǀuikha ǃgaoǂui tsî ǁkhāti ǁîkha ǃaroma haiǂgaesa kuru, î ǃhommi ai ǃapa, îts tita tawa hā. 2 ǁÎkha ai ta ge sats ge khôaǃā ǀuiǂgapakha ai ge mâ i mîdi ǀguide nî xoa, ǁnās khaoǃgâts ge ǁîkha ǂgaes ǃnâ nî ǂgā.’
3 “Tita ge akasiahaisa xu ǂgaesa kuru tsî ǂguro ǀuiǂgapakha khami ǀgui ī ǀuikha ǃgaoǂui tsî ǃhommi ai ge ǃapa-ū. 4 ǃHommi aib ge ǃKhūba sadob ge mā mîdi, ǂguro ǀuiǂgapakha ai ge xoaǂgāsa idi, sadu ge ǀhao hâ i tsēs aib ǁhabu ra ǀaeba xu gere ǃhoa mîmāde ǀuiǂgapakha ai xoaǂgā tsî tita ge mā. 5 Tita ge dabasen tsî ǃhomma xu ge ǁgôa. ǃKhūb ge mîmā te khami ta ge ǀuiǂgapakha, tita ge kuru ǂgaes ǃnâ ge ǂgā; tsîkha ge ǁnā ǁaeba xu ǁnāpa hâ.”
6 (Israelǁîn ge Jakans khoen di tsaude xu Moseras kōse ge doe. Aronni ge ǁnāpa ǁō tsî ǁnāpa ge ǁkhōhe. ǁÎb di ôab Eleasari ge ǁîb di soas ǃnâ ge prister kai. 7 ǁNāpa xun ge ǁîna Gudgodas ǁga ge doe tsî ǃaruǀî Jotbatas, ǁgamxa ǀkharib ǁga. 8 ǃKhūb ge ǀnai Levib ǃhaosa ǃGaeǀhaos ǂGaesan nî tanise, ǃKhūb mûǁaen nî ǁîb ǂûba ǃoaba tsî nētsēs kōse ǁîb ǀons ǃnâ ǀkhaeba gowaǂuise ge ǁgaumâi. 9 ǁNā-amagas ge Levib ǃhaosa ǃgâsa ǃhaodi gere ǀumis ase māhe ǃhūǃâdi ǃnâ ge ǀumi tama hâ i; ǃKhūb sadu Elob ge ǁîna mîmâiba khamin ge Leviǁîna ǃKhūba pristerse ǃoabas di ǀumisa ge māhe.)
10 “ǂGuros khami ta ge hakadisi tsēdi tsî tsuxuga ǃhommi ai ge hâ. ǁKhawab ge ǃKhūba tita ǃgâ tsî sado hîkākā tama ge i. 11 ǁNās khaoǃgâb ge ǃKhūba tita ge mîba, î ta sadu aboxagab ge ǁîba mîmâiba ǃhūba du nî sī ūbasenǀî ǂgaeǂgui du.
ǃKhūba ǃoaba î ǁnâuǀnam
12 “Nēsi ǁnâi, IsraelǁaeseǃKhūb sadu Eloba kha tare-e sado ra ǂgaoǀkhā? ǁÎba ǃaoǃgâ, ǁîb daogu hoagu ǃnâ ǃgû, ǃKhūb sadu Eloba sadu ǂgaob tsî ǀoms hoas ǀkha ǃoaba, 13 î ǁîb di ǂnûiǂgādi tsî mîmādi, nētsē ta sadu ǃgâib ǃaroma ra mîmā dude ǃkhōǀgaipe. 14 Hoan xa ǀgapi ǀhommi, ǃhūbaib tsî ǁîb ǃnâ hâ xūn hoan ge a ǃKhūb sadu Elob di. 15 Xaweb ge ǃKhūba sadu aboxagu tsî ǁîgu surib tsîna nau khoen hoan ǂamai ǀnam tsî nētsēs kōse ǁîn ǀguina ge ǁhûiǂui. 16 ǁNā-amaga nēsisa xu ǃKhūba sadu ǂgaob hoab ǀkha ǁnâuǀnam, î ǃaruǀî tā karokarosen. 17 ǃKhūb sadu Elob ge hoa elogu tsî ǀgaigu ǂamai kai tsî ǁkhāsiba ūhâ tsî ǁnā-amaga nî ǃaoǃgâhe. ǁÎb ge ǀkhāǁhûi tama tsî a ǁamaǃkhunihe ǁoa. 18 ǁÎb ge ǂhanu-aise ǃguniǀgôan tsî ǃoataradi tsîna ra ûi-ū. ǃHaokhoenab ge ǀnam, tsîb ge ǁîna ǂûmā tsî ra ana. 19 ǁNā-amaga ǃhaokhoena ǀnam; sadu tsîn ge Egipteb ǃnâ ǃhaokhoe i xuige. 20 ǃKhūb sadu Eloba du ge nî ǃaoǃgâ; ǁîba ǀgoreǀî tsî ǁîb tawa nî hâǃari. ǁÎb ǀkha du ga mîmâisa dī, o ǁîb di ǀons ǃnâ ǁnāsa dī. 21 ǁÎba koa, ǁîb a sadu Elo xuige; ǁîb ge nē ǀgaisa, buruxa dīgu hoaga sadu mûǁae ge dī. 22 Sadu aboxagu ge Egipteb tawa gu ge sī, o hûdisis ǀguisa ge ī i, xaweb ge ǃKhūb sadu Eloba ǀhommi ǀgamiron kōse ge ǂguiǂgui du.
