Sauli surib di ǃgamhes
1 Davidi gaosis di ǁaeb ǃnâb ge ǃnona kurigu ǁaeba kai ǃâtsūǀkhāba ge hâ i. Tsî Davidi ge ǃKhūb ai a dî, ob ge ǃKhūba ge ǃeream: “Sauli tsî ǁîb omaris di ǀaoǂnâxūs, Gibeonǁînab ge ǃgams dis ǃaromas ge.” 2 Ob ge gao-aoba Gibeonǁîna ge ǂgai. ǁÎn ge Israelǁî tama ge hâ i, xawen ge ge Amorǁîn di ǃgau hâ ǃâro i. Israelǁîn ge ǁînan nî sâu ǃkhais di ǃgaeǀhao-e ǁîn ǀkha ge dī hâ i, xaweb ge Saula ega Israeli tsî Judab di khoen tsîn aib ūhâ ǂâis ǃaroma ǁîna hîkākāsa gere ôa-am. 3 Ob ge Davida Gibeonǁîna ge dî: “Tare-e ta nî dība du tsî mâti ta nî mādawa-am du, î du ǃKhūb di khoena ǀkhae?”
4 On ge Gibeonǁîna ge ǃeream: “Sida ge Sauli tsî ǁîb surib di ǀhaiǀurib tsî ǃhuniǀurib tsîna ǂhâba tama hâ tsî da ǁkhāti khoe-i xare-e Israeli ǃnâ ǃgam ǂgao tama hâ.”
Ob ge Davida ge dî: “Tare-e ta nî dība dusa du ra ǂgao?”
5 On ge ǁîna gao-aoba ge ǃeream: “Sauli ge sida gere hîkākā ǂgao tsî sidab ga ǃgamǂuisa gere ǁgūba, î-i ǀgui-i xare-i âda ǃaruǀî tā Israeli ǃnâ ûi. 6 A da hû khoega ǁîb di suriba xu māhe, î da ǁîga ǃKhūb aiǃâ, ǃKhūb di ǁhûiǂuisabeb, Sauli di ǃās Gibeas ǃnâ ǂgāmâi.”
Ob ge gao-aob Davida “ǁÎga ta ge nî mā du” ti ge mî.
7 Gao-aob ge Mefiboseti, Jonatanni ôaba ge ǀkhom, ǁîkha Davidi tsî Jonatanni, Sauli ôab tsîkha ǁaegu ge hâ i mîmâis ǃaroma. 8 Tsîb ge gao-aoba Armonib tsî Mefiboseti tsîkha, Ajab ôas Rispas ge Saula ǁorabakha ge ū, ǁkhātib ge koro ǀgôagu Sauli ôas Merabs ge Barsilaib, Meholaǁîb ôab Adriela ǁorabagu ona ge ū. 9 Tsîb ge ǁîga Gibeonǁîna ge māǁnâ, on ge ǁîga ǃhommi ai, ǃKhūb aiǃâ ge ǂgāmâi. Hoa hûgu ge ǀguipa ge ǁō. ǃHoroǃgaos tsoatsoas ǁaeb ǃnâs ge ǁîgu ge ǃgamhesa.
10 Os ge Ajab ôas Rispasa ǀhaosaraba ū tsî ǁîb ǀkha somsomǂam-e ǃhaob ai sorodi ǁgoepa ge dībasen. Tsîs ge ǁnāpa ge hâ ǃgaos tsoatsoasa xu ǀapiǁaeb tsoatsoas kōse. ǁÎs ge ǁkhana ra anina tsēa tsî ǀguruna tsuxuba sorode xu gere ǁkhaebē.
11 Tare-es ge Ajab ôas Rispas, Sauli xōǀkhātarasa dī ǃkhaisab ge mîbahe, ob ge Davida 12 Sauli tsî ǁîb ôab Jonatanni tsîkha di ǂkhōna Jabes, Gileadi ǃnâ ǂnôas khoena xu sī ge ū. ǁÎn ge nē ǂkhōna Betsans ǂgās tawan ǂgāmâihe hâpa xu sī ge ǃnariǁnā. Filisteǁîn ge sorode, Saulan ge Gilboaǃhommi ai ǃgam tsēs ai ǁnāpa ge ǂgāmâi hâ i. 13 ǁÎb ge Sauli tsî ǁîb ôab Jonatanni tsîkha di ǂkhōn tsî ǁkhāti nau khoegu ǁnāpa ge ǂgāmâihe hâ igu di ǂkhōn tsîna sī ge ū. 14 Tsî gu ge Sauli tsî Jonatanni tsîkha ǂkhōna Benjaminni ǃhūb ǃnâ Selas tawa Sauli îb Kisi ǀhobas ǃnâ ge ǁkhō. Hoa xūn ge gao-aob ge mîmā khami ge dīhe. ǁNās khaoǃgâb ge Eloba ǃhūb ra dībahe ǀgorede ge ǁnâu-am.
