Xristub* di khâis
1 ǃGâsado, ǁnā ǃGâiǂhôas sado ta gere aoǁnâbas, ǁîsa du ge ǃkhōǃoas tsî du ǁîs ǃnâ ǁaposase mâsa ta ge nēsi ra ǂâiǂâiǃnâ du. 2 Tita ra aoǁnâna du ga ǃkhōǀgaipe, o du ge nē ǃGâiǂhôas ǃnâ-u ra ǃgâiǃō kaihe, ǁnāti ga ī tama io, o du ge ǁause ge ǂgom.
3 Sado ta ge tita tsîn ge ǃkhōǃoa-i, kaise ǂhâǂhâsa-e ra mā; Xristub ge sada ǁoren ǃaroma ge ǁō, Xoadi ǃnâ i a xoamâisa khami. 4 ǁÎb ge ǁkhōhe tsî ǃnonaǁî tsēs ai ge khâi, Xoadi ǃnâ i xoamâisa khami 5 tsî Kefab tsî ǁnās khaoǃgâ disiǀgamǀa apostelgu* xa ge mûhe. 6 ǁNās khaoǃgâb ge ǁkhā ǁaeb ai korokaidisisa ǃnā hâ ǂgomsaben, ǁîna xun ge ǀnîna ǁō, xawen ǃnāsana nēsis kōse ûitsaman xa ge mûhe. 7 ǁNās khaoǃgâb ge Jakobub xa tsî ega apostelgu hoagu xa ge mûhe.
8 ǀUnis aib ge ǁkhāti tita ǁaeb ai ǃnae tama ta xas tsîna ge mûhe. 9 Tita ge apostelgu hoagu xa a ǂkhari tsî apostelse ǂgaihesa anu tama hâ, Elob di kerkheba ta gere ǃgôaǃgon amaga. 10 Xawe Elob di ǀkhomma xus ge nē ta ī khami ta isa tsî ǀkhommi âb ge tita tawa ǁause ī tama ge i, o ta ge ǁîgu hoagu ǃgâ-ai gere sîsen tsî ta ge tita ǁîsa dī tama, xawe Elob ǀkhommi tita ǀkha hâb ge ǁîsa ge dī. 11 Tita kas, ǁîgu kas hoasa ge ge ǀgui xūna gere aoǁnâ tsî ǁîn ge sadu ge ǂgomna.
ǁŌ hân di khâis
12 Xristub ge ǁō hâna xu khâi ǃkhais ga aoǁnâheo, mâtin ǁnâi ǀnîn âdo a mî ǁkhā ǁō hân khâis hâ tama ti? 13 Tsî ǁō hân khâis ǀkhais ka, ob ge Xristub tsîna khâi tama hâ. 14 Tsî Xristub ga ǁōba xu khâi tama i, os ge sige aoǁnâs tsî sadu ǂgoms tsîna ǁkhāti a ǁau. 15 Tsîs ge ǁnāsa, ǂhumi ǃkhō-amsa ge Elob xa ra mā ti ra ǂâibasen, ǁîb ge Xristuba ǁōba xu ǂkhaiǂkhai ti da ra ǃkhō-am xui-ao, xawe i ga ǁō hân ûiba ǃoa ǂkhaiǂkhaihe tama ǃkhaisa ama, ob ge ǁîba Xristuba ǁōba xu ǂkhaiǂkhai tama hâ. 16 ǁŌ hân ga ǂkhaiǂkhaihe tama i, ob ge Xristub tsîna ǁō hâna xu ǂkhaiǂkhaihe tama hâ. 17 Tsî Xristub ga ǂkhaiǂkhaihe tama hâ io, os ge sadu ǂgomsa a ǁau, tsî du ge noxopa sadu ǁoren ǃnâ hâ. 18 On ge ǁkhāti Xristub ǃnâ ge ǁōna ge kāǁō. 19 Nē ûib ǀguib ǃaroma da ga Xristub ǃnâ ǃâubasensa ūhâ, o da ge ǃhūbaib ai hâ khoen hoan xa a ǀkhomǀkhomsa.