Moseb ge ǁkhawa disi mîmāde ra ǃkhōǃoa
(Eksodus 34:1-10)1 “ǁNā ǁaeb aib ge ǃKhūba tita ǃoa ge mî: ‘ǂGuro ǀuiǂgapakha khami ǀgui ī ǀuikha ǃgaoǂui tsî ǁkhāti ǁîkha ǃaroma haiǂgaesa kuru, î ǃhommi ai ǃapa, îts tita tawa hā. 2 ǁÎkha ai ta ge sats ge khôaǃā ǀuiǂgapakha ai ge mâ i mîdi ǀguide nî xoa, ǁnās khaoǃgâts ge ǁîkha ǂgaes ǃnâ nî ǂgā.’
3 “Tita ge akasiahaisa xu ǂgaesa kuru tsî ǂguro ǀuiǂgapakha khami ǀgui ī ǀuikha ǃgaoǂui tsî ǃhommi ai ge ǃapa-ū. 4 ǃHommi aib ge ǃKhūba sadob ge mā mîdi, ǂguro ǀuiǂgapakha ai ge xoaǂgāsa idi, sadu ge ǀhao hâ i tsēs aib ǁhabu ra ǀaeba xu gere ǃhoa mîmāde ǀuiǂgapakha ai xoaǂgā tsî tita ge mā. 5 Tita ge dabasen tsî ǃhomma xu ge ǁgôa. ǃKhūb ge mîmā te khami ta ge ǀuiǂgapakha, tita ge kuru ǂgaes ǃnâ ge ǂgā; tsîkha ge ǁnā ǁaeba xu ǁnāpa hâ.”
6 (Israelǁîn ge Jakans khoen di tsaude xu Moseras kōse ge doe. Aronni ge ǁnāpa ǁō tsî ǁnāpa ge ǁkhōhe. ǁÎb di ôab Eleasari ge ǁîb di soas ǃnâ ge prister kai. 7 ǁNāpa xun ge ǁîna Gudgodas ǁga ge doe tsî ǃaruǀî Jotbatas, ǁgamxa ǀkharib ǁga. 8 ǃKhūb ge ǀnai Levib ǃhaosa ǃGaeǀhaos ǂGaesan nî tanise, ǃKhūb mûǁaen nî ǁîb ǂûba ǃoaba tsî nētsēs kōse ǁîb ǀons ǃnâ ǀkhaeba gowaǂuise ge ǁgaumâi. 9 ǁNā-amagas ge Levib ǃhaosa ǃgâsa ǃhaodi gere ǀumis ase māhe ǃhūǃâdi ǃnâ ge ǀumi tama hâ i; ǃKhūb sadu Elob ge ǁîna mîmâiba khamin ge Leviǁîna ǃKhūba pristerse ǃoabas di ǀumisa ge māhe.)
10 “ǂGuros khami ta ge hakadisi tsēdi tsî tsuxuga ǃhommi ai ge hâ. ǁKhawab ge ǃKhūba tita ǃgâ tsî sado hîkākā tama ge i. 11 ǁNās khaoǃgâb ge ǃKhūba tita ge mîba, î ta sadu aboxagab ge ǁîba mîmâiba ǃhūba du nî sī ūbasenǀî ǂgaeǂgui du.
ǃKhūba ǃoaba î ǁnâuǀnam
12 “Nēsi ǁnâi, IsraelǁaeseǃKhūb sadu Eloba kha tare-e sado ra ǂgaoǀkhā? ǁÎba ǃaoǃgâ, ǁîb daogu hoagu ǃnâ ǃgû, ǃKhūb sadu Eloba sadu ǂgaob tsî ǀoms hoas ǀkha ǃoaba, 13 î ǁîb di ǂnûiǂgādi tsî mîmādi, nētsē ta sadu ǃgâib ǃaroma ra mîmā dude ǃkhōǀgaipe. 14 Hoan xa ǀgapi ǀhommi, ǃhūbaib tsî ǁîb ǃnâ hâ xūn hoan ge a ǃKhūb sadu Elob di. 15 Xaweb ge ǃKhūba sadu aboxagu tsî ǁîgu surib tsîna nau khoen hoan ǂamai ǀnam tsî nētsēs kōse ǁîn ǀguina ge ǁhûiǂui. 16 ǁNā-amaga nēsisa xu ǃKhūba sadu ǂgaob hoab ǀkha ǁnâuǀnam, î ǃaruǀî tā karokarosen. 17 ǃKhūb sadu Elob ge hoa elogu tsî ǀgaigu ǂamai kai tsî ǁkhāsiba ūhâ tsî ǁnā-amaga nî ǃaoǃgâhe. ǁÎb ge ǀkhāǁhûi tama tsî a ǁamaǃkhunihe ǁoa. 18 ǁÎb ge ǂhanu-aise ǃguniǀgôan tsî ǃoataradi tsîna ra ûi-ū. ǃHaokhoenab ge ǀnam, tsîb ge ǁîna ǂûmā tsî ra ana. 19 ǁNā-amaga ǃhaokhoena ǀnam; sadu tsîn ge Egipteb ǃnâ ǃhaokhoe i xuige. 20 ǃKhūb sadu Eloba du ge nî ǃaoǃgâ; ǁîba ǀgoreǀî tsî ǁîb tawa nî hâǃari. ǁÎb ǀkha du ga mîmâisa dī, o ǁîb di ǀons ǃnâ ǁnāsa dī. 21 ǁÎba koa, ǁîb a sadu Elo xuige; ǁîb ge nē ǀgaisa, buruxa dīgu hoaga sadu mûǁae ge dī. 22 Sadu aboxagu ge Egipteb tawa gu ge sī, o hûdisis ǀguisa ge ī i, xaweb ge ǃKhūb sadu Eloba ǀhommi ǀgamiron kōse ge ǂguiǂgui du.