Davidi torogu Filisteǁîn ǃoagu
(1 Kroniks 20:4-8)15 ǀNî torob ge Filisteǁîn tsî Israelǁîn tsîn ǁaegu ǁkhawa ge hâ i. O gu ge Davidi tsî ǁîb khoegu tsîna Filisteǁîgu ǃoagu sī ge ǃkham tsîb ge Davida ge tsau. 16 Isbibenob, kaimâ khoegu di ǀguib, ǁaubexa ǃnona tsî ǃkhare kiloxramgu kōse ǃgom brons ǁhâigôaba gere tanib ge ǀasa ǁhâigôaba ge ūhâ i tsîb ge ǁîba Davidab ga ǃgam ǃkhaisa ge ǂâi. 17 Xaweb ge Serujas ôab Abisaiba, Davida hā hui tsî Filisteǁîba ǂnauǁgui tsî ge ǃgam. O gu ge Davidi khoega ǁîba ge mîmâiba: “Sats ge ǁkhawa sige ǀkha toroba ǃoa ǃgûǂoa tide, îs tā Israeli ǃamǀaesa ǀarihe, sats Israela ǃamǀaese ība xui-ao.”
18 ǁNās khaoǃgâb ge ǁkhawa toroba Filisteǁîn ǀkha Gobs tawa ge hâ i. ǁNā ǃkhammi ǃnâb ge Sibekaib, Husas diba kaimâ hâ khoeb, Sappai ti ǀon hâba ge ǃgam.
19 ǁKhawab ge ǀnî toroba Filisteǁîn ǃoagu Gobs tawa ge hâ i, tsîb ge Jaare-Oregimmi ôab, Elhananni Betlehems diba Goliati Gats diba ge ǃgam. Goliati ǁhâigôab ge kunis ǂgae-ūhaib kōse ge ǃnau i.
20 ǀNî torob ge Gats tawa ge hâ i. ǁNāpab ge kaimâ khoeb, ǃnani ǀkhunuga ge mâ ǀkhāb ǃommi hoab ai tsî ǃnani ǀkhunuga mâ ǀkhāb ǂais hoas ai, ǀhaob ai ǀgamdisihakaǀaga ge ūhâ iba ge hâ i. 21 ǁÎb ge Israelǁîna gere mîǁgaiǁgai, xaweb ge Davidi ǃgâsab Sammab di ôab, Jonatanni xa ge ǃgamhe.
22 Nē hakagu hoagu ge Gats di kaimâ hâ khoen di ôananôagub di ge i, tsî gu ge Davidi tsî ǁîb aogu xa ge ǃgamhe.
Sauli surib di ǃgamhes
1 Davidi gaosis di ǁaeb ǃnâb ge ǃnona kurigu ǁaeba kai ǃâtsūǀkhāba ge hâ i. Tsî Davidi ge ǃKhūb ai a dî, ob ge ǃKhūba ge ǃeream: “Sauli tsî ǁîb omaris di ǀaoǂnâxūs, Gibeonǁînab ge ǃgams dis ǃaromas ge.” 2 Ob ge gao-aoba Gibeonǁîna ge ǂgai. ǁÎn ge Israelǁî tama ge hâ i, xawen ge ge Amorǁîn di ǃgau hâ ǃâro i. Israelǁîn ge ǁînan nî sâu ǃkhais di ǃgaeǀhao-e ǁîn ǀkha ge dī hâ i, xaweb ge Saula ega Israeli tsî Judab di khoen tsîn aib ūhâ ǂâis ǃaroma ǁîna hîkākāsa gere ôa-am. 3 Ob ge Davida Gibeonǁîna ge dî: “Tare-e ta nî dība du tsî mâti ta nî mādawa-am du, î du ǃKhūb di khoena ǀkhae?”
4 On ge Gibeonǁîna ge ǃeream: “Sida ge Sauli tsî ǁîb surib di ǀhaiǀurib tsî ǃhuniǀurib tsîna ǂhâba tama hâ tsî da ǁkhāti khoe-i xare-e Israeli ǃnâ ǃgam ǂgao tama hâ.”
Ob ge Davida ge dî: “Tare-e ta nî dība dusa du ra ǂgao?”
5 On ge ǁîna gao-aoba ge ǃeream: “Sauli ge sida gere hîkākā ǂgao tsî sidab ga ǃgamǂuisa gere ǁgūba, î-i ǀgui-i xare-i âda ǃaruǀî tā Israeli ǃnâ ûi. 6 A da hû khoega ǁîb di suriba xu māhe, î da ǁîga ǃKhūb aiǃâ, ǃKhūb di ǁhûiǂuisabeb, Sauli di ǃās Gibeas ǃnâ ǂgāmâi.”
Ob ge gao-aob Davida “ǁÎga ta ge nî mā du” ti ge mî.
