ǃGaeǀhaos ǂGaes ge Kirjat-Jearimsa xu ra doe-ūhe
(2 Samuel 6:1-11)1 Gao-aob Davidi ge ǁîb ǂamkhoegu, ǂgaeǂguisa ge ǀguiǀoadisigu tsî ǀguikaidisigu ǂama ūhâ igu ǀkha ge ǀapeǀape. 2 ǁNās khaoǃgâb ge hoaraga Israelǁîn ǀhûhâsiba ge ǂanǂan: “ǃGâibahe du ka, tsî ǃKhūb sada Elob di ǂâis kao, a da nau Israelǁîn hoan tsî pristergu tsî Leviǁîgu, ǁîn di ǃādi ǃnâ hâgu tsîna sîsabegu ǀkha haisiba, în nēpa sada ǀkha hā ǀhao, 3 î da ǃGaeǀhaos ǂGaes Elob disa sī ū. Sauli gaosis ǁaeb ǃnâ da ge ǁîsa ǁaeǁaesenu tama ge hâ i.” 4 Os ge hoaraga ǁaesa ǁnās xa ge ǃgâibahe tsîn ge ǁnātin nî dīsa ge mîǀgui.
5 Ob ge Davida hoaraga Israelǁîn, Egipteb ǃhūǀgoras, ǃkhawagas ǃnâ ǁgoesa xu Hamats ǀapas ǃnâ ǁgoes kōse hân hoana ge ǀhaoǀhao, îs ǃGaeǀhaos ǂGaesa Kirjat-Jearimsa xu Jerusalems ǁga ǃgû-ūhe. 6 On ge Davidi tsî ǁaes tsîna Baalas, ǁnās ge Kirjat-Jearimsa, Judab ǀkharib ǃnâ ǂnôas ǁga ge ǃgû, ǃGaeǀhaos ǂGaes Elob disan sī nî ūse; ǁnā ǂgaes, ǃKhūb, xerukha ǂamai hâb di ǀonsa ūhâsa. 7 ǁÎn ge Abinadab oms tawa ǃGaeǀhaos ǂGaesa ǀasa kunis ai ge ǃnao. Usab tsî Ahiob tsîkha ge kunisa gere ai-aiba 8 Davidi tsî Israelǁaes tsîn Elob ǃgôasiba ǃoa ǀgaisase ra ǂnā hîa. ǁÎn ge ǁnae tsî harpdi, ǃkhomǃkharurudi, ǀganaǀōxūdi tsî xâiǁnâdi tsîna garu gere ǀkhō.
9 Tsî Kidonni ǃhorodāǃnâǃkhais tawan ra sī, hîa kha ge gomakha ge ǃnôa, ob ge Usaba ǃGaeǀhaos ǂGaesa, ǁnās tidega ge ǂhē. 10 Ob ge ǃKhūba Usab ǀkha ǁaixa tsî ǁîba ǂgaesab ge tsâǀkhā ǃkhais ǃaroma ge ǃgam, tsîb ge ǁnā ǃkhais ǂûs ai ge ǁō. 11 Ob ge Davida ǃKhūb ge Usaba ǁkhara ǃkhais xa kaise ǂkhîoǃnâ tsî ǁnā ǃkhaisa Peres-Usa ti ge ǀonǂgai, tsîs ge nētsēs kōse ti a ǂansa.
12 Ob ge Davida Eloba ǃao tsî ge mî: “Mâti ta kha ǁnâi ǃGaeǀhaos ǂGaes Elob disa, nēsi tita ǃoa nî hā-ū?” 13 Davidi ge ǃGaeǀhaos ǂGaesa ǁîb di ǃās Jerusalems ǁga sī-ū ǂgao tama ge i tsîb ge ǁîsa unu tsî Obed-Edommi, Gats dib di oms tawa ge sī-ū kai. 14 ǃGaeǀhaos ǂGaes ge ǃnona ǁkhâga Obed-Edommi oms ǃnâ ge mâ tsîb ge ǃKhūba Obed-Edommi tsî ǁîb omaris din hoana ge ǀkhae.