20 Xawe Xristub ge amase ǁō hâna xu khâi hâ tsîb ge ǁō gen di ǂguro. 21 ǁŌb ge khoe-i ǃnâ-u ge hā, amagas ge ǁkhāti ǁō hân khâisa khoeb ǃnâ-u ge hā. 22 Adammi khami da a khoe, xui-ao da ge hoada ra ǁō, ǁnās ǁkhās khamin ge hoana Xristub ǃnâ nî ûi-ûihe. 23 Xawe mâ-i hoa-i ge ǁî-i ǃnās ai ǁōba xu nî ǂkhaiǂkhaihe: Xristub ge ǂgurose ǁōba xu ge ǂkhaiǂkhaihe tsî ǁîb di oahās ǃnân ge ǁîb dina ǁōba xu nî ǂkhaiǂkhaihe. 24 Tsîs ge ǀamsa nî hā; Xristub ge hoaraga gagasi ǂamkhoesib, gaosib tsî ǀgaiba nî hîkākā tsî Gaosiba Elob, ǁGûba nî māǁnâ. 25 Xristub ge nî gaosîsen, Elob hoaraga khākhoena hîkākā tsî ǁîb ǂaira ǃnaka nî ǁguis kōse. 26 ǀUni khākhoeb, hîkākāhe nîb ge ǁōba. 27 Xoas ra mî khami: “Elob ge hoana ǁîb di ǂaira ǃnaka ge ǁgui.” Tsî ǁîb ǁkhāsiba hoan ǂamai ūhâ ti i ga mîhe, o i ge Eloba ǃkhōǂgā tama hâ, ǁîb ge ǁkhāsiba Xristuba mā amaga. 28 Xawe hoan ga Xristub ǂgaeǂguis ǃnaka mâihe, ob ge ǀGôab hoan ge ǁîb ǃnaka mâiheb ǂûba Elob ǃnaka nî mâisen, tsîb ge Eloba hoan ǂama nî ǀhonkhoe.
29 ǁŌ hân ga ǂkhaiǂkhaihe tama io, tare-en khoena nî dī, ǁō hân ǃaroma ra ǁāǁnâhena, ǁō hân ga tātsēs tsîna ǂkhaiǂkhaihe tama io, tare-i ǃaroman ǁîna ganupe ǁō hân ǃaroma ra ǁāǁnâheba? 30 Tare-i ǃaroma ge sige hoaǁae ǃaorosasib ǃnâ hâ? 31 ǃGâsado, tsēkorobe ta ge ǁōb xa ra ǃoahe. Tsî i ge a ama tsî ta ge tita ǂnīsasiba ūhâ Xristub Jesub sada ǃKhūb ǃnâ, ǁîb ra sadu ǃnâ sîsen ǀgaub ǀkha. 32 ǀGurun ǃoagu ta ga Efeses ǃnâ khoesi ǀgaub ǃaroma ǃkham hâo, tare xū-e i ga harebeba te hâ? ǁŌ hân ga ǂkhaiǂkhaihe tama io, “A da ǂû tsî ā, ǁari da nî ǁō xuige.”
33 Tā ǁnāti ī xūna ra ǃhoan xa ǂgaeǂhapuhe: “Tsū ǀhōsan ge ǃgâi hâba ra ǁgaoǁgao.” 34 ǂHanuse ǂâi, î tā ǁore, ǀnîn ge Eloba ǂan tama hâ, sadu taosib ase ta ǁîsa ra mîba du.
Soros di khâis
35 Xawe i ge ǀgui-e nî dî: “Mâtin kha ǁō hâna nî ǂkhaiǂkhaihe? Mâ soroǃnôa-en kha nî ūhâ?” 36 Gâtse! Tsorots ra-i ge ûi tama, aibe i ǁō tama hâ hîa. 37 Tsî tsorots ra-i kom ǃkhomro-i ǀgui-eo, ǃhorob kas, nau ǃkhomǃnôan kas hoasa. 38 Xaweb ge Eloba ǁî-e ǂgaob ra khami ī soro-e ra mā, tsîb ge mâ ǃkhomǃnôa-i hoa-e ǁî-i soros ǂûsa ra mā.
39 Mâ ǁgan-i hoa-i ge ǀgui tama hâ, xawe i ge khoen di ǁgan-e hâ, xamarin di-e hâ, anin di-e hâ tsî ǁaun di-i tsîna hâ.
40 Tsî di ge ǀhomsi sorodi tsî ǃhūbaisi sorode hâ, xawe ǂkhaisib ǀhomsi sorodi dib ge ǃhūbaisi sorodi diba xu a ǀkhara. 41 ǀKhara ǂkhaisi-i ge sores di-e, ǀkhara ǂkhaisi-i ge ǁkhâb di-e, ǀkhara ǂkhaisi-i ge ǀgamiron di-e, ǀgui ǀgamiro-i nau ǀgamiro-e xu ǂkhaisib ǃnâ a ǃkharaga xui-ao.