7 Gao-aob ge Mefiboseti, Jonatanni ôaba ge ǀkhom, ǁîkha Davidi tsî Jonatanni, Sauli ôab tsîkha ǁaegu ge hâ i mîmâis ǃaroma. 8 Tsîb ge gao-aoba Armonib tsî Mefiboseti tsîkha, Ajab ôas Rispas ge Saula ǁorabakha ge ū, ǁkhātib ge koro ǀgôagu Sauli ôas Merabs ge Barsilaib, Meholaǁîb ôab Adriela ǁorabagu ona ge ū. 9 Tsîb ge ǁîga Gibeonǁîna ge māǁnâ, on ge ǁîga ǃhommi ai, ǃKhūb aiǃâ ge ǂgāmâi. Hoa hûgu ge ǀguipa ge ǁō. ǃHoroǃgaos tsoatsoas ǁaeb ǃnâs ge ǁîgu ge ǃgamhesa.
10 Os ge Ajab ôas Rispasa ǀhaosaraba ū tsî ǁîb ǀkha somsomǂam-e ǃhaob ai sorodi ǁgoepa ge dībasen. Tsîs ge ǁnāpa ge hâ ǃgaos tsoatsoasa xu ǀapiǁaeb tsoatsoas kōse. ǁÎs ge ǁkhana ra anina tsēa tsî ǀguruna tsuxuba sorode xu gere ǁkhaebē.
11 Tare-es ge Ajab ôas Rispas, Sauli xōǀkhātarasa dī ǃkhaisab ge mîbahe, ob ge Davida 12 Sauli tsî ǁîb ôab Jonatanni tsîkha di ǂkhōna Jabes, Gileadi ǃnâ ǂnôas khoena xu sī ge ū. ǁÎn ge nē ǂkhōna Betsans ǂgās tawan ǂgāmâihe hâpa xu sī ge ǃnariǁnā. Filisteǁîn ge sorode, Saulan ge Gilboaǃhommi ai ǃgam tsēs ai ǁnāpa ge ǂgāmâi hâ i. 13 ǁÎb ge Sauli tsî ǁîb ôab Jonatanni tsîkha di ǂkhōn tsî ǁkhāti nau khoegu ǁnāpa ge ǂgāmâihe hâ igu di ǂkhōn tsîna sī ge ū. 14 Tsî gu ge Sauli tsî Jonatanni tsîkha ǂkhōna Benjaminni ǃhūb ǃnâ Selas tawa Sauli îb Kisi ǀhobas ǃnâ ge ǁkhō. Hoa xūn ge gao-aob ge mîmā khami ge dīhe. ǁNās khaoǃgâb ge Eloba ǃhūb ra dībahe ǀgorede ge ǁnâu-am.
Davidi torogu Filisteǁîn ǃoagu
(1 Kroniks 20:4-8)15 ǀNî torob ge Filisteǁîn tsî Israelǁîn tsîn ǁaegu ǁkhawa ge hâ i. O gu ge Davidi tsî ǁîb khoegu tsîna Filisteǁîgu ǃoagu sī ge ǃkham tsîb ge Davida ge tsau. 16 Isbibenob, kaimâ khoegu di ǀguib, ǁaubexa ǃnona tsî ǃkhare kiloxramgu kōse ǃgom brons ǁhâigôaba gere tanib ge ǀasa ǁhâigôaba ge ūhâ i tsîb ge ǁîba Davidab ga ǃgam ǃkhaisa ge ǂâi. 17 Xaweb ge Serujas ôab Abisaiba, Davida hā hui tsî Filisteǁîba ǂnauǁgui tsî ge ǃgam. O gu ge Davidi khoega ǁîba ge mîmâiba: “Sats ge ǁkhawa sige ǀkha toroba ǃoa ǃgûǂoa tide, îs tā Israeli ǃamǀaesa ǀarihe, sats Israela ǃamǀaese ība xui-ao.”
18 ǁNās khaoǃgâb ge ǁkhawa toroba Filisteǁîn ǀkha Gobs tawa ge hâ i. ǁNā ǃkhammi ǃnâb ge Sibekaib, Husas diba kaimâ hâ khoeb, Sappai ti ǀon hâba ge ǃgam.
19 ǁKhawab ge ǀnî toroba Filisteǁîn ǃoagu Gobs tawa ge hâ i, tsîb ge Jaare-Oregimmi ôab, Elhananni Betlehems diba Goliati Gats diba ge ǃgam. Goliati ǁhâigôab ge kunis ǂgae-ūhaib kōse ge ǃnau i.
20 ǀNî torob ge Gats tawa ge hâ i. ǁNāpab ge kaimâ khoeb, ǃnani ǀkhunuga ge mâ ǀkhāb ǃommi hoab ai tsî ǃnani ǀkhunuga mâ ǀkhāb ǂais hoas ai, ǀhaob ai ǀgamdisihakaǀaga ge ūhâ iba ge hâ i. 21 ǁÎb ge Israelǁîna gere mîǁgaiǁgai, xaweb ge Davidi ǃgâsab Sammab di ôab, Jonatanni xa ge ǃgamhe.
22 Nē hakagu hoagu ge Gats di kaimâ hâ khoen di ôananôagub di ge i, tsî gu ge Davidi tsî ǁîb aogu xa ge ǃgamhe.
