Judab gao-aob Josiab
(2 Kroniks 34:1-2)1 Josiab ge disiǁkhaisaǀa kurixab a hîa Judab di gao-ao kai tsî ǃnonadisiǀguiǀa kuriga Jerusalems ǃnâ gere ǂgaeǂgui. ǁÎb îs ge Jedida ti ge ǀon hâ i, Adajab, ǃās Boskats dib di ôasa. 2 Josiab ge ǃKhūba a ǃgâibana gere dī; ǁîb ge ǁîb aboxab gao-aob Davidi aiǁgausa gere sao tsî Elob ǂhanuba hoaragase ge ǁnâuǀnam hâ i.
ǂHanub di ǂkhanis ge ra hōhe
(2 Kroniks 34:8-28)3 Disiǁkhaisaǀaǁî kurib ǁîb ǂgaeǂguis dib ǃnâb ge Josiaba gao-ommi xoa-aob Safanni, Asaliab ôab, Mesulammi ǁnuriba sao ra mîmās ǀkha Tempeli ǁga ge sî. 4 “ǀGapipristeri Hilkiab ǁga ǃgû, îb ǁîba Tempeli dao-ams tawa ra ǃoaba pristergu ge khoena xu a ǀhaoǀhao marin di ǃgôaba ǂanǂan te. 5 Mîba bi, îb ǁnā mari-e Tempela dī-unus ǁguiǂamsa ūhâ khoega mā. ǁÎgu ge 6 ǃnaokuru-aogu, omaogu tsî ǂnubiǂgoakuru-aogu tsîna matare tsî hain tsî ǀuidi ommi ra dī-unu-ūhena nî ǁama. 7 Nē sîsenna a ǁguiǂamsa khoegu ge a ǂhauǃnâ, ǁnā-amaga i ge ǁîga mari-i ǂama ǃnuriba māsa ǂgaoǀkhāsa ǂhâbasa tama hâ.”
8 Safanni ge gao-aob mîmāsa a hā-ūba bi, ob ge Hilkiaba ǂhanub di ǂkhanis ge Tempeli ǃnâ a hōhe ǃkhaisa ǁîba ge mîba. Hilkiab ge ǂkhanisa Safanna ge mā tsîb ge ǁîsa ge khomai. 9 ǁNās khaoǃgâb ge gao-aob ǁga oa tsî sī ge ǂhôa: “Sa ǃgāgu ge Tempeli ǃnâ go hâ i mari-e ū tsî omma dī-unus ǁguiǂamsa ūhâ khoega go mā.” 10 Tsîb ge ǃaruǀî “Nēpa ta ge Hilkiab go mā te ǂkhani-e ūhâ” ti mî tsî gao-aoba ǁîsa xu ge khomaiba.
11 Gao-aob ge ǂkhanis ǃnâ xoasa mîdeb ge ǁnâu, o ǃhuri tsî saran âba ǀkhau 12 tsî prister Hilkiab tsî Safanni ôab Ahikammi tsî Mikajab ôab Akbori tsî xoa-aob Safanni tsî gao-aob di ǂamkhoeb tsîga ge mîmā: 13 “ǃGû, î nē ǂkhanis ǃnâ mā mîdi ǂama tita tsî Judab khoen tsîda ǃKhūb tawa sī ǀape-ôaba. ǃKhūb ge sida ǀkha ǁaixa hâ, sida aboxagu ge nē ǂkhanis, dī da nîsa ra ǂgaoǀkhā da xūna dī tama i amaga.”
14 O gu ge Hilkiab, Ahikammi, Akbori, Safanni tsî Asajab tsîga kēbo-aos Huldas, ǀasa ǃâs Jerusalems dis ǃnâ ge ǁan hâ is ǁga ge ǀape-ôaǃgû. (ǁÎs aob Salummi, Tikwab ôa tsî Harhab ǁnurib ge Tempelsaran ǂama ge mûǂamao i.) ǁÎgu ge ī ge xūna a mîǃāba si, 15 os ge ǁîsa ǁîga ge mîba, î gu gao-aob ǃoa oa tsî ǁîba 16 sao ra ǂhôas ǃKhūba xu hâsa sī mîba: “Tita ge Jerusalems tsî ǁîs di ǁanǂgāsaben tsîna gao-aob go khomai ǂkhanis ǃnâ i a xoamâisa khami nî ǁkhara. 17 ǁÎn ge tita ǁnāxū tsî ǀkhara eloga ǁguibade gere hā-ūba, tsîn ge dīn ge xūn hoan ǀkha tita ge ǁaiǁai. Tita ge Jerusalems ǂama kaise ge ǁaixa tsî ti ǁaib ge toa tide. 18 Tsî gao-aob xasa, nēti ta ge tita ǃKhūta, Israeli Elota ra mî: Sats ge ǂkhanis ǃnâ a xoasa mîde go ǃgaoǃgâ. 19 Sats ge ǃhobasen tsî ti aiǃâ ǃgamǃgamsen tsî saran âtsa ǀkhau tsî go ā, mâti ta Jerusalems tsî ǁîs ǁanǂgāsaben tsîna ra ǁkhara ǂgao ǃkhaisats go ǁnâuo. Tita ge ǁîsa ǃaoǃaosa ǃkhais, ǁîs di ǀonsan khoena ǀâxarese nî sîsenūs ase nî ī kai. Xawe ta ge sa ǀgoresa go ǁnâu, 20 tsîb ge nē ǁkharab Jerusalems ǂama ta nî hā-ūba sa ǁōb khaoǃgâ ǀgui nî ī. Sats ge ǂkhîb ǃnâ nî ǁō.”
O gu ge ǁîga gao-aob Josiab ǁga nē ǂhôas ǀkha ge oa.