42 ǁNās ǁkhās khamis ge ǁkhāti ǁō hân di ǂkhaiǂkhaihesa nî ī. Sada ǃhūbaisi sorodi ge ǁkhōhe diga o ra ǁgao, xawe sada ǂkhaiǂkhaihesa sorodi ge a ǁgaoǁoasa. 43 Sada ǃhūbaisi sorodi ge ǃgôaoǃnâse ra tsorohe, xawe ǀgaib ǃnâ ra ǂkhaiǂkhaihe. Sada ǃhūbaisi sorodi ge ǂkhabusasib ǃnâ ra tsorohe tsî ǂkhaisib ǃnâ ra ǂkhaiǂkhaihe. 44 ǂŪsi soro-i ge ra tsorohe, xawe gagasi soro-i ge ra ǂkhaiǂkhaihe. ǂŪsi soro-i ge hâ, tsî-i ge ǁkhāti gagasi soro-i tsîna hâ. 45 ǁNāti i ge ǁkhāti xoamâihe hâ: “ǂGuro khoeb, Adammi ge ge ûitsama ǀom kai” ǀuni Adammi ge ge ûi-ûi ra gaga kai. 46 Gagasi soros ge ǂguro tama hâ. ǂGuros ge ǂūsi sorosa hâ tsî ǁnās khaoǃgâ gagasi sorosa. 47 ǂGuro khoeb ge ǃhūba xu hâ, ǃhūba xu ge kuruheba tsî ǀgamǁî khoeb ge ǀhomma xu ge hā. 48 ǃHūb dib ge ī is ǁkhās khamin ge ǃhūb dina ī tsî ǀhomma xu hâ khoeb īs ǁkhās khamin ge ǁkhāti ǀhommi dina ī. 49 Tsî ǃhūba xu kuruhe hâ khoeb di ība da gere tanis ǁkhās khami da ge ǁkhāti Xristub ǀhommi dib di ība nî tani.
50 ǃGâsado, nēsa ta ra mî, soros tsî ǀaob tsîra Elob Gaosiba a ǀumi ǁoas ǁkhās khami i ge ǁgao nî-e ǁgaoǁoasa-e a ǀumi ǁoa. 51 Mû, ǂganǃgâsi-e ta sado ra mîba. Hoada ge ǁō tide, xawe da ge hoada nî ǀkharaǀkharahe. 52 ǁAero-i ǃnâ, ǀgui mûsǀapirob ǃnâ, ǀuni xâiǁnâs ra ǀō hîa, xâiǁnâs ga xâihe on ge ǁō hâna, ǁō ǁoan ase nî ǂkhaiǂkhaihe tsî da ge sada hoada nî ǀkharaǀkharahe. 53 ǂHâbasa i ge a nē ǁgao ǁkhā soros nî ǁgaoǁoasa soros ǀkha anahe tsîs nî ǁō rasa ǁōǁoasa soros ǀkha anahe ǃkhaisa. 54 Xawes ga ǁgao nî sorosa ǁgaoǁoasa soros ǀkha anahe tsîs ga ǁō rasa ǁōǁoasa soros ǀkha anahe, os ge xoasa nî ama: “ǁŌb ge go hîkākāhe; dans ge go dīǀoaǀoahe.”
55 “ǁŌtse, mâpas sa dansa hâ?
ǁŌtse, mâpab sa ǃkhāǁkhūba hâ?”
56 ǃKhāǁkhūb ǁōb dib ge ǁoreba tsî ǀgaib ǁoreb dib ge ǂhanuba. 57 Ab Eloba ganganhe re, ǃKhūb Jesub Xristub ǃnâ-u ge sada dansa māba.
58 ǁNā-amaga, ti ǀnamsa ǃgâsado, mâhō, ǁnobeǁoasase i, î du ǃaruǀîǀgui ǃKhūb di sîsenni ǃnâ ǀaro, ǃKhūb di ǃoabas ǃnâ du ra dī sîsenni, ǁau tama ǃkhaisa du a ǂan xuige.