ǃGaeǀhaos ǂGaes ge Kirjat-Jearimsa xu ra doe-ūhe
(2 Samuel 6:1-11)1 Gao-aob Davidi ge ǁîb ǂamkhoegu, ǂgaeǂguisa ge ǀguiǀoadisigu tsî ǀguikaidisigu ǂama ūhâ igu ǀkha ge ǀapeǀape. 2 ǁNās khaoǃgâb ge hoaraga Israelǁîn ǀhûhâsiba ge ǂanǂan: “ǃGâibahe du ka, tsî ǃKhūb sada Elob di ǂâis kao, a da nau Israelǁîn hoan tsî pristergu tsî Leviǁîgu, ǁîn di ǃādi ǃnâ hâgu tsîna sîsabegu ǀkha haisiba, în nēpa sada ǀkha hā ǀhao, 3 î da ǃGaeǀhaos ǂGaes Elob disa sī ū. Sauli gaosis ǁaeb ǃnâ da ge ǁîsa ǁaeǁaesenu tama ge hâ i.” 4 Os ge hoaraga ǁaesa ǁnās xa ge ǃgâibahe tsîn ge ǁnātin nî dīsa ge mîǀgui.
5 Ob ge Davida hoaraga Israelǁîn, Egipteb ǃhūǀgoras, ǃkhawagas ǃnâ ǁgoesa xu Hamats ǀapas ǃnâ ǁgoes kōse hân hoana ge ǀhaoǀhao, îs ǃGaeǀhaos ǂGaesa Kirjat-Jearimsa xu Jerusalems ǁga ǃgû-ūhe. 6 On ge Davidi tsî ǁaes tsîna Baalas, ǁnās ge Kirjat-Jearimsa, Judab ǀkharib ǃnâ ǂnôas ǁga ge ǃgû, ǃGaeǀhaos ǂGaes Elob disan sī nî ūse; ǁnā ǂgaes, ǃKhūb, xerukha ǂamai hâb di ǀonsa ūhâsa. 7 ǁÎn ge Abinadab oms tawa ǃGaeǀhaos ǂGaesa ǀasa kunis ai ge ǃnao. Usab tsî Ahiob tsîkha ge kunisa gere ai-aiba 8 Davidi tsî Israelǁaes tsîn Elob ǃgôasiba ǃoa ǀgaisase ra ǂnā hîa. ǁÎn ge ǁnae tsî harpdi, ǃkhomǃkharurudi, ǀganaǀōxūdi tsî xâiǁnâdi tsîna garu gere ǀkhō.
9 Tsî Kidonni ǃhorodāǃnâǃkhais tawan ra sī, hîa kha ge gomakha ge ǃnôa, ob ge Usaba ǃGaeǀhaos ǂGaesa, ǁnās tidega ge ǂhē. 10 Ob ge ǃKhūba Usab ǀkha ǁaixa tsî ǁîba ǂgaesab ge tsâǀkhā ǃkhais ǃaroma ge ǃgam, tsîb ge ǁnā ǃkhais ǂûs ai ge ǁō. 11 Ob ge Davida ǃKhūb ge Usaba ǁkhara ǃkhais xa kaise ǂkhîoǃnâ tsî ǁnā ǃkhaisa Peres-Usa ti ge ǀonǂgai, tsîs ge nētsēs kōse ti a ǂansa.
12 Ob ge Davida Eloba ǃao tsî ge mî: “Mâti ta kha ǁnâi ǃGaeǀhaos ǂGaes Elob disa, nēsi tita ǃoa nî hā-ū?” 13 Davidi ge ǃGaeǀhaos ǂGaesa ǁîb di ǃās Jerusalems ǁga sī-ū ǂgao tama ge i tsîb ge ǁîsa unu tsî Obed-Edommi, Gats dib di oms tawa ge sī-ū kai. 14 ǃGaeǀhaos ǂGaes ge ǃnona ǁkhâga Obed-Edommi oms ǃnâ ge mâ tsîb ge ǃKhūba Obed-Edommi tsî ǁîb omaris din hoana ge ǀkhae.