Judab gao-aob Josiab
(2 Kroniks 34:1-2)1 Josiab ge disiǁkhaisaǀa kurixab a hîa Judab di gao-ao kai tsî ǃnonadisiǀguiǀa kuriga Jerusalems ǃnâ gere ǂgaeǂgui. ǁÎb îs ge Jedida ti ge ǀon hâ i, Adajab, ǃās Boskats dib di ôasa. 2 Josiab ge ǃKhūba a ǃgâibana gere dī; ǁîb ge ǁîb aboxab gao-aob Davidi aiǁgausa gere sao tsî Elob ǂhanuba hoaragase ge ǁnâuǀnam hâ i.
ǂHanub di ǂkhanis ge ra hōhe
(2 Kroniks 34:8-28)3 Disiǁkhaisaǀaǁî kurib ǁîb ǂgaeǂguis dib ǃnâb ge Josiaba gao-ommi xoa-aob Safanni, Asaliab ôab, Mesulammi ǁnuriba sao ra mîmās ǀkha Tempeli ǁga ge sî. 4 “ǀGapipristeri Hilkiab ǁga ǃgû, îb ǁîba Tempeli dao-ams tawa ra ǃoaba pristergu ge khoena xu a ǀhaoǀhao marin di ǃgôaba ǂanǂan te. 5 Mîba bi, îb ǁnā mari-e Tempela dī-unus ǁguiǂamsa ūhâ khoega mā. ǁÎgu ge 6 ǃnaokuru-aogu, omaogu tsî ǂnubiǂgoakuru-aogu tsîna matare tsî hain tsî ǀuidi ommi ra dī-unu-ūhena nî ǁama. 7 Nē sîsenna a ǁguiǂamsa khoegu ge a ǂhauǃnâ, ǁnā-amaga i ge ǁîga mari-i ǂama ǃnuriba māsa ǂgaoǀkhāsa ǂhâbasa tama hâ.”
8 Safanni ge gao-aob mîmāsa a hā-ūba bi, ob ge Hilkiaba ǂhanub di ǂkhanis ge Tempeli ǃnâ a hōhe ǃkhaisa ǁîba ge mîba. Hilkiab ge ǂkhanisa Safanna ge mā tsîb ge ǁîsa ge khomai. 9 ǁNās khaoǃgâb ge gao-aob ǁga oa tsî sī ge ǂhôa: “Sa ǃgāgu ge Tempeli ǃnâ go hâ i mari-e ū tsî omma dī-unus ǁguiǂamsa ūhâ khoega go mā.” 10 Tsîb ge ǃaruǀî “Nēpa ta ge Hilkiab go mā te ǂkhani-e ūhâ” ti mî tsî gao-aoba ǁîsa xu ge khomaiba.
11 Gao-aob ge ǂkhanis ǃnâ xoasa mîdeb ge ǁnâu, o ǃhuri tsî saran âba ǀkhau 12 tsî prister Hilkiab tsî Safanni ôab Ahikammi tsî Mikajab ôab Akbori tsî xoa-aob Safanni tsî gao-aob di ǂamkhoeb tsîga ge mîmā: 13 “ǃGû, î nē ǂkhanis ǃnâ mā mîdi ǂama tita tsî Judab khoen tsîda ǃKhūb tawa sī ǀape-ôaba. ǃKhūb ge sida ǀkha ǁaixa hâ, sida aboxagu ge nē ǂkhanis, dī da nîsa ra ǂgaoǀkhā da xūna dī tama i amaga.”
14 O gu ge Hilkiab, Ahikammi, Akbori, Safanni tsî Asajab tsîga kēbo-aos Huldas, ǀasa ǃâs Jerusalems dis ǃnâ ge ǁan hâ is ǁga ge ǀape-ôaǃgû. (ǁÎs aob Salummi, Tikwab ôa tsî Harhab ǁnurib ge Tempelsaran ǂama ge mûǂamao i.) ǁÎgu ge ī ge xūna a mîǃāba si, 15 os ge ǁîsa ǁîga ge mîba, î gu gao-aob ǃoa oa tsî ǁîba 16 sao ra ǂhôas ǃKhūba xu hâsa sī mîba: “Tita ge Jerusalems tsî ǁîs di ǁanǂgāsaben tsîna gao-aob go khomai ǂkhanis ǃnâ i a xoamâisa khami nî ǁkhara. 17 ǁÎn ge tita ǁnāxū tsî ǀkhara eloga ǁguibade gere hā-ūba, tsîn ge dīn ge xūn hoan ǀkha tita ge ǁaiǁai. Tita ge Jerusalems ǂama kaise ge ǁaixa tsî ti ǁaib ge toa tide. 18 Tsî gao-aob xasa, nēti ta ge tita ǃKhūta, Israeli Elota ra mî: Sats ge ǂkhanis ǃnâ a xoasa mîde go ǃgaoǃgâ. 19 Sats ge ǃhobasen tsî ti aiǃâ ǃgamǃgamsen tsî saran âtsa ǀkhau tsî go ā, mâti ta Jerusalems tsî ǁîs ǁanǂgāsaben tsîna ra ǁkhara ǂgao ǃkhaisats go ǁnâuo. Tita ge ǁîsa ǃaoǃaosa ǃkhais, ǁîs di ǀonsan khoena ǀâxarese nî sîsenūs ase nî ī kai. Xawe ta ge sa ǀgoresa go ǁnâu, 20 tsîb ge nē ǁkharab Jerusalems ǂama ta nî hā-ūba sa ǁōb khaoǃgâ ǀgui nî ī. Sats ge ǂkhîb ǃnâ nî ǁō.”
O gu ge ǁîga gao-aob Josiab ǁga nē ǂhôas ǀkha ge oa.