Xristub* di khâis
1 ǃGâsado, ǁnā ǃGâiǂhôas sado ta gere aoǁnâbas, ǁîsa du ge ǃkhōǃoas tsî du ǁîs ǃnâ ǁaposase mâsa ta ge nēsi ra ǂâiǂâiǃnâ du. 2 Tita ra aoǁnâna du ga ǃkhōǀgaipe, o du ge nē ǃGâiǂhôas ǃnâ-u ra ǃgâiǃō kaihe, ǁnāti ga ī tama io, o du ge ǁause ge ǂgom.
3 Sado ta ge tita tsîn ge ǃkhōǃoa-i, kaise ǂhâǂhâsa-e ra mā; Xristub ge sada ǁoren ǃaroma ge ǁō, Xoadi ǃnâ i a xoamâisa khami. 4 ǁÎb ge ǁkhōhe tsî ǃnonaǁî tsēs ai ge khâi, Xoadi ǃnâ i xoamâisa khami 5 tsî Kefab tsî ǁnās khaoǃgâ disiǀgamǀa apostelgu* xa ge mûhe. 6 ǁNās khaoǃgâb ge ǁkhā ǁaeb ai korokaidisisa ǃnā hâ ǂgomsaben, ǁîna xun ge ǀnîna ǁō, xawen ǃnāsana nēsis kōse ûitsaman xa ge mûhe. 7 ǁNās khaoǃgâb ge Jakobub xa tsî ega apostelgu hoagu xa ge mûhe.
8 ǀUnis aib ge ǁkhāti tita ǁaeb ai ǃnae tama ta xas tsîna ge mûhe. 9 Tita ge apostelgu hoagu xa a ǂkhari tsî apostelse ǂgaihesa anu tama hâ, Elob di kerkheba ta gere ǃgôaǃgon amaga. 10 Xawe Elob di ǀkhomma xus ge nē ta ī khami ta isa tsî ǀkhommi âb ge tita tawa ǁause ī tama ge i, o ta ge ǁîgu hoagu ǃgâ-ai gere sîsen tsî ta ge tita ǁîsa dī tama, xawe Elob ǀkhommi tita ǀkha hâb ge ǁîsa ge dī. 11 Tita kas, ǁîgu kas hoasa ge ge ǀgui xūna gere aoǁnâ tsî ǁîn ge sadu ge ǂgomna.
ǁŌ hân di khâis
12 Xristub ge ǁō hâna xu khâi ǃkhais ga aoǁnâheo, mâtin ǁnâi ǀnîn âdo a mî ǁkhā ǁō hân khâis hâ tama ti? 13 Tsî ǁō hân khâis ǀkhais ka, ob ge Xristub tsîna khâi tama hâ. 14 Tsî Xristub ga ǁōba xu khâi tama i, os ge sige aoǁnâs tsî sadu ǂgoms tsîna ǁkhāti a ǁau. 15 Tsîs ge ǁnāsa, ǂhumi ǃkhō-amsa ge Elob xa ra mā ti ra ǂâibasen, ǁîb ge Xristuba ǁōba xu ǂkhaiǂkhai ti da ra ǃkhō-am xui-ao, xawe i ga ǁō hân ûiba ǃoa ǂkhaiǂkhaihe tama ǃkhaisa ama, ob ge ǁîba Xristuba ǁōba xu ǂkhaiǂkhai tama hâ. 16 ǁŌ hân ga ǂkhaiǂkhaihe tama i, ob ge Xristub tsîna ǁō hâna xu ǂkhaiǂkhaihe tama hâ. 17 Tsî Xristub ga ǂkhaiǂkhaihe tama hâ io, os ge sadu ǂgomsa a ǁau, tsî du ge noxopa sadu ǁoren ǃnâ hâ. 18 On ge ǁkhāti Xristub ǃnâ ge ǁōna ge kāǁō. 19 Nē ûib ǀguib ǃaroma da ga Xristub ǃnâ ǃâubasensa ūhâ, o da ge ǃhūbaib ai hâ khoen hoan xa a ǀkhomǀkhomsa.
20 Xawe Xristub ge amase ǁō hâna xu khâi hâ tsîb ge ǁō gen di ǂguro. 21 ǁŌb ge khoe-i ǃnâ-u ge hā, amagas ge ǁkhāti ǁō hân khâisa khoeb ǃnâ-u ge hā. 22 Adammi khami da a khoe, xui-ao da ge hoada ra ǁō, ǁnās ǁkhās khamin ge hoana Xristub ǃnâ nî ûi-ûihe. 23 Xawe mâ-i hoa-i ge ǁî-i ǃnās ai ǁōba xu nî ǂkhaiǂkhaihe: Xristub ge ǂgurose ǁōba xu ge ǂkhaiǂkhaihe tsî ǁîb di oahās ǃnân ge ǁîb dina ǁōba xu nî ǂkhaiǂkhaihe. 24 Tsîs ge ǀamsa nî hā; Xristub ge hoaraga gagasi ǂamkhoesib, gaosib tsî ǀgaiba nî hîkākā tsî Gaosiba Elob, ǁGûba nî māǁnâ. 25 Xristub ge nî gaosîsen, Elob hoaraga khākhoena hîkākā tsî ǁîb ǂaira ǃnaka nî ǁguis kōse. 26 ǀUni khākhoeb, hîkākāhe nîb ge ǁōba. 27 Xoas ra mî khami: “Elob ge hoana ǁîb di ǂaira ǃnaka ge ǁgui.” Tsî ǁîb ǁkhāsiba hoan ǂamai ūhâ ti i ga mîhe, o i ge Eloba ǃkhōǂgā tama hâ, ǁîb ge ǁkhāsiba Xristuba mā amaga. 28 Xawe hoan ga Xristub ǂgaeǂguis ǃnaka mâihe, ob ge ǀGôab hoan ge ǁîb ǃnaka mâiheb ǂûba Elob ǃnaka nî mâisen, tsîb ge Eloba hoan ǂama nî ǀhonkhoe.
29 ǁŌ hân ga ǂkhaiǂkhaihe tama io, tare-en khoena nî dī, ǁō hân ǃaroma ra ǁāǁnâhena, ǁō hân ga tātsēs tsîna ǂkhaiǂkhaihe tama io, tare-i ǃaroman ǁîna ganupe ǁō hân ǃaroma ra ǁāǁnâheba? 30 Tare-i ǃaroma ge sige hoaǁae ǃaorosasib ǃnâ hâ? 31 ǃGâsado, tsēkorobe ta ge ǁōb xa ra ǃoahe. Tsî i ge a ama tsî ta ge tita ǂnīsasiba ūhâ Xristub Jesub sada ǃKhūb ǃnâ, ǁîb ra sadu ǃnâ sîsen ǀgaub ǀkha. 32 ǀGurun ǃoagu ta ga Efeses ǃnâ khoesi ǀgaub ǃaroma ǃkham hâo, tare xū-e i ga harebeba te hâ? ǁŌ hân ga ǂkhaiǂkhaihe tama io, “A da ǂû tsî ā, ǁari da nî ǁō xuige.”
33 Tā ǁnāti ī xūna ra ǃhoan xa ǂgaeǂhapuhe: “Tsū ǀhōsan ge ǃgâi hâba ra ǁgaoǁgao.” 34 ǂHanuse ǂâi, î tā ǁore, ǀnîn ge Eloba ǂan tama hâ, sadu taosib ase ta ǁîsa ra mîba du.
Soros di khâis
35 Xawe i ge ǀgui-e nî dî: “Mâtin kha ǁō hâna nî ǂkhaiǂkhaihe? Mâ soroǃnôa-en kha nî ūhâ?” 36 Gâtse! Tsorots ra-i ge ûi tama, aibe i ǁō tama hâ hîa. 37 Tsî tsorots ra-i kom ǃkhomro-i ǀgui-eo, ǃhorob kas, nau ǃkhomǃnôan kas hoasa. 38 Xaweb ge Eloba ǁî-e ǂgaob ra khami ī soro-e ra mā, tsîb ge mâ ǃkhomǃnôa-i hoa-e ǁî-i soros ǂûsa ra mā.
39 Mâ ǁgan-i hoa-i ge ǀgui tama hâ, xawe i ge khoen di ǁgan-e hâ, xamarin di-e hâ, anin di-e hâ tsî ǁaun di-i tsîna hâ.
40 Tsî di ge ǀhomsi sorodi tsî ǃhūbaisi sorode hâ, xawe ǂkhaisib ǀhomsi sorodi dib ge ǃhūbaisi sorodi diba xu a ǀkhara. 41 ǀKhara ǂkhaisi-i ge sores di-e, ǀkhara ǂkhaisi-i ge ǁkhâb di-e, ǀkhara ǂkhaisi-i ge ǀgamiron di-e, ǀgui ǀgamiro-i nau ǀgamiro-e xu ǂkhaisib ǃnâ a ǃkharaga xui-ao.
42 ǁNās ǁkhās khamis ge ǁkhāti ǁō hân di ǂkhaiǂkhaihesa nî ī. Sada ǃhūbaisi sorodi ge ǁkhōhe diga o ra ǁgao, xawe sada ǂkhaiǂkhaihesa sorodi ge a ǁgaoǁoasa. 43 Sada ǃhūbaisi sorodi ge ǃgôaoǃnâse ra tsorohe, xawe ǀgaib ǃnâ ra ǂkhaiǂkhaihe. Sada ǃhūbaisi sorodi ge ǂkhabusasib ǃnâ ra tsorohe tsî ǂkhaisib ǃnâ ra ǂkhaiǂkhaihe. 44 ǂŪsi soro-i ge ra tsorohe, xawe gagasi soro-i ge ra ǂkhaiǂkhaihe. ǂŪsi soro-i ge hâ, tsî-i ge ǁkhāti gagasi soro-i tsîna hâ. 45 ǁNāti i ge ǁkhāti xoamâihe hâ: “ǂGuro khoeb, Adammi ge ge ûitsama ǀom kai” ǀuni Adammi ge ge ûi-ûi ra gaga kai. 46 Gagasi soros ge ǂguro tama hâ. ǂGuros ge ǂūsi sorosa hâ tsî ǁnās khaoǃgâ gagasi sorosa. 47 ǂGuro khoeb ge ǃhūba xu hâ, ǃhūba xu ge kuruheba tsî ǀgamǁî khoeb ge ǀhomma xu ge hā. 48 ǃHūb dib ge ī is ǁkhās khamin ge ǃhūb dina ī tsî ǀhomma xu hâ khoeb īs ǁkhās khamin ge ǁkhāti ǀhommi dina ī. 49 Tsî ǃhūba xu kuruhe hâ khoeb di ība da gere tanis ǁkhās khami da ge ǁkhāti Xristub ǀhommi dib di ība nî tani.
50 ǃGâsado, nēsa ta ra mî, soros tsî ǀaob tsîra Elob Gaosiba a ǀumi ǁoas ǁkhās khami i ge ǁgao nî-e ǁgaoǁoasa-e a ǀumi ǁoa. 51 Mû, ǂganǃgâsi-e ta sado ra mîba. Hoada ge ǁō tide, xawe da ge hoada nî ǀkharaǀkharahe. 52 ǁAero-i ǃnâ, ǀgui mûsǀapirob ǃnâ, ǀuni xâiǁnâs ra ǀō hîa, xâiǁnâs ga xâihe on ge ǁō hâna, ǁō ǁoan ase nî ǂkhaiǂkhaihe tsî da ge sada hoada nî ǀkharaǀkharahe. 53 ǂHâbasa i ge a nē ǁgao ǁkhā soros nî ǁgaoǁoasa soros ǀkha anahe tsîs nî ǁō rasa ǁōǁoasa soros ǀkha anahe ǃkhaisa. 54 Xawes ga ǁgao nî sorosa ǁgaoǁoasa soros ǀkha anahe tsîs ga ǁō rasa ǁōǁoasa soros ǀkha anahe, os ge xoasa nî ama: “ǁŌb ge go hîkākāhe; dans ge go dīǀoaǀoahe.”
55 “ǁŌtse, mâpas sa dansa hâ?
ǁŌtse, mâpab sa ǃkhāǁkhūba hâ?”
56 ǃKhāǁkhūb ǁōb dib ge ǁoreba tsî ǀgaib ǁoreb dib ge ǂhanuba. 57 Ab Eloba ganganhe re, ǃKhūb Jesub Xristub ǃnâ-u ge sada dansa māba.
58 ǁNā-amaga, ti ǀnamsa ǃgâsado, mâhō, ǁnobeǁoasase i, î du ǃaruǀîǀgui ǃKhūb di sîsenni ǃnâ ǀaro, ǃKhūb di ǃoabas ǃnâ du ra dī sîsenni, ǁau tama ǃkhaisa du a ǂan xuige.
